2016年6月9日 星期四

摩摩電影節之《竊聽風雲(Overheard)》:黑警的假值投資

跟七警一脈相承,黑警的格言就是:
竊聽小組隊員阿俊(劉青雲飾)、楊仔(古天樂飾)、和祥仔(吳彥祖飾)三人潛入老千股風華國際的總部安裝偷聽器,與商業罪案調查科一起調查風華國際(8822)涉嫌造市的犯罪行為:

竊聽小組偷聽咗一輪,犯罪證據沒掌握到,卻先提了黃腳雞。原來商業罪案調查科的女探員馬麗(陸詩韻飾)背着重案組高層男朋友偷偷地「吃」了男同事(陳偉霆飾),以為奸夫「沒有人知道是誰」,但是卻給竊聽小組偷聽到了,果然是「未調查先興奮」:

黑警裡面的風流賬真是污煙瘴氣,鏡頭一轉就講到阿俊原來趁上司兼朋友光仔(方中信飾)婚姻亮起紅燈,搞上了他的老婆兼自己的舊情人Mandy(張靜初飾),朋友妻咪走雞,果然識食;而光仔更是又傻又天真的要求奸夫阿俊公器私用,在家裝偷偷聽器企圖找出奸夫竟然視《基本法》如無物:
第三十條
香港居民的通訊自由和通訊秘密受法律的保護。除因公共安全和追查刑事犯罪的需要,由有關機關依照法律程序對通訊進行檢查外,任何部門或個人不得以任何理由侵犯居民的通訊自由和通訊秘密。

另一方面,雖然祥仔的月薪只有可恥的兩萬多元,但憑着其帥氣的外表,認識了有個土豪爸爸的未婚妻。土豪爸爸更要祥仔趁下個月結婚,索性辭職,去他公司做食Q阿頭,薪金比689更要優勝,又不用在垃圾會被癲狗追住來咬,官不聊生:

同樣只得兩萬多月薪的楊仔發現了自己患癌只得一年命的事實,為了給老婆仔女留下一點心意,便利用竊聽得來的內幕資料,趁返夜班監聽之便,日間便到股票行開戶將全副身家二十萬元投入風華國際;同時祥仔疑似俾未來外父的土豪味激親,「不甘受辱」之下怒借五百萬孖展:

不幸的是,這天正是星期五,8字頭的創業版股份風華國際大升,升到連大利市機都出錯,現價$0.7,最高價竟然是$0.215。楊仔覺得賺幾百萬遠遠不夠財務自由,正想施展無限補時絕投,升又唔放跌又唔放,結果就係遇上風華被證監調查而要停牌渡周末:

價值大師說風華的價值只值$0.15,楊仔和祥仔深怕「價格始終會回到價值」,震過貓王。楊仔更因「擅自挪用家庭存款戶口」東窗事發,老婆一怒之下帶了仔女返外家:

由於風華國際主要股東羅耀明(李子雄飾)肆意將股價舞高弄低,鋒芒太露,惹得幕後老闆馬志華(王敏德飾)不滿,要殺人滅口。竊聽三人組不能見死不救,營救了羅,但俊的樣子卻跟躲在暗角、穿着比堅尼洗澡的秘書情人朝了相。馬老闆不甘損失,要求另外主要股東托價,風華復牌後更大升至兩元多(雖然最高價依然是$0.215),不但明剃證監眼眉,更將價值大師的「價值回歸論」殺個屁滾尿流。竊聽三人組獲利甚豐,卻惹來上司的懷疑;可笑的是祥仔用自己的戶口去買股票,還又天真又傻地以為沒證據可給查到:

三人到警局消滅證據,卻給羅的情人秘書兼馬老闆的無間道墥上了。馬老闆派人行刺三人,祥仔死去,楊仔身受重傷,俊的情人與及情敵光仔又在槍彈中飲彈而亡,俊也給抓住帶到山邊處決,好在炒股竊聽小組炒風華國際贏了大錢,「錢解決到的問題就不是」,收買對方的殺手(歐錦棠飾)也是保命方法之一。做殺手嘅,都係想財務自由啫:

一年後,死過返生的俊,冒着告馬老闆唔入會被反咬誹謗之險,配合警方的拘捕行動,在慈善籌款晚會中播出馬老闆的犯罪證據。神奇地在一年內無咗半邊身卻依然能奇跡地行得走得的楊仔,更以terminator的姿態,潛入馬老闆的七人車,在載他到警署的途中衝入大海,自我感覺良好地為妻兒復仇:
***
正經:查實港慘片的場務道具(例如大利市機畫面),可唔可以認真啲呢?真係一眼睇落去就知穿崩,開市、高低價、升跌幅跟本不合理,亦不配合劇情...

24 則留言:

  1. 朱慧敏真係好正

    亞力士

    回覆刪除
    回覆
    1. 死火...初初睇我以為係滕麉名... ~_~

      刪除
    2. 如果多幾個咁嘅港,個個毒男都愛回家攬女喇,邊得閒上街掟磚?

      刪除
  2. +0.125上到0.7,即係前收市價係0.575 (冇可能,0.5以上,每格係1仙,即0.01)
    一係你老屈佢除淨啦...
    同一日,+0.204上到0.73停牌??前收市價可以同一日之內跌到0.526??
    復牌當日前收市價係0.185??

    媽啊~ 我好亂啊~

    回覆刪除
    回覆
    1. //+0.125上到0.7,即係前收市價係0.575

      但係計升幅%又啱喎!

      //前收市價可以同一日之內跌到0.526??

      更攞命的是主角開市掃入500萬元, 作價0.27, 但開市價竟是0.526...

      刪除
  3. 死火,我在兩大電影台睇過N次,竟然都無發現個大利事介面出錯!

    第1集最簡單,最好睇係第2集,第3集時政意味最重,但人物故事有d亂。

    3個故事全無關係,3個男角在3集的形象都全不相同,尤以吳彥祖差別最大,算係新一代扮乜似乜的男演員(上一代是吳鎮宇同任達華)

    回覆刪除
    回覆
    1. //竟然都無發現個大利事介面出錯!

      港豬:「睇戲就係唔想用腦,睇得咁細心做乜喎!」

      //最好睇係第2集

      睇咗第2集,不過無乜靈感寫, 啲bug真係勁多,例如吳彥祖從何得到軍事訓練及裝備?老人院基金幾條友為乜要做假身份證?

      //3個男角在3集的形象都全不相同

      我反而鍾意古天樂在第1集的造型... 曾江...係我心中永遠的岳不群, 皮笑肉不笑咁對住令狐沖, 真係極度入型入格.

      刪除
    2. 曾江響我自小嘅記憶裏面(是否算透露了年齡?)係 IQ 博士裏含住酸梅乾的超人

      刪除
  4. Mr Magician嗰電影database真係好多貨喎!

    Btw, 我因家人在電視台任職關係,頻道内的電影幾乎全free...但有時選擇太多,反而培養唔到獨特的品味,我亦覺自己浪費了好資源=(

    回覆刪除
    回覆
    1. //Mr Magician嗰電影database真係好多貨喎!

      剛突破了500條entries

      //頻道内的電影幾乎全free...

      自從安裝了音響設備,就完全無動力在電視睇電影了.

      刪除
    2. 500 entries ~ 嘩真係慘過排街症喎!

      音響真係好重要,我屋企部電視load電影時,成日窒下窒下要restart的=_=

      刪除
    3. 另有一事想請教魔術師兄:

      蔣匡文的書,我已買了兩本。對照番,我一名友人的家是由兩個單位打通,呈L型,廚房剛好落在"L"型内直線和橫線的交接點。這仍算是"火燒心"嗎?

      刪除
    4. 500 entries係包括已睇同未睇/未買。

      我依家除非係房,如果係廳睇電視新聞都要auto駁喇叭出,否則真係無質感。

      刪除
    5. 我本來只想當風水是参考,但眼見身邊某些熟人確是較多頭暈身熱。所以有機會想幫下眼、當環境科學睇下都好,謝謝你的解答呢=)

      刪除
    6. //我一名友人的家是由兩個單位打通,呈L型,廚房剛好落在"L"型内直線和橫線的交接點。這仍算是"火燒心"嗎?

      我覺得唔算. 「火燒心」係指廚房在屋中段, 例如你將個L字 extrapolate 成為一個長方形,由入屋到屋盡頭分三段,或打交叉劃對角線,中心點附近才算是火燒心.

      刪除
    7. 謝魔術師兄的詳細解答=D 凡是正方/長方以外的樓則,我都覺得較難分析呢~

      刪除
    8. 可以用extrapolation法將缺角的空間「填」上去。

      刪除
    9. "可以用extrapolation法將缺角的空間「填」上去。"

      相信用此方法看風水的單位會愈來愈多,因近年發展商劏哋盤愈來愈苛刻,三角/菱形/M巾型/鑽石廳~ 間屋細到連喘息的空間都冇,仲講到哋乜風水呢=/

      刪除
    10. //三角/菱形/M巾型/鑽石廳~ 間屋細到連喘息的空間都冇,仲講到哋乜風水呢=/

      所以呢啲屋係先天不足的, 貼俾我都唔住.

      刪除
  5. 講開吳鎮宇同任達華, 佢地上年有套, 仲有我極愛既譚耀文

    亞力士

    回覆刪除
  6. //例如吳彥祖從何得到軍事訓練及裝備?老人院基金幾條友為乜要做假身份證?

    戲中唔記得邊度交代過吳彥祖在新加坡當兵的,不過裝備無詳細交代,的確是短板。
    老人院基金幾條友做假身份證是要俾吳彥祖用佢地身份租屋裝偷聽設備(呢樣我有留言幾張假野,都係吳彥祖扮老個樣來的)

    //睇咗第2集,不過無乜靈感寫

    最緊要都係第三集,有丁權、圍村、地產霸、美帝投行、海龜蝗、特衰貪官,魔兄唔憂無靈感嘞.

    //我反而鍾意古天樂在第1集的造型... 曾江...係我心中永遠的岳不群, 皮笑肉不笑咁對住令狐沖, 真係極度入型入格.

    古天樂第二集好似抄摩佬的,吳彥祖我估係里奧費甸南。
    曾江第三集會做圍村村長

    //講開吳鎮宇同任達華, 佢地上年有套, 仲有我極愛既譚耀文

    《衝鋒車》~
    橋段幾好的(小巴改裝扮衝鋒車打劫),但敘事手法只算ok,一看無妨,卻未能到小弟推薦高度也.

    回覆刪除
    回覆
    1. //戲中唔記得邊度交代過吳彥祖在新加坡當兵的

      真?我又無留意. 只係記得祖自老豆(胡楓)死後便長期在老人院陪阿媽.

      //最緊要都係第三集,有丁權、圍村、地產霸、美帝投行、海龜蝗、特衰貪官,魔兄唔憂無靈感嘞.

      得得得, 呢個weekend睇

      //橋段幾好的(小巴改裝扮衝鋒車打劫),但敘事手法只算ok,一看無妨,卻未能到小弟推薦高度也.

      港產片之王果然有要求!

      刪除