積壓如山煲劇單（2026年7月）

 睇咗

1. Netflix：《氣體人第一號（ガス人間，Human Vapor）》

本劇屬於劇情片多過科幻片、超英片、暗黑（反）英雄片、偵探懸疑片之類（「幕後黑手」甚至在劇集中段已揭曉），所以在討論區中大有吃爽片奶水大的妄友動輒喊悶，要一路玩手機一路睇，甚或嚷着要棄劇。魔術師作為老餅一名，當然唔會咁無耐性，就算是網友紛紛話難捱拖戲的兄妹 Youtuber 劇情也只是覺稍為拖戲，甚至乎興主線無關的劇情其實是在構築人物能情和關係，令角色更立體，唔算得上是「悶」。而且整劇也只有八集，拖極有個譜（雖然某些橋段真係老土咗啲，啲角色有時未免劇情需要太傻太天真），煲得劇就預就有時間會被浪費，忙成咁就唔好睇劇喇！

又，本片以南方之星（Southern All Stars）的《心愛的艾莉》作為氣體人的引發點，販賣懷舊情懷，討論區中的灣灣妄民大受憑動，魔術師卻毫不受落，足證灣灣受鄉下影響有幾深也：

魔術師評分：80分（100分滿分）

2. Disney＋：《奇跡俠（Wonder Man）》

本片講一個有超能力的人（嚴格來說唔算係超級英雄）走去追夢，有能力但又唔想俾人知，有原則有理想但又受制於現實，與及同「滿大人」呢個 MCU 既定角色發展出來的友情。屬於劇情片而唔係主打動作歷險，但敍事都算爽快，8集每集唔夠 30 分鐘，長度適中。男主角係黑人，有 DEI 成份，但唔係太過 hard sell，尚可接受。如果抱住睇悶劇的心態去睇，係會俾到你驚喜。

魔術師評分：70分（100分滿分）

3. Netflix：《W - 兩個世界（W）》

十年前的舊劇。當時廿到尾三十頭的韓孝周以傻白甜的漫畫姣妹形象出現，加上佢真係靚嘅，角色討喜；男主角李鍾碩係娘炮靚仔格，無感。本故事玩現實世界與漫畫世界的穿越，初頭的穿越尚有「規則」可言，但劇情愈後角色已能進化到「任意穿越」就開始個編劇噏。讀者可以在網上睇漫畫睇到劇情亦係難以理解（咁個漫畫就唔只得35冊喇！）。故事中段開始多重播同拖戲，如果唔係想睇韓孝周可以 skip。

魔術師評分：65分（基本）+ 5分（韓孝周）＝70分

＊＊＊

將睇未睇：

1. Amazon Prime：《北斗の拳（FIST OF THE NORTH STAR）》

熟口熟面的情節、角色、配合新派 2D＋3D 畫功、完全係回憶殺。唔夠半小時一集，疑似一個星期一集，等到連載完起碼第一季先至一次性煲，真係唔知等到幾時。第一季14集完，第二季 2027 見：

2. Apple TV+：《海角驚魂（Cape Fear）》

經典驚悚電影同名以劇集形式再現，唔知效果如何，一定捧場。10 集完，等出哂再睇（唔知有無第二季）。

3. Netflix：《紙房子：柏林（Berlin）》第二季《柏林：抱银貂的女子（Berlin and the Lady with an Ermine）》

又係《紙房子（Money Heist）》的死唔斷去衡生劇。上一季由「犯罪片」演變為精裝追女仔，但劇情尚算緊湊，有能力叫魔術師每日一集追看到尾無中途休息。唔知今次柏林濫交完會唔會惹到性病呢？又，衍生劇咁拍落去，會唔會 crossover「怪獸宇宙」拍返套《東京與哥斯拉》呢？

4. HBO Max：《紐約殺人夜（The Night Of)》

以巴人在紐約犯下謀殺案為主題的偵探劇。風評不錯。

5. Netflix：《盜墓者羅拉：不朽傳奇（Tomb Raider: The Legend of Lara Croft)》第一至二季

動畫版盜墓者，以 Netflix 的左膠味應該唔會將羅拉畫成大X妹咁政治唔正確？

6. Apple TV+：《末日地堡（Silo）》第一至二季

Apple TV 其實都有好多劇睇，本劇有 Rebecca Ferguson 助陣，共四季暫時只出了兩季，唔使講入咗 list 先講。

7. Amazon Prime：《恐怖民間傳說（Lore)》第一至二季

單元劇式講古唔好駁鬼古，用來攝時間真係唔錯。

8. Netflix：《FUBAR》第一至二季

阿諾主演嘅串流平台劇，《幼稚園特警》式的劇情竟然都可以有兩季（好在第三季被 cancel）。不過，魔術師作為阿諾影迷，睇一齣少一齣，點都會用嚟攝時間嘅。

9. Disney＋：《天龍八部》

CCTVB 搞咗兩對「中年好聲音」出嚟唱主題曲，又可以湊吓熱鬧睇吓完全無刪剪版係點嘅一回事。

其他：《黑鏡（Black Mirror）》：因單元故事，表現飄忽，魔術師暫不評分。

仲有大量動畫、舊劇、紀錄片，包括《陰屍路（The Walking Dead）》、《迷（Lost）》、《GANTZ 殺戮都市》、《二戰大事記彩色版（Greatest Events of WWII in Color）》、長篇日韓劇、哈蘭·科本（Harlan Coben）系列等...未能盡錄。

期待中

1. Netflix：《武士生死鬥（Last Samurai Standing）》第一至二季

第一季只有六集，好快睇完就無；等到第二季就會唔記得哂啲劇情又要翻煲，不如等出哂至講。

2. Netflix：《終末的女武神（Record of Ragnarok）》第一至N季

熱血格鬥動畫，但劇情愈來愈似《足球小將》，不斷回憶不斷拖戲，究竟會唔會有大結局寶屬未知之數。

＊＊＊

無乜期待中

1. Netflix：《殭屍校園（All of Us are Dead）》第一至二季

未入坑。如果兩季完魔術師都可以有時間就睇：