爽歪歪摩洛哥（六）之 Day 5 歐蕯蕯（Ouarzazate）：黃沙萬里沒有盡頭

12月26日，晨咁早起身去帳蓬酒店門外集合，騎駱駝看日出。靚姐姐仲好貼心咁從 PDD 買入兩人份的防沙鞋套（見下圖）同埋由頭包到腳蒙住面防沙（唔使學19才子要次紙包頭，但無圖）:

（網上截圖）

去到集合地點，一眾駱駝已早早跪低「等客上馬」，又馴又乖。其實眾駱駝係一隻縛住一隻咁串連起來，由嚮導拉住，非常安全：

佢就係魔術師的「坐騎」：

由於駱駝行起來都頗為顛簸，要用手緊緊抓住個鞍，所以就唔好掛住拎部手機出來自拍了。行了一陣，去到一個沙丘，就見到日出了：

在沙丘中影了好一會相（嚮導們都慣於代客影相，攝影技術相當不錯），臨走前嚮導不忘 sell 嘢 - 就係原隻水晶蛋

（講價不成，盛惠 200 DH（1DH 約等於 0.85 我城貨幣））

玩完一輪之後就返酒店食個簡單的早餐，然後 check out，再原路坐返四驅車返艾佛德。

下一站是托德拉河峽谷（Todgha Gorge），又要搭2.5小時車。去到中途站就食個 lunch 醫肚，又見到有貓店長：

去到托德拉河峽谷行咗陣，除了街邊有當地人擺地攤賣紡織品之外，竟然仲有「遍地蝗話人」，原來同胞們去旅遊都開始識得「另類」：

去到行程中段，開始有鳩嗚時間。領隊就帶咗我們到這間賣潤膚用品的「小店」購買「心頭好」，魔術師都掃咗啲潤唇膏俾公司班19同事：

又搭3小時車去到歐蕯蕯，磨到夜晚入住 Hotel Berbere Palace，在酒店晚餐。呢間酒店環境唔錯，不過又係無圖無真相。

＊＊＊

伸延閱讀：

爽歪歪摩洛哥（五）之 Day 4 艾佛德（Erfoud）：抬頭望星空一片靜

爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔

忍唔住要請小鳳姐出場：