2017年2月28日 星期二

收租仔之屋

記者妹一嚟就道出咗起碼一生兩宅收租仔的心聲:買磚頭可以保值,個個月又有穩定收入,係唔少人的退休大計,不過最緊要的就係要掌握到入市時機云云(35:40 — 46:30):
樓盤傳真 2017/02/11 2017/02/11 22:54

嘉華啟德區嘉匯一房五百八十五萬元入場,長實牛潭尾意花園以稅項回贈迎戰,並提供五年期過渡性貸款,但對紓緩首期壓力作用有限。
轉投二手樓,準買家也不容易上車。即使堅尼地城嘉輝花園二百八十呎單位,業主也索價四百六十八萬元。
鴨脷洲南區左岸有三成半成交,業主購入相連單位,但如計劃打通未必可行。關鍵是露台是否用盡豁免面積,花近億元置業卻有可能失預算。
家有三位活寶貝,家居設計以小童為先,容許四圍走動和大量玩具櫃,還有捉迷藏小機關。
業主有幾個單位收租的收租仔,自住樓都成1500萬,有三隻年紀好細的「小朋友」(由幾個月大到6歲不等),當然係金叵籮,設計又係要以討小魔怪歡心為重點;另外呂字型廳,廳與廳之間通道較窄,裡面個飯廳比較暗,亦需要改善:

設計師先將原客牆拆去,變成書房,用玻璃間牆,據稱可以「引入光線」(左上、右上);但都經過咗成間房咁深,啲光線唔知仲剩返幾多,可能結果都係要靠開燈(左中)。電視牆與書房之間有轉角櫃,用來擺親子玩具(右中)同埋魔術師最睇唔順眼的影樓超作狀家庭照(左下,紅圈)。廚房同樣用玻璃間牆,油煙多肯定抹餐死;優點又係透光同埋女戶主(定工人姐姐?)煮飯時可以見到小魔怪的一舉一動;餐椅花過心思,墊高咗變成兒童關愛座(右下,紅圈):

原來主人房同客房都有個疑似衣帽間或衣櫃位,無端端有幾道牆阻住哂(左上),設計師將呢啲牆都拆了,移正主人房門,調整好套廁馬桶位(右上,紅圈);客房就拆牆變成仔房同埋造衣櫃(右上);主人房連按書房的轉角位又做櫃用來擺玩具,真係玩少一陣都好似會死咁(左中)。廚房原本有工人房同工人廁(右中),但工人姐姐的私淫空間略嫌過大,便再重新佈局,將工人姐姐張床架到工人廁的馬桶上(真係良心雇主,三隻小魔怪一定會備受工人姐姐的愛護,「快高長大」),以便留出空間給廚房用(左下、右下):

書房非常大,一條大直路,拉開玻璃門就可以同囝囝一齊跑來跑去(左上)。書房有一半係造花呢綠的櫃放玩具(真係放極都放唔完,右上)。出奇地,收租仔戶主都睇唔少書,於是便以白板來做書櫃門,又可以供小魔怪塗鴉(左中)。設計師仲玩埋小明小明小小明,整咗個暗格棺材房由書房通到客廳,應該係學西人那些 private space 的概念(右中,左下)。不過又唔係以為戶主好西,原來玄關位有換鞋位置,學埋日本仔咁要囝囝在門口換好拖鞋先入屋,夠哂有家教:

其實呢位設計師走平實路線係 okay 的,好似主人房(左上)、套廁(右上)等,grand grand 地又唔使太花巧(比鎢絲 sir 嗰啲水泥牆同監倉式馬桶正常得多了);就算係仔房都只係少許童真設計,波浪型樓梯和書架仔等,算是不太浮誇,小魔怪大啲就會拆咗佢再裝潢(左下、右下)。由此路進,究竟個廳同書房嗰啲白痴設計係咪用來滿足收租仔戶主的 kidult 心態呢?

12 則留言:

  1. D细路要乜有乜,一街D人呻生活逼人,一街D細路過住高等生活。唔比優質生活,又怕細路自悲,唔比既,又可能以為人天生平等,個個好生活。

    回覆刪除
    回覆
    1. 「最好嘅嘢留俾仔女,唔通有錯咩?」

      刪除
    2. 視乎「好嘢」係乜啦!

      刪除
    3. 總之就係人地有嘅阿仔會有,人地無嘅阿仔都會有喇!

      刪除
  2. 今次呢個設計單位算幾平實,係個暗格比較古怪

    回覆刪除
    回覆
    1. //係個暗格比較古怪

      我即時諗起《國家殺戮日》第一集.

      刪除
  3. 回覆
    1. 又要拆牆又要鋪水喉, 你咪當設計師係個project manager 囉!

      刪除
  4. //廚房同樣用玻璃間牆

    總係覺得有三隻小魔怪的家庭(仲係全都6歲以下), 好易發生意外......

    回覆刪除
  5. 做乜搞嗰洞好似狗洞咁捐嚟捐去??

    又嚟工人瞓廁所。原本獨立廁所好好哋,又嚟虐待工人,上埋電視仲唔覺得羞恥,有前科都仲未覺醒....呀sor,一定喺支那新移民嚟嘅....

    回覆刪除
    回覆
    1. //做乜搞嗰洞好似狗洞咁捐嚟捐去??
      我第一眼都覺係狗洞.

      //原本獨立廁所好好哋,又嚟虐待工人
      唔知係咪「識得利用馬桶上方空間」會令人覺得自己係醒目設計師呢?

      刪除