2017年5月4日 星期四

《禁室殺戮(Don't Breathe)》:小三率兵刧盲翁

也不知道算不算是「世代矛盾」,魔術師每次見親有青被上一代人打殘,都會特別暢快,只感到說不出的受用:

***
在美帝境內,有個 dying city 叫底特律,年青人都看不見未來,個個走得就走。小三樂琪(Rocky)跟男友天琦哥(Money)串同自動保安系統公司太子爺亞歷斯(Alex),爆格偷竊低於1萬帝幣(下同)的物件再轉售圖利,以賺取額外收入,而亞歷士就是監守自盜,提供破解系統的內應。小三來自破碎家庭,父母離異又有家暴,成隻雞咁樣的老母專識埋啲無業遊民做男友,得閒就串下小三在外幫人以BJ搵食,更令小三決意帶同細妹離開這個廢城:

琦哥知道有個獨居老人,因為女兒被一名有錢女駕車墥死了,獲得了30萬(帝幣,下同)的賠償金,家中又用太子爺的保安系統,於是便想打其主意。原來在我城連納米樓都買唔到一層的金錢,竟可讓三條有青去加洲過着財務自由的生活,睇嚟美帝的生活指數都唔係咁高。太子爺考慮到,在美帝法律中,盜竊超過1萬便算是「情節重大」,被捉到最高可被判刑「十年」,更會連累家門,不敢違法達義,想打退堂鼓,小三於是搏命出軟功哀求:

靚女面前,法律第二,更何況狗公只會有下身思考。三人去踩線,發覺老翁早在伊拉克弄瞎了眼睛,又無社工定期家訪,女兒死後只跟一條狗相依為命;見到如此情況,太子爺雖動了惻隱之心,但卻給朋輩壓力壓下。琦哥以偉哥安眠藥混在肉類毒暈了狗隻,由小三破窗而入。太子爺甚表關心,但卻給琦哥窒住,話太子爺只係觀音兵一名而已,小三喜歡的是琦哥自己,而不是你這個兵仔,收咗「好人卡」就要知道自己的「最佳位置」:

琦哥摸入盲翁的睡房,弄了個DIY迷魂煙,便大搖大擺的回到客廳,想用槍打爆鎖住地下室的鎖頭,看看錢是否藏在裡面。太子爺話持槍入屋行劫,屋主有權將自己立斃當場,馬上便轉頭走了。琦哥開槍打破了鎖頭,但這時沒有中迷魂煙的盲翁出現,琦哥又唔敢向人開槍一咪靠嚇,盲翁一個箭步擒拿手已空手入白刃將琦哥壓制住,又審問佢有無同黨。牛龜咁大隻的琦哥唔夠老伯打,唯有死口話只得佢一人;老伯聽後便一槍將眼前這條有青斃了:

太子爺聽見槍響,作為兵仔當然擔心女神安危,於是便折返入屋,剛巧遇上盲翁封死門窗,便一同與小三困在屋內。小三躲在衣櫃裡,卻看見盲翁以密碼開啟暗格裡的夾萬,檢查有無損失。太子爺憑短訊跟小三會合,小三馬上便以偷看回來的密碼打開夾萬偷錢,原來裡面唔止30萬咁少,足有100萬之多,夠在我城買一個兩房單位。但在這時,盲翁憑着氣味找到小三較早前為了避免發出聲響而脫下的女裝靴子,再查看夾萬,鈔票已不翼而飛,便知道毛賊不只一人:

一輪追逐之後,小三和兵仔逃到地下室,赫然發現原來地下室囚有一名女子,就係駕車墥死盲翁個女的有錢女。看來是因為有錢女打得甩官司,盲翁便將她捉來彰顯公義。小三忽發好心要救埋有錢女走,三人走到地下室出口,但原來盲翁早已守候在外,幾聲槍響,小三和兵仔逃脫,有錢女卻飲彈而亡;但奇怪的是盲翁竟然抱着殺女仇人的屍體失聲痛哭,「My baby My baby」哭得好不淒涼:

又一輪追逐,兵仔被盲翁逮住,就連大牛龜琦哥都唔夠打,文弱書生咁樣嘅兵仔又點會係盲翁嘅手腳?只見盲翁拎起把大鉸剪,睇怕兵仔只有閉目待死的份兒。較早前昏過去的狗狗也加入戰團,盲翁趕到,打了小三幾拳,又捏着小三的頸真至昏厥:

小三醒來,發現自己被綁在有錢女的位置上,盲翁慢慢向她道出真相:因為有錢女殺了他的女兒,於是盲翁便要有錢女「女債女還」,懷胎十月生返個女俾佢;而家小三害到有錢女一屍兩命,就更加要「女債女還」。盲翁一面說自己不曾女女女有錢女,一面將她的屍體掉入化屍水中浴掉,再打開雪櫃,將一杯糊狀、帶有毛的東西拿出來解凍。盲翁剪破小三下體的褲子,再用吸管將那些「漿糊」吸出來(成杯咁多睇怕阿伯都J咗好多次),要強行跟小三「人工中出」:

好彩早前盲翁有大鉸剪刺早的是琦哥的屍體,兵仔死過翻生馬上來救,打倒了盲翁,小三得以避過「未曾扑嘢便大肚」之災。小三更將米青注射器塞到盲翁的嘴裡要佢吞返自己啲米青:

這時盲翁提出大和解方案,叫兵仔和小三拿了錢好走,大家約定不要爆大鑊。兵仔和小三自己都身有屎,於是轉身離去。盲翁掙脫綑綁,從地下室走上,就在兵仔打開大門的一剎那,從背後開槍將他打死。有太子爺唔做學人走去做兵,結果就得到咁嘅下場。小三衝出屋外想揸車走,但被狗狗追上,糾纏得來又被盲翁追上,將她打暈拖入屋內:

在魔術師非常希望完結的時候,小三醒了過來,以兵仔留下的遙控器啟動保安系統報警。由於警鐘大鳴,盲翁聽不到聲響,結果被小三擊倒,跌落地下室。小三將盲翁關起來,帶了錢便逃。

小三與細妹離開底特律這個 dying city,在機場新聞片段見到盲翁被救起,傷勢不重並無大礙。盲翁報稱無財物損失,而美警似乎也十分 hea 做,找不到地下室和有錢女的溶屍證據...

***
有睇開魔術師影評嘅,都知道魔術師偏愛 horror、thriller 類的電影;今次本片並沒有令魔術師感到失望,幾個人一間屋就已經可以講到一個非常緊張懸疑的故事,配樂剪接與鏡頭運用堪稱一絕。加上旁枝豐富,例如 dying city 的破碎家庭、年青人的絕望、盲翁家居附近十室空其九、小兵為女死為女亡、法律是有錢人的玩意,加上盲翁的「女債女還」等等情節都饒有趣味。
劇情犯駁唔多,雖則話盲翁的本事太過神化(有乜理由聽聲辨影開槍可以咁準,又雖然係佢主場,但其行動力也未免太過快),不過魔術師可以當呢啲係「戲劇效果」,只要邏輯講得通就得(港慘片最弊就係成日都邏輯唔通,見伸延閱讀)。所以,魔術師喜愛的結局,應該係小三給盲翁捉回屋內就完;好似依家呢個結局,黑警無可能搜唔到地下室的機關,變成咗全片的其中一個大 bug。
又,唔知又係唔係想鋪續集,成100萬盲翁啲錢點嚟(唔係又係好似七警咁募捐返嚟掛?),盲翁會唔會追殺小三追到加洲,呢啲都係一個謎。
***
伸延閱讀:
【01觀點】《拆彈專家》拍得差? 為何港產片總是「伏味濃」撰文: 香港01 發佈日期:2017-04-30 17:30
有不少影壇中人表示,港產片崇尚靈活變通,為遷就拍攝進度,現時仍有不少電影在劇本未完成時便已開拍,故不少編劇需要「飛紙仔」,就是以邊拍邊寫的形式撰寫劇本。「飛紙仔」固然能夠增添電影拍攝的靈活性,惟與此同時,在「飛紙仔」的制度下,就算編劇能夠有神來之筆,亦難免因為「急就章」而出現邏輯不通、劇情不連貫的問題。

16 則留言:

  1. 底特律從二百多萬人口跌至只有七十萬人,這套戲反映底特律的絕望。盲翁可以在底特律積累財富,但小三就只有出走才有生路。

    回覆刪除
    回覆
    1. 俾着係傷港,就梗係要用特權法去調查盲翁筆錢的來源,究竟係咪幫689做嘢!

      刪除
  2. //赫然發現原來地下室囚有一名女子,就係駕車墥死盲翁的有錢女。//

    有bug,有錢女撞死盲翁後,盲翁捉走有錢女,變左鬼片...XD

    回覆刪除
  3. //有個 dying city 叫底特律
    //底特律從二百多萬人口跌至只有七十萬人

    之前又佔中又旺暴,當時傷港往底特律方向發展好明顯; 而家笨土派收收地皮,個勢先收返啲落嚟.

    //黑警無可能搜唔到地下室的機關,變成咗全片的其中一個大 bug。
    //不過魔術師可以當呢啲係「戲劇效果」

    咁你一定要快啲睇«X容疑者之獻身», 我認為布局有一個大bug的; 另外一定要同港慘片«大追捕»一齊睇,後者是明抄的,但我覺得抄得恰到好處,而且感情線更立體(雖然抄人者都有重要場景有啲bug的).

    記住呢兩套要睇晒先有資格被魔兄寫影評; 單獨睇其實無乜好寫。

    回覆刪除
    回覆
    1. //之前又佔中又旺暴,當時傷港往底特律方向發展好明顯; 而家笨土派收收地皮,個勢先收返啲落嚟.

      其實一睇見班有青的論述,就知道連老共一條毛都郁唔到。本來BB班玩泥沙者煮飯仔成不了事,但衰就衰在有班已覺醒的中剷港豬幫佢地吹噓,搞到好似好多 KOL (Key Opinion Leaders) 都認為巷蜀、以致我不理你你也不要搞我之類係可行先至弊. 所以話如果傷港要變底特律,主因唔係死在班有青手上, 而係嗰班「有識之士」搞出事.

      //«大追捕»、«X容疑者之獻身»

      «大追捕»買咗,但«X容疑者之獻身»卻非常難搵。

      //記住呢兩套要睇晒先有資格被魔兄寫影評; 單獨睇其實無乜好寫。

      收到!

      刪除
    2. 唔,可能要搵呆胞幫手嘞.

      http://www.books.com.tw/products/D020025784

      刪除
    3. 謝謝摩摩提醒,博客來是可以在我城提貨的,不過當然有運費,等我諗下點樣一個 batch 買會抵啲, 順便發文分享心得.

      刪除
    4. 唔擔心,香港係冇可能變底特律嘅
      白人外移先至底特律死亡主因
      但香港人大多唔識英心又唔識中文,國際視野零蛋
      大部分人靠香港特權(外人入境、就業限制)過活
      根本離唔開香港
      所以香港就算死,死法都同底特律唔同

      刪除
    5. //但香港人大多唔識英心又唔識中文,國際視野零蛋

      呢句真, 淨係呢位網友話介紹投資項目的網上資源係英文, 仲要問魔術師解畫, 我就知普遍傷民的英文有幾好.

      又諗起東歐妹問路段片:

      https://www.facebook.com/sundaywhiz1831303/videos/1011782115600256/

      //大部分人靠香港特權(外人入境、就業限制)過活

      根本就係保護主義, 你叫班傷民向外闖, 咪又好似80、90年代時移民潮,然後個個搵唔到食又返嚟囉! 仲要賣咗層樓移民,幾年之後返歸買唔返!

      刪除
    6. 講到底香港最重大的「核心價值」其實係舊儲備...XD
      一日有呢舊錢,個個就幻想可以日日有錢派,配合發展社混產業,仲邊捨得走?

      https://www.am730.com.hk/column/%E8%B2%A1%E7%B6%93/%E8%AE%93%E5%B9%B4%E8%BC%95%E4%BA%BA%E7%99%BC%E5%A4%A2%E7%9A%84%E5%85%A8%E6%B0%91%E5%9F%BA%E6%9C%AC%E6%94%B6%E5%85%A5-71487

      刪除
    7. // 淨係呢位網友話介紹投資項目的網上資源係英文,

      漏咗 link.

      //梁天卓

      妖,同琦哥有無關係?

      //誠哥一年交的稅比絕大部分人一生所賺的錢還要多

      作者無做過research,誠哥頭馬交的稅先多.

      //全民基本收入帶來的穩定基本收入亦可能可以給年輕人一個發夢的機會。

      同的士加車費, 車主連隨加車租一樣, 人人有同一舊錢, 咁物價咪又會加返上去, 根本就無意義.

      刪除
  4. //咪又好似80、90年代時移民潮,然後個個搵唔到食又返嚟囉! 仲要賣咗層樓移民,幾年之後返歸買唔返

    有啲仲要喺其實都OK揾到兩餐嘅,但喺自己對中剷嘅定義同西方嘅完全唔同,嫌三嫌四接受唔到,咪又要死死地氣回流(當年喺香港點咁嚮往外國生活又完全唔記得)。賣咗溫哥華嘅樓近呢兩三年都買到香港樓嘅,不過就真喺要記得多謝啲樓價比啲支那蝗蟲炒起喇!

    回覆刪除
    回覆
    1. //但喺自己對中剷嘅定義同西方嘅完全唔同,嫌三嫌四接受唔到

      車,唔好話班港豬係咁斬人啲樹搞風水,人地原居民頂你唔順就真喇!

      妹頭個心腹L女士咪就係楓葉國回流人士囉. 本來兩公婆都在舊公司做嘢,我都識L老公。前年L俾舊公司分手,搵咗大半年先搵到一份 one year contract,最近就連佢老公都被分手,唔知會唔會完 contract 之後返去楓葉國養老了.

      刪除
  5. //返去楓葉國養老

    冇得請工人,要自己做家務㗎啵,掂唔掂㗎,去醫院要排隊,唔好又二次回流噃

    回覆刪除
    回覆
    1. 呢位係投資大師嚟, 到時再回流開投資班咪十足「哥哥復出演唱會」咁囉!

      刪除