2017年7月13日 星期四

成功申請 Individual Taxpayer Identification Number (ITIN)

想起在那些年,當《電腦時代》還是魔術師的精神食糧的日子,魔術師也曾試過那麼的一次到高登商場執 AMD CPU、NEC RAM、華碩底板、ATI Display Card、Panasonic 磁碟機、Segate Harddisk、Soundblaster + Maui soundcard、同不知名品牌的火牛和機箱等等,大大小小散件一盒一盒拎返屋企玩砌機,砌到一頭煙之後 boot 着機,雖則話「好有成功感」,但亦浪費了唔少時間(仲要俾機箱刮損手),亦從此明白到:就算自己識做,有啲嘢係應該俾錢搵熟手技工做,各司其職,社會經濟才有 comparative advantage。
投資都係一樣,有「信得過」的專人(基金經理)打理當然好,俾多少少管理費表現費都無問題;之但係就係因為能夠長期維持上佳表現的基金經理並唔多,所以近年先有低收費的 Exchange Traded Fund(ETF)的興起,不求表現突出,只求追貼指數便可以了。
不過,人心不足蛇吞象,一般散戶總是想用這樣那樣的方式去打敗大市,故此坊間便有唔少投資班應運而生,由專家級無限補時「假值投資法」到為連市盈率PE都唔知係乜的初學者而設的BB班都有...而更離奇的,就是呆灣竟然有財扑開班教人填表問美帝回水取回股息陀地稅(仲要係疑似搏大霧亂填嗰隻);可能呆民的英文程度真係比較菜的關係,跟砌機要搵高登仔,填表都要搵財扑教...
當然,對一向 attentive to details,睇文件當食生菜的魔術師來說,填個把表格根本就唔使俾錢上堂(你估係《動物傳心》咩!)。好似早前只係靠睇說明書去申請Individual Taxpayer Identification Number(ITIN)(見《假扮美帝公民入領事館做公證(2017)》),5月頭寄出的 Form W-7 已於6月7日給美帝稅局處理好(咁Form 1040NR 應該可以在6月15日前入到紙?),日前亦收到正式通知,ITIN 經已準備好,起碼可以用上3年;不過原來的申請文件就要再等一陣子,美帝會在60日之內寄返俾魔術師(好彩魔術師唔係寄咗本原裝正版護照去):



根據規定,申請咗 ITIN,魔術師就要更新返 W-8BEN Form;首先要通知的就係 Interactive Broker(IBKR.NASD),再然之後就係大貓、同埋美帝銀行。




***
伸延閱讀:
動物傳心
假扮美帝公民入領事館做公證(2017)

沒有留言:

張貼留言