2017年7月24日 星期一

電車男的職業病

話說魔術師從事電車業多年,好死不死便給養成了幾種陋習(又可以話係職業病)。剛巧最近遇上幾年網上小事,也可借機抒發一下。
以歸納法 debug
讀者甲2017年7月20日 下午10:16
唔知點解用電話無辦法複製你哋打啲野。
查實魔術師成日覆留言(好彩魔術師一來唔係財演扑架,二來呢度亦無乜伸手黨),一早就發現呢個問題。經過用魔術師自己部 iPhone 反覆測試,發現只要開咗個 reply box,就會令到 copy and paste 個 menu bar 永遠「黐」咗上頂,廢哂武功:
解決方法好簡單,就係用 desktop 或 notebook (唔係 tablet)回應。如果一定要用流動裝置,最好就先諗好要 copy and paste 啲乜嘢內容,select 好 copy 咗再開 reply box,然而先至 paste 落去;再唔係就用 email 起住稿先。
得讀者甲確認,原來佢用 Windows phone (Android 就未知)都遇到同一問題,咁就證明咗同 iOS 或者 browser 無關,應該係 Blogger.com 個介面跟 mobile device 不相容的問題了。
***
聞到有燶味就要做 backup
各位讀者有無試過需要做 screen capture,但網頁又太長,一般 Windows default 的 screen capture tools 幫不上忙呢?魔術師在此就介紹以下呢個 plug-in 俾大家:
1. 魔術師的 Window desktop 係用 Chrome 做 default browser 的。先在右手邊的三點 click 一下,再選 More tools > Extensions:

2. 在已安裝的 Extensions 的畫面最底部,按 Get more extensions:

3. 再在左手邊 chrome web store 的 search box 下 鍵入 Full Page Screen Capture。Search 到之後再按圖示 install 即可:

4. 於是 Chrome broswer 的 menu bar 就會多咗個「相機」icon,可以用來做 full page capture:

以下便是 用以上 plug-in capture 出來的例子:
(圖片來源:財務自由夢 > 自住樓在財務自由被動收入系統中作用, captured at 2017年7月21日1時26分)
話說有博客早前自稱自己財務自由,魔術師當然就八八卦卦咁去睇下。見之真係好笑,原來呢位仁兄工作了二十年,供完一層自住樓(不知道是私樓還是居屋還是公屋),每年被動收入10萬左右便是「財務自由」
魔術師心想,綜援人士住公屋都係不愁住屋問題,呢樣嗰樣補貼一個月有幾千蚊,一年有10萬都唔出奇,難道咁又係「財務自由」?
本來人地要過「苦行僧綜援式財自」,自我感覺良好係當事人嘅事;不過魔術師愈睇呢位仁兄就愈唔對路,又金庸武功,又胡亂埋砌小說情節,引喻失義,仲話「不止要做收息達人2.0, 仲要成為新一代財務自由專家」,真係比歐陽鋒更加黐線。
有日魔術師見到呢位「新一代財務自由專家」又大放厥詞,兼夾胡說八道,思維混亂,邏輯不通,十分小學雞;於是魔術師當然抵唔住頸發揮「強者思維」(阿米語)叉能廚佢(魔術師不會挑戰別人的主觀好惡,只會從當事人的論據邏輯着眼),於是便有上面的截圖。
過了幾天,從別的博客的 feed 中見到呢位「新一代財務自由專家」有文更新,心念一動走去 check 下,果然見到之前魔術師遺下的留言已給刪掉:
(圖片來源:財務自由夢 > 自住樓在財務自由被動收入系統中作用, captured at 2017年7月23日16時46分)
原來真係給魔術師算中,弱者就係弱者,小學雞就只會做鬼崇兼白痴的事情:自己邏輯和知識上出錯,說不過人,就將別人的留言刪掉。幸好魔術師一早就知道到呢位仁兄係小家子一名(一個可以「享受」「綜援式財務自由」的人,其思想的「格局」有幾大可想而知),backup 定實無衰。
另外,原來C9王國都有 thread capture 過呢位「新一代財務自由專家」的「財自100扑」。今日再 check 返,不出所料魔術師當然已被 unlink,:
(圖片來源:財務自由夢 > 財務自由五招, captured at 2017年7月23日17時00分)
其實都好,魔術師真係唔想被啲低質扑 refer,廢事惹來伸手黨就麻鬼煩。
***
落 comment 前要想清楚
最近得悉風兄妻子因病離世,魔術師亦甚感難過,希望風兄能夠節哀順變,從新振作,走出哀傷,好好照顧女兒,面對將來。Life will go on.

Broken skies, heartaches that flowers won't mend
Say goodbye knowing that this is the end
Tender dreams, shadows fall
Love too sweet, to recall
Dry your eyes, Face the dawn
Life will go on

All day long thought that we still had a chance
Letting go, this is the end of romance
Broken hearts find your way
Make it through just this day
Face the world on your own
Life will go on, life will go on

There'll be blue skies, every true love
Someday I'll hold you again
They'll be blue skies in a better world, darlin'

Tender dreams, shadows fall
Love too sweet, to recall
Dry your eyes, Face the dawn
Life will go on, life will go on
Broken heart find your way
Make it through just this day
Face the world on your own
Life will go on
不過,魔術師還想多口說一句,安慰別人的說話,千萬拿捏得準確,中文程度不夠就不要亂說亂寫;否則人家正在做白事,自己卻出來搞笑,你要出醜獻世是你自己的事,卻要人家怎樣回應你才好呢?
時雨 2017年7月20日 下午4:11
內子真是個很溫柔的人.
風兄, 節哀順變, 好好保重.
還有,伸手黨實在是一種很討厭的存在。最令魔術師生氣的是,有些廢柴伸手黨只知去問風兄投資事宜,卻連人家出了暫停啟示也沒看見。從伸手黨跟風兄的問答 timestamp 所見,魔術師懷疑這群伸手黨只是從 bookmark 或 Google search 進入,當風兄文章是 FAQ 隨意發問,根本就沒當過風兄是「網友」,更遑論他的近況。
魔術師知道要求這些文盲伸手廢柴去自己睇《Publication 515 (2017), Withholding of Tax on Nonresident Aliens and Foreign Entities》是「太過份」的要求了;但是見到風兄在艱難時期還是很「禮貌地」去 entertain 這班廢物小王子,魔術師自己就覺得難受。
人家的事,關自己甚麼事呢?犬儒地詐看不見,當然可以;但氣在心頭,實在難以咽得下去。反正假髮人剛解釋了D人LM不算恐嚇,魔術師就在這裡公開地D一次這群賤人文盲廢物伸手黨LM吧!
***
伸延閱讀:
新聞雜評(一百五十八)

92 則留言:

  1. 看到最後一段博友消息, 百感叢生...不知對那些留言的,[好嬲定好笑].
    [風兄]說得這麼明白 , 卻還有人做[伸手黨], 有另一位網友的博文用上了[繼承遺志,克頌先芬] , 卻又不知有多少人明白意思?
    [(識睇一定睇留言)], 真的.
    [反正假髮人剛解釋了D人LM不算恐嚇...], 隔空D , 亦應該冇問題罷? 一笑.
    ---roger

    回覆刪除
    回覆
    1. //不知對那些留言的,[好嬲定好笑].

      我甚至懷疑,那位「留言的」,真係以為「內子」係人名(即係好似日本女子名字咁).

      睇嚟, 依家真係無乜人會識咩叫家嚴、家慈,丁母憂之類的典雅說法了. 畢竟, 中文科在DSE是「死亡科目」之一啊!

      //繼承遺志,克頌先芬

      發叔今天過身, 呢句話對發仔講就啱了.

      刪除
    2. //那位「留言的」
      「丟架」丟到大庭廣眾。:(

      刪除
    3. //「丟架」丟到大庭廣眾。

      長輩教落,家中有白事,別人來回候,自己的回應應該是「有心」.

      對住這位「留言的」,難道也要回一句「有心」嗎?

      刪除
  2. 魔兄講得啱,係投資投機道路上,實在太多伸手黨!別人辛辛苦苦做實踐,研究嘅心得,以為就一句可以無私奉獻,這亦太看不起別人的心血喇!

    回覆刪除
    回覆
    1. 伸手黨問了人,大多數自己都唔會做(自己錢財,點會咁輕易人講乜就跟). 如果要做的, 佢地自己自然會花啲心機研究一下, 就不會問這些BB班問題了. 也不知這些人是甚麼心態的.

      刪除
  3. 魔術師兄其實好多野都寫得好detail....
    睇完你blog (應該話詳細睇晒)仲伸得出手的其實都係高手

    回覆刪除
    回覆
    1. //睇完你blog (應該話詳細睇晒)仲伸得出手的其實都係高手

      過獎了, 多謝!

      不過, 伸手黨的通病是 no attention to details, 佢地唔想知個過程同原理, 只係想知個答案, 愈多字佢地就愈無耐性. 所以我寫啲嘢根本就唔係寫俾佢地睇的.

      刪除
  4. 這個plug in 好,多謝了

    有時唔喺太識就簡單直接啲好,硬喺要文謅謅就會出事。

    回覆刪除
    回覆
    1. //這個plug in 好,多謝了

      好說.

      //有時唔喺太識就簡單直接啲好,硬喺要文謅謅就會出事。

      以前有些人會稱呼自己妻子為「賤內」的. 以上那位「留言的」見了,恐怕都一樣會照 copy and paste 吧?

      刪除
  5. 人人都會講錯野,講錯就認錯,刪人留言,手法太低劣,點解咁多人以為刪左無人知...另一位blogger本來都覆左啲好過火既野,諗住幫佢護航,但都刪左自己留言了。

    網絡世界,互不相識都咁要面子。

    回覆刪除
    回覆
    1. //點解咁多人以為刪左無人知...

      因為唔係人人都咁attentive to details. Ryan 你在該條thread的留言一樣被刪 (你的解釋正確), 成了 collateral damage, 真的不好意思呢.

      //網絡世界,互不相識都咁要面子。

      人地要成為「財務自由專家」, 咁就梗係要面架喇!

      刪除
    2. 仲等我成個博客由頭睇到落尾,點知原來係苦行僧修道之旅⋯⋯

      中間見到好多好奇怪嘅比喻,大多數都係會考物理常識😂引喻失義

      雖然我覺得文字功夫與財商無直接關係,但都唔好太差。而財商只去到呢個程度就妄稱財自專家,盞係呢個小小博客世界俾人戲謔。

      我嘅留言無乜養份,刪咗都無所謂,反而你嘅詳細駁論無左,比較可惜。

      刪除
    3. //苦行僧修道之旅

      根據呢位博客自述, 佢都大學畢業, 儲咗二十年先可以達到「苦行式財自」. 即係而家都40幾歲, 仲係咁小學雞, 實在令人搖頭嘆息.

      //文字功夫與財商無直接關係

      文字功夫根財商,但可以顯示出一個人的內涵.

      //你嘅詳細駁論無左,比較可惜。

      個cap圖放大到200%都仲勉強睇到; 否則,便讓一切隨風吧. XD

      刪除
    4. 你有冇睇過味皇既BLOG?佢入面錯別字勁多,亦唔識幾多英文,但文筆搞笑,內容豐富,分析獨到,我覺得佢好有內涵架HAHA

      反而小弟雖然主修英文、副修翻譯,仲有個語言學食屎學位,但就無文筆無內容,全無內涵,真係讀屎片 XD

      刪除
    5. //我覺得佢好有內涵架

      咁人總有例外嘅.

      //主修英文、副修翻譯,仲有個語言學食屎學位

      你個adcademic profile有啲似前同事A, 做freelance幫人翻譯寫稿已經夠養家.

      刪除
    6. :( 求介紹,我都好想搵呢類freelance,但啲翻譯公司出價好低,我都唔知果啲freelancer係點樣養家的

      刪除
    7. 據我所知, 前同事A初頭都係靠agency搭路, 後來同班客friend咗, 又覺得agency 食水太深, 就自己出來接生意, 日日做到無停手架喎!

      刪除
    8. //後來同班客friend咗, 又覺得agency 食水太深, 就自己出來接生意, 日日做到無停手架喎!

      我有親戚亦都喺做freelance翻譯,做到無停手/口(即時翻譯/錄音,中英日大雜交...),我都幫過佢睇過吓啲科學字眼啱唔啱,後來佢生B收山,啲客喊晒成日��佢幾時做返,話熟咗唔想做生喎。

      刪除
    9. 竟然係咁,等我又去搵下agency先。
      你所講既agency係指general既job agency定翻譯既job agency??

      刪除
    10. 多謝哂!等我得閒啲慢慢搵下呢啲公司先 :D

      刪除
  6. 估唔到我個筆名會大大隻字喺度出現,好彩唔係因為我做左啲衰野 :p

    其實我嗰部電話用嘅係Windows,所以Android係唔係咁睇怕要再求證

    不過魔兄你真係好敬業樂業,放左工都會搵system bugs出黎,似乎呢樣野已經變成你生活嘅一部分。

    講起中文,我諗起有次有朋友喺FB講好中意某某作者,但就用左「筆者」呢個詞,我同佢講返筆者嘅意思,但佢就回我一句說話,大約意思係「我就係中意用筆者呀」,真係激死

    回覆刪除
    回覆
    1. //其實我嗰部電話用嘅係Windows,所以Android係唔係咁睇怕要再求證

      謝 confirm,已更正,證明我都有唔小心的時候。 

      //我同佢講返筆者嘅意思,但佢就回我一句說話,大約意思係「我就係中意用筆者呀」,真係激死

      咁佢以後係咪都繼續用「筆者」,以示自己有性格過人呢? XD

      有啲人係死口唔會認錯的(有乜咁大不了). 遇到呢啲人,唔使做好心提點佢,由得佢自己墥板就算。

      刪除
    2. 我想起在前僱傭兵公司,Android機係最難試嘅,因為 Android 太多嘢可以改, 例如三叔又可以有自己的browser之類, 所以要測試好多個型號先可以肯定程式無bug.

      刪除
  7. 魔兄有心,你點嗰首Life will go on,我結果又再聽到喊......
    魔兄頗有路見不平、拔刀相助的俠義之風,有大俠風範。但我有一言相勸,望魔兄莫怪:
    當年我年少氣盛時,四圍得罪人,有一位前輩語重心長地對我說了一番話,大意是:「這個世界上,其實沒有、或很少壞人,你覺得很多人很差,其實多數是由於各自的角度與觀點不同而致。」
    其實到現在我還是經常開口得罪人,但還是時時用這句話提醒自己,多點從別人的角度思考,就會明白為何別人會這麼做。
    以時雨為例,可能他是一時口快、或真的不明白「內子」的意思(也怪自己不用「老婆」這通用的詞語,偏偏喜歡用此稱呼),但不知者不罪,時雨特地留言問候,也算有心。
    至於伸手黨,唉,不理也罷。

    請勿誤會我說魔兄有何不是之處,相反我對魔兄的俠義之風與Attentive to detail能力甚為佩服。我只是覺得魔兄對這些無心之失動氣並不值得,內子之逝令我明白人生無常,保重自己與家人要緊。

    回覆刪除
    回覆
    1. 風兄,我都有睇你嘅blog,為你感到難過。

      我自己都有至親離世嘅經歷,嗰種痛真係難以用筆墨形容。不過一諗到痛苦同快樂本來係一個package,曾經同對方有幾深刻、快樂嘅經歷,對方走嘅時候,就有幾痛,甚至係雙倍或以上嘅痛。但我問自己,如果一早喺關係開始之前,就知道對方會比自己早走,而佢走左,我又會咁痛苦時,仲會唔會選擇同佢開始呢段關係?當我發現即使問自己一百次,我嘅答案仍然係肯定時,我忽然覺得自己嘅痛苦變得比較容易承受。

      意義治療大師Viktor Frankl曾經同個好痛苦嘅喪偶男士講,如果早逝嘅係太太而唔係佢,而家要承受呢啲痛嘅就係佢太太而唔係佢,所以佢某程度上好似代替左太太受呢種苦

      希望呢啲諗法幫到你容易啲承受到而家嘅痛苦

      刪除
    2. //多點從別人的角度思考,就會明白為何別人會這麼做。

      風兄所言甚是,所以我也沒有生那立「留言的」氣, 我也知道他有心, 只能算是「好心做傻事」罷了...
      想來老董其實也不算是「好心做壞事」,也可以算是「好心做傻事」XD

      //至於伸手黨,唉,不理也罷。

      呢班人是應該被聲討的.

      //讀者甲

      我個blog真係好有人情味! 先代風兄謝過了.

      刪除
    3. 魔兄,老董「好心做傻事」會累到一大堆人,而一般「好心做傻事」如果無破壞力,好像不可相提並論,哈哈。

      讀者甲兄有心,你講個諗法好有趣,如果可以咁諗,或者的確可以令痛苦減少啲。
      但現實係殘酷的,內子發病之初,我們從來沒有想到結局會是這樣。她最大的心願,就是看著女兒長大,我卻連這麼卑微的心願也滿足不了她!老實說吧,就算別人如何安慰,我總是覺得自己做得不夠,甚至做錯了,才救不了內子。我不斷反省自己,是否錯信了西醫,是否當時應全力進行另類療法,是否應轉私院,是否有些事情我想漏了......

      可惜現實沒有如果,讓時間慢慢沉澱吧。

      刪除
    4. //哈哈。

      識得哈哈就好.

      //讓時間慢慢沉澱吧。

      所以我會較喜歡卡龍(葉漢良)的詞.

      https://www.youtube.com/watch?v=yFiymyynhKs
      情絲萬縷也有斷腸 人蹤無定不分方向
      人已離去天不再亮 莫讓陌路滿悲傷
      遊蹤盡變作故事 情書原是心中志
      人已離去 只得往事 剩下斷腸字

      //讀者甲兄

      讀者甲是「妹」(相對魔術師而言)來的 XD

      //可惜現實沒有如果

      想當年, 先父因肺病舊患入院, 我去探望時, 有咳過一兩聲; 後來先父因肺部感染過世, 我也曾有一刻想過,是不是那天我咳了幾聲的緣故? 但世界上的因果實在太複雜, 可能性也太多. 難道我當日無去探望, 父親便可安全渡過?

      人生不是遊戲, 沒法reload 再打過; 但人生也是一場遊戲, 因為人人都有game over 的一刻. 沒答案的事, 想想可以,但不要太沉迷就是了.

      刪除
    5. //我總是覺得自己做得不夠,甚至做錯了,才救不了內子。//
      風兄,我當初也是這樣責罵自己,覺得自己在至親離世一事上有很大的責任,這也是普遍喪親的人的反應。不過,試想想即使是腫瘤科醫生或巫師,也有醫不好的病人,更何況是我們一眾凡夫俗子?或許我們寧願相信自己可以影響到生死,也不願在死亡面前感到如此無能為力。不過我相信你的太太一定覺得風兄你已盡力,不想風兄太自責。

      //讓時間慢慢沉澱吧//
      時間是帖良藥,慢慢來吧

      //我個blog真係好有人情味! 先代風兄謝過了.//
      謝謝!(我厚顏地覺得人情味是形容我)

      //讀者甲是「妹」(相對魔術師而言)來的 XD//
      網路上萍水相逢,不知對方性別不為怪。兄和妹都是一個稱呼而已,稱呼我為「兄」我也沒所謂。倒是「相對魔術師而言」這句可免則免 XD

      刪除
    6. 另外,風兄,如果凝凝年紀在11歲以下,而她仍然玩玩具的話,風兄不妨待處理好太太的後事後,讓凝凝接受遊戲治療,始終凝凝如果年紀尚小,至親死亡的衝擊對她來說會更大

      刪除
    7. //遊戲治療

      讀者甲真係好鬼專業.

      //倒是「相對魔術師而言」這句可免則免

      我想認老都唔得??

      刪除
    8. // 讀者甲是「妹」(相對魔術師而言)來的 XD //
      讀者甲妹勿怪,除非清楚知道性別與年紀,否則我都稱兄以示尊重的。但我肯定我比你老。

      //讓凝凝接受遊戲治療//
      凝凝不到十歲,到現在為止還沒有異樣,遊戲治療可以考慮。

      刪除
    9. //讀者甲真係好鬼專業
      過奬啦,呢啲係做我嗰行O既基本野黎

      //我想認老都唔得??
      但我唔想認老喎,你唔好拉埋我落水 XD

      //讀者甲妹勿怪,除非清楚知道性別與年紀,否則我都稱兄以示尊重的。但我肯定我比你老。
      沒事~ 我覺得「兄」呢個稱呼好尊重,用喺女性身上也無不可

      //凝凝不到十歲//
      風兄真的要好好保重

      刪除
    10. //但我唔想認老喎,你唔好拉埋我落水 XD

      讀者甲是妹,年輕過魔術師的.

      刪除
  8. 今日又講番呢單嘢:
    http://magician__yang.mysinablog.com/index.php?op=ViewArticle&articleId=1553500

    回覆刪除
    回覆
    1. 咁都俾你搵到, 我自己都幾乎唔記得咗喇! 呢一篇就係我每年解籤的前傳!

      //「秦王徒把長城築、禍去禍來因自招。」:長城用來防匈奴,魔術師諗,讀過小學都應該知。呢句係話「日防夜防,家賊難防」,起長城防匈奴有鬼用咩,秦始皇施政失敗,陳勝吳廣項羽劉邦,起義嘅係國內嘅人民。//

      俾我講中班巷蜀笨土有青!

      ***
      http://hk.on.cc/hk/bkn/cnt/news/20170723/bkn-20170723151010904-0723_00822_001.html
      發叔為港求籤12年 何為邪鬼何為神最經典

      鄉議局前主席劉皇發逝世,享年80歲。人稱「發叔」的劉皇發有「新界王」之稱,曾任鄉議局主席長達35年,由2004年至2015年,發叔均以鄉議局主席的身份,在每年農曆大年初二代表香港在沙田車公廟求籤。其中在2012年正值特首選舉,發叔抽到的籤文:「何為邪鬼何為神,神鬼如何兩不分」,最為經典。隨着發叔不再是鄉議局主席,近年已改由其子劉業強代為求籤。

      自90年代開始,港英政府每年農曆新年都會派出官員在年初二車公誕,到車公廟為香港求籤,回歸後亦保留傳統。惟2003年時任民政事務局局長何志平為香港求得「下下籤」,當年爆發「沙士」事件,又出現50萬人反《基本法》第23條遊行等問題,翌年決定改由發叔代表香港求籤。

      發叔手下曾經出現兩次「下籤」,分別在2009年及2013年。其中2009年香港受環球金融海嘯影響,經濟大退倒;至於2013年前特首梁振英剛剛上場,當時的籤文為「「駟馬高車出遠途,今朝赤腳返回廬,莫非不第人還井,亦似經營乏本歸。」解曰:宜慎小人,凡事不利。

      刪除
    2. 網絡大典「黑妹事件」條有您網誌文章連結。 :)
      車公好靈,2003年那次最經典。

      刪除
    3. //網絡大典「黑妹事件」條有您網誌文章連結。 :)

      嘩, 班妄民真係睇得起我!

      //2003

      第八十三簽.下簽
        掛帆順水上揚州,半途頗耐浪打頭;
        實力撐持難寸進,落橈下帆水難流
      自身:棄車保帥 財運:恐會破財 訴訟:以和為貴
      行人:有阻   生育:小心調理 出行:途中有意外
      事業:不順   姻緣:未有進展 家宅:平平
      搬遷:不宜   疾病:凶

      「棄車保帥」,仲唔係葉劉?

      刪除
  9. 因與魔兄背境相似,我也有類似debug職業病。有次禮貌地發私訊給一常寫香港掌故的網上朋友指正一事,結果得來回應「下次毋須提醒」,自討沒趣!

    回覆刪除
    回覆
    1. //下次毋須提醒

      答曰:「已讀不回」.

      刪除
    2. 千萬不要[[ 答曰:「已讀不回」..]]: 以下是剛才看到的一段網上新聞 :

      19同學已讀不回私設群組日本中一女生自殺
      雅虎香港· 4 小時前
      [[..日本全國網絡顧問協議會自15年前起,接受網絡欺凌個案求助。協議會理事長安川雅史日前表示,曾於2015年收到一名母親的求助,指其女兒因不堪在即時通訊軟件LINE上發送的訊息,同學都[已讀不回]及欺凌她,因此自殺身亡。
      安川雅史表示,該名女孩甫升讀中學,就因為沒有智能手機而遭欺負為由,要求母親購買一部手機。其後,女童加入了由班上20名女生組成的LINE群組,但她發送的訊息經常被同學已讀不回,因此感到非常沮喪。....]]
      roger.

      刪除
    3. //千萬不要[[ 答曰:「已讀不回」..]]

      咁咪好囉, 仲唔係Death Note?

      刪除
    4. 嘩哈哈~~~咁都俾你諗到, 好嘢 !!! XD....roger

      刪除
    5. 唔緊要,我控制到自己情緖,反而那位仁兄常在Facebook呻給人unfriend、人哋唔俾like之類。

      刪除
    6. //反而那位仁兄常在Facebook呻給人unfriend、人哋唔俾like之類。

      應該好似我咁, FB friend 貴精不貴多.

      刪除
  10. 諗起有次同事間傾計提到家人,我用咗令尊,事後有條友話我文謅謅
    心諗唔通好似你咁講「你老豆」咩?

    回覆刪除
    回覆
    1. //心諗唔通好似你咁講「你老豆」咩?

      答曰:「LLM條契家佬」 (並諷刺其為雜總).

      刪除
  11. 魔兄, 不知你有沒有留意下其他blog, 有物業投資高人說最近給其他blog友(你)中傷, 很心痛呢.

    回覆刪除
    回覆
    1. 嗯,不想「秤身家」,那就乾脆連自己有幾多「總資產」不要提好了.煞有介事的寫出來,幹麼?

      或許是我老眼昏花,又或許是我有腦退化,我好似在4月尾5月頭(可能真的是3個月吧?)的時候見到那個 intro,係無「總」或「淨」,只有「2000萬」,年紀也未曾加多一歲呢。

      至於「管理」甚麼的,明顯我不是 word by word copy and paste,你擁有但沒有聘請他人管理的,也就是自己管理,並沒有說錯。況且,現在流行「借人頭避稅」,就算物業是你名下,倫理上是不是閣下「擁有」,也難說得緊。所以捉這些對整句文字並非重心的字詞來叫冤,其程度跟頂爺真係可以亙相揮映。

      不過,又要公道點說, 有些人的attention to details 是比較差的, 很容易以訛傳訛, 那就說不準, 其他人的reply也非我所能控制了.

      其實很簡單,你也要留意到了,咬文嚼字的不是我, 我的留言,重點是甚麼,顯而易見. 我承認我不是逐隻字copy and paste原作者網頁, 不過再退一萬步說, 就算是我真的看漏或看錯了(是total 還是 net), 有關人等澄清一下就是,再大不了便諷刺魔術師幾句, 反正我也只是提出一個問題吧了. 將事情上綱上線到「中傷」(傷害了青年財離進及/或其客戶及/或潛在客戶的感情?),可真令人感到疑惑呢.

      刪除
    2. 要報大數先要寫「總資產」,如果唔係就寫「淨」就得啦,「總資產」而不透露負債是沒有意義的.

      說管理,而不說擁有,再加上列明二十九歲,很難相信沒有動用家人的錢.

      最後想說,網上之事,多數不能當真.討論什麼「總」或「淨」的,已經假設他所說的為真話了,可能只是較為取巧的「真話」,也不算是中傷了.

      刪除
    3. //說管理,而不說擁有
      //討論什麼「總」或「淨」的

      我只能夠說我印象中有見過「管理」和只說「資產」(沒有總或是淨). 我對我自己的attention to details還是頗有信心,沒見過不會有這個印象. 不過我又不是和當事人有甚麼深交, 也不會經常逐字逐句的去挑他的 biography 來研究, 哪月哪日改了什麼字詞.

      基於疑點利益歸於被告, 那就當是我的 deja vu 吧.

      不過,話又說回來, 就當我寫錯了, 當事人大可以來糾正我, 話我唔update;但當事人卻寫到好似「不知是總還是淨」這句問話就是「中傷」,其他「以訛傳訛」的)(動用家人的錢)竟然是羞辱;就連 Jospeh 發問也遭斬殺(「在人家背後中傷及貶低的小人」), 魔術師只覺此君對文字的理解比「隊冧佢」vs「隊冧你」更加難以理解.

      也罷,時常要去 polish 自己 bio 的人,介懷人地點睇要講自己有幾多「總資產」的人,其中心意想,其實跟「伸一伸左手,買起你全身」的某種行業差不多。你說,會有什麼人,要靠自己的資產去說服別人呢?

      又,這位財進的argument都幾好笑. 要人看完他的成長日誌才理解他的「發跡歷程」,記叙文由炒iphone開始,一篇接一篇(現在才「連載」到2011年), 中心思想又不突出, 比「足球小將」還要拖戲, 誰知道他要寫到何年何月呢?

      其實, 如果只係升值/加按/再買, methodology 加 examples 簡單三幾篇文已足夠寫完。 正如 Joseph 所言, 銀行要批按揭借款最緊要係睇借貸力。 根據金管局在2015年1月19日發出的《遵守現行物業按揭貸款的審慎監管措施》

      QUOTE
      金管局在2009年10月30日發出通告,訂明在計算供款與入息比率時,租金收入總額應至少作出兩成扣減,以計及相關支出(如維修費、地租及差餉、管理費、物業空置成本及物業或利得稅)。本局在檢討市場趨勢及有關現場審查結果後,相信上述扣減不足以覆蓋相關支出。認可機構應採用較高的扣減率,在有租金收入證明的情況下採用至少三成的扣減率,而在沒有租金收入證明的情況下採用至少四成的扣減率。
      UNQUOTE

      由於以租金做收入來供樓,其折扣額實在太大,用來做收入證明再買,便只會愈買愈細。坊間乜sir之類有開班教人「如何令借貸力由無變有」。據魔術師估計,大概是叫父母兄弟姐妹配偶開空殼公司出糧俾自己,而空殼公司的現金流就由那些投資收入(例如債基疊增)而來。

      以上呢個純粹係魔術師舉例靠估,財進有乜秘技可以做到「物業疊增」,魔術師也很想知道呢!

      刪除
    4. 有機警blog友已cap圖留低晒當事人不停polish/update biography的事實了. 前後比較, 有前文不對後語的地方, 當然, 在很多香港人眼中, 看到這總資產值已留晒口水了. 不會再好奇他如何由負數變數千萬的奇妙歷程了. (這就是坊間所言, 香港人只顧搵錢, 已缺乏好奇心?)

      正如魔兄在我blog中的留言, 他第一桶金依賴炒iphone與寫網文的話, 是光明正大的錢, 為何不給我link而發惡呢? 真的是奇怪奇怪的現象呢.

      刪除
    5. //有機警blog友已cap圖留低晒當事人不停polish/update biography的事實了.

      Joseph 兄可否私訊? 我也很想知道我是否有deja vu XD

      undefeatablemagician@gmail.com

      刪除
    6. 他已強調過, 注重現在的情況, 不談過去, 所以blog名是'尋找生活之路', 因已上岸, 所以是在努力找尋生活質素的意思吧? 何以網上掛首頁的, 卻是'按揭回贈 - 從銀行手上奪回屬於你的錢'的文章? 而自主在bio下方貼出自己的whatsapps也是無解, 難道想網友主動contact他, 問他如何找尋生活道路? 抑或是想拜金港女主動連絡他 (難道這就是他口中的尋找生活之路?) ?

      此財進的blog挺有趣的.

      刪除
    7. //在bio下方貼出自己的whatsapps也是無解
      //按揭回贈

      有誰說過他已上岸呢? 貼出whatsapp,不就是「尋找生意之路」嗎?

      QUOTE
      現在,讀者只需在本Blog「XXXXXX」Facebook專頁按Like(讚),然後直接WhatsApp筆者XXXX XXXX或Facebook PM,便可以獲得同樣的按揭回贈!
      UNQUOTE

      刪除
  12. //「丟架」丟到大庭廣眾。
    //但就用左「筆者」呢個詞

    ”佢不知道佢不知道“
    這就是謙虛的終極奧義

    //佢都大學畢業, 儲咗二十年先可以達到「苦行式財自」. 即係而家都40幾歲

    其實佢系咪好憎返工?

    //個cap圖放大到200%都仲勉強睇到; 否則,便讓一切隨風吧. XD

    又嚟:
    https://youtu.be/V1e056BeVwU

    //於是魔術師當然抵唔住頸發揮「強者思維」(阿米語)叉能廚佢(魔術師不會挑戰別人的主觀好惡,只會從當事人的論據邏輯着眼)
    //但氣在心頭,實在難以咽得下去
    //我也有類似debug職業病

    我就先天性格加後天職業病,都系好唔抵得人連事實或基本邏輯都搞錯的。
    但發覺動氣太多亦無濟於事,畢竟世上傻人蠢人過份情緒化的人太--無數次你擺個事實俾佢地,唔啱立場就ignore;deduce個邏輯佢聽,佢唔叉能廚你個deduction,而系用佢個perception話你個結論不成立。
    終於我都系決定顧掂自己先,畢竟人的資源有限...

    //「已讀不回」

    所以經蝗民歷來壞習慣提煉,馬生個WeChat系最合乎人性的:

    - 不會顯示對方已讀與否
    - Send錯可以回收(沒有HJ2Q的問題)
    -朋友圈(類似fb)可以屏蔽任何已加朋友觀看,而對方並不知道已被屏蔽

    回覆刪除
    回覆
    1. //”佢不知道佢不知道“

      咁同「無知」有咩分別? 跨境運毒,有可能被當地國家打靶, 呢個唔係抗辯理由喎.

      //其實佢系咪好憎返工?

      應該係同藍橘子一類人.

      //我就先天性格加後天職業病,都系好唔抵得人連事實或基本邏輯都搞錯的。
      //畢竟世上傻人蠢人過份情緒化的人太多

      某程度上喇, 無接觸的妄民當然可以不理; 但親戚可能都會講多一兩句,唔係要說服有關人士,而係講俾佢身邊的人聽, influence 到就最好,無謂陀衰家.

      //我都系決定顧掂自己先,畢竟人的資源有限...

      笨土派都係咁講.

      //不會顯示對方已讀與否
      //朋友圈(類似fb)可以屏蔽任何已加朋友觀看,而對方並不知道已被屏蔽

      呢兩個正!

      //沒有HJ2Q的問題

      下篇寫 XD

      刪除
    2. 尋晚趕住訓,寫得有啲唔清楚...今晚寫返多啲.

      //”佢不知道佢不知道“
      //咁同「無知」有咩分別?

      大部份人只會聚焦"知道自己不知道"的東西,其實"不知道自己不知道"的東西只會多更多,製造盲點之餘同時卻可以帶給自己無限可能.

      //我都系決定顧掂自己先,畢竟人的資源有限...
      //笨土派都係咁講

      笨土派是以為完全唔使理會七百萬傷民以外世界的諗法之下,單方面就可以決定自己點做最好.

      小弟只是唔會試圖改變或駁斥周圍的歪理傳播者,但會密切留意傳播者的動向與及傳播情況,並保護及裝備自己面對形勢發展,甚至試圖從中搵着數--例如咁多財自派加按再加按樓疊樓,我地應該等佢地火燒連環船銀主盤湧現時,抄底一網打盡.

      能夠終結歪理當然好,但小弟越來越覺得這是社會的共業,我都試圖勞心過,但實在不才,吃力不討好之餘仲要被拖進泥沼,裝備自己都做不了...所以保持特立獨行,偶爾同志同道合者分享下自己聲音就算了,中間渡到幾個中立或中毒不深者就隨緣.

      維護世界和平既任務,就交俾魔兄你啦~

      //沒有HJ2Q的問題
      //下篇寫 XD

      博士K偷偷"起機",點知發錯grp全部舊同事都知道???

      刪除
    3. //其實"不知道自己不知道"的東西只會多更多,製造盲點之餘同時卻可以帶給自己無限可能.

      咁, 唔嫖唔知身體好, 都算是unknown unknown 吧?

      //咁多財自派加按再加按樓疊樓,我地應該等佢地火燒連環船銀主盤湧現時,抄底一網打盡.

      最怕到時呢啲銀主盤死出來的, 都是納米樓.

      //所以保持特立獨行,偶爾同志同道合者分享下自己聲音就算了,中間渡到幾個中立或中毒不深者就隨緣.

      就當是撈海星囉.

      //維護世界和平既任務,就交俾魔兄你啦~

      我都係返伊謝伊倫飲紅茶好過.


      //博士K偷偷"起機",點知發錯grp全部舊同事都知道???

      我出咗《手》喇! 慢用!

      刪除
    4. //咁, 唔嫖唔知身體好, 都算是unknown unknown 吧?

      哈,unknown unknown應該是"唔知唔嫖唔知身體好"呢樣嘢,講得出呢樣嘢,都是known unknown的老雀了.

      //我出咗《手》喇! 慢用!

      謝! 過嗰邊再吹.

      刪除
    5. //哈,unknown unknown應該是"唔知唔嫖唔知身體好"呢樣嘢,講得出呢樣嘢,都是known unknown的老雀了.

      小張變小魔...

      刪除
    6. //沒有HJ2Q的問題...

      大魔小摩兩位前輩, "HJ2Q"是甚麼來的?
      [unknown unknown] 同 [known unknown]又是表示甚麼 ?
      可能離開故土文化太久啦, 這裡有很多東西都不甚了解明白 , 只能一味靠估...不過又很有趣. 有時估中了, 都會開心半日0架, 因為[寶刀未老]吖嘛...keke
      roger.

      刪除
    7. //"HJ2Q"是甚麼來的?

      HJ2Q: Hand job 2次

      [unknown unknown] 同 [known unknown]又是表示甚麼 ?

      Oxford Academic - Journal of Experimental Botany

      Known knowns, known unknowns, unknown unknowns and the propagation of scientific enquiry

      In February 2002, Donald Rumsfeld, the then US Secretary of State for Defence, stated at a Defence Department briefing: ‘There are known knowns. There are things we know that we know. There are known unknowns. That is to say, there are things that we now know we don't know. But there are also unknown unknowns. There are things we do not know we don't know.’ As a result, he was almost universally lampooned since many people initially thought the statement was nonsense. However, careful examination of the statement reveals that it does make sense, indeed the concept of the unknown unknown existed long before Donald Rumsfeld gave it a new audience.

      刪除
    8. HJ2Q典故是有個好爸爸在女兒就讀的幼稚園家長whatsapp群組內,疑似發錯"HJ2Q 賓周都損"這本該發向損友群組的訊息,跟住此對話截圖就於whatsapp間瘋傳...當然,該爸爸之後點同女兒媽媽交待,就不得而知了...

      刪除
    9. 事後有解釋的,該爸爸話自己send錯group,原本係另一吹水group講緊一份ptgf既價目表,我估當中有講HJ2Q幾錢,然後另位爸爸便加入賓周都損呢句意見。。。

      刪除

    10. //"HJ2Q 賓周都損"
      //該爸爸話自己send錯group,原本係另一吹水group講緊一份ptgf既價目表

      我又唔信該「周損」爸爸會咁樣同佢老虎解畫.

      刪除
    11. [笑到肚攣!](借用C嬸的). 謝謝兩位解釋. 明白之後 , 再睇返之前你們的留言, 就真係[笑到肚攣!]..[[ 唔嫖唔知身體好, 都算是unknown unknown 吧?]] 哈哈~~~

      Donald Rumsfeld 的這段故事 , 和當年法國某總理在一次歐盟投票時所說的一段英文差不多:( 詳細的,記不起來了, 以下是大概.)we need 'yes'to say 'no'.to win, say 'yes'and 'yes' is win-win...解釋一下:當年的普選議題是[贊成]或[反對] 取消某個政府決定 .投票站裡有OUI 和NON 兩種票, 投[贊成] , 即表示[取消]該決定, 也就是 say no to that project...

      roger

      刪除
    12. Darth Mike 的"ptgf"是指[計時鐘的..]?

      人少少, 講下幾十年前在高球場聽到的兩位大粒佬對話:
      富人甲:"錢我依家大把, 但最驚有2樣嘢..."
      富人乙:"咁大把, 驚乜7? "
      "牙痛B周軟呀..." 富人甲嘆曰, 跟住仲[出口成文]:
      "上無牙時下無牙, 此生只能褲襠爬"
      ...roger

      刪除
    13. 找到了. 是2005年的”拉法蘭”總理名句:
      Jean-Pierre Raffarin "Win the yes needs the no to win against the no ...www.ina.fr/video/I12047488
      Jean-Pierre Raffarin "The yes needs the no to win against the no ...www.ina.fr/video/I09084568

      Roger

      刪除
    14. //"上無牙時下無牙, 此生只能褲襠爬"

      可以搵黃台瓜.

      //"ptgf"是指[計時鐘的..]?

      應該是日薪的.

      //投[贊成] , 即表示[取消]該決定, 也就是 say no to that project...
      //Win the yes needs the no to win against the no
      //The yes needs the no to win against the no

      議題的設定有問題, 也說得太複雜了, 容易引起ambiguity. 正常的議題應該是fool proof的, 愈簡單愈好, 例如「高鐵香港站將會實施一地兩檢」, 選民投贊成或反對, 就實牙實齒得多.

      刪除
  13. 其實魔兄肯比出一D 較中肯的意見, 我覺得相比起其他人(如小弟 :P)只說"恭喜!!", "又多一人財自啦" 呢D 一定花了更大的心力去分析作者的文章, 係網絡世界呢D 平水相逢的世界其實係非常難得的, 如果係我, 我會十分珍惜呢D "有營養" 的回覆, 因為佢睇到一D 我睇唔到的事, 而呢個正係寫Blog 的最大目的呀!

    回覆刪除
    回覆
    1. 寫Blog有好多唔同目的,唔啱聽就Delete留言的人,寫BLOG大概不是為交流

      刪除
    2. 剛愎自用,難怪工作處處碰壁,四十幾歲人都一支公。

      刪除
    3. //一定花了更大的心力去分析作者的文章, 係網絡世界呢D 平水相逢的世界其實係非常難得的, 如果係我, 我會十分珍惜呢D "有營養" 的回覆

      謝謝呀! 我呢度基本上係無加油文, 最多就係討論同分析.

      問問題可以架. 不過發問者都要做下功課, 我認為這時基本禮儀. 隨意發問態度不佳,又看不出發問者有「根柢」咁去問, 這些伸手黨特色, 好易睇得出的, 只伯我 kick their ass.

      //寫Blog有好多唔同目的,唔啱聽就Delete留言的人,寫BLOG大概不是為交流

      寫blog可以招攬生意, 開班、賣書、同傳霉合作做KOL等, 不一而足. 呢類人會特別在意自己的 biography, 「時時勤拂拭,勿使惹塵埃」, 當然要不時polish一下, 擦亮擦亮, 不容他人挑戰喇.

      //四十幾歲人都一支公。

      我都係一枝公 XD

      話時話, 我最近搵工, 有個recruitment agency竟然問我婚姻狀態, 言下之意有啲基味, 我真係走夾唔透...

      刪除
    4. //話時話, 我最近搵工, 有個recruitment agency竟然問我婚姻狀態, 言下之意有啲基味, 我真係走夾唔透...

      嘩佢想招募你做乜工?巷版托也哥?XD

      吓喺傷巷可以問婚姻狀態?真喺關你/佢X事,如果僱主問應該會被平機會指控掛。

      //我都係一枝公

      超級鑽石筍盤 XD

      刪除
    5. //嘩佢想招募你做乜工?
      //吓喺傷巷可以問婚姻狀態?真喺關你/佢X事

      其實我只係掟咗份CV上去啲網上job board而已, 佢就搵到嚟喇. 佢問得好有技巧的, 先問我contract base嘅工做唔做呀? 我話我做僱傭兵, 同 contract base 分別不大;跟手佢就問怕唔怕唔收入唔穩定, 老婆會唔會反對...

      //超級鑽石筍盤

      我會拮親人架! XD

      刪除
    6. 鑽石王老五同賣淨蔗都只係一線只差 :P

      魔術師懂得生活之道,有些人立志成為苦行僧,兩種唔同狀態來的。

      當然如果佢識變通少少,搬去東南亞住,就會立即升LV成為當地中產,咁就一晚甩貧。

      刪除
    7. //魔術師懂得生活之道

      哈哈, 好彩唔係「魔術師懂得生意之道」

      //搬去東南亞住,就會立即升LV成為當地中產,咁就一晚甩貧。

      咁又係呀!

      馬來西亞第二家園計劃
      http://www.mm2h.gov.my/index.php/en/

      Malaysia My Second Home (MM2H) Programme is promoted by the Government of Malaysia to allow foreigners who fulfill certain criteria, to stay in Malaysia for as long as possible on a multiple-entry social visit pass.

      The Social Visit Pass is initially for a period of ten (10) years, and is renewable.

      Eligibility
      It is open to citizens of all countries recognised by Malaysia regardless of race, religion, gender or age. Applicants are allowed to bring their spouses and unmarried children below the age of 21 as dependants.

      FINANCIAL REQUIREMENTS

      Applicants are expected to be financially capable of supporting themselves on this programme in Malaysia.

      Upon application:

      Applicants aged below 50 years are required to show proof of liquid assets worth a minimum of RM500,000 and offshore income of RM10,000 per month. For certified copy(s) of Current Account submitted as financial proof, applicants must provide the latest 3 months’ statement with each month’s credit balance of RM 500,000.

      Approved participant who has purchased and own property which was bought at RM1 million and above in Malaysia may state his/her intention in letter of application during submission to lower down basic fixed deposit requirement.

      UPON APPROVAL

      (A) Aged Below 50 years old

      Open a fixed deposit account of RM300,000.00

      After a period of one year, the participant can withdraw up to RM150,000.00 for approved expenses relating to house purchase, education for children in Malaysia and medical purposes.

      Must maintain a minimum balance of RM150,000.00 from second year onwards and throughout stay in Malaysia under this programme.
      Approved participant who has purchased and own property which was bought at RM1 million and above in Malaysia may state his/her intention in letter of application during submission to lower down basic fixed deposit requirement of RM300,000 to RM150,000 on condition that the property has been fully paid and ownership documents such as grant and land title have already been issued. This amount may not be withdrawn until the participant decides to terminate his participation in MM2H programme.

      刪除
  14. //我會拮親人架

    做乜整濕我 XD

    回覆刪除
    回覆
    1. //做乜整濕我

      我kiss都和律師kiss啦!

      不要臉!

      剛剛的星期六,發生了一件不要臉的事。星期六晚,我和friends去了中環一間bar玩,那裡大部份是外國人,我自己唔太鍾意去local人的地方。

      那晚兩點多,飲了d酒,人又多又熱,我脫了外套在跳舞。那時有個外國人在我身邊跳,越跳越近,當然,我當是禮貌,便用pat pat碰碰他。他不停望著我微微笑,更和我談話。之後問我叫我和他出去。我心想,什麼事呢?跟他出去,他居然想kiss我!他真的不要臉!他只是在外國做巴士司機!我kiss都和律師kiss啦!

      刪除
    2. 哈哈哈哈!空中巴士機司當巴士司機!笑到肚攣!

      刪除
    3. //笑到肚攣!

      咁「背」! 呢段笑話流傳咗好耐架喇!

      刪除
    4. [[..港鐵兩日繁忙時間發生3宗非禮 24歲男子露械整濕中年婦衣衫被捕...]]
      即日相關新聞.

      在外國 , 特別是楓葉國, 當巴士司機好過你做老板.我有朋友, 當巴士司機的, 有工會照, 年年大假去歐遊. 現在等退休 , 食長糧.
      roger

      刪除
    5. 呢位有為青年應該幫手助養游小三, 好過連53歲大媽都唔放過.

      港鐵兩日繁忙時間發生3宗非禮 24歲男子露械整濕中年婦衣衫被捕

      【星島日報報道】港鐵連續兩日在早上繁忙時間發生非禮案!其中一宗發生今晨9時左右,53歲女子乘搭荃灣線列車差不多抵達金鐘站時,突然發現衣衫被弄濕,面積約一元硬幣般大,並赫見其身旁男子露出下體,她即時高叫「做乜露械!」有乘客聞言協助女事主報警,另有男乘客協助制服該男子。

      刪除
  15. //呢段笑話流傳咗好耐架喇!

    應該都有十年喇,唔知阿SISI有冇願望成真呢?仲有冇"當是禮貌,便用pat pat碰碰"陌生人呢?或者已經喺外國搵咗嗰揸巴士嘅,因為最後發現咗揸巴士原來喺外國喺賺咁多嘅又有工會保護..

    回覆刪除
    回覆
    1. //用pat pat碰碰陌生人

      呢位小姐 pat pat 啲肉都應該鬆弛哂咯!

      //最後發現咗揸巴士原來喺外國喺賺咁多嘅又有工會保護..

      隨時做賓架仲衰過揸巴士.

      刪除