做貓好過做囝

回想起魔術師廿幾年前買入屯門居屋龍門居，不知道是否因為是私人參建的關係，三房兩廳兩次佈局似私樓，玄關位、客飯廳、廚房、兩個次所、三間房佈局合理，遠遠勝過今時今日不知所謂的「新」居屋（00:14 - 08:16）：

28Hse 特約：家家有求 - 2025年第35集

居屋採光不足開門見厠｜示範裝修打破局限百花齊放｜開放式廚房如何明火煮食｜裝修解密:看修口功夫評價裝修師傅能力

＊＊＊

384呎市區居屋，兩夫婦加一個囝仔居住。屋主喜歡植物，又要型又要溫馨，於是切雞C便以黑色、木色、和淺色為主調。本案已是切雞C半年前完成的作品。為咗上電視叫戶主執屋，唔係咁好掛？

玄關旁設有鞋櫃，附上坐椅方便換鞋，背後櫃身飾面以條子設計，加上掛勾方便掛包包（掛勾斷咗唔知點算，左上、右上）。大門對正個位（即拉長電視櫃，到達 display 櫃的背後）整來係次所門，現在改成鞋櫃或收納櫃（次所門移側），中間偷空放擺設、雜物，底下可放拖鞋（左中）。企身鏡就同木條子放在一起作為飯廳特色牆，既可增加視覺空間，又具「令戶主出門時可照照鏡」的實用功能（右中）。冷氣機在梳化頂吹住戶主個頭睇電視，有木殻包住冷氣機喉兼提供滲燈功能（左下）；所有吊櫃底都有燈帶，懶有氣氛，又係壞咗唔知點換嗰隻（右下）：

除了玄關櫃外，就只有電視櫃延伸出來的  display 櫃同埋梳化旁盤栽櫃用上黑色（左上、右上）。「新」居屋開則非常唔人性化，窗開在屋的一邊，間咗房就令到個廳無窗；所以切雞C以長虹玻璃做囝房趟門，一來透光、二來有矇朧美（戶主夫婦可以睇到阿囝是否在房中打JJ）、三來趟門趟過另一邊就可以遮住盤栽櫃（為乜？左下、右下）：

囝房是地台床，床褥幾乎佔據了整間房，毫無活動空間可言（左上）。床尾有個中空櫃（右上），反開竟然係「書枱」（要反來反去，即係嗰層係擺唔到嘢的，左中、右中），但阿囝對腳放喺邊？是否學長腿女主持咁以「和式」跪在床上「玩電腦」？主人房由電視櫃隔離的暗門進入，空間寬闊（難為了阿囝），有梳妝枱、包包櫃、同埋大衣櫃（左下、右下））。

原來戶主仲有隻貓貓，可以躲在梳妝枱旁的層架中睡覺，空間比阿囝寬敞（左上），梳妝枱底下有貓貓飲水機（女戶主會否踢翻水機？貓貓會否咬到電線右上），貓砂盤在安置在梳化旁（無影出來，左中）。人用的次用就以馬桶放在中間，分隔洗手盤與淋浴間（右中、左下）。廚房沒什麼好講，空間總好過開放式（右下）：

＊＊＊

精華版如下：

完全版如下：

＊＊＊

伸延閱讀：

（利嘉閣地產截圖，龍門居三房單位平面圖，僅供示意，非魔術師舊址。)