2017年3月27日 星期一

88+689=777

88者,拜拜也。拜拜689,咁就變咗777!
行政長官選舉林鄭以 777 票當選 更新:2017/03/26 19:17

香港第一位女特首誕生,行政長官選舉一輪投票定出勝負,林鄭月娥以 777 票超過 65% 得票率勝出,獲泛民選委支持的曾俊華取得 365 票,至於胡國興就只得 21 票。換言之,林鄭月娥當選第五屆行政長官,比提名時多了近 200 票,亦比上屆梁振英得票多。林鄭月娥表示,首要工作是修補撕裂、解開鬱結,會以紮實政績贏取市民支持,希望大家給她機會和時間。
台上民望最高的不是她,但 777 票,決定 7 月 1 日開始,由她掌握香港最高權力。率先上台祝賀的,是丈夫林兆波及大兒子林節思。
台上分享勝利,台下就以口號「贈慶」,記者會成為候任特首的林鄭月娥,挽著丈夫的手再次出場,發表勝選宣言。林鄭月娥表示,選舉已經結束,她會馬上約見立法會各黨派,建立恆常溝通,組班亦會廣納賢能、不論派別。
在中央力挺下當選,將來如果中央與港人有矛盾,林鄭月娥有沒有能力向中央說不?曾經指「看不到有需要」,當選後拜訪中聯辦的林鄭月娥,現在說未來幾日會到訪中聯辦,及另外兩個中央駐港機構。
成為香港史上第一名女特首,林鄭月娥指希望以身作則,鼓勵更多女性參政,不過,要向一個人說對不起。她預告星期一會落區,答謝市民。
1. D,做乜在宣佈結果的一刻,人地糊官成70歲人啲反應仲好似好過 hea 曾咁!呢個 hea 曾 hea 到就連鼓掌都唔識,一碌葛咁企係度,唔通係太大打擊,接受唔到事實?


2. 又係販民班友死剩把口,又來「我要斟普洱」。做乜唔打埋黃傘,好似班大學雞搞畢業禮咁?


3. 當日「官到無求膽自大」,結果今天就更上一層樓。傷民反共,殺人政權又唔係今日先知,林鄭根本就唔需要「膽識」先敢向上匯報吧?不過講還講,最尾嗰句就真係浮誇得濟。咩叫「無私心」?唔出糧俾你得唔得?


4. 傷民就係咁鬼麻煩。盲光成入美帝大使館就當係英雄;林鄭當選特首咁大件事,入一入終亂辦打個招呼就係謝票,咁搞法豈不是變咗孽瘤2.0?


5. 哈哈!結婚三十二年,聚少離多都可以生到兩件出嚟,原來「若然二人只是閒時小聚,自然可以喚起柔情蜜意,對情感就有保鮮作用」係真架(見佛爺《分居親密關係》(溫馨提示:切勿在辦公室或女伴面前打開此網頁))!
6. 做乜上圖畫面右手邊個助手妹妹係度扮游小三?
***
【敗選感言】曾俊華哽咽:多謝市民給我回憶 夠我咀嚼一生
立場新聞 2017/3/26 — 15:52

林鄭月娥以 777票當選行政長官。落選的曾俊華表示,相信香港只要仍然有有心人,就仍然有希望。他又一度哽咽,感謝市民為他帶來的回憶,足夠他咀嚼一生。
曾俊華:即使球隊踢得幾好 都未必能勝出
曾俊華表示,坦然接受今次的選舉結果,並恭喜林鄭當選。他坦言曾想過自己可以像巴塞隆拿的經典勝仗般能反敗為勝,「現實是即使球隊踢得幾好,又有球迷的支持,還不斷入波,都未必能必定勝出」。
他呼籲支持者不要為今次選舉結果感到氣餒,亦不能忘記初衷,應該繼續為香港的和解而努力。他指希望香港要信任、團結、希望並不是口號,而是相信這是香港當前的答案,亦認為林鄭在此方面與他想法一致。
籲各界放下己見 以包容態度迎接未來五年
曾俊華又讚林鄭是非常能幹的人,希望大家給予她機會,協助她履行特首的使命,共同捍衛香港的核心價值。他向提名及投票予自己的選委表示,遺憾令到他們失望,感謝他們「頂住莫大壓力」,信任他的理念及民意。但他形容現在是「放下己見」的時候,呼籲各位以包容態度迎接未來五年。
他又感激其戰友,除了家人及團隊之外,亦包括自發組成的「薯仔」義工,還有有份參與眾籌的市民。他又謂:「我相信香港只要繼續有你們這些有心人,就仍然有希望。憑一口氣,點一盞燈,念念不忘,必有迴響。靠這些燈火,我相信我們必定可以點亮香港的未來。」
要「瞓幾日」再思考去向 拒做Regina2.0
曾俊華一度眼泛淚光,哽咽道:「我永遠不會忘記那日在美孚,有一位先生專程由屯門飛的過來,要當面為我打氣;我亦記得西九龍中心,劉太兩母女為了扭蛋襟章不怕排長龍,再寫文章在網上支持我。」
他又特別提到日前有數千市民在愛丁堡廣場的集會,「在愛丁堡廣場,幾千位市民化成一個由光編織成的海洋,為團結的香港發出最真誠的祝願。多謝你們每一位,他們給我的回憶,足夠我咀嚼一生」。
被記者問到會否加入新班子,曾俊華稱未有想到如此長遠,想「訓返幾日」再去思考這些嚴肅的問題。對於會否參與新東補選,曾俊華笑言:「我唔想做Regina2.0呀!」至於有何建議予林鄭,曾俊華坦言泛民對林鄭的支持較低,認為她要努力和泛民多作溝通。
對於他曾形容林鄭是獨裁者,如今他稱若對方是獨裁者,都希望是和善的獨裁者,又指新加坡前總理李光耀亦說過,「咁係最有效嘅政府」。
以足球喻選戰:「每一場波都有茅波」
曾俊華形容投票予自己的選委,是「頂住莫大的壓力」,被記者追問所謂的「壓力」是甚麼。曾俊華回應指選委是壓力,來自「自己如何考慮」,未有正面回應壓力的來源。
對於曾俊華指球隊踢得好都未能勝出,有記者問是否因為有「黑哨」。曾俊華回應指,輸波只是因為對手入球更多。記者追問是否有人「打茅波」,他表示:「每一場波都有茅波,咁可以罰波嘛。」
他表示不希望香港人移民,亦相信香港人根本不想移民,呼籲大家繼續抱有夢想,將來總有一日會成真。
7. Hea 曾貴為龍獅足球隊粉媽,睇波有 like 呃,依家竟然一時話「現實是即使球隊踢得幾好,又有球迷的支持,還不斷入波,都未必能必定勝出」,一時又話「輸波只是因為對手入球更多」,「每一場波都有茅波」。咁你要學巴塞咁反敗為勝,起碼都要有「打和」的本錢先得架!人地入波多過你,係咪都係代表「踢得好」?仲有學桂神話齋,「好運好過好波」喎!講到打茅波;人地茅你都可以茅嘅啫,巴塞、曼聯等成日都有「無限補時」,咁又點計數?
8. 「曾俊華又讚林鄭是非常能幹的人,希望大家給予她機會,協助她履行特首的使命,共同捍衛香港的核心價值。」呢句真係怪怪的。Hea 曾自己主打傷補撕要,依家輸咗就要施捨返啲民望俾林鄭地乎?如果唔係,幾時輪到 hea 曾出聲叫人「俾機會」林鄭?
9. 「對於會否參與新東補選,曾俊華笑言:『我唔想做Regina2.0呀!』」無可否認,hea 曾講呢啲輕輕鬆鬆的佻皮話係有一手的,唔似得董伯、貪曾、689、同林鄭咁板起臉孔咁古肅,咁 unapproachable(妹頭都係咁形容魔術師)。可能所謂民望高,就係 approachable,(觀感上)「親和力」夠喇!畢竟,perception is THEIR reality 嘛!
10. 「對於他曾形容林鄭是獨裁者,如今他稱若對方是獨裁者,都希望是和善的獨裁者,又指新加坡前總理李光耀亦說過,『咁係最有效嘅政府』。」D,原來 hea 曾係 buy 李姿整嗰套,咁殺人政權都不以好有效率喎!販民「認賊作父」,叫班粉絲情何以堪?
曾俊華落敗感言全文:不要為結果失望氣餒 這場夢已改變了香港
立場新聞 2017/3/26 — 17:11

【文:曾俊華】
各位香港市民,
我們的選委已經作出了他們的選擇,我坦然接受今次選舉的結果。
我都衷心祝賀Carrie當選,成為下一屆的行政長官。
我曾經想過,自己或許可以好像巴塞隆拿的那場經典勝仗一樣,在完場前一刻反敗為勝。但是現實就是,即使球隊踢得多麼好,又有球迷支持,還不斷入球,都未必能夠一定勝出。
無論如何,我希望所有支持我的朋友,不要為今日的選舉結果感到氣餒,不要將輸贏看得太重,更千萬不可以忘記我們的初衷,大家一定要繼續為香港的和解努力。我之所以提出香港需要信任、團結、希望,並不是因為我需要一個口號;而是我真的相信,它們就是當前香港最需要的答案。更重要的,是我相信Carrie在這一點上面,看法是和我一致的。
我認識Carrie很久,也共事很多年,她是一位非常勤力和能幹的人,這場選戰不只改變了我,我相信亦一定觸動了她。在這裏,我請大家給她一個機會,協助她履行行政長官的使命,一起捍衛香港的核心價值,重燃希望,讓香港可以變得更好。
很多位提名我,以及投票給我的選委。我很遺憾令你們失望。我知道,你們一定不會認為我是一個完美的人選,但是你們仍然可以頂住莫大的壓力,不單只信任我,更信任我背後的理念,信任支持我的民意。你們的勇氣和你們的堅持,我相信大家是看得見的。不過,現在是放下己見的時候,我呼籲各位不妨以包容的態度,去迎接即將到來的五年,因為我們一定要一齊努力,去彌補我們失去了的五年。
我當然要感謝過去兩個多月,同我一齊並肩作戰的戰友。我的戰友不單只有我的家人,和「幾多錢都買不到」的頂級競選團隊,還包括自發組成的「薯仔」義工,他們即使日曬雨淋,但是始終都是帶著笑容。我要感謝各位有份透過眾籌或者支票捐助給我的朋友,沒有你們慷慨解囊,我的競選工程根本無法啟動。最後我要感謝所有為這場選舉出過力的朋友,全靠你們的努力,以及無私、無怨、無悔的付出,才令到我們有這個機會為香港打一場令人難忘的選戰,令我們可以堅持到今天這個終點。你們都是有心人,我相信,香港,只要繼續有你們這些有心人,就仍然有希望。憑一口氣,點一盞燈;念念不忘,必有迴響。靠着這些燈火,我相信我們必定可以點亮香港的未來。
趁着今天這個機會,我要向三個月前我辭職的時候,來不及好好告別的公務員團隊説幾句說話。三十多年前回到香港加入政府,是我一生人最值得驕傲的決定之一。香港公務員團隊的水準是世界級的,這麼多年以來,大家總能夠在複雜的環境當中維持中立,用最周密的思考,和最高效、最忠誠的態度去服務全港的市民。我期望你們能夠在未來的日子裏面,保持專業精神,堅守崗位,和新一屆政府班子共同努力,榮耀我城。
各位市民,我感激我們的每一次相遇,感激你們對我說過的每一句話。我永遠不會忘記那天在美孚,有一位先生專程由屯門「飛的」過來,他說要當面為我打氣﹔我亦記得在西九龍中心,黎太兩母女不怕排長龍,為了拿到扭蛋的襟章,之後再寫一篇文章放在網上支持我;我記得在中環,一位剛巧生日的女士,說要將她的生日願望送給我和香港;在愛丁堡廣場,幾千位市民以手機的燈光,化成一個由光編織成的海洋,為一個團結的香港,發出最真誠的祝願。多謝你們每一位,你們給我的回憶,足夠我咀嚼一生。是你們讓我成為一個更好的公僕,或者應該說,是你們讓我成為一個更好的人。
今次選舉輸了,但是香港並沒有輸。正如我一直講,我是不是曾俊華,並不要緊,與其只是將希望寄托在一個人身上,不如相信我們每一個人。
各位朋友,我衷心請求大家,不要為今日的選舉結果感到失望及氣餒,更加千萬不要失去對香港的信心,千萬不要放棄香港。如果今次的選舉,能夠令我們更加了解團結的價值,更加認識到我們未來的路,應該怎樣走下去,更加體會到我們對香港這個家的熱愛,我相信,我們的得着,已經遠比我們要失去的多。
有人說,今次這場選舉,我好像和全香港人一齊發了一個夢,直至今日,我們終於夢醒了。我好相信,我們一齊發的這一個夢,一個令香港可以變得更加民主、更加包容、更加繁榮、所有人可以活得更好更快樂的夢,已經實實在在地改變香港,也改變每一個香港人同我們的下一代,令到他們願意和我們繼續去發這一個夢,直至我們的夢想,有一天成真。
聖經這樣說,「那美好的仗我已經打過了,當跑的路我已經跑盡了,所信的道我已經守住了。」今日,是我公僕生涯的黃昏,但是對於香港來說,我相信是一個旭日初升的黎明。
因為,我始終相信大家,我相信香港。
多謝。
Fellow citizens,
Today, members of the Election Committee have made a decision for the people of Hong Kong. I accept this outcome, and offer my heartfelt congratulations to Carrie, our next Chief Executive, and I wish her every success.
I believe that Carrie, like myself, will also stand by the core values of Hong Kong. I wish to call upon all of you to lend her your full support, so that she and her government will be able to bring about a more harmonious future for a better Hong Kong.
I wish to thank all the EC members who have given me your nominations and those of you who have voted for me today. You have stood by me and the values that I stand for in the face of immense pressure. I am sorry that I have not been able to meet your expectation. I wish that you could all lend your support to the new Administration, and continue to stand by Trust, Hope and Unity, values that we all treasure.
I also wish to thank my companions in this election campaign – not only my family and my super campaign team, but also the volunteers who call themselves “small potatoes”, the thousands of citizens who have made generous donations to support my campaign, and all the unsung heroes behind the scene. Without you, this campaign would never have made the difference that we have been able to make in the past two months. I truly believe that what we have left behind is not just a legacy that will be forgotten, but genuine hope for a better future in Hong Kong.
To my 180,000 former colleagues in the civil service, I want to tell you that I am proud to have been part of this sterling service in the past 34 years. I am sure you will continue to give your very best in the most professional and dedicated way in serving Hong Kong in the years to come.
Fellow Citizens, words cannot tell how touched I have been by every handshake, every selfie and photo opportunity, every conversation, every quiet word and loud chant of encouragement, and every card, letter and facebook message that you gave me. You have been the single largest driving force that has helped me maintain my optimism in this campaign. In fact, you have made me a better person in the process.
The Bible says: “ I have fought the good fight, I have finished the race, I have kept the faith.”But please, do not lose heart in Hong Kong. Because I believe in you. Because I believe in Hong Kong.
Thank you.
11. 「有一位先生專程由屯門『飛的』過來」、「黎太兩母女不怕排長龍,為了拿到扭蛋的襟章,之後再寫一篇文章放在網上支持我」、「一位剛巧生日的女士,說要將她的生日願望送給我和香港」...嘩!呢班港豬,記憶果然係短暫過金魚!
12. 「榮耀我城」好大陣笨土味!唔怪得有傳話樁秧不信任喇!
13. 「今次選舉輸了,但是香港並沒有輸。正如我一直講,我是不是曾俊華,並不要緊,與其只是將希望寄托在一個人身上,不如相信我們每一個人。」D,又係呢幾句浪漫廢話,呢啲咪就係語言偽術囉!唔通你選到,樁秧話唔委任你,你就話「我係唔係 hea 曾,並唔重要」,「今次雖然有巷蜀派,但是傷港都無獨立成功」咩!
14. 「我們一齊發的這一個夢,一個令香港可以變得更加民主、更加包容、更加繁榮、所有人可以活得更好更快樂的夢,已經實實在在地改變香港」D,Matrix 咩?既然係咁,魔術師就點返隻歌俾班港豬聽喇!

***
胡盼林鄭未來五年多聽港人意見 2017/03/26 16:14

胡國興祝賀林鄭月娥當選,希望她未來五年放下成見,多聽港人意見。
180 票入閘,胡國興最終以 21 票落選。他離開點票中心,去到會展舊翼,跟支持者和競選辦人員拍照道別。
胡國興感激投票給他的選委,又形容泛民選委沒有投票給他,是沒有按良心行事,但談不上被出賣,又表示參選可以向港人示範,怎樣有話直說。
15. 魔術師依然都係唔明白販民送糊官入閘做乜?因為 hea 曾最叻都只係識窒頭窒勢講下佻皮話,在選舉論壇要藉糊官把口鋤林鄚?否則糊官在整個選舉過程中存在感近乎0,根本就毫無利用價值可言嘛!
***
伸延閱讀:
佛爺:分居親密關係(溫馨提示:切勿在辦公室或女伴面前打開此網頁)
費 sir、摩帥、星矢和一輝的異同
曾俊華坦然接受結果祝賀林鄭當選 更新:2017/03/26 18:12

在選舉中取得 365 票,落敗的曾俊華指,坦然接受結果。他感謝頂著壓力投他一票的選委,又呼籲支持者,不要因為選舉結果而放棄香港,希望大家發的一場夢,令香港更民主、更包容。
參選 67 日,民望一直高企的曾俊華,走完選戰最後一段路,以落敗告終。選舉時針鋒相對,落敗後,他不忘祝福對手林鄭月娥。他又感謝所有頂著壓力、投了他一票的選委。
曾俊華指,這場選舉不單止令他自己成為一個更好的人,他相信香港人得到的一定比失去的多。

79 則留言:

  1. //14. 「我們一齊發的這一個夢,一個令香港可以變得更加民主、更加包容、更加繁榮、所有人可以活得更好更快樂的夢,已經實實在在地改變香港」D,Matrix 咩?既然係咁,魔術師就點返隻歌俾班港豬聽喇!

    我點另一隻:

    https://youtu.be/3XXNIUcpbu8

    不必解釋 不是調查
    隔膜令人 難以聽下
    即使講的都是實情
    也像假

    甚麼可醫治我心病
    甚麼使心靈漸瘦削
    將一世追憶當藥
    來將昨日拼命延長

    回覆刪除
    回覆
    1. //因為我們一定要一齊努力,去彌補我們失去了的五年。

      DKLM,講到自己身為特衰正苦第三把交椅呢五年都好似唔關佢事咁。更該燴系咁都大把人buy!如果溫家寶可以攞奧斯卡,佢直情可以攞終身成就獎

      刪除
    2. //講到自己身為特衰正苦第三把交椅呢五年都好似唔關佢事咁。

      佢做咗九年財爺喇。

      //佢直情可以攞終身成就獎

      奧斯卡都有頒錯獎的時候。

      //將一世追憶當藥

      「你們給我的回憶,足夠我咀嚼一生。」

      刪除
    3. //「你們給我的回憶,足夠我咀嚼一生。」

      「不可救藥 誰都一樣」

      刪除
    4. 話唔定, 佢其實同中央夾埋, 玩九犯淫.... 哈哈....咁樣嘅笑料, 真係夠笑一世....

      刪除
    5. //「不可救藥 誰都一樣」

      係豬一樣.

      //佢其實同中央夾埋, 玩九犯淫....

      呢啲臥底,做完無得 reset identity 展開新生活的.

      刪除
  2. //呢個 hea 曾 hea 到就連鼓掌都唔識,一碌葛咁企係度,唔通係太大打擊,接受唔到事實?//

    No, that's not true. JT did clap, and hug CL.

    On another note, JT's popularity was partially due to the partiality of the press.
    The only critique I saw so far was a mild one on his personality written by 陳惜姿, in her column on Ming Pao (March 26, 2017. She said that journalists who "受過他的氣" could not forget his arrogance. And she concluded that to not be elected was the best thing for JT. You see, she waited to say this on March 26, not before.

    回覆刪除
    回覆
    1. //曾俊華指,這場選舉....令他自己成為一個更好的人//

      Well,I would say through the election, he projected as well as being portrayed as a better person that what he really was.

      刪除
    2. 幫手Post 條link先
      http://www.pentoy.hk/大局已定/
      講真,政府應該學學JT D 洗腦技巧⋯⋯

      刪除
    3. Thanks, 匿名2017年3月27日 上午6:51

      匿名2017年3月27日 上午6:34

      刪除
    4. //No, that's not true. JT did clap, and hug CL.

      我是說「在宣佈結果的一刻」(詳情可看新聞片段),選舉主任一講完林鄭的得票數目,糊官和台下已即時鼓掌,而hea 曾卻是在台上呆了幾秒沒反應。後來clap and hug,那是後來的事了。

      //he projected as well as being portrayed as a better person that what he really was.

      政治演員而已,認真你便輸。
      //陳惜姿

      反國教主將。對黃C來說,利用完hea 曾,當然會儲定能源,back on the right track 去口誅筆伐。

      //政府應該學學JT D 洗腦技巧⋯⋯

      學唔到的,「政府」兩個案就是原罪。

      刪除
    5. //反國教主將。對黃C來說,利用完hea 曾,當然會儲定能源,back on the right track 去口誅筆伐。

      呵呵, 依家唔打定毒針, 薯片叔一個屈尾拾返入政府做政務司司長, 負責推23條立法, 扮民主派反佢會唔會有D 樣衰 - 雖然港豬唔會識介意, 但係班扮民主派寫手政客日日俾文匯大公翻舊賬都過唔到自己啦

      //學唔到的,「政府」兩個案就是原罪。

      薯片叔成功系邊?? 同「政府」割蓆囉

      刪除
    6. //薯片叔一個屈尾拾返入政府做政務司司長, 負責推23條立法
      //同「政府」割蓆囉

      Contradiction 喎!

      刪除
  3. http://www.pentoy.hk/category/%e4%bd%9c%e8%80%85/%e9%a6%ac%e5%b6%bd/

    //當曾俊華對民怨比較敏感,而主調是和解和諧,他個人本來也沒有大刀闊斧的社會發展大計(商界也不會支持),五年內不少具爭議的政策可能會選擇不去硬闖硬碰,這可能就會變為「休養生息」了。五年後可能很多社會根本矛盾和政策問題都沒有解決(因為根本沒有很多作為)。
    但這不是沒有分別的。這種路線不會派人整治港大校委會、不會告反對派議員誹謗或DQ 議員,被人扔蛋笑笑口不去告人(別忘了林鄭出席辯論比賽面對抗議,是會告到長毛要坐監的),當然也不會去中聯辦謝票了。搞不好他還可以去捧捧香港隊場,然後苦口婆心的勸喻年輕人不要噓國歌。這對不少過往四五年飽受梁振英折騰的香港人來說,可能已經夠好了,足夠曾維持高民望一段時間了。正如「建華八年」後,曾蔭權○五年上台,走的其實也是無為路線,市民已經額首稱慶。//

    "別忘了林鄭出席辯論比賽面對抗議,是會告到長毛要坐監的" - this is A LIE. The professor lied, and the editor turned a blind eye.
    早前馬傑偉在他的專欄弄錯了一個網上廣告的主角之一王宗堯是王貽興,明報事後澄清、更正,並向指正的讀者致謝;及後馬傑偉撰文表示歉意。

    馬嶽弄錯事實,明報迴避、推搪。報失公信第一,其漸有自。

    回覆刪除
    回覆
    1. //這工程厲害之二,是它其實是沒有什麼具體內容的。例如怎樣會令人不移民、怎樣修補撕裂、怎樣令黃藍絲不會在吃飯時面左左,其實我們完全不能從他的政綱或言論看到怎樣做。支持者買的只是一種希望(選舉往往是這樣的),而這種「務虛」的宣傳,就算打包附送23條又沒有全民退保,已經可以為他爭取到相當高的支持。//

      務虛,畫餅充飢,望梅止渴,咁都有咁多人buy,傳霉又使乜講公信力呢?

      刪除
    2. 其實都系一件好事:原來傷民甘多人鍾意飲“毒雞湯”齋吹唔做,你肯默默埋頭苦幹唔好同呢班友拗立場,一年可以拋離佢地好遠。

      刪除
    3. 奇怪的是咁多人buy「休養生息」(即係連自己都hea埋一份), 寧願逆水行舟,不進則退...睇怕都係「傷民之間競爭咗咁多年」,覺得厭倦了吧.

      刪除
    4. 正如摩摩講, 飲得雞湯多, 一切唯心了. 現實嘅嘢就...... 脫離了吧.

      刪除
  4. 哈哈哈!頂你唔順,咁都比你聯想到分居親密關係在林和鄭二人身上,真喺好嘢!笑死我!

    我諗鬍鬚佬大敗之因,是選前一天的巴士造勢,使到不少選委回憶起佔領運動,影響佢地嘅生計。「造勢」頓時變成「去勢」。嘻嘻!

    回覆刪除
    回覆
    1. //使到不少選委回憶起佔領運動,影響佢地嘅生計。

      選痿都是權貴,又點會被佔中影響到生計呢?

      刪除
  5. 我諗全香港對賽果最開嘅人就係 增進曄。
    佢幾個月前接受訪問,除咗死口唔表明參選之外,亦話 特首係一份衰工,但佢等極都等唔到亞爺祝福,而條八婆林鄭又突然王袍加身,增進哥唔嬲就假。
    佢一於借力打力,用佢ㄧ路用開嘅 work smart inspiration 去參選。
    (一)佢到咗呢個處境,喺 隻鷹同隻蛾都唔妥佢,又都會係佢老細嘅情況之下,跟本唔可能撈落去。如果唔想退休,佢只能投靠美帝等北約國家背景嘅私人公司揾真銀,以佢嘅西方生活經驗,只要能成功 mit 甩建制嘜頭,大把外資機構揾佢做亞頭。
    (二)佢除咗自己精到甩辮之外,佢今次嘅团隊真係示範咗俾香港人睇到,乜嘢叫公關。點樣可以成功將一個 吞pok大師,九等財爺,同埋隱形高官,變身成,又親和,又風趣,又持平嘅特首侯選人....
    (三)當然,最最最成功嘅就係令到連仇共团隊,都為咗要制造女版689,全团精英都做埋佢嘅跑腿。至於維園胡伯,正如佢自己反思,終於明白,原來(政治係咁污槽).....
    (四)如果貪曾話自己係香港仔,只要佢睇睇佢兄弟幾咁以無招勝有招,不費一分一毫,先攞盡民望,地位。然後過冷河之後,昂然步上外資機構最高台階,咁曾sir 仲夠唔夠胆話自己係香港仔呢????

    回覆刪除
    回覆
    1. 林鄭組班應該公告天下聘用hea 曾做發展局局長,睇下佢點樣團結港人同埋挾販民支持加上民意去對抗拉布。

      如果佢唔肯做,冇壞嫁,只係教一大班黃絲豬情何以堪? 上個月「團結我城」下個月搵你做官職就「你死你事」。

      刪除
    2. // 點樣可以成功將一個 吞pok大師,九等財爺,同埋隱形高官,變身成,又親和,又風趣,又持平嘅特首侯選人....

      我身邊唔少人支持佢.....我好辛苦啊....

      刪除
    3. //只要能成功 mit 甩建制嘜頭,大把外資機構揾佢做亞頭。//
      算罷啦!會又唔開(收唔到情報),成日搵唔到人,有事就龜縮,邊間機構會請舊乜都唔識乜都唔知嘅廢柴?
      大佬呀!唔通同大老闆講佢唔會回答佢無出席過嘅事項嘅問題咩?(四個司法覆核議員事件)
      定係話 details 要番公司睇番先?(一地兩檢訪問)

      刪除
    4. //佢今次嘅团隊真係示範咗俾香港人睇到,乜嘢叫公關

      呢個係重點。

      //只要佢睇睇佢兄弟幾咁以無招勝有招,不費一分一毫,先攞盡民望,地位。然後過冷河之後,昂然步上外資機構最高台階

      雖然 hea 曾「前途未卜」,但以佢今次玩轉傷港的程度來看,真係大把世界,「真・香港仔」非佢莫屬。

      //林鄭組班應該公告天下聘用hea 曾做發展局局長

      咁即係降佢級啫,大條道理 reject 喇!

      //我身邊唔少人支持佢.....我好辛苦啊....

      Me 2

      //唔通同大老闆講佢唔會回答佢無出席過嘅事項嘅問題咩?(四個司法覆核議員事件)
      定係話 details 要番公司睇番先?(一地兩檢訪問)

      我忽然諗起有些靚女將財經主播,由講新聞蜜到去做大行「生招牌」(「輪后」),靠嘅唔係去識幾多嘢,而去「親和力」,

      刪除
    5. //「生招牌」(「輪后」),靠嘅唔係去識幾多嘢,而去「親和力」//
      係請都請佢後面果班啦!佢有乜嘢生招牌呢?Hea?
      親和力?得咁少票!一切睇利益,唔睇親和力的!

      刪除
    6. //一切睇利益,唔睇親和力的!

      無票的中剷港豬可不是這樣想呢!

      刪除
  6. http://linepost.hk/?uid=15350.7.0.0

    “泛民今日敢玩兩面刃策略, 就是有絕對操弄民意的自信, 觀乎今天這麼多人盲目相信曾俊華會較開明, 就知道大部份香港人其實欠缺基礎政治分析能力,要麼就是別有用心故意跟國家對著幹。”

    照舊地退一萬步,你班“傷民”(起碼部份)是“故意跟國家對著幹”,所以將“反林鄭”寄託在“捧JT”,但而家似乎好多人入戲太深,“捧JT”系真系為了“捧JT”,而唔系為咗純粹“反林鄭”喔!

    我尋晚一個自稱“時黃時藍”既波友講:“啲人寄託於hea曾,系因為佢地厭倦了一個只當阿爺為唯一老細的突首,所以只要有人做下樣聽下佢地講嘢,啲人就會好開心好支持。”

    跟開我留言,都知我一直都同意呢種講法,而齋靠公關講一堆行呢條路線的浪漫廢話都無問題,就算是發哥、劉華、甚至Leon出嚟選靠呢招得到同樣支持,我都唔會覺班人咁Q蠢--起碼呢幾條友本業出色,政治又系素人(白紙一張即系無嘢好插),由行出嚟擺到明俾個夢大家,我都還可以說得過去;但hea曾系有九年往績可跟,“守財奴”、“因循”都講咗咁多年,點知齋靠呢一兩年部署親民然後再靠講兩三個月毫無實際內容的浪漫廢話,成班豬可以將九年往績完全抹去,而真系當呢條友好X有計...最神奇系,呢班人甚至連為佢蹉跎九年開脫而自圓其說都無,彷彿從來無發生過一樣!

    所以其實班有青話傷民多港豬,真系無X錯的:起碼有青信仰立場堅定(姑不論其假設與事實差幾遠),信奉既icon都系立場從一而終,但呢班以中剷為主的hea曾粉絲,人地改下表面包裝就為之瘋狂,班有青唔話你地系豬系乜?

    唯一解釋就係,呢班豬對“有人當佢地系老細咁擦鞋”、“重拾對港人身份認同”已經去到desperate的程度,所以只要有人講下甜言蜜語,就甘之如飴,連僅有的智商都灰飛煙滅了。

    先此聲明,我憎9hea曾,系因為佢hea同因循,但反而佢今次公關我既睇法系中立的--各施各法而已;但好佩服又談唔上,因為我覺得只是受眾智商太低!

    重申多次,經過呢鑊,真系對傷港絕望--但同之前因為咁多有青歇斯底里唔同,而系因為首次發覺“大部份香港人其實欠缺基礎政治分析能力”,而背後反映既智商仲比我想像中低得多!

    所以魔兄系時候學下乜sir,考慮下做收租仔剝削下班傷民勒,咁Q蠢,唔鑿佢地一筆都對自己唔住!

    回覆刪除
    回覆
    1. 我唔太覺JT既公關勁,只係傳霉有心做嘢。另外港豬真係豬

      刪除
    2. 最差勁唔係個投票結果/選舉制度,最差勁係早兩日個walking dead一齊舉手大會,真係黃CG現形記。

      依一刻真心覺得呢個制度可以防止港豬民粹發病,真係最好50年不變。

      刪除
    3. //照舊地退一萬步,你班“傷民”(起碼部份)是“故意跟國家對著幹”,所以將“反林鄭”寄託在“捧JT”,但而家似乎好多人入戲太深,“捧JT”系真系為了“捧JT”,而唔系為咗純粹“反林鄭”喔!

      要呃人,先要催眠自己.

      //“啲人寄託於hea曾,系因為佢地厭倦了一個只當阿爺為唯一老細的突首,所以只要有人做下樣聽下佢地講嘢,啲人就會好開心好支持。”
      //唯一解釋就係,呢班豬對“有人當佢地系老細咁擦鞋”、“重拾對港人身份認同”已經去到desperate的程度,所以只要有人講下甜言蜜語,就甘之如飴,連僅有的智商都灰飛煙滅了。

      呢點下一篇再講.

      //點知齋靠呢一兩年部署親民然後再靠講兩三個月毫無實際內容的浪漫廢話,成班豬可以將九年往績完全抹去,而真系當呢條友好X有計...

      我舊同事whatsapp group 基本上個個都係薯粉, 留言厭煩程度僅次於當年佔中時.

      //背後反映既智商仲比我想像中低得多!

      有時要我監生較低幾個level扮傻同班同事朋友講嘢,都幾慘的.

      //做收租仔剝削下班傷民勒,咁Q蠢,唔鑿佢地一筆都對自己唔住!

      依家做收租仔無乜賺頭, 賠本生意無人做呀!

      //我唔太覺JT既公關勁,只係傳霉有心做嘢。

      佢係善於營做一個「乎合港豬要求」的形象而已.

      //依一刻真心覺得呢個制度可以防止港豬民粹發病,真係最好50年不變。

      總設計師真係算無遺策.

      刪除
    4. // 我舊同事whatsapp group 基本上個個都係薯粉, 留言厭煩程度僅次於當年佔中時.

      嘩, 你真係荷蘭橙喎....

      刪除
    5. // 依家做收租仔無乜賺頭, 賠本生意無人做呀!

      以家係唔講收租了,而係講層樓一定升.

      刪除
    6. //荷蘭橙

      班友直程係杏加橙

      //層樓一定升

      俾辣招打殘哂喇!

      刪除
    7. // 俾辣招打殘哂喇!

      所以啲人成日講, 要減辣.

      刪除
    8. // 一旦減辣, 樓市肯定爆升.

      堅唔堅啊? 難為有啲無樓人士, 一齊加入減辣行列.

      刪除
    9. 依家有辣, 都咁多人諗盡方法「借人頭」去買樓; 如果減辣,肯定成班人衝出嚟搶貨喇!

      刪除
  7. 係傷民的「真、核心價」—錢的面前,JT派過6千蚊係有決定性的影響^_^

    回覆刪除
    回覆
    1. 6千蚊? 以傷民的德性,一早就去旅行,去到盡喇!

      刪除
    2. 去咗旅行, 就可以話自己唔係井蛙了.

      刪除
    3. 所以依家班學承都要去遊學團.

      刪除
  8. 傷港人實在太易呃,咁快就唔記得幾年前聞煮黨搞嘅所謂洋紫荊革命,對象就喺鬍鬚曾。以前中蛋,"行開啦","我都喺中剷", 都唔記得嗱?

    回覆刪除
    回覆
    1. "行開啦"呢件事有啲印象,但又唔記得乜事,有無人講解下?

      刪除
    2. //行開啦

      http://hk.apple.nextmedia.com/news/art/20140417/18692509

      長毛撒冥鈔 財爺反擊:行開啦
      2014年04月17日
      【本報訊】立法會昨日二讀通過新一份財政預算案,社民連梁國雄趁財政司司長曾俊華二讀總結發言時施展突襲,向曾大撒陰司紙,曾俊華不但沒閃避,更回敬梁國雄一句「行開啦」;而政務司司長林鄭月娥對議員再拉布表示「極度遺憾」,又形容拉布議員「變本加厲」的行為「令人失望」。建制派亦配合發聲明譴責。

      林鄭斥拉布變本加厲
      曾俊華發言期間,梁國雄手持一叠冥鈔慢慢走到曾俊華跟前,立法會主席曾鈺成見狀已喝止梁,不過梁未有理會,並呼喝曾俊華說:「你咁鍾意未來基金,畀晒你,每張一千億嘅。𠵱家你畀500億出嚟就唔拉布,畀晒你呀呢度,每張一千億,你係咪要吖?500億救老人家你唔理」。
      梁國雄一邊說着一邊將冥鈔撒向曾俊華,曾俊華面對撲面而來的冥鈔不作閃避,還冷冷地報以一句「行開啦」,曾鈺成隨即宣佈暫停會議,待梁離開會議廳才繼續發言。
      林鄭回應時一邊表示尊重議員審核預算案的權力,一邊又埋怨今年議員就預算案提出的書面問題比以往多,而且問題重複或類似,同時批評拉布議員重施故技兼「變本加厲」。

      議員反指政府應謙卑
      林鄭月娥又冠冕堂皇地強調:「政府不能,亦絕不會因為受到拉布這類手段的壓力而倉卒地推出政策。」她更斥責拉布議員的修訂「瑣屑無聊、自相矛盾和會產生不合理的結果」,恫嚇拉布會令港府、立法會和市民「賠上沉重的代價」。
      不過財委會副主席劉慧卿反駁,指不同黨派各自草議問題,出現重複問題很正常,政府應該忍耐、謙卑接受提問,讓公眾監察。
      工黨何秀蘭對林鄭說法感到震驚,質疑政府想迴避問責。結果預算案以44票贊成、15票反對及6票棄權二讀通過,待立法會秘書處審議完1,900項議修訂後,本月30日才復會。
      建制派全體議員發表聯合聲明,嚴厲譴責拉布議員,並要求拉布議員撤回修訂、曾鈺成按《基本法》和議事規剪布及當局研究防止財政懸崖。

      刪除
  9. 薯片07年開始做財爺,指責係吞pok大師/九等財爺/隱形高官/hea/因循
    過去咁多年,其實EXPECT一個財政司比D咩出黎?

    回覆刪除
    回覆
    1. 好簡單,起碼:
      -唔好年年估盈餘錯到幾萬丈
      -有錢剩唔好年年就咁退返,撥返落多d實質建設同發展。正苦唔係一個收錢再退錢的行政機器
      -唔好講聯繫匯率剩係錄音機講"行之有效",係咪諗個似樣的rationale都懶?
      -塞錢入MPF然後俾人嘈兩嘈在派錢但又派到俾人屌,呢鑊唔使多講啦吧?

      刪除
    2. 呢一條應該就係財爺重中之重的job description. 係「量入為出」,唔係「有入無出」...

      基本法 第一百零七條
      香港特別行政區的財政預算以量入為出為原則,力求收支平衡,避免赤字,並與本地生產總值的增長率相適應。

      刪除
    3. 聯滙這東西,想變都唔可講出嚟,一啲風聲都唔可以漏。所以任何人問政府有關聯滙問題,政府都只可以做錄音機。
      ps:拉遠一點,香港記者很喜歡問這種只有唯一官式答案的問題,我每次見到都感嘆,記者智商去咗邊,還要浪費寶貴的問答時間。

      刪除
    4. -之前既唐唐,松松同煲呔,歷任有邊位叫估得近旁? 單單係估得中賣地收益一項,佢已經唔使做財政司,做神都得.
      -係年年退,不過年年都係雞碎咁多,微不足道.十大基建單單大工程,仲有房屋,超支D項目唔使回帶都知.三跑又上馬,個D實質建設同發展唔夠? 不如強收棕地起樓,肯肯定七一唔會咁多人走出黎行.
      -政府官腔係錄音機,唔係第一日先知下? 聯滙仲有咩rationale可言?
      -唔同澳門年年(好似係連續十年)現兜兜幾K幾K咁比錢你.香港係派過一次MPF,一次6K. NO MORE!
      -要使錢都要D 局做野先得架,無PROJECT點比錢你? 又唔見紀律部隊攞唔到FUNDING?

      最後"以量入為出為原則,力求收支平衡,避免赤字", 政府對赤字極度敏感,可以睇返過去07年起薯片做財政司開始,政府經營支出同經營收入升幅,個別年份有差異但累計而言支出升幅係跑贏收入升幅.如果薯片係有入無出,我好拭目以待下任點樣量入為出.

      刪除
    5. 其實拗hea曾實際做得好唔好並不是重點,而是佢"hea"的形象已深入民心多年(就算而家咁多傻粉,whatsapp都流傳諷刺message話佢365票係代表"hea足365日"), 塞完錢入MPF再被迫派錢,以及"唔知粟米班塊飯幾錢""自稱中剷(雖然我同意)"亦招來劣評,這些都是多年廣大市民的印象,點知一個屈尾十扮下親民講下浪漫廢話,形象就可以大幅扭轉,buy佢嗰啲隨時是之前彈過佢的中剷階層,而且連為佢之前的劣評自圓其說都無,好似無發生過一樣,你話好多傷民係咪智商堪憂?

      刪除
    6. 之前廣大市民對佢的差評,可以是對,可以是錯,佢有實際政綱/言論試圖扭轉其差評,大眾受落亦算說得過去,但而家齋靠一些不着邊際的宣傳手法竟然就可以蒙混過關...由此可知點解咁多中剷一個電話可以俾人呃晒副身家

      刪除
    7. Buy佢除左公關,最重要係佢個姿態係肯溝通,夠貼地。淋病連扮都廢事,天水圍個單放飛機就真係仆到直。如果自以為是拒絕基層溝通,buy薯片好理所當然。
      Hea / 劣評都係型象問題,佢就改善型象。攪掂。政治演員都係演員,你估霞姨盒飯咁易攞?根本無需要為之前既劣評自圓其說,瑕不掩瑜。
      問題係已經唔再係政綱上既23條,831,因為 3個都有,對一班無份投票既人,有個貼地d 既人出黎就已經差好遠。唔係智商堪虞,而係面對現實已矣。

      刪除
    8. ////我每次見到都感嘆,記者智商去咗邊,還要浪費寶貴的問答時間。

      "圖樣圖森破,上台拿衣服" "華萊士比你們不知道高到哪里去了"

      https://www.youtube.com/watch?v=gSz-bzXCbMI

      我記得以前鬍鬚曾喺同689一樣,俾人X到飛起,equally evil的,而家忽然180度改變,"lesser evil", 可能我miss咗啲乜嘢啦...

      刪除
    9. "現在的親民"取代"過往的hea",都勉強講得通; 可以前形象又點只"hea"? "粟米班塊飯", "MPF", "中剷論", 正如ec話齋,鑊鑊被X不下於CY,當年派6k後,好多基層組織捐款急增,咪就係好多人話佢"派不得其所,不能針對基層需要"?

      如果佢有實際政綱,起碼都俾人覺得佢有誠意彌補,但講一堆連親扮民的馬嶽都睇得出是浪漫廢話,稍有智商的都無咁易受氹吧?記住,觀乎以往插佢同現在buy的人的出發點,是同一班中剷的機會非常大.

      司空君講得出"霞姨的飯盒", 應該都是對港慘片有啲認識的,咁我只能話班傷民好多中咗«絕種鐵金剛»的"細路仔病毒", 被人氹下就記憶力短過金魚; 或者好似好多遭家暴的女性,被個佬氹返兩句就以為"下次唔會打我"吧?

      刪除
    10. //曾俊華怕整傷膝 拒探天台戶//
      http://hk.on.cc/hk/bkn/cnt/news/20170311/mobile/bkn-20170311204529914-0311_00822_001.html

      呢單又幾好笑:
      //「我俾5分鐘你解釋,呢個方案同比上個方案有乜嘢民主?你講英文我都識聽㗎。」
      「多謝你。」
      「你多謝我乜嘢呀?」
      「多謝你咁大聲。」//
      http://www.inmediahk.net/node/1047469

      阿同學 A 一向唔做功課。一次一份計分嘅功課,佢忽然就話「我有做,不過唔記得帶。」如果老師相信佢係有做叫做面對現實,咁我真係唔知唔面對現實係點囉!

      刪除
    11. //當年派6k後,好多基層組織捐款急增,咪就係好多人話佢"派不得其所,不能針對基層需要"?

      補充一下。我的意思是好多人收咗6k後捐咗俾基層組織。

      //如果老師相信佢係有做叫做面對現實,咁我真係唔知唔面對現實係點囉!

      或者佢地希望既"現實"是有個肯氹佢地既人就夠--往績唔氹唔緊要,往績hea唔緊要,講唔講得出將來確實做乜嘢唔緊要,甚至解唔解釋到點解以前唔氹而家氹都唔緊要--只要而家肯氹就得--即使以上往績已確實是佢地過往的perception.

      "我只在乎你現在的甜言蜜語". 真淒美...

      (先此聲明,我對林鄭並無特別的惡感和好感;況且若有A和B兩個選項,討厭A不代表你就要瘋狂喜歡B.)

      刪除
    12. 自己幻想一個落台階叫做面對現實~
      好深~

      刪除
    13. 司空:

      //聯滙這東西,想變都唔可講出嚟

      要變, 就一定要密不透風, 比故宮展館仲要密實百倍, 更加無可能作「公眾諮詢」.

      //單單係估得中賣地收益一項
      //十大基建單單大工程,仲有房屋,超支D項目唔使回帶都知.三跑又上馬,個D實質建設同發展唔夠?

      如果樣樣都要ah hoc, unplanned 就可以係「估唔中」的理由, 咁就要問下點解仲要做budget, 反正都係估唔中, 仲將「預估」擺落去個objective做乜.

      //累計而言支出升幅係跑贏收入升幅

      你講緊嘅係JAWS, 我真係無乜研究. 正確嚟講 JAWS = 0 先算係量入為出, 負數為 unsustainable, 正數就係守財奴(以現金流的dynamic view 而言)

      //有個貼地d 既人出黎就已經差好遠。唔係智商堪虞,而係面對現實已矣。

      其實 hea 曾的生活有幾「貼地」? 如果做一啲普羅大眾的都會做的事情就叫「貼地」,咁肥彭出嚟食蛋撻又算唔算貼地?


      摩摩:

      //點知一個屈尾十扮下親民講下浪漫廢話,形象就可以大幅扭轉,buy佢嗰啲隨時是之前彈過佢的中剷階層,而且連為佢之前的劣評自圓其說都無,好似無發生過一樣,你話好多傷民係咪智商堪憂?

      我報咗名今個星期六去聽《薯仔教你呃你like》講座,呢條問題有機會就走去問下 hea 曾的公關軍師先!

      //但而家齋靠一些不着邊際的宣傳手法竟然就可以蒙混過關...由此可知點解咁多中剷一個電話可以俾人呃晒副身家
      //只要而家肯氹就得--即使以上往績已確實是佢地過往的perception.

      Perception is their reality,對一些自己愛聽的說話,人們的戒心總是會較低的。

      //以往插佢同現在buy的人的出發點,是同一班中剷的機會非常大.
      //被人氹下就記憶力短過金魚; 或者好似好多遭家暴的女性,被個佬氹返兩句就以為"下次唔會打我"吧?

      lesser evil 也可以解釋為「我地係記得你啲衰嘢的, 只係為了打大魔王所以暫時同你合作而已」, 當事人的記憶係有的; 但旁邊在場打氣的中剷嘍囉(即係好似我班舊同事咁), 就完全係人云亦云,同班佔派一樣.

      //討厭A不代表你就要瘋狂喜歡B

      佔中已將港豬洗腦

      ec:
      //我記得以前鬍鬚曾喺同689一樣,俾人X到飛起,equally evil的,而家忽然180度改變,"lesser evil", 可能我miss咗啲乜嘢啦...

      一句話:時勢做英雄

      c嬸:
      //曾俊華怕整傷膝 拒探天台戶//

      呢個我講提過喇!
      https://magicianyang.blogspot.hk/2017/03/blog-post_21.html

      //「我有做,不過唔記得帶。」

      一地兩檢單嘢, 直程就係無做功課喇!

      //自己幻想一個落台階叫做面對現實~

      大隻耳當年有真實的落台階都要仆低.

      刪除
    14. //我報咗名今個星期六去聽《薯仔教你呃你like》講座,呢條問題有機會就走去問下 hea 曾的公關軍師先!

      我想拜託魔兄問下兩個問題:

      1. 關於hea曾整個宣傳充斥“浪漫廢話”,薯仔團對這個有什麼看法?

      附上“浪漫廢話”的官方定義。這個名詞的確是這個作者定義的:

      http://devilcourse.com/kongsmind/704-2016-09-20-13-18-16

      另外還有我以前存檔的更精彩的例子:

      關於浪漫廢話要如何製造,首先先列出一系列沒固定意義的字眼,這種字眼為『概念性廢話』(Nominalization)。

      六個例子字眼:愛、當下、生命、熱情、擁抱、智慧。

      然後你就把這些字眼串聯成句,你就會製造出了很心靈學派的浪漫廢話。

      可能性如下:

      愛就是熱情的擁抱生命當下的智慧。

      智慧就是熱情擁抱當下生命的愛。

      生命的智慧在於熱情的擁抱當下的愛。

      擁抱生命的熱情就是很有智慧的愛上當下。

      用當下的智慧去擁抱熱情的生命,這就是愛。

      ........還有很多種可能性,簡直是廢話連篇。

      當你製造出這浪漫廢話後,你可以從這句話再弄出你的『教義』。

      2. 以前hea曾形象欠佳,甚至和“親民、貼地”相悖,為何形象設計師有信心在沒有針對此等過往形象的實際政綱下,能成功於公眾洗脫此等形象呢?

      最近比較私務忙,又有啲攰,本來對好多留言想回應下,但實在暫時未克組織,所以只能提供兩條問題俾魔兄到時發表下。唔該晒!

      刪除
    15. 如果按李天命的分類,呢類浪漫廢話會歸入語意曖昧。廢話的問題在於提供唔到資訊,但好多時意思都算清楚的 (e.g."如果今日有落雨,那麼今日有落雨")。而這些浪漫廢話的意思非常糢糊,近乎語意錯亂。

      講起hea曾,我諗起我老婆有個黃C同事。之前屬深黃,但早前竟然突然變薯粉,又大讚佢又同佢造勢。真不知所謂。

      刪除
    16. //所以只能提供兩條問題俾魔兄到時發表下。唔該晒!

      多謝摩摩提供, 睇下有無機會發問, 到時就好似城市亂彈的阿伯一樣照稿讀...

      //而這些浪漫廢話的意思非常糢糊,近乎語意錯亂。

      同江湖術士一樣, 講一堆模稜兩可的說話, 等你自行對號入座, 總會找到個interpretation 係 fit 自己嘅.

      //深黃,但早前竟然突然變薯粉,又大讚佢又同佢造勢。真不知所謂。

      hea 曾的「貼地形象」, 在黃C眼中係向佢地跪地認錯的行為, 所以便大人有大量, 原諒咗 hea 曾.

      刪除
    17. // 講起hea曾,我諗起我老婆有個黃C同事。之前屬深黃,但早前竟然突然變薯粉,又大讚佢又同佢造勢。真不知所謂。

      通常黃C, 會比較天真. 雖則行年可能都六十幾......

      刪除
    18. 證明黃C比較容易被洗腦(記過力短暫?)。

      刪除
  10. 我一個面對現實留左太多幻想.23條,831, 3個都有.黃色都分左原則派同LESSER EVIL.基本上原則派同樓上話黃色人士論調都係話3個都唔應該支持,LESSER EVIL 認為諸如原則人士又或者計分既認真人士,現實係"吹咁耐都無份投".另一位政治SHOW表演不濟,支持一個貼地D既候選人好過,起碼感覺佢肯溝通.睇佢地係堅持原則定面對現實.
    無論公私營機構,我都唔相信有估得中呢回事.等於要估來年投資收入,有假設有MODEL計,最終又中唔中? 工程預算超支到條鐵都可以射上火星,又係唔係估得中? 估唔中唔係唔做BUDGET 既理由.BUDGET都係一項檢視工具,有無收入不似預期,有無支出用突,不斷修正檢視,改善資源調配先係重點.唔知點解估得中會變左OBJECTIVE,放眼所見係中資大機構高層先會問FINANCE 點解你BUDGET 唔準(唔係講笑,真係上市中資巨頭),FINANCE 好多時都會心問:唔通SALES爆數,FINANCE STOP左公司SALES唔好賣,INFRA用突左 FINANCE 即刻STOP左工程唔好起.CEO PLANNING 都無呢個ITEM, CFO 又點比錢? 有時會唔會高估左個FINANCE 既權力呢? 會唔會太多人連ORG CHART 都未睇就放左好多箭, 我所見好多. 或多或少我都有D同情薯片,因為我剛剛調左做FINANCE半年左右,HAHAHA...正常經營環境,BUDGET有盈餘係一件非常正常亦係一件好事,有剩唔代表守財,都要決策局 PLAN 好,計得掂,PROJECT上到馬,先用到錢架.你估真係財爺自己話派錢就派錢咩.搵人試下無PROJECT 問FINANCE 攞錢,真係搵鬼睬你.與其話財爺因循,不如問返D 決策局做咩淨係諗D 派糖政策.

    回覆刪除
    回覆
    1. 都話佢唔係貼地咯!亦唔係一個願意溝通嘅人!
      係佢配合犯民塑造呢種假象嚟呃 like!
      政府收入唔係估㗎!係計出嚟㗎!只不過同天氣一樣,有不定因素會影響推測。
      推算得準啲同亂猜都可以守財。守財係一種 attitude。
      守財就會唔肯投資多啲係經濟發展到,經濟唔發展啲人就要靠政府救濟。
      若然太多人需要政府救濟,自然會嘈資源分配不均。

      刪除
    2. //支持一個貼地D既候選人好過,起碼感覺佢肯溝通

      重申一次,A和B兩個選項,不喜歡A不代表就要瘋狂喜歡B。LESSER EVIL不就是代表揀個無咁爛的蘋果嗎?無咁爛的那個之前亦被人彈過佢爛呀!可後來無咁爛的蘋果被當成仙果,不是入戲太深就唯有是智商堪憂了(兩者亦可同時發生).

      刪除
    3. 我早兩日俾一個唔算跟時事好貼(其實我而家都唔系好貼)的屋企人睇過呢條片:

      https://youtu.be/8jW8bD_5PQg

      第一個反應是:哇,句句嘢都不著邊際,你咁同我講嘢系咪當我傻的?

      用倪匡寫衛斯理經常用的一個陳腔濫調自述:“我是受過嚴格的中國武術訓練的”--我同屋企人好歹都是受過嚴格的思維訓練的,看過之後自然反感非常。佔派笨土用的起碼是假邏輯,還有一些實際內容;可你成段嘢連實際內容都欠奉,一句“相信一個人,不如相信所有人”,其浪漫廢話程度,近年只有劉心悠配乜乜餅家那句“愛像傳說一樣,相信就會幸福”可以比得上!

      關於裡面的思辨,魔兄和呢位黃校長已經講得好多,我亦不贅了:

      https://magicianyang.blogspot.hk/2017/03/blog-post_3.html

      http://linepost.hk/?uid=15271.7.0.0

      “浪漫廢話”的意思,上面留言亦有詳解,此處亦不重複。

      佢呢段嘢令我聯想到呢段(又回帶):

      https://www.youtube.com/watch?v=Z3T9FdOoJG8

      “不要問,只要信,唔好問我咁多,信我,投我一票,等大家得到繁榮、安定、發達!”

      如果你是發哥劉華Leon...etc無政治往績的素人,咁講嘢呃到like都還說得過去;可既然你是被彈過是爛蘋果的,不停咁講廢話都可以呃到同一班受眾信你是仙果,我就真系無言以對了。

      //係佢配合犯民塑造呢種假象嚟呃 like!

      我又唔覺得佢配合販民,販民咁多年歪理多(可悲的是賤仔們連歪理都講唔出),但其實浪漫廢話是很少的;佢呢種手法,反而騎劫返販民all in佢就真。

      我對佢呢種宣傳手法反感,但講真對佢揀呢種手法沒什麼惡感,反正都只是各施各法,願者上釣都只是自己太蠢而已;對其競選手段唯一反感的是:講到之前五年正苦既辦事同佢完全無關咁款,連推卸既籍口都懶諗!

      刪除
    4. //另一位政治SHOW表演不濟,支持一個貼地D既候選人好過,起碼感覺佢肯溝通.睇佢地係堅持原則定面對現實.
      //都話佢唔係貼地咯!亦唔係一個願意溝通嘅人!
      //係佢配合犯民塑造呢種假象嚟呃 like!
      //可後來無咁爛的蘋果被當成仙果,不是入戲太深就唯有是智商堪憂了(兩者亦可同時發生).
      //一句“相信一個人,不如相信所有人”,其浪漫廢話程度,近年只有劉心悠配乜乜餅家那句“愛像傳說一樣,相信就會幸福”可以比得上!
      //可既然你是被彈過是爛蘋果的,不停咁講廢話都可以呃到同一班受眾信你是仙果,我就真系無言以對了。
      //佢呢種手法,反而騎劫返販民all in佢就真。

      以上疑團將在《薯仔教你呃like》一文中得到解答,預期2017年4月4日刊出(真・留返拜山先講)。

      //講到之前五年正苦既辦事同佢完全無關咁款,連推卸既籍口都懶諗!

      呢一句唔記得挑機添!

      //無論公私營機構,我都唔相信有估得中呢回事
      //政府收入唔係估㗎!係計出嚟㗎!只不過同天氣一樣,有不定因素會影響推測。

      技術上有誤差唔等於唔使估,或者可以求其搵個藉口推塘過去。對於不確定的因素,無人會有水晶球,大可以做assumptions, scenario analysis 之類,睇你點present出嚟而已。

      //守財就會唔肯投資多啲係經濟發展到,經濟唔發展啲人就要靠政府救濟
      //與其話財爺因循,不如問返D 決策局做咩淨係諗D派糖政策.

      施政報告有個大方向,財政預算同決策局就要配合,execution level 由決策局搞,錢就由財政報告預留,有幾唔合理呢?


      刪除
    5. // 技術上有誤差唔等於唔使估,或者可以求其搵個藉口推塘過去。對於不確定的因素,無人會有水晶球,大可以做assumptions, scenario analysis 之類,睇你點present出嚟而已。

      講起水晶球, 啲黃C又係膠上腦. 如果波波係十幾廿年前, 已經知道自己會做官, 咁啱又係自己塊地中咗, 可以有得發展, 咁佢啲無仆先知, 真係堅勁.

      刪除
    6. // 都話佢唔係貼地咯!亦唔係一個願意溝通嘅人!

      C 嬸, 其實我真係唔多明白. 明明條友仔之前先俾人插佢離地, 以家拍下AV, 突然就變得好貼地.....DIU. 智商貼地就有大把....傷港真係仆硬街....

      刪除
    7. // 無論公私營機構,我都唔相信有估得中呢回事.

      司空雲音CHING, 筆直不嬲都唔係講, 估中估唔中, 而係預算. 你去旅行會否有預算? 定係家山有福, 老豆大把, 用錢唔使諗?

      刪除
    8. 摩摩
      //劉心悠配乜乜餅家那句“愛像傳說一樣,相信就會幸福”//
      《老周電視經典回味:大哥講話你要聽》
      //願者上釣都只是自己太蠢而已//

      Freelancer
      //明明條友仔之前先俾人插佢離地, 以家拍下AV, 突然就變得好貼地//

      之前有網友同我講黃 C 思維就好似求愛不遂嘅儍仔猛話「佢其實係愛我嘅!佢之不過咁咁咁(作個藉口)啫!」
      只要睇中班人蠢咗唔肯認,呢啲浪漫廢話就最令佢哋 dap 糖,繼續做觀音兵。
      諷刺地,究竟邊個先係唔面對現實呢?

      「天生我才必有用」都可能算得上浪漫廢話。係咪人人都天生有才?人口咁多,真係少個唔掂咩?定係盡量搵個位令自己變得有用啲,唔至於廢?
      當一個小朋友係怪獸家長營造嘅冇障礙溫室長大後,發覺自己其實唔係咁出眾時就會傾向 buy 呢啲基督教式浪漫承諾。
      又例如,一啲自少缺乏家庭溫暖嘅人,一直渴望得到認同,長大後會追求 unconditional love,公主病嘅一種病徵。只要講少少甜言蜜語,佢就抵抗唔到,毫不理智。

      一個簡單嘅 how 都問唔出。因為呢啲人想處理嘅係情緒,而唔係件事。

      刪除
    9. // 諷刺地,究竟邊個先係唔面對現實呢?

      係我哋!其實現實係,佢哋根本就係咁,點解我哋仲唔面對現實,接受佢哋係咁。。。。嗚。。。。。。

      刪除
    10. //係我哋!//
      In a way, you are so damn right! XD XD XD

      刪除
    11. //如果波波係十幾廿年前, 已經知道自己會做官, 咁啱又係自己塊地中咗, 可以有得發展, 咁佢啲無仆先知, 真係堅勁

      咁叻不如「未卜先知」多幾注六合彩無咁嬲喇!

      //明明條友仔之前先俾人插佢離地, 以家拍下AV, 突然就變得好貼地.....DIU. 智商貼地就有大把....傷港真係仆硬街....
      //只要睇中班人蠢咗唔肯認,呢啲浪漫廢話就最令佢哋 dap 糖,繼續做觀音兵。
      //一個簡單嘅 how 都問唔出。因為呢啲人想處理嘅係情緒,而唔係件事。
      //諷刺地,究竟邊個先係唔面對現實呢?
      //係我哋!其實現實係,佢哋根本就係咁,點解我哋仲唔面對現實,接受佢哋係咁
      //In a way, you are so damn right! XD XD XD

      請留意《薯仔教你呃like》。

      刪除
    12. // 守財就會唔肯投資多啲係經濟發展到
      "十大基建單單大工程,仲有房屋,超支D項目唔使回帶都知.三跑又上馬,個D實質建設同發展唔夠? 不如強收棕地起樓,肯肯定七一唔會咁多人走出黎行" 再者施政報告 PRESENT 曬D CHEQUE 未? 話個FINANCE守財咁好笑?

      // 司空雲音CHING, 筆直不嬲都唔係講, 估中估唔中, 而係預算. 你去旅行會否有預算? 定係家山有福, 老豆大把, 用錢唔使諗?
      //施政報告有個大方向,財政預算同決策局就要配合,execution level 由決策局搞,錢就由財政報告預留,有幾唔合理呢?
      人地唔係無計呀,係計左跟手比人DIU 唔準呀.話你9估,你用個TERM 係估又好計又好,又唔諗下邊班人度POLICY 先問人攞BUDGET.有無人貼地D 真係攞份REPORT睇返咩有無咩部門用多用少左呀.決策局做足,FINANCE 比足.有錢淨仲要比人DIU, 又唔見人樓上DIU 決策局同CE既? 罪在唔中就係你既問題,FINANCE 好難做呀大佬.
      唔計2008年度因為金融問題政府使多左,09開始到薯片落台,政府經營收入同經營支出都保持相若既升幅.樓上又有無人睇呢? 其實同唔面對現實既黃屍分別係邊?

      2條友都係政府老SEAFOOD.你話做唔到野,2條友都要孭.人地做到個SHOW,SELL 到我貼地D 好過你就得啦.呃 like好, 智商上線也好.可唔可以班人係黃皮藍心,或者中間綠色呢.唔一定要瀨尿蝦/牛丸,撈埋又得唔得?

      刪除
    13. //十大基建單單大工程,仲有房屋,超支D項目唔使回帶都知.三跑又上馬

      乜守財唔係話佢錯估收入(估低咗),永遠有錢剩,儲埋一舊錢唔用咩?

      //政府經營收入同經營支出都保持相若既升幅.樓上又有無人睇呢?

      以下乃來自政府統計處資料,經營收入及經營支出單位為百萬港元,我不太嚴緊地計下淨收入及按年升跌幅(括弧內數字),似乎只能用random來形容,如果有計錯數請不吝賜教:
      https://www.censtatd.gov.hk/hkstat/sub/sp110_tc.jsp?tableID=193&ID=0&productType=8
      https://www.censtatd.gov.hk/hkstat/sub/sp110_tc.jsp?tableID=194&ID=0&productType=8

      2011-12: 收入 339,421 支出 296,445 淨收入 42,976
      2012-13: 收入 344,606 (1.53%) 支出 302,942 (2.19%) 淨收入 41,664 (-3.05)
      2013-14: 收入 355,292 (3.10%) 支出 337,714 (11.48%) 淨收入 17,578 (-57.81%)
      2014-15: 收入 393,934 (10.88%) 支出 316,317 (-6.34%) 淨收入 77,617 (341.56%)
      2015-16: 收入 381,532 (-3.15%) 支出 347,365 (9.82%) 淨收入 34,167 (-55.98%)

      //人地做到個SHOW,SELL 到我貼地D 好過你就得啦

      其實hea曾自己一啲都唔貼地, 佢只係演員而已,假如你自己甘心被sell,也是你自己的「問題」而已:

      https://magicianyang.blogspot.hk/2017/04/blog-post_4.html

      刪除