2018年2月23日 星期五

三無新年

查實今個新年都過得幾平淡,除咗街上小店紛紛貼出「初X啟市」的告示外(要逛街唯有幫襯有青最痛恨的連鎖店和大商場,慘得過人地真係全年無休),全然不覺係過咗年!
1. 無煙花
唔使講喇!學班妄民話齋,個司機一人犯錯累到全城無哂過年氣氛(下刪一千字)...
(不過,就算有煙花,魔術師都唔會貢出去睇,更加唔會隔住個電視睇囉...)
2. 無賀歲片
以前過年好似總有一套半套大堆頭群星胡鬧製作(《嚦咕嚦咕新年財》算係言之有物的異數),魔術師又係雖然唔會去睇,但見到街上、電視上的宣傳廣告都叫做有啲氣氛;但今年...竟然成日都見到呢個廣告:

至於「賀歲片」,係唔好話俾魔術師聽《黑豹(Black Panther)》呀吓!

3. 年初一竟然無賀歲盃?原來,係變咗年初四打!
狗年賀歲盃港隊 3:4 港聯 2018/02/19 19:31

狗年賀歲盃焦點賽事,港聯四比三擊敗港隊。
港隊有張志勇鴻運當頭,接應角球衝頂入網,三分鐘就開紀錄。港聯門將陸平中眼明手快,拍走盧卡斯射門,盧卡斯沒有跟隨傑志參與亞冠踢賀歲盃一樣開心。基奧雲尼射入空門,半場補時為港聯追成一比一。
半場兩隊都換入多名後備兵。艾華頓交給狄卡奧倒掛,五十二分鐘為港聯反超前,五分鐘後查維斯為港聯贏到三比一。落後兩球,但港隊一班年輕球員仍然落力,劉浩霖六十分鐘為港隊追到二比三。蘇沙快腳鏟入,港聯贏到四比二。劉智樂首次穿起港隊球衣就有入球,八十九分鐘為港隊追到三比四,絕對是可喜可賀。
雖然港隊最後都不敵港聯,但兩隊合演精彩「入球騷」,球迷應該都相當滿意。
原來,對魔術師來說,係3.無(欠)利是才對!
話說每年拜年,都係由二舅父主動約年初二到大舅父家中拜年,今年亦不例外。點知魔術師依約定時間到了,二舅父仲要遲大到;不過都無緊要嘅,反正魔術師比較親近的是大舅父與舅母,於是大家便邊談邊等。
過了大半個鐘,大舅父手機響起。大舅母苦笑:「二舅父梗係又唔記得呢度地址喇,佢年年都會問一次。」
吓?唔係掛?呢個二舅父,自己約人,卻連地址都懶得寫低?佢部 smartphone 唔係只係用嚟 selfie,做無腦 forward 機器周圍 whatsapp 掛?
好嘞,問好地址,果然不一刻,二舅父夫婦連兩隻表弟都來到了。
眾人恭賀一返之後,便交換新年禮物。
這時魔術師收了二舅父的禮物,卻未有為意沒有收到利是。
由於二舅父遲大到,眾人凳都未坐暖便要去飲茶。
柴娃娃食完飯,又係散場時。魔術師慣性摸一摸口袋,發現有點不妥。
魔術師呢個年紀唔係貪嗰一百幾十,之不過拜完年無利是,又真係幾好意頭。
魔術師雖然頗為肯定唔係收咗之後袋唔穩跌咗,但開口問又有點尷尬。
唯有扮咗沒事人一樣,搭巴士返家。
(又,農曆年期間巴士班次無乜脫班,也不擠逼,究竟班傷民去哂邊?)
點知,上咗車無耐,就收到二舅母呢個 message:

哎,呢個二舅父一家做嘢就係唔上心(尤其是係二舅母,幾十歲人仲「蒸生瓜」咁),魔術師真係好怕同呢類人來往。
不過,二舅父又唔傻得哂,專登唔用同魔術師和大舅父共用的 whatsapp 群組,而係用私訊約年初五去魔術師公司樓下交收返封利是...
轉頭又想,唔知如果魔術師腿傷未癒行唔到出街的話,兩位舅父會唔會入嚟屯門同魔術師拜年呢?

18 則留言:

  1. 自從嘉士伯2007年開始唔搞,我都當無賀歲杯嘞。我仲收埋幾件場內買的嘉士伯風摟,有啲而家冬天仲會拎出嚟着。

    其實2010年都試過無年初一搞的,因為當年龍獅軍要去皇國踢東亞杯:

    https://en.m.wikipedia.org/wiki/2010_East_Asian_Football_Championship

    https://en.m.wikipedia.org/wiki/2010_Lunar_New_Year_Cup

    當國際賽期越嚟越規範,要搵湊足主力的歐美國家隊就越難; 就算自然年賽季的亞洲國家,都可能因為去到二月中先年初一,國內球季都就嚟開波而唔嚟踢熱身賽(仲未計亞冠因素)。再加埋而家中東同冲繩有完善的足球訓練基地吸引球會駐紮集訓,我城過年要搵人踢場波只會難上加難。

    當然最不堪係我城球圈中人呢種"搞一年算一年"既態度。

    回覆刪除
    回覆
    1. //當然最不堪係我城球圈中人呢種"搞一年算一年"既態度。

      連友誼賽都無得踢, 想寓操於賽都無機會, 就算金sir領軍都唔會有好成績打得出來喇!

      刪除
  2. 賀歲盃近年已外判給球隊搞,可能今年無球隊有興趣蝕錢。香港B隊對港聯又真係太求其,外隊竟是頭場的尼泊爾女警!此例行公事尚未找到可持續模式。香港球迷着重戲碼,請外國球會也要著名球會。

    回覆刪除
    回覆
    1. //外隊竟是頭場的尼泊爾女警

      可能尼尼泊爾女子武警無乜波波睇...

      //香港球迷着重戲碼,請外國球會也要著名球會。

      人地歐聯16強就有二月中開波...真係搵鬼來...

      刪除
  3. /又,農曆年期間巴士班次無乜脫班,也不擠逼,究竟班傷民去哂邊?/

    呢幾日地鐵都無咩人, 可能全部回鄉(日韓)避年了

    順祝魔術師新一年身體健康, 搵番個人出年派利是(誤)

    回覆刪除
    回覆
    1. //可能全部回鄉(日韓)避年了

      韓國未到"鄉下"地步啦,我以前有舊同事係哈日族,佢係會完全用皇民角度彈韓國的.

      刪除
    2. //可能全部回鄉(日韓)避年了
      //韓國未到"鄉下"地步啦

      同意, 韓國都應該未到「傷民第二家園」的地步.

      //有舊同事係哈日族

      我的前上司葵鼠竟然去日本讀書!

      刪除
  4. //二舅父夫婦連兩隻表弟都來到了
    兩隻表弟冇收大舅父利是?表弟收利是嗰一刻,二舅父夫婦都唔醒水?點都好,新年拜年唔記得派利是真喺未聽過。

    //私訊約年初五去魔術師公司樓下交收返封利是...
    可能喺我敏感,咁做我覺得有啲怪,既然都特登出到嚟,點解唔去你屋企坐下,飲杯茶都好吖。

    //究竟班傷民去哂邊?
    唔去旅行會死的(又loop多次 XD)

    //當國際賽期越嚟越規範,要搵湊足主力的歐美國家隊就越難;
    聯想到今年冬奧冰球就喺北美冰聯唔肯放人,就算只喺四年一次都采你有味,啲頂尖球員冇得為自己國家出賽。不過聽講因為下屆喺蝗國,北美冰聯想擴充做蝗國生意所以會易話為啲。人仔真威力無窮呀..

    回覆刪除
    回覆
    1. //表弟收利是嗰一刻,二舅父夫婦都唔醒水?

      證明做乜都唔上心囉!

      //既然都特登出到嚟,點解唔去你屋企坐下,飲杯茶都好吖。

      二舅父一家應該係只張在東九龍活動嗰類人(去旅行除外); 我家在屯門, 遠呀! 同埋,佢間黃埔住咗N咁多年,又殘又舊,舊年十號等風球仲要窗邊滲水;我屋企正咁多,佢梗費事來俾我「奚落」喇。

      其實,唔係我前排住院,想搵佢入屯門都幾難.

      刪除
    2. 拜年會去細輩分屋企拜㗎咩?

      刪除
    3. 如果我唔行得, 咁就無辦法咯...唔「拜年」,唔知道會唔會嚟探下我呢?

      刪除
  5. 無咩新年氣氛了.

    順便祝魔兄, 同其他BLOG 友,龍馬精神, 萬事如意!

    回覆刪除
    回覆
    1. 多謝多謝,祝新年快樂,萬事如意,身體健康!

      刪除
  6. 魔兄, 總之身體健康最緊要!~

    回覆刪除
  7. //就算金sir領軍都唔會有好成績打得出來喇!

    現在大家都緊跟fifa個國際賽期辦事,唔係官方國際賽日大部份球會都唔放人,各地足總亦唔會非國際賽期隨便搞代表隊熱身賽,所以賀歲波搞A級賽事就只會越來越難--除非農曆新年撞正國際賽日。2005年巴西來港就係咁岩撞到正。

    其實安排龍獅軍對港聯並非壞事,呢樣好多年前都搞過一次,外國都搞過,效果通常唔差--因為外援一定會拼盡全力證明自己有實力作為過江龍係呢度搵食。當然港聯會有d三粒星but non SAR passport holders,佢地既鬥志就較難估計了。

    //人地歐聯16強就有二月中開波...真係搵鬼來...

    好似92年曾經阿士東維拉黎過,都唔知當時點避開英超賽期;而家歐洲聯賽管理越來越規範,五大聯賽球會黎踢賀歲波相信唔會再有可能了。本來德甲有特長歇冬期好多隊都會出外集訓,可惜通常農曆年未到歇冬就結束...

    以前禁止煙商贊助前,萬寶路曾經搞過幾年,經常搵東歐同北歐聯賽班霸黎踢,就係因為當地聯賽好多都唔係跨年而係二三月先開季,可以搞佢地黎當踢熱身賽;但之前提過中東新開左好多集訓基地,設施齊備而且裡面好多隊一齊集訓搵友賽易得多,自然少d戲金都唔肯勞師動眾再黎我城。

    剩返其實都係二三月開季的東亞三國係首選(姑不論蝗超隊是否笨土球迷的票房毒藥),之前判俾羅傑承搞時都搵過,但唔知點解無以為繼。事實上搵呢d波最好,因為如果唔使踢亞冠的話,好多球隊農曆新年都只係開操左兩三個禮拜,狀態未操起對巷超球隊並無著數,幾年前南華數過清水心跳就係呢個情況,靠咁樣呃下笨土球迷滿足感都好吖...

    同樣情況亦發生係傑志,舊年亞冠playoff對蔚山現代射12碼先出局贏盡好評,但當時我已經講過蔚山係在全北被禁賽、遞補機制下開操一個禮拜臨時「被」替補參賽,表現不能作準;今年對住谷住度氣一年既全北,自然就現形嘞.

    回覆刪除
    回覆
    1. 記錯了...維拉嚟嗰年系1991年。萬寶路贊助是1990-92年三季

      另外,亦記錯咗原來2012年南華只是逼和清水心跳射12碼輸...決賽大炒清水五個一皮的是韓國城南一和,而當年城南是直入亞冠小組而清水並無亞冠資格,亦驗證小弟”唔踢亞冠遲開操、狀態好蝕底“的理論.

      https://en.m.wikipedia.org/wiki/Lunar_New_Year_Cup

      刪除
    2. //因為外援一定會拼盡全力證明自己有實力作為過江龍係呢度搵食。

      我城啲外援有無口咁正念呢?事關現時笨土球員唔夠,要靠輸入外勞...即係依家笨土家傭人手唔夠,係事求人唔係人求事,賓賓印印都唔使 prove 自己的工作能力喇!

      //以前禁止煙商贊助前,萬寶路曾經搞過幾年

      我覺得禁煙的效果同傷台禁播改篇歌一樣,屬於搞死經濟(樂壇)的原因之一。少咗有錢但又(道德上)邪惡的贊助,真係少咗唔少有綽頭的廣告活動(「正義品牌」多數保守,唔敢創新)。

      //因為如果唔使踢亞冠的話,好多球隊農曆新年都只係開操左兩三個禮拜

      忽然諗起幾年前唔提就唔存在的甚麼在「亞洲米超聯聯賽周」....

      //舊年亞冠playoff對蔚山現代射12碼先出局贏盡好評
      //對住谷住度氣一年既全北,自然就現形嘞.

      總係唔明笨土球迷咁欣賞巷「超聯」球隊打熱血波...你係技不如人才要靠士氣搭救,打高兩班...俾我就寧願打打戰術,好似歐洲小國咁,依家魚腩部隊已經愈來愈少,對強隊擺明輸少當贏,都可以打返出個隊型同戰術出嚟。

      //”唔踢亞冠遲開操、狀態好蝕底“

      我睇德甲都係一樣。講波佬成日話要踢歐聯/歐霸附加賽唔着數,球員少咗時間休息。我又唔係咁睇,早啲開操可以keep到狀態,好多時有歐洲賽附加賽的球隊,聯賽開始時段的表現都會唔錯;而聯賽個頭開得好,就會俾到信心自己。

      刪除