Form 6401：美帝稅務局回信

其實呢篇文，拖下拖下已經係一個月前應該要寫的了...
話說在本年５月初，為免同時申請 Individual Taxpayer Identification Number（ITIN）又申請退稅，美帝班 hea 精處理需時以致錯過了截止日期，魔術師便在未寄出 Form W-7 與及 Form 1040NR 向美帝申請討回多繳了的 withholding tax 之前，早就寄出了呢份 Form 4868 申請延期報稅許可（見《陀地寬限期（２０１７）》），而在６月初收到回音，張 Form 4868 仲打咗個印添！

睇返 time stamp，５月頭寄出，５月２６日美帝處理完畢，６月初收到回信，效率算係咁。

不過，唔好開心得咁早住。呢張回郵 Form 6401 認真夠難睇，淨係開頭嗰句已經令魔術師打個突：

We are returning your application for an extension of time to file a tax return because we do not have all the information we need to process it or because you have indicated that you have requested an Individual Taxpayer Identification Number (ITIN).

再睇落去，原來有個 box 打咗交叉：

You indicated on your extension request that you have requested or will request an Individual Taxpayer Identification Number (ITIN). We have approved your extension request to 10/15/2017. PLEASE NOTE: You MUST attach a copy of this form and a copy of the extension request to your indvidual income tax return when you file.

咁即係話其實魔術師係成功向美帝爭取延期報稅的！

之但係，魔術師早就寄出咗 Form W-7 與及 Form 1040NR，咁又點能夠　attach a copy of this form（即係 Form 6401）and a copy of the extension request（即係 Form 4868，唔怪美帝加蓋了印之後便將張 form 寄回來）to your indvidual income tax return when you file（即係 Form W-7 與及 Form 1040NR）呢？
咁即係得物無所用！
不過都好，經一事蔡一智。以後就記住：申請延期報稅需時約一個月，即係要在截止日期前的一個月寄出 Form 4868，之後就可以等美帝回信，再施施然將所有文件夾附在一起，寄返去申請 ITIN 或報稅就可以了！
＊＊＊
伸延閱讀：
陀地寬限期（２０１７）