2017年8月22日 星期二

佔中通識(四十八)之八月照妖館

團體遊行聲援被改判監禁社運人士 更新:2017/08/20 22:19

多個團體發起遊行,聲援日前被判囚的黃之鋒、周永康、羅冠聰,以及十三名反對新界東北發展示威者。大會指未能統計參與今次遊行的人數,但相信是自佔領運動以來最多。警方指高峰期有二萬二千人,多過今年七一遊行,警方當時指有一萬四千五百人。
遊行隊伍下午三時在灣仔修頓球場出發,社民連、香港眾志拉起黑色橫額走在最前,抗議律政司就刑期提出上訴覆核,令黃之鋒等人被判囚。他們逐一讀出十三個在囚的反對新界東北發展示威者,還有黃之鋒、周永康、羅冠聰三人的名字,羅冠聰的媽媽亦在隊伍當中。
警方原本只是開放軒尼詩道西行兩條行車線予遊行人士通過,但因為人數比預期多,警方最終開放西行三條行車線予他們通過。下午四時仍有約三百人等候出發,直到五時隊尾才離開修頓球場。與七一遊行不同,道具與橫額較少,訴求比較集中,這個「鐵窗」象徵著同行。有遊行人士稱,參與人數超乎他預期。
遊行人士到達終審法院後舉行集會,大會準備了紙及筆,讓遊行人士將心意轉達在囚的十六人。
政府回應遊行時,重申黃之鋒、羅冠聰和周永康刑期覆核案件,完全不存在任何政治考慮,案件由決定檢控到定罪,以至律政司申請覆核刑期和上訴法庭的判決,完全是按法律制度進行。特區政府得悉社會對今次判決有不同意見,但留意被告表示考慮上訴,事件應依據司法程序處理。

1. 點解依家好似乜都關小LLC事?之前縮骨遮革命都唔見佢站在陣前嘅?
2. 訪問黃CC9、有青、同埋抱住個仔的中剷?「我地都愛我地嘅孩子」係聽見都想嘔的「感性對白」(反國教時聽唔少);有青當然就係自我感覺良好,死不認錯;而抱仔中剷呢?趁依家個市仲係高位,快啲沽哂啲貨移民喇!如果唔係,耳濡目染之下,阿仔好快就變黃C有青架喇!
3. 其實啲心意卡係咪真係可以寄入在監倉架?
***
石稱三子求仁得仁難言政治檢控 更新:2017/08/20 18:40

大律師公會前主席石永泰接受專訪,他認為三名學生領袖參與公民抗命,被判刑是「求仁得仁」,不應講成是政治檢控,又點名佔中發起人戴耀廷要負很大責任。至於上訴庭副庭長楊振權的判辭,石永泰認為有點情緒化,但沒影響判決的理據。
石永泰指上訴庭這份判辭,大部分內容由法官潘兆初撰寫,既說明守法重要,亦解釋了只強調守法,社會會變得嚴苛,他認為是一份正常的判辭。他相信引起那麼大爭議,源於副庭長楊振權撰寫的其中一段。但楊振權對一些「有識之士」的不滿,石永泰有同感,還說得更白。
石永泰希望大家不要只看一邊,提到梁國雄被指收捐款,公職人員行為失當,最後脫罪,律政司沒有上訴。他認為相同的尺,亦要用來量度傳媒。說到底,他相信市民的怨忿,不是因為一單判刑而起。這番表態會帶來甚麼反響?石永泰預計很多人會覺得不中聽。
4. 凡事都有界線,其實唔係一個難明的道理。係班黃C故意使小性子(港女?),發爛渣扮唔明啫!

5. 其實魔術師覺得個判詞寫得太含蓄就真!你班黃C鬧咪鬧囉,反正個官又唔會同佢地駁過,寫得直接啲,實牙實齒抦鑊你金仲好喇!

6. 「書生論政」、「失去客觀性」、「進退失據」、「講啲唔講啲」,戴當家的罪狀,真係磬竹難書,真係難得佢仲咁夠膽每個星期在人言報寫以 mentor 的口吻寫專欄,厚顏無恥程度實在是人間罕見:

7. D,公民抗命,唔係極權政府愈判得你重就愈能感召人心嘅咩?有無睇過歷史不大正確的《Braveheart》的結局?

8. 哈哈,法治係咪食咗「龍珠」?成日死但係又可以成日復活!

9. 外國勢力關你Q事?老處冥話老美當年有份大力支持《中英聯合聲明》,依家我城痌X唔出都要唯老美事問架喎!

10. 黃C同魯迅筆下的阿Q其實差唔多,自卑變自大。黃C一向都自稱自己弱勢,所以成日哂馬,又搵埋啲KOL(意見領袖,Key Opinion Leader)在網上、在傳霉造勢(例如陶藝才子);但當呢班黃C發現一些專業人士、或「有識之士」唔支持佢地的所謂「理想」的時候,一係就沮喪,默認自己的無能;一係盲發窮惡,亂咁鬧人。

***
戴當家個樣真係串到呢!好耐無見過佢咁得戚喇!
戴耀廷指石永泰不應歸咎抗爭者 更新:2017/08/20 20:51

大律師公會前主席石永泰接受專訪,他認為三名學生領袖參與公民抗命,被判刑是「求仁得仁」,不應講成是政治檢控,又點名佔中發起人戴耀廷要負很大責任。
戴耀廷回應石永泰,指他應該點出制度暴力,不應歸咎抗爭者。
11. 戴當家口舌便給,「盡顯法律學者本色」,得意洋洋咁反屈返石大大轉頭,話石大大唔抗爭,「逼使」班一袋有青走出嚟抗爭仲俾人判埋監,「石大大都有責任」咁話:

***
【雙學判囚】遊行籌得251萬助16名入獄者 金額比「七一」增兩成撰文: 李偉欣 發佈日期:2017-08-21 21:25 最後更新日期:2017-08-21 21:25
「雙學三子」羅冠聰、黃之鋒和周永康被判入獄6至8個月,而新界東北發展衝擊立法會案,亦有13名被告被判囚8至13個月。民陣、新界東北發展關注組、社民連、香港眾志等多個團體昨日(21日)發起遊行聲援16人,今日公布籌款結果,共籌得251.5萬元,數字比今年七一遊行各泛民政黨所籌得的總數多逾兩成,側面反映昨日遊行的情況。
民間人權陣線、新界東北發展關注組、社民連、香港眾志、土地正義聯盟等團體,昨日(20日)發起「反對政治逼害,聲援入獄抗爭者」遊行,抗議近日將反對新界東北發展案13名被告,以及「雙學三子」羅冠聰、黃之鋒和周永康等人被改判入囚。而東北支援組、社會民主連線、香港眾志、大專政改關注組組成的十六在囚抗爭者支援小組在遊行期間為16名入囚者籌款,小組今日公布一共籌得251.5萬元。對比今年七一遊行,大會稱遊行人數為6萬,而社民連、眾志、公民黨、民主黨等8個泛民政黨合共籌得204.2萬元,而昨日則一共籌得251.5萬元,即多50萬元,升幅逾2成。對比前年七一遊行,大會稱遊行人數達11萬,是2014年佔領行動後的遊行高峰位,以上8個泛民政黨共籌得206萬元,但對比之下,昨日的籌款數字仍漂亮得多。香港眾志常委周庭表示,籌得的款項對抗爭者來說是一種鼓舞,認為是「摑了政權一巴」,因當權者「希望透過讓抗爭者入獄嘗試阻嚇其他人參與公民抗命」,而今次的籌款數字正正顯示這個目標失敗。 周庭指出,籌得的款項將為入獄者的家庭作出經濟支援、法律上的支出,以及為入獄者購買日常品,至於日後會否為其他入獄的政治犯作出支援及各組織如何分配款項,現階段未作討論。
對於林鄭月娥稱批評律政司覆核有關案件涉政治檢控全無理據,香港眾志常委林淳軒認為說法「荒謬」,因為每個人可以不同意法庭判決,法庭的上訴機制正是保障市民不同意裁決的權利,質疑為何政府不同意法庭裁決就是尊重法庭,但市民不同意就等同攻擊法庭。
12. 對比前年七一遊行,大會稱遊行人數達11萬,是2014年佔領行動後的遊行高峰位,以上8個泛民政黨共籌得206萬元,但對比之下,昨日的籌款數字仍漂亮得多。
說好的遊行人數呢?「人數比預期多」,咁本來「預期」有幾多?又老老實實,點睇都係得幾萬人,即係來來去去都係嗰班黃C。
13. 籌得的款項對抗爭者來說是一種鼓舞,認為是「摑了政權一巴」
咁即係要捐夠幾多錢先夠 torture 個政權?
14. 以及為入獄者購買日常品
哈哈!買番梘?
15. 香港眾志常委林淳軒認為說法「荒謬」,因為每個人可以不同意法庭判決,法庭的上訴機制正是保障市民不同意裁決的權利,質疑為何政府不同意法庭裁決就是尊重法庭,但市民不同意就等同攻擊法庭。
咁你咪唔好搞遊行哂馬囉!你咪去上訴囉!
***
伸延閱讀:
標少:為啥遊行?
豬肉成乜七七之馬丁腦得甘

律政司否認覆核刑期是雙重追訴 更新:2017/08/21 20:23

律政司發表聲明,指早於各人履行社會服務令前已申請覆核刑期,上訴庭亦考慮了各人已完成服務令相應減刑,否認是「雙重追訴」或「秋後算帳」。
大批市民遊行,聲援被覆核刑期後改判監禁的十六人。律政司一日之後發表聲明,表示上訴庭判處最終刑期時,已考慮相關被告完成社會服務令,給予刑期扣減,舉例提到黃之鋒及羅冠聰因此各獲扣減一個月刑期。律政司指法庭這做法,與過去處理刑期覆核或上訴案一致,不存在所謂的「雙重追訴」或「雙重判刑」。
律政司又強調,並非在被告完成社會服務令之後才提出刑期覆核。先提到新界東北案,律政司是在原審判刑後的二十一日內申請覆核刑期的許可。三名學生領袖的案件,控方就在去年八月根據《裁判官條例》,在原審判刑後的十四日內向主審裁判官申請覆核刑期,九月被駁回後,再向上訴庭申請覆核許可,一個月後獲批。
律政司重申,申請刑期覆核時,各被告還未開始履行社會服務令,又指由於兩宗案都有被告就定罪提出上訴,要等到被告的上訴程序結束,如黃之鋒、羅冠聰及周永康今年四月撤回上訴,法庭才可處理律政司的刑期覆核。
律政司強調,兩宗案件完全依據法律處理,覆核申請又在法例指定的期限內提出,完全不存在所謂「秋後算帳」及「政治檢控」。
【反東北集會】楊岳橋:望港人仍要相信香港法治週三 2017-08-16
(獨媒特約報導)公民黨黨魁、大律師楊岳橋表示,過去從來不會講法庭的任何一句壞話,然而這兩天已經開始有點猶豫;又反問在場集會人士能否感受到自己內心的痛苦。楊岳橋強調,有人可能因為一單案件而對法庭失去信心,但認為港人仍然要相信香港的法治,因為這條防線不能失守。
他在台上發言時,情緒激動和流淚,又勉勵有機會成為法官的人要努力,「我成日都同犯了事的年輕人講『一個案底有幾大嘅影響』,但今次入獄的13人都因為案底而令人生變得更精彩。」楊岳橋又慨嘆,自己是無膽和懦弱的成年人,做不到年輕人做的事,所以唯有在鐵窗外繼續努力堅守陣地:「鐵窗不能擋住佢地對香港的熱情和愛。」他希望港人能夠為13人都多行一步,令他們知道絕不孤單。「即使他們的身體不自由,但靈魂是自由的,等佢地知道我們是在一起抗爭。」

86 則留言:

  1. 近期嘅法庭宣判,實在令人感覺有轉機😂香港應該仲有得救😊

    回覆刪除
    回覆
    1. 當年縮骨遮革命時有句話叫「罪不責眾」,即係黑警拉都只會拉啲「帶頭大哥」,所有 nobody 可以「放心犯案」. 而事實上後來痴瘋人等等主事人均獲輕判, 其他 nobody 唔係象徵戈式判罰(憎見蕉都只係判幾個星期),就真情係無罪釋放(通常係因為黑警檢控程序出錯), 搞到一般奉公守法的市民如魔術師真係心中涼了一截.

      最近假髮人的判刑又似乎 make sense 返少少.

      刪除
    2. 其實法律界都算係泛黃,你睇下功能界別班損毀就知,所以班假髮人會偏幫邊個? 嘿嘿...
      今次加刑,最大得著其實係傳統販民,你班激進傻hi 響垃圾會選舉"界刂"傳統販民既案,你估真係唔洗還?

      刪除
    3. 所以我覺得今次咁多疑似偏黃法術人出嚟插戴妖,反對派裡面真係分裂再分裂,"界上界".

      刪除
    4. //最大得著其實係傳統販民
      //反對派裡面真係分裂再分裂,"界上界".

      唔通又係邊個最着數, 邊個就係幕後黑手?

      刪除
    5. 泛民和本土不是「大和解」所以遊行人數出乎意料的高嗎?呵呵呵。

      刪除
    6. //「大和解」

      有利用價值咪和解囉. 仲衰過十八路諸侯討董卓.

      刪除
  2. 咦唔見KOL老處銘同埋AV淫出嚟行嘅?問吓佢哋嘅"專業"意見嘛。

    //東北支援組、社會民主連線、香港眾志、大專政改關注組組成的十六在囚抗爭者支援小組在遊行期間為16名入囚者籌款,小組今日公布一共籌得251.5萬元....對比今年七一遊行,大會稱遊行人數為6萬,而社民連、眾志、公民黨、民主黨等8個泛民政黨合共籌得204.2萬元,而昨日則一共籌得251.5萬元

    呢幾個政黨點分呢?平均分?你哋都喺靠呀河童嘅JJ搵食.....又,聞煮黨有冇份使唔使分啲俾豬��?

    //將為入獄者的家庭作出經濟支援

    男朋友仔女朋友仔有冇份㗎駛唔駛搵人陪吓佢哋作感情上嘅支援

    //會稱遊行人數達11萬

    始終都仲喺有X百萬人冇去支持

    ***

    石大大嗰叮噹好搶眼 XD

    回覆刪除
    回覆
    1. //呢幾個政黨點分呢?平均分?你哋都喺靠呀河童嘅JJ搵食.....

      應該唔會共產喇, 各自挖返自己籌款箱就最公平.

      //又,聞煮黨有冇份使唔使分啲俾豬��?

      個籌款箱list好似無白鴒黨..

      //男朋友仔女朋友仔有冇份㗎駛唔駛搵人陪吓佢哋作感情上嘅支援

      以佢地兩個個衰樣, 走去做PTBF/PTGF 都唔知有無生意...

      //石大大嗰叮噹好搶眼 XD

      我第一眼都留意到! ^_^

      刪除
  3. //...今日公布籌款結果,共籌得251.5萬元

    251/2=125.5! 班粉絲好有錢喎 .咁班友駛乜成日申請[法援]呀呢又? 自己發起[募捐] 就夠啦, 再唔係叫大妖同大神名日棍出錢啦...[我們日用的飲食 , 求主賜給我們.], 再再唔係, 叫大舊泥科水啦.

    251.5萬, 七除八扣, 人工印刷制訂大幡慶功宴...唔知仲有幾多可以接濟啲家屬呢, 我想問.....

    回覆刪除
    回覆
    1. 遊行人數得2萬咩?
      毒果吹14萬
      即係每人捐唔夠張20蚊
      都話大話怕計數 ~^o^~ ~^o^~

      刪除
    2. //251/2=125.5
      //遊行人數得2萬咩?

      除2 係指警方數字? 又咁, 我覺得警方都係會估少啲的. 我估毒果應該係加多個1, 實質4萬人可能有. 二人同行, 一人捐款, 平均捐$100+ 左右, make sense 喇!

      //班粉絲好有錢喎

      不過, 傷民咁有錢, 區區250萬, 居屋都買唔到, 使乜要籌旗咁辛苦呢?


      刪除
  4. //6. 「書生論政」、「失去客觀性」、「進退失據」、「講啲唔講啲」,戴當家的罪狀,真係磬竹難書,真係難得佢仲咁夠膽每個星期在人言報寫以 mentor 的口吻寫專欄,厚顏無恥程度實在是人間罕見://

    百份百同意. 用書生形容佢, 都係太枱舉呢條友喇.佢個X樣, 無辦法唔令人覺得佢就係老夫子漫畫內的 死八公.

    回覆刪除
    回覆
    1. //佢個X樣, 無辦法唔令人覺得佢就係老夫子漫畫內的 死八公.

      所以我極不同意假髮人以「有識之士」來形容佢.

      刪除
  5. 石前會長將«紐約時報»同«還拖時報»齊名先係當頭棒喝.

    回覆刪除
  6. // 「書生論政」、「失去客觀性」、「進退失據」、「講啲唔講啲」,戴當家的罪狀,真係磬竹難書

    戴妖的罪狀何止這些, 妖言惑眾、轉移視線、縮骨缷膊、斷章取義、...無恥程度輕易超越曾見蕉. 每次在電視出現,我都會忍不住破口大駡.
    他到底何德何能, 可以在報章有固定地盤, 不負責任地亂吹?

    另外, 覺得自從雷動計劃後, 泛民對戴妖冷淡了許多. 被石大狀咁插法都無人出聲撐佢.

    回覆刪除
    回覆
    1. //覺得自從雷動計劃後, 泛民對戴妖冷淡了許多. 被石大狀咁插法都無人出聲撐佢.

      記得早前有件有青在垃圾會門外燒垃圾桶,判咗兩年; 戴當家作為主犯, 如果判得輕過佢就真係「不公義」.

      於是問題就來了: 戴當家是否一家經濟支柱? 如果佢入咗冊, 藍大會否繼續提供宿舍或教席收入? 如果佢係買樓的話, 又如果無咗佢份收入, 佢老婆是否供得起樓同埋供到女兒出國留學?

      雷動令一眾販民老鬼下馬(老實講, 朱仔點有可能做票王?), 間接叫佢地退休, 大削販民收入. 唔嬲就有鬼, 睇怕都唔會點接濟戴當家家眷.

      咁, 戴當家咁腦定, 唔通真係早有退路?

      刪除
  7. 戴妖在泛民間真系好似眾叛親離,又達成不到米帝的指標,應該冇乜美元落袋。但契弟黎爛船都有三根釘,應該都會接濟下佢嘅。

    回覆刪除
  8. 其實自從垃圾會選舉過後,傳統販民同本土已經分裂。

    之前老處冥仲同癡瘋仔兩爺孫開開心心遊美國出席聽證會,到今日癡瘋仔俾人加監,但係阿老處冥有冇好似幫中佬書機咁開記招/發聲? 心照啦...

    回覆刪除
    回覆
    1. //傳統販民同本土已經分裂。

      //之前老處冥仲同癡瘋仔兩爺孫開開心心遊美國出席聽證會,到今日癡瘋仔俾人加監,但係阿老處冥有冇好似幫中佬書機咁開記招/發聲? 心照啦...

      早前傳統販民被笨土/自決派殺到片甲不留, 只好話「沒有分裂的本錢」死死地氣走去求和,毛掹淨仲當游小三好似契女咁, 學鄭蟲蟲話齋「扮哂friend」. 但呢班笨土/自決派不嬲都養唔熟, 傳統販民你估受得氣少?

      依家笨土/自決/販民齊齊被DQ, 洗大咗嗰班錢債肉償都唔掂, 販民係我城搞咗咁多年, 總有少少家底, 但要照顧埋班笨土/自決就緊係say no, 同佢地保持距離喇!

      刪除
  9. Eunuchs,

    You don't have son and daughter even a wife. Why you bother it?
    Nothing left after you die but only this blog.

    匿名

    回覆刪除
    回覆
    1. 哇! 唔講理據齋用blog主身份作人生攻擊?

      果然非常有黃屍作風呀下.

      刪除
    2. 匿名:

      JJ 我有.

      我無兒無女無老婆, 老豆老媽又死埋, 就連保險都無買, 生不帶來死不帶去, 我死鬼咗副身家益埋特衰政府添!

      我爛命一條, 你夠膽咪搵我囉.

      摩摩:

      //黃屍作風

      呢啲人正廢柴.

      如果呢個人係我相識的話, 九成咪又係上次嗰條酸友囉. 我估到佢係邊個喇!

      刪除
    3. 哦,老婆仔女係thing......
      三位未來諾貝爾奬人士也'don't have son and daughter even a wife.',咁'Why [they] bother it?'要唔要問吓?

      刪除
    4. 算喇, 條廢柴無嘢鬧鬧埋啲小學雞嘢, 無需要口舌之爭, 盞影衰自己.

      刪除
    5. //'don't have son and daughter even a wife.'
      //哦,老婆仔女係thing......

      我好煩現代中慘講到仔女好似大晒咁(利申: 本人亦無兒無女)

      以前有套戲«男人四十»,張學友做個中年中學教師,細仔無心向學; 學友有一中學老死葛民輝,同樣讀書不成,多年輾轉下反而小有成就,在深圳開酒巴做老闆。學友大仔比較生性,一次同學友講: 其實細佬如果行葛民輝條路咪幾好...學友回應可圈可點:

      唔得! 佢係我個仔就唔得!

      (YouTube有全套睇,但我一時搵唔返呢段)

      - 觀察現實世界,好多父母對有血緣關係的子女,管教經常感性代替理性
      - 佢地認為社會應該留俾子女既嘢,先不論理性上是否對其子女最好,卻不一定對社會的其他持份者(包括其他人的子女)有益

      有子女唔係大X晒,你既子女更加唔係大X晒

      刪除
    6. 英文差成咁就唔好無啦啦用英文啦,笑死人。喺偽中剷定喺假藍血呢又?

      刪除
    7. //我好煩現代中慘講到仔女好似大晒咁(利申: 本人亦無兒無女)

      有啲中剷真係好 proud of 自己有仔女的, 啲潮爸潮媽更甚!

      //«男人四十»

      呢套係我少數自行去睇的港慘片, 都係為咗睇當時索爆的林嘉欣.

      //唔得! 佢係我個仔就唔得!

      大把人係咁, 如果唔係就唔會成街怪獸嘉獎喇/

      //管教經常感性代替理性

      我又要quote《天地豪情》雪妮飾演的媚姨, 一有人話佢個仔甘量宏(張家輝飾)壞事做盡, 媚姨就會話:「細B好乖,唔係咁嘅人嚟嘅!」(當年雪妮一出場講親都係呢一句, 我老豆都會恥笑個編劇, 所以我好記得).

      //先不論理性上是否對其子女最好,卻不一定對社會的其他持份者(包括其他人的子女)有益

      人地仔女係點,關我鬼事咩! 所以倒過來絕食中的痴瘋仔會感動到佢地眼淚鼻涕一齊流,因為痴瘋仔的「義舉」反映了班中剷的懦弱是也.

      //英文差成咁就唔好無啦啦用英文啦,笑死人。喺偽中剷定喺假藍血呢又?

      佢可能以為識 Eunuchs 就好叻叻...

      如果係我識嗰個人, 應該係一條鄉大偽藍血港女.

      刪除
    8. //如果係我識嗰個人, 應該係一條鄉大偽藍血港女.

      係咪之前嗰位成日係魔術師資產配置度挑挑剔剔的...唔...嗰位C9?

      //不過, 傷民咁有錢, 區區250萬, 居屋都買唔到, 使乜要籌旗咁辛苦呢?

      根據手上的資料,呢期居屋有啲單位實用面積371平方呎,售價唔駛250萬!XD

      不過我有啲強迫證發作,想睇下250萬現金會有幾厚呢?
      當全部100蚊紙,250萬/100 = 2萬5千張
      網上話一張銀紙大約0.011CM厚,0.011CM X 25,000張 = 275CM
      即2.75M高

      根據獨媒某人計算當年亞視個現金喼,都最少要2個喼先裝得晒,仲要當全部直版新銀紙先得...

      如果係媒體所見的籌款箱,唔知要幾多個箱先裝到250萬元呢?

      其實我成日諗,街頭籌款都係一個洗黑錢的好方法,一句街頭籌返黎,又唔駛講金主係邊個,唯一唔好的是無得自己袋袋平安。

      刪除
    9. //佢可能以為識 Eunuchs 就好叻叻...

      哎吔冇留意喺加咗S,即喺所有男觀眾都鬧埋(女嘅冇鬧,果然喺巷女)。講真,邊有人用英文太監鬧人,好支那思維囉。

      //其實我成日諗,街頭籌款都係一個洗黑錢的好方法,

      呢啲籌募嘢,問吓李呃人同埋長毛就最清楚喇。

      刪除
    10. //係咪之前嗰位成日係魔術師資產配置度挑挑剔剔的...唔...嗰位C9?

      估係咁估喇!畢竟我我得罪唔少人,未必估得中架!

      //當全部100蚊紙,250萬/100 = 2萬5千張
      //如果係媒體所見的籌款箱,唔知要幾多個箱先裝到250萬元呢?

      可能人地多$500, $1,000 呢...

      //街頭籌款都係一個洗黑錢的好方法,一句街頭籌返黎,又唔駛講金主係邊個,唯一唔好的是無得自己袋袋平安。

      行政費用出返耀返自己,Banner/籌款箱的production收回佣或者用自己公司...真係要袋咗先,有好多方法的。

      //邊有人用英文太監鬧人,好支那思維囉。

      有啲港女係特別鍾意標奇立異的。

      //呢啲籌募嘢,問吓李呃人同埋長毛就最清楚喇。

      李呃人啲錢俾殺人政權沒收咗呀! 你咪抵毀佢!

      刪除
    11. 路過﹐點解係眾數呢?

      刪除
    12. 因為呢到係東廠

      刪除
    13. Michael:

      真正原因要問匿名至知喎。

      C嬸:

      唔使理呢件匿名喇

      刪除
  10. 講真傘後選舉後所謂黃絲分裂到碎過餠碎,不成氣順
    今次有種小回春嘅感覺都係KOL發功,
    將班友upgrade到「政治犯」、「義士」地位,
    話咩就算政見不同都冇理由唔聲援blablabla,
    淪落要用佢地最鄙視嘅左膠大愛作感召,
    對比當初意氣風發個樣真係「你都有今日」。

    最乞人憎嘅地方,係佢地無喇喇代表咗年青一代,
    久唔久會有口痕友上級走過嚟試我口風
    「糧油俾人DQ喎」「Gphone入冊喎」
    「哦,係咩。」
    「你班後生⋯⋯」
    咁就莫名奇妙俾人打成一派,連消帶打潤埋我,defend自己又好似幫呢班柒頭defend咁。
    佢地一有咩動作,我都要被逼表達下意見,真係多得佢地唔少。

    回覆刪除
    回覆
    1. //最乞人憎嘅地方,係佢地無喇喇代表咗年青一代
      //咁就莫名奇妙俾人打成一派
      //佢地一有咩動作,我都要被逼表達下意見,真係多得佢地唔少。

      廿幾年前我大學畢業,第一份工月薪$10,000,一年後加薪至$13,000,之後轉工去咗舊公司,入職$16,000,一做就做咗差唔多20年。
      第一份工返火炭工廠區,去啲飯堂食飯,碟頭飯連例湯$10搞定,每個月俾$3,500屋企,自己月儲$5000;加咗人工之後家用$5,000,自己儲$7,000。
      當時仲係聽緊 walkman,用 call 機秘書台。
      依家大學生畢業又係萬鬆啲蚊,但生活質素同使費升咗好幾倍,加上現在班有青生理早熟,時常都要私淫空間扑嘢,搵嘅同20年前差唔多,但係開支就大得多。
      睇返啲歐豬國家,佢地一樣有有青搞事,又燒車又搶嘢,不過佢地國家有民主,所以無藉口,只能夠純粹發洩。
      而在傷港,我地有回歸有特衰政府有董伯有貪曾有689,更有殺人政權做後台,要搵藉口搞事發洩對社會的不滿就易到極,最好就係講民主,講普選,基本上無人駁到你。
      所以,呢班有青其實只係要埋堆,無論係黃C、左膠、大愛、定係笨土義士,都只係一個俾佢地可以聚眾發洩情緒的藉口,所以佢地的「立場」可以轉得好快,或者可以講,除咗反共呢個大方向(因為殺人政權係公認的大 boss),佢地係無立場的。
      而要你「歸邊」,其實就只係想要用一個「同路人」來證明「I will never walk alone」而已。

      刪除
    2. //久唔久會有口痕友上級走過嚟試我口風

      你老細挑動世代矛盾喎 XD

      其實你一句答佢: "超,佢地還佢地,我還我" 咪得囉

      刪除
    3. //你老細挑動世代矛盾喎 XD

      總係覺得呢啲唯恐天下不亂的都是黃C上司一類人.

      刪除
  11. 係年輕人同中坑角力。依家年輕人贏咗感召啦!感召到幾多人就要視乎可感召人數。

    見到咁多有色芝士出嚟同戴妖割䉀,我諗起當時(佔中發酵得差不多時)電視時事節目關於戴妖,唔少人話佢其實好好人呀好中直呀好有料呀好有理想呀,非常膠,唔得罪兼政治正確。依家再睇下戴妖副德性,唔知班友有咩回應。

    我唔同意宣誓風波係秋後算帳。我話係忍無可忍。正正之前有 second chance,證明[政府]一直克制寬大。但係同樣有界線,踩過界咪揸正來做囉!好簡單。先講糧油,有畀機會佢哋道歉,但佢哋冇喎!好嘞!Q 咗糧油,公平起見,其他玩嘢嘅吿唔告先?唔告咪一樣有人話選擇性針對人!佢哋要對抗人,不過蠢,畀位人 DQ 曬佢哋,佢哋理虧在先,可以怨邊個?當然,投佢哋票嘅人會畀人笑到面黃,咁就各有反應啦!

    班 jim pie 成日都攪唔明 D 道理。
    "If 50 million people say a foolish thing, it is still a foolish thing."/Anatole France
    Right and wrong is not defined by numbers.
    另外就係以為係人都崇尚民主。Is democracy a universal value?Are we allowed to favour other forms of governance? 如果答案係 no and yes respectively 咁所謂嘅「抗爭唔係為私利」係唔成立。

    咁佢哋當初又話「窮得只有錢」笑人哋冇文化。咁而家係咪輪到佢哋開始冇文化?

    //法庭的上訴機制正是保障市民不同意裁決的權利,質疑為何政府不同意法庭裁決就是尊重法庭,但市民不同意就等同攻擊法庭。//
    呢個肥到好似個波咁嘅林仔噏乜?大家都唔同意法庭裁決,但係反應不一。人哋尊重法庭,冇話法治而死,冇話政治凌駕左法律。但係 jim pie 就攻擊法治 (自稱政治犯) 攻擊法官 (攞人哋參加聖誕聚餐幅相嚟話法官有政治立場)。

    ---------- ---------- ----------
    //控以非法集結(《公安條例》第18條)以及煽惑非法集結(《刑事訴訟程序條例》第101I條,凡沒有單列的煽動罪,都可以此罪檢控)的罪名。//

    //律政司長向原審裁判官提起覆核刑期要求,9月21日被拒絕。律政司長遂向高等法院提起覆核上訴。2017年8月17日高院上訴庭楊振權副庭長、潘兆初法官、彭偉昌法官作一致判決,更正了東區法院量刑的失誤//

    //其中引起香港媒體廣泛注意的是楊振權副庭長有關「違法達義」論和「和理非」(和平、理性、非暴力)虛偽性的斥責。其他兩名大法官也從不同角度分析,提出批評。因此,有些沒有閱讀過判辭的西方國家(如美國國會、英國外交部)、政要(如美國共和黨參議員魯比奧(Marco Rubio)、美國眾議院少數黨領袖佩洛西(Nancy Pelosi)、前香港總督彭定康(Chris Patten))和一些媒體,斷章取義,以為是政治檢控和逼害。//

    //該判決的大部分內容涉及有關案件的具體情况、客觀環境、適用法律、罪行認定、可否適用社會服務令和緩刑、非法集結的群體效應、是否有預謀、對暴力發生是否預見、原審裁判官量刑的主要失誤、作出阻嚇判決的依據和必要、量刑的原則等,都作了較為充分的闡述。//

    //2012年9月,學民思潮圍堵政總,迫使行政長官撤回國民教育科,學民思潮遂把政總前地稱為「公民廣場」,紀念他們抗命的「勝利」。
    ⋯⋯
    被告人在合法集會結束後,經過開會、評估後,號召群眾衝擊、佔領政總前地卻是非法的,才以非法集結罪被起訴。//

    //數百人被煽惑而非法集結,人多勢眾,就屬於情節嚴重⋯⋯
    但預見可能發生暴力事件而不顧後果,使用暴力或威脅使用暴力,則罪責加重。本案有10名政總保安受傷,就有必要施加阻嚇刑罰⋯⋯
    上訴庭考慮到上訴由律政司長提出,可扣減一個月;考慮到社會服務令已執行完畢,再扣減一個月。//

    //3名被告人率領數百名群眾衝擊閘門、佔領政總前地,明知政總的保安職責所在必會阻擋進入,但他們依仗人多勢眾,執意造成肢體衝突,也被認為是使用暴力。「暴力」的定義不限於動手打人,但動手打人就可能觸發其他罪名,如暴動罪。//

    //判辭花了一定篇幅分析原審裁判官的失誤⋯⋯
    個人情况和犯罪動機等與量刑不相稱⋯⋯
    沒有考慮阻嚇判刑⋯⋯
    忽略了大規模非法集結可能發生暴力衝突、保安人員受傷的風險,還以為沒有證據顯示該等傷害與被告人有直接關係⋯⋯
    片面強調被告人真誠相信有必要到具有歷史意義的「公民廣場」喊口號。⋯⋯他們的悔意是不真誠的,但原審法官給該等悔意過高的比重。//

    //美國《紐約時報》並不了解源自英國的、被香港《基本法》保留的公安條例中的非法集結罪,也不認識被告人的行動是屬於嚴重的、具有暴力性質的非法集結,就貿然打算向諾貝爾和平獎委員會推薦一審已被定罪的、二審改判即時監禁的3名囚犯成為和平獎得主,這只會讓諾貝爾蒙羞,也應了西方開始有《莊子》「竊鉤者誅,竊國者侯」的亂世了。//
    https://m.mingpao.com/ins/instantnews/web_tc/article/20170821/s00022/1503229253950
    ---------- ---------- ----------

    //我都好想知道戴當家點生活落去.//
    終於輪到佢瞓街!

    //匿名2017年8月22日 下午5:41//
    https://m.youtube.com/watch?v=hTnazf56MzQ
    我搵唔到廣東話版~
    鬧人講粗口呀!邊個唔識啊?冇料到就彈開啦!阻住晒啲位!嘥晒D氧氣!
    我都冇兒冇女。老豆老母都會遲早死。(係人都會死架!)但係有啲人做一啲野影響其他人,想不負責任逃之夭夭,就人人得而誅之!

    回覆刪除
    回覆
    1. //係年輕人同中坑角力。

      學死鬼曹仁超話齋:「個位我坐我好舒服,你有本事咪拉我落嚟囉!」

      //依家年輕人贏咗感召啦!感召到幾多人就要視乎可感召人數。

      可以感召到班 C9,由反國教開始就有一群中剷女人將佢地嘅母愛投射落去痴獨仔身上。

      //但係同樣有界線,踩過界咪揸正來做囉!
      //Q 咗糧油,公平起見,其他玩嘢嘅吿唔告先?

      Exactly!就係因為販民成日都話要 whiter than white,唔可以雙重標準,咁咪搵呢幾個太出位的祭埋旗囉。如果唔係班藍絲辦事不力,DQ多幾個都仲得。

      //Is democracy a universal value?

      黃C:Yes, definitely.

      //Are we allowed to favour other forms of governance?

      黃C:No, you should accept our autocracy.

      //呢個肥到好似個波咁嘅林仔噏乜?

      呢排咁熱,見到一個二個肉騰騰的肥林真係唔開胃。

      //但係 jim pie 就攻擊法治 (自稱政治犯) 攻擊法官 (攞人哋參加聖誕聚餐幅相嚟話法官有政治立場)。

      佔派會話呢啲係言論自由;政府有公權力,所以就無言論自由,唔可以說三道四。

      //上訴庭的改判是政治判決嗎?(文:宋小莊) (09:00)

      見到係日月神報,仲以為佢地做乜改哂立埸添!寫埋啲反黃嘢,仲要有 point 咁難得...哦,原來係宋護法寫嘅!

      //終於輪到佢瞓街!

      捐個帳篷俾佢喇!

      //但係有啲人做一啲野影響其他人,想不負責任逃之夭夭,就人人得而誅之!

      吳京:衰軟必豬!

      刪除
    2. //見到咁多有色芝士出嚟同戴妖割䉀
      //咁而家係咪輪到佢哋開始冇文化?

      我反而發覺今次班低級藍C愛字頭非常低調,好似俾人㩒住咁...我懷疑有策略係等班真•有識之士舌戰呢班有色芝士,除了俾中間派見多啲芝士出醜外,亦等佢地自己鬼打鬼(真•有識之士不乏淺黃之人)。

      班愛字頭出嚟只會添煩添亂,反而佢地以前啲膠行竟然變成今次砲彈: 咁你地同上次七警案班愛字頭指摘法官有咩分別?

      //Is democracy a universal value?

      我剩係知19世紀以來,從來沒有一個現代國家能在全民主體制之下發展成發達國家的。美帝1920's白人女人先可以投票,1960's黑人先可以投票。

      照蝗國現在的發展方向,15年後人均收入會達發達國家水平。到時蝗國未有民主化跡象,我會比而家任何黃C更黃...如果我未移民他國的話。

      刪除
    3. //一群中剷女人將佢地嘅母愛投射落去痴獨仔身上。

      如果喺自己嘅仔女又會唔會咁偉大(assume 中剷女人 do have son and daughter),定喺好似摩兄嗰引文:唔得! 佢係我個仔就唔得!

      刪除
    4. //我懷疑有策略係等班真•有識之士舌戰呢班有色芝士,除了俾中間派見多啲芝士出醜外,亦等佢地自己鬼打鬼(真•有識之士不乏淺黃之人)。

      咁有人自己內鬥, 自己當然無謂介入, 隔岸觀虎鬥都唔知幾爽.

      //咁你地同上次七警案班愛字頭指摘法官有咩分別?

      黃C慣咗雙重標準,只怕佢地睇唔明呢個類比 XD

      //從來沒有一個現代國家能在全民主體制之下發展成發達國家的。

      槍杆子裡出政權才是universal value...

      //到時蝗國未有民主化跡象,我會比而家任何黃C更黃...如果我未移民他國的話。

      到時摩摩都退休喇.

      //如果喺自己嘅仔女又會唔會咁偉大(assume 中剷女人 do have son and daughter)
      //唔得! 佢係我個仔就唔得!

      殺君馬者道旁兒, 絕食都係留返俾痴瘋仔做喇!

      刪除
    5. //證明「I will never walk alone」而已。//
      有一班新一代冇本事嘅人,覺得自己老馮一定要同人睇齊(粗劣咁形容為唔認命),就會陷入憤青系列。佢哋嘅戰鬥力非常薄弱,駁嘴駁舌同問「咁我可以點?」就至叻。果頭又話人哋當佢哋填鴨,果頭又問佢可以點。就算你答左佢,佢都會有一萬個理由話做唔到呀咁做冇用呀。因為佢哋嘅目標離佢哋可成功嘅位置好遠。即係佢哋嘅本事只係能夠去到金字塔嘅中層,但係佢哋就成日覺得係人都可以去到金字塔嘅尖尖。如果係人都可以去到就唔係尖尖啦!嗰頭話創業,但係一啲 risk 都唔想承擔。冇贏嘅本事,又怕輸。唯有不停 challenge 個 system,直至自己可以變成係尖尖位置。成日幻想自己可以好似 Facebook 創辦人呀,Bill Gate 呀!呢個世界有幾多天才啊?真係好想同佢哋講『唔會咁啱係你呀化!』
      佢哋以為呢個世界好似佢哋咁諗,有魄力就會完美。係咪痴痴地?佢哋都冇魄力!遇到困難就淨係識得碌地嗌「高牆!高牆!」
      如果要承認自己係一個廢柴,太慘情!但係如果唔係只係我一個係咁呢,照計冇咁多廢柴架!突然之間就覺得舒服好多嘞!但係其實,成班都係廢柴!
      陳可辛有句格言「要知訂(地)」。大概嘅意思就係要知道自己係咩位置,如果唔係就自己 law-lay-gin!

      社會幼稚化。施老闆同潘麗瓊異口同聲:
      「他們連工作經驗都未有,只是剛開始從別人那裡接觸到一些抽象的政治理念,就以為可以普世通用。他們對社會的複雜性一無所知,難道就可以憑這些二手的理念為社會斷症?」
      https://www.am730.com.hk/column/新聞/年輕人與其致命的自負-92102
      「學生領袖毫無社會經驗,對於推行民主自由,牽涉複雜憲制改革的現實,毫無概念」
      http://hd.stheadline.com/news/columns/15/20170822/596189/
      單憑話年輕人純潔有理想,就靠佢哋引導大家。其實呢班所謂為年輕人只不過係唔服你哋啲大人成日話佢哋,成日指點佢哋,佢哋而家就好想指點番班老嘢,話俾啲老嘢聽「老嘢!你諗嘅嘢唔 work 㗎啦!」其實佢哋就唔明,佢哋嗰啲諗法一樣唔 work。但係重點唔係 work 唔 work,而係「我唔鍾意聽你支笛囉!」所以我哋可以做嘅,就係由得佢砍落埲牆度!
      哪!攞住包花生!

      //Is democracy a universal value?
      黃C:Yes, definitely.
      Are we allowed to favour other forms of governance?
      黃C:No, you should accept our autocracy.//
      D~

      //肉騰騰//
      肉騰騰通常都離唔開肥淋淋~ XP

      //原來係宋護法寫嘅!//
      我唔識喎。好有名架?有冇故仔聽呀?

      //捐個帳篷俾佢喇!//
      同婆婆買個紙皮啦!

      //吳京:衰軟必豬!//
      菜式嚟架? XD XD

      刪除
    6. //其實呢班所謂為年輕人只不過係唔服你哋啲大人成日話佢哋,成日指點佢哋,佢哋而家就好想指點番班老嘢,

      冇事時就要話我都喺成年點解你哋咁港豬,一有事就變返細路要呵護點解咁重手。

      刪除
    7. //佢哋嘅戰鬥力非常薄弱,駁嘴駁舌同問「咁我可以點?」就至叻。

      強辭奪理駁到你口啞啞就當成自己勝利。

      //果頭又話人哋當佢哋填鴨,果頭又問佢可以點。

      佢地都係背懶人包。

      //因為佢哋嘅目標離佢哋可成功嘅位置好遠。

      SMART - Specific, Measurable, Achievable, Relevant, Timely - 無樣得。

      //如果係人都可以去到就唔係尖尖啦!

      所以我唔明點解啲社服機構成日都話要協助年青人「成功」,根本只有極少數人係成功人事,社會上大部份人(包括那些社福機構人士)係唔成功但又唔係失敗到要訓街的一班人,呢個「中間區域」好闊,一樣有高有低,但門檻就同做「成功人士」差好遠,亦係一個achievable的目標,而唔係下下以超級富豪來舉例咁好高騖遠。

      //呢個世界有幾多天才啊?真係好想同佢哋講『唔會咁啱係你呀化!』
      //但係其實,成班都係廢柴!

      所以依家呢個社會多咗好多「資優班」,就係睇準咗中剷父母不能接受自己子女只有中庸能力的弱點。

      //連伊斯蘭聖戰分子也可以說自己違法是為了達義(伊斯蘭的教義),他們連自己的性命也可以犧牲,行事更加不會是為了私利。

      呢一句,未見有黃C反駁過,多數扮睇唔到。

      //佔中分子明知社會未有共識,自己的支持者未超過三分之二,於是捨正道而弗由,以公民抗命為藉口,聚眾向其他人施壓。他們想借電視畫面上的人多勢眾,脅迫組織能力較弱的廣大民眾接受他們的那套。

      我不嬲都話佔派的所作所為跟恃人多哂馬的黑社會無分別。

      //凡自信已找到歷史必由之路的人,會傾向推行專政。他們會非要人民行他們信仰的那套不可;他們很容易把與他們意念不一致,步伐不一致的人,都視為阻礙歷史前進的罪人,非要把這類人排擠出去不可。
      //你們追求民主,是建基於妖魔化社會上所有反對聲音,包括法官和政府。如此唯我獨尊,和獨裁無異。

      黃C不嬲都係獨裁者。

      //自比救世主,常以當權者不依從其意見行事,作為暴力衝擊的理由。這是荒謬之極,憑甚麼你的意見社會一定要依從?不依從你,就大搞破壞?這和被寵壞的港孩有何分別?

      因為美帝無鬧佢(不過如果發生美帝境內,恐怕佢地成班人唔會無穿無爛)。

      //其實呢班所謂為年輕人只不過係唔服你哋啲大人成日話佢哋,成日指點佢哋,佢哋而家就好想指點番班老嘢,話俾啲老嘢聽「老嘢!你諗嘅嘢唔 work 㗎啦!」其實佢哋就唔明,佢哋嗰啲諗法一樣唔 work。

      「諗 solution 的責任不在我,而係在政府。」,有青只係負責反對。

      //「我唔鍾意聽你支笛囉!」

      Exactly.

      //肉騰騰通常都離唔開肥淋淋~ XP

      霉菜(手)扣(豬)肉。

      //有冇故仔聽呀?

      It is a sarcasm!

      http://forum.hkej.com/node/139966

      宋小莊只是全國港澳研究會的理事、深圳大學港澳基本法研究中心的教授;深圳就明顯「近」西環多過「近」北京,宋小莊的級數,也不是北京「護法」,如身兼中共基本法委員會委員的北京大學法學院教授饒戈平之類。

      //冇事時就要話我都喺成年點解你哋咁港豬,一有事就變返細路要呵護點解咁重手。

      真心港孩有時都會「教」阿爸阿媽的,我在街上見唔少。我真係見過架!

      刪除
  12. 不知大家有沒有看過這片段. 我是昨天才在FB看到的...roger

    [香港地鐵阿叔大駡「黃絲」是畜牲,「黃絲」青年被駡至啞口無言]
    https://youtu.be/FwXx6arCWjM

    回覆刪除
    回覆
    1. //「黃絲」青年被駡至啞口無言

      條有青似係當個阿伯係傻的,笑嘻嘻的不屑與其爭辯,而唔係啞口無言。其實呢類維園阿伯式的鬧人(鬧到尾已是loop 返轉頭,「民主自由建基於社會穩定,戰亂就無嘢做無飯食」)無乜微言大義,少睇為妙。

      刪除
    2. //唔係啞口無言//
      //無乜微言大義,少睇為妙。//

      Agree.

      刪除
  13. 在標少那邊見到的,我自己未睇,但據聞涼瓜傑被完全KO,大家睇下並廣傳:

    【完整版】【雙學三子被判刑是「求仁得仁」?】兩位大律師公會前主席石永泰、梁家傑正面交鋒!港台視點31

    https://www.youtube.com/watch?v=CdkiBCoJklg

    回覆刪除
    回覆
    1. 謝摩摩提供,已加入伸延閱讀。都同意石大大是擊倒了涼瓜,涼瓜主要係以「社混家」的「感性」角度出發,講道理講客觀當然不是石大大對手。尤其是涼瓜話藍絲都有輕判,點解猿司長無覆核刑期;石大大話你有證據拎出嚟先有得討論,涼瓜即刻收哂聲。

      涼瓜又係嗰句:

      我地無搞(抗命),令到要班學生出嚟搞,我感到好愧疚。

      咁係佢自己怕死/走精面,關其他人包括石大大乜事?

      石大大好輕易地話自己係由理性出法,而唔係以社混家的(感性)角度出發,仲 quote 叔以下呢段文:

      https://news.mingpao.com/ins/大律師公會主席石永泰講辭全文/web_tc/article/20150112/s00001/1421070134664

      雖然總體來說,運動大致和平有序,但隨着時間過去,一些人的實際言行確實在多方面超出了可接受的限制。但遺憾地,很多具影響力的名人卻試圖扭曲甚至否定這些限制,甚至對一些哲學著作進行創意演譯以支持這等言論。例如有些人聲稱不服從民事法庭所頒的命令不算損害法治;有些人辯稱「法治」這概念只是用以約束當權者,又說公民做的任何事都不可能對法治有負面影響,又有橫額寫上「禁制令,怕你有味」的字眼。一些終審法院非常任法官在訪問或研討會作出的一些一般性的概括論述,被斷章取義,奉若神明地錯誤演譯為他們支持和稱許運動中實際出現的言行。有人對運動過火的部份手法作出公允的批評,便被人不分好歹不分敵友地妖魔化,定性為「背棄民主」,又或者被貶義地比喻作村上春樹筆下的「高牆」。任何人如果不去毫無保留和義無反顧地支持運動參加者的所有言行,隨時會人指控為提倡「以法治人」這個打壓人民的概念。此等熱血激情的言論,還在社交媒體賺了好些「讚」或「十卜」(網上語言, 即“support”, 支持)。

      刪除
    2. 涼瓜一直係咁講佢自己好唔舒服,覺得人哋嘅態度點點點。Too bad! 喂,冇人有責任要令佢覺得舒服個喎,你估揼骨呀?

      係呀!係呀!我都覺得我好需要極力爭取我個一票,然之後投畀共產黨囉!唔得呀?一定要投畀黃絲犯民架?哦。黃絲幫我爭取我有一票,去投畀黃絲,等黃絲可以專政獨裁。咁呀 ⋯⋯ 咁我覺得可以接受冇公民提名囉!

      所謂嘅公民抗命,究竟抗邊 L 條命啫?佢哋乜唔係對抗中央咩?點解我覺得佢哋好似對抗我咁嘅?

      刪除
    3. 石永泰呢幾日嘅發言真係同唔少唔係黃C嘅出左囗悶氣.我有朋友睇完佢有線專訪後話, 終於有人肯講下人話了.
      不過我就唔似佢咁同情d學生.

      刪除
    4. //不過我就唔似佢咁同情d學生//
      Me too. 講真,學生比戴妖更狼死。一開始戴妖好似從來冇宣揚過用暴力。
      痴瘋係反社會人格,果班儍仔大學生邊㩒得住佢!澎一聲就衝咗去所謂公民廣場。得到好多鼓燥嘅學生支持,氣氛又激昂。
      一時之間個個都爭住攞呢一個彩。動員佢哋郁就易啫,警察防暴架餐又出埋黎嘞,叫佢哋唔郁係好難架喎!
      咁多人聚集埋一齊,行動主意都捆綁,因為當時要對抗嘅係警察。即使你覺得好唔妥,唔應該咁暴力,我諗果種氣氛實在唔到你揀。你得兩個選擇:一係跟,一係離場唔玩。
      所以而家叫黃絲其實係好籠統。

      刪除
    5. 看完這段石永泰VS梁家傑的youtube, 得出一個結論, 當一個人要攪政治(梁家傑), 就什麼都要選擇性失憶, 包括腦袋內讀了半輩子的法律

      刪除
    6. //學生比戴妖更狼死。一開始戴妖好似從來冇宣揚過用暴力

      戴妖直情話用大聲公都唔得tim.我覺得佢嘅問題係太柒太浪漫,又太勇於走出自己嘅comfort zone.

      痴瘋做咁多野比我嘅感覺就係恃住有個國教光環,同自己餔條從政路.所以我一路都好討厭佢(不過就唔多敢同人講).相比之下,其餘嗰兩個都叫做好d了.

      刪除
    7. //涼瓜一直係咁講佢自己好唔舒服,覺得人哋嘅態度點點點。Too bad! 喂,冇人有責任要令佢覺得舒服個喎,你估揼骨呀?

      唔知幾時開始,人同人之間的相處,就不能令對方 feel uncomfortable;如果想「以和為貴」,咁 who makes the other feel uncomfortable 就要道歉。呢啲都唔知係乜鬼理論來的。

      //黃絲幫我爭取我有一票,去投畀黃絲,等黃絲可以專政獨裁。咁呀 ⋯⋯ 咁我覺得可以接受冇公民提名囉!

      傷民要「入籍」做傷港人,就唔可以投老K;如果唔係,你就只配做豬!

      //不過我就唔似佢咁同情d學生.

      有乜好同情啫,求仁得仁,一買一賣啫。

      //一開始戴妖好似從來冇宣揚過用暴力。
      //班儍仔大學生邊㩒得住佢!

      戴當家一開首係話愛與和平,但係人係會預計到情況會失控。

      //動員佢哋郁就易啫,警察防暴架餐又出埋黎嘞,叫佢哋唔郁係好難架喎!

      笑咗。

      //你得兩個選擇:一係跟,一係離場唔玩。

      Peer pressure,大把人話罪不責眾,想走都幾難。

      //所以而家叫黃絲其實係好籠統。

      我最想知道封路唔俾車行唔俾人行又話要用條路來談判,同埋要檢查黑警飯盒嗰班係乜人。我覺得呢班人做嘅嘢過哂火,應該要拉。

      //當一個人要攪政治(梁家傑), 就什麼都要選擇性失憶, 包括腦袋內讀了半輩子的法律

      屁股指揮腦袋,係咁上下架喇!

      //我覺得佢嘅問題係太柒太浪漫,又太勇於走出自己嘅comfort zone.

      //痴瘋做咁多野比我嘅感覺就係恃住有個國教光環

      其實痴瘋仔嗰種口舌便給,只係小學雞中學雞技倆,唔明點解班官(唔好理民賤亂)handle 佢唔到。

      //相比之下,其餘嗰兩個都叫做好d了.

      周官人都好多膠論:完善返個法治,以升級證明升級唔可行...
      羅37:只係痴瘋仔條靚...

      刪除
    8. 痴瘋自卑變自大。我諗佢因為讀寫障礙細個嘅時候比較自卑。所以一次又一次俾人讚嘅時候就飄飄然。當初好多人包括李鵬飛讚佢敢言,關心社會。但後來,飛哥又鬧佢覆核降低參選年齡係自私。我都唔明點解啲人一覆核就咁驚。

      其餘嗰兩個成績都唔係特別好,又冇咩長處,所以成日要靠做埋啲乜乜掌門人先至可以增加自信。

      即係呢唔好打擊嗰啲細路嘅自信心,狗屎垃圾都畀過奬佢。令到啲人對於十隻手指有長短呢啲咁簡單嘅道理都唔識。

      //我最想知道封路唔俾車行唔俾人行又話要用條路來談判,同埋要檢查黑警飯盒嗰班係乜人。我覺得呢班人做嘅嘢過哂火,應該要拉。//
      簡直欺人太甚!我重記得佢哋話佢哋交稅畀啲警察掟催淚彈對付佢哋喎。我究想話我冇交稅俾啲警察縱容佢哋喺條街度蝦蝦霸霸咯!成日都有個衝動想標出去條街到趕佢哋走!但係又要忍住費事添亂!
      //唔明點解班官(唔好理民賤亂)handle 佢唔到。//
      因為佢牙尖嘴利收集到唔少廢青 fans,有時有啲嘢啲高貴嘅劣屍唔方便開口可以借佢把口!碎咗咩!就話要原諒年青人嗰啲廢話!
      //周官人都好多膠論//
      佢哋講嘢呢都唔知咩邏輯道理嘅!亂到呢!如果佢哋係月老,全世界一齊 orgy 都似!
      //羅37:只係痴瘋仔條靚//
      我記得佢幫手喺附近個地盤度偷磚,好博命!

      刪除
    9. //碎咗咩!//
      應該係 「衰咗咩」

      刪除
    10. //即係呢唔好打擊嗰啲細路嘅自信心,狗屎垃圾都畀過奬佢。令到啲人對於十隻手指有長短呢啲咁簡單嘅道理都唔識。

      呢啲咪係西方教育嘅錯囉!唔可以話佢唔得,要讚佢好做得好...每次聰見呢啲理論我都想講粗口。

      //因為佢牙尖嘴利收集到唔少廢青 fans,有時有啲嘢啲高貴嘅劣屍唔方便開口可以借佢把口!碎咗咩!就話要原諒年青人嗰啲廢話!

      咁痂瘋仔即係班高貴嘅劣屍(例如涼瓜)手中把殺人之刀? 但係再鋒利嘅刀,都有生鏽嘅一日。

      //如果佢哋係月老,全世界一齊 orgy 都似!

      月乜鬼嘢老吖。 周官人留返嚟玩HEHE算喇!

      刪除
    11. //石永泰呢幾日嘅發言真係同唔少唔係黃C嘅出左囗悶氣

      今次判輸晒馬呢嘢真係好惡睇,而且刺激到真正有識之士出嚟講嘢而且有理由據(除了石大大仲有一個自稱藍大舊生插戴妖叫佢返去讀過書),令好多人唔怕出嚟話自己反黃,甚至淺黃都唔多唔少動搖...唔知猿司長個"正字考慮"算唔算到呢樣嘢嘞。

      不過我始終認為副作用是深黃會更堅定,反正自欺欺人是人類最耍家的事情。

      //不過我就唔似佢咁同情d學生

      視乎你角度。正如馬雲講過: 「你去看今天的香港,十幾年前像《蘋果日報》每天講大陸怎麽愚蠢,中共怎麼倒楣,十多年以後孩子長出來就是這樣的,他有這種perception(知覺、感覺)在裡面。」 從這個角度看只能怪背後的大boss(包括戴妖),下一代也只是受害者的另一種形式。

      //傷民要「入籍」做傷港人,就唔可以投老K

      我記得轆死時被李卓人噴的兩個柒青

      //當一個人要攪政治(梁家傑), 就什麼都要選擇性失憶, 包括腦袋內讀了半輩子的法律
      //屁股指揮腦袋,係咁上下架喇!

      我可唔可以學佢地口吻話佢地"有黨性無理性"?

      //羅37:只係痴瘋仔條靚...

      我諗起幾日前講佢既面相...

      //我記得佢幫手喺附近個地盤度偷磚

      我只記得個地盤圍板就係建造業訓練局"Biuld升"的宣傳,嗰幾年建造業勁好景,個宣傳根本係target to嗰班有青。龍和道一役,班有青在呢啲圍板宣傳前9衝,真係好諷刺。

      所以我話班有青根本唔係想上流,想分身家而已。

      刪除
    12. //令好多人唔怕出嚟話自己反黃,甚至淺黃都唔多唔少動搖...唔知猿司長個"正字考慮"算唔算到呢樣嘢嘞。

      終於擺脫咗「非黃即藍」呢種標籤,係絕大的好事

      //不過我始終認為副作用是深黃會更堅定,反正自欺欺人是人類最耍家的事情。

      深黃就由假髮人對付。你睇藍大班有青,當初嗎啡針幫佢地講盡好話,一次校痿選舉就反面不認人;假髮人都知道,自己對佢地好,佢地係唔會領情的,倒不如揸正來做,以免招人針對仲好。

      //從這個角度看只能怪背後的大boss(包括戴妖),下一代也只是受害者的另一種形式。

      睇怕大boss都包括了班成日帶仔女去遊行「感受一下氣氛」的中剷家長。

      //我記得轆死時被李卓人噴的兩個柒青

      我唔記得添!

      //龍和道一役,班有青在呢啲圍板宣傳前9衝,真係好諷刺。
      //所以我話班有青根本唔係想上流,想分身家而已。

      建做業又好,電車業都好,都係要做,做完都唔一定可以上流,但「捱世界」就一定;但依家班有青邊有能力「捱」,尤其是所有商家都被妖魔化,仲點有心機去打工?創業?資金呢?經驗呢?乜都未 ready 學人做老闆,輸死未天光喇。

      刪除
  14. 我諗檢控嗰邊藉住今次睇下啲人咩反應,睇吓判幾多,來決定打唔打戴怪獸。
    所以,除咗死咬住一定要覆,見到戴怪獸咁嘅反應,就知道時辰到!

    當香港嘅生活模式同大陸接軌或拉近,老一輩想同新一代洗腦都唔得。
    因為聽到同見到咁懸殊,可能仲會以為啲黃C父母精神有問題。
    所以有咁多人好似pig dick呢啲咁成日都唔想香港要大陸嘅着數。

    回覆刪除
    回覆

    1. //見到戴怪獸咁嘅反應,就知道時辰到!

      拖耐啲仲好,俾多啲精神壓力呢隻戴當家。

      //當香港嘅生活模式同大陸接軌或拉近,老一輩想同新一代洗腦都唔得。

      所以咪要「港中區隔」囉。

      //所以有咁多人好似pig dick呢啲咁成日都唔想香港要大陸嘅着數。

      其實朱仔嗰10萬蚊人工,其中一部分咪又係由正苦的賣地收益同地產霸同商家的利得稅而來。反反反,反得成佢自己都唔得掂呀。

      刪除
  15. 同大家分享,大巴大巴咁㩒有色芝士

    //中國一位八十後的三次思想顛覆

    美國《華爾街日報》上月刊登了題為 New Challenge to U.S. Power: Chinese Exceptionalism (對美國權威的新挑戰:中國的例外主義)。在後來的中文版上,題目改為《美國的新挑戰:中國年輕人不再崇洋》。報道主要是對中國青年學者李曉鵬的採訪,34 歲的八十後博士李曉鵬後來在中國「觀察者」網發表了一篇長達七頁的文章,講述了自己思想轉變的經歷。閱讀了報道和李曉鵬的文章,對中國能夠在這三十多年中走過來、取得今天的成就頗覺驚心動魄。

    李曉鵬來自重慶農村,憑着苦讀一級一級突圍而出,到北京中國人民大學取得經濟學博士,再到劍橋大學、哈佛大學做訪問學者。他隨着「改革開放」成長,自懂事起經歷了三次意識形態的重大顛覆:第一次,以為是壞人的孔子變成好人了;第二次,到北京讀書大學後改變對中國的認識,「我們普遍相信中國會崩潰」;第三次,到英美一對比,才知道中國確實有很多很厲害的地方。

    這其實是整整一代年輕人的思想顛覆,中國八九十年代之交的激烈社會動盪就是年輕人「普遍相信中國會崩潰」下發生的。《華爾街日報》的報道說:「那些自由派的老師把他們的思想觀點帶進課堂,和學生們討論」,「他們會說,中國沒有法治,沒有人權」。李曉鵬「翻牆」上網廣泛閱讀,對中國的認同激烈動搖,越益崇拜西方的富有、自由、政治。

    待他到劍橋呆了半年,看到英國基礎設施破舊、辦一張銀行卡要花數天之久,對西方的疑慮悄然升起。二零一零年再去哈佛大學肯尼迪政府學院做訪問學者一年,把西方與中國對比思考之下,思想轉變加速。

    之後,他讀到張五常在《中國的經濟制度》中一段讓「我有茅塞頓開」感覺的話:「我可以在一個星期內寫一本厚厚的批評中國的書。然而,在有那麼多的不利的困境下,中國的高速增長持續了那麼久,歷史上從來沒有出現過。中國一定是做了非常對的事才產生了我們見到的經濟奇蹟。那是什麼呢?這才是真正的問題。」

    就這個問題,李曉鵬二零一二年寫成《這個國家會好嗎 ── 中國崛起的經濟學分析》一書,「標誌着我再一次完成了巨大的思想轉變 ── 從堅信中國應該走西方道路,變為堅信西方應該學習中國走中國道路」。

    《華爾街日報》引述了《中國青年研究》雜誌二零一四年發表一項涉及美國、歐洲、澳大利亞、日本和韓國的131名中國留學生的小型調查。調查發現,他們在離開中國前並沒有明顯的愛國熱情,但近 80% 說在出國後感覺更愛國了。差不多三分之二的人說認可習近平的「中國夢」。李曉鵬很喜歡中國年輕人現在常說的話:出國才知愛國,「不出國,就無法真正明白中國有多偉大」。

    《華爾街日報》指出中國二三十歲年輕人民族自豪感在上升,是「中國新的民族主義者」(China’s new nationalist)。

    照李曉鵬的觀察,他的思想「顛覆」在同齡人中有一定代表性,而「比我更年輕的九十後,零零後一代,像我以前那樣認為中國應該完全學習西方體制的比例已經不高了」,他們有政治意識的時候中國就已經成為了世界第二大強國,如果告訴他們西方的制度多麼多麼好,他們不太會接受。他們從小就比較自信,從根子上認可自己的國家,對中國的政治經濟制度一定是越來越有信心。

    李曉鵬有句話很值得注意:「我們在大學期間曾經頂禮膜拜的意見領袖,像茅于軾、張維迎這些人,片面主張中國應該學習西方,他們的論調不僅被轉變了思想的 80 後拋棄,在 90 後、00 後中間也越來越沒有市場,越來越不受歡迎了。」

    可是,這樣的「有識之士」香港多着,尤其是在課堂裡,在年輕人中仍大有市場。//

    http://silverylines.blogspot.hk/2017/08/blog-post_24.html?m=0

    回覆刪除
    回覆
    1. //《華爾街日報》的報道說:「那些自由派的老師把他們的思想觀點帶進課堂,和學生們討論」,「他們會說,中國沒有法治,沒有人權」。

      飯太:好多老師都是反共的。

      //他們從小就比較自信,從根子上認可自己的國家,對中國的政治經濟制度一定是越來越有信心。

      以前的中國人,就是魯迅筆下的阿Q,現在進步了,可能還有些土豪氣,但再過多十幾廿年,土豪氣沉澱了,「民族氣」自然就會變得更 subtle、更「醇」(其實西方都有經歷過這進程吧)。

      //可是,這樣的「有識之士」香港多着,尤其是在課堂裡,在年輕人中仍大有市場。

      有色芝士:來生不做中國人!

      刪除
    2. //可是,這樣的「有識之士」香港多着,尤其是在課堂裡,在年輕人中仍大有市場。

      呢篇文章或者可以解釋呢個"市場",是因為以下膠論盛行:

      "他們認為現在的中國是一個對現代西方文明的蹩腳的、拙劣的、虛偽而不踏實的模仿者,在他們看來,中國是靠強政府利用對資源的行政壟斷力量,通過國企、政府大量的低效投資,靠犧牲環境、剝削底層民工勞動力而製造的「假象」,這種模式短期有效,卻不能長期持續。因此它終將支撐不住,崩潰下來的。"

      http://www.thinkhk.com/article/2017-07/18/22017.html

      當然,以上理論深入人心是因為馬雲所講的:

      "你去看今天的香港,十幾年前像《蘋果日報》每天講大陸怎麽愚蠢,中共怎麼倒楣,十多年以後孩子長出來就是這樣的,他有這種perception(知覺、感覺)在裡面。"

      http://m.appledaily.com.tw/realtimenews/article/new/20141111/504573/

      另外這位"悠然"君的一系列評論都很一針見血,尤其解釋傷民的"冰山下的意識",值得大家一看:

      http://www.thinkhk.com/author/11/悠然.html

      其實要反駁膠論很容易,就以民工為例,現在港商都話請唔到工人,咁啲人去咗邊度做嘢呢? 梗係有好路數啦! 好路數越嚟越多搞到啲人唔肯做普工,咁即係起碼而家已經唔係"剝削底層民工"的階段啦,吓哇!? 不過啲有色芝士反而倒果為因,話呢個先係崩潰越嚟越近,咁先至吹脹。

      PS 東莞而家一個普通工人月入有約4000港紙

      刪除
    3. //從堅信中國應該走西方道路,變為堅信西方應該學習中國走中國道路

      呢句又真喺...就似魔兄話齋, 土豪咗啲, 我身邊大陸嚟嘅同事就比較持平...咩嘢制度都有好壞,有進步就好,任何一面倒都唔喺咁好,等等。

      //李曉鵬很喜歡中國年輕人現在常說的話:出國才知愛國,「不出國,就無法真正明白中國有多偉大」。

      傷巷妄民:強國咁偉大咁點解又唔快快返去呀

      //辦一張銀行卡要花數天之久

      算小菜一碟喇,搞上網可以攪到幾嗰星期之後先有,買樓要攪個幾月催到口水都乾。。

      //有色芝士:來生不做中國人!

      都幾難囉,講真再投胎唔喺中國就喺女女女大國印度。。

      刪除
    4. //美國政府庸碌無為,美國人先要知己知彼,瞭解大局已變,才能審時度勢地回應。
      事實上,不僅美國人從來有面對過一個富強的中國,香港開埠至今都是建立在中國衰弱上,可是今天的中國不但沒崩潰,反而是愈來愈接近復興,美國人回過頭來才知要調整心態應對,近在咫尺的香港和那些凡事以美國觀點為唯一奶水的香港人似乎更應從井底走出來。 //

      我覺得十足十《銀英傳》中由吹水王特留尼西特領導的自由同盟面對萊茵哈特中興後的銀河帝國。

      悠然:半年後的黃之鋒
      //所以也才有羅冠聰那句表達「玩大了原來要罰」的幼稚話

      乜羅37有講過呢句?

      //好路數越嚟越多搞到啲人唔肯做普工,咁即係起碼而家已經唔係"剝削底層民工"的階段啦,吓哇!?

      「萬五蚊搶菲傭」

      //PS 東莞而家一個普通工人月入有約4000港紙

      摩摩真係好鬼熟東莞行情嘅唧!

      AV狂想曲(十二)之DGSN出才女

      //傷巷妄民:強國咁偉大咁點解又唔快快返去呀

      呢一句又真係幾無敵.

      //買樓要攪個幾月催到口水都乾。

      ec 有米國樓??

      刪除
    5. 《半年後的黃之鋒》

      //他們的忍耐力和堅毅力都弱不禁風。//
      乜都要即刻見效,即刻有。完全冇 delayed gratification 能耐。嘈喧巴閉��地扭計就叻,做艱難嘅正確之事就毫無魄力。反正就係「話人者是」!無論佢地鬧乜嘢,都會發現其實嗰個就係佢地。

      //他們以為大人們每事都會對他們留有餘地//
      就係學校比佢哋嘅訊息。因為有強迫教育,學校唔可以好似老闆炒員工咁炒學生,啲家長發茅,學生做小霸王!
      一次學生跩都要見家長,呢個時候就梗係乜嘢狗屎垃圾衰嘢 4466 擺晒響枱啦!堂課都唔做去瞓覺喎,佢阿媽問佢做咩唔做,個死妹釘答「佢都冇叫醒我!」得唔得你死啊!年紀都好大吓嘅媽媽就鬧佢啦!到最後個學生同我講「我唔鍾意你呀!」。我唔笑出嚟都已經好俾面。我話『我唔係嚟做明星。唔需要人鍾意我。你做好你自己就得啦!』激死老母搵山拜!

      刪除
    6. //乜都要即刻見效,即刻有。

      「我要食雪榚!遲啲食就溶架喇!」

      //我話『我唔係嚟做明星。唔需要人鍾意我。你做好你自己就得啦!』激死老母搵山拜!

      係咪你做代課時的事? 你當時個校長似唔似肥婆陳?

      刪除
    7. //摩摩真係好鬼熟東莞行情嘅唧!

      Google下"2014年2月9日",呢日後已經無乜行情值得熟了 :'(

      關於啲唔值得熟的行情,send咗張相去你email.

      //呢一句又真係幾無敵.

      無敵唔過你有錢任性 XD

      刪除
    8. //係咪你做代課時的事? 你當時個校長似唔似肥婆陳?//
      係。做代課可以真教書兼置「政治行政」度外。我果時專做長嘅代課,即一個月或以上。最長試過成個學年。呢個係唯一未完就 quit,頂唔順,會短命!
      我未見過咁樣⋯又咁黑心嘅真人校長。時運高。

      刪除

    9. //呢日後已經無乜行情值得熟了

      「2014年东莞扫黄事件」,嘻嘻!

      //send咗張相去你email.

      收到了。

      //做代課可以真教書兼置「政治行政」度外。

      做代課即係做僱傭兵。做僱傭兵有好有唔好,好嘅係可以專心發揮自己專長,唔使理咁多 politics;唔好嘅就係無 engagement 同歸屬感,一想理多少少嘢就會俾人叉能廚「關你鬼事咩」!

      刪除
    10. //理多少少//
      千奇唔好!做好自己,一身輕。
      重有個好處就係可以同學生走更近。
      一定要記住,自己唔係救世者,救可救,盡力而為。太過上心,自尋煩惱,好易出事!

      刪除
    11. 有米國樓?? 冇樓冇高潮 XD

      刪除
    12. //重有個好處就係可以同學生走更近。

      師生戀 XD

      //太過上心,自尋煩惱,好易出事!

      我就係頂唔順黃C上司,明明我地係做僱傭兵,佢竟然想我地做到好似個客嗰邊的職員咁。

      //冇樓冇高潮 XD

      「無樓?米白墥喇!」

      刪除
  16. 真係唔反對佢地抗爭
    但以香港尚算和平嘅現況
    有任何人因為抗爭而受傷都係不可接受嘅
    抗爭使人受傷,不論主動被動,或是罔顧後果
    抗爭行動者被判坐監係應份

    不過警方有更大問題
    每次抗爭現場
    受專業訓練又俾足人工嘅警察,竟然企喺理論上係平民嘅保安背後
    當年嘅行動指揮,極之有問題

    回覆刪除
    回覆
    1. 可能情況未完全失控,而警方又不想被指控干預立法會吧? 一般情況警察不能在立法會執法。

      刪除
    2. //受專業訓練又俾足人工嘅警察,竟然企喺理論上係平民嘅保安背後
      //而警方又不想被指控干預立法會吧? 一般情況警察不能在立法會執法。

      同意. 無論係垃圾會定大藍大鄉大校園,都彷彿係「傷港境外」似的, 黑警未得官方許可, 是不能入內執法的.

      刪除
  17. 我的留言做了四次「进行人机身份验证」後不見了!

    回覆刪除