留係傷港會死

話說魔術師日前俾幅相呃咗入去睇篇廢文，但唔覺唔覺，原來個題材都可以借題發揮一下：

香港人唔係鍾意去旅行，而係唔想留喺香港
2018年5月1日

香港人好鍾意飛，甚至可以話係用盡方法飛：有長假期要飛、搶到平機票要飛、辭咗職要飛、甚至星期六日都可以飛。香港人係咪真係咁想探索其它國家呢？又唔係架喎，好多人一年幾轉都係飛日本，仲要係例牌東京大阪，仲要去親都係嗰幾個地方。唔係想睇多啲個世界，唔係想體驗當地民情，嚟嚟去去都係嗰一兩個行情，點解香港人都咁鍾意飛，飛得咁密？當然有好多嘢食要去到當地先好食係一個原因，但仲有一個更大嘅理由令香港人咁做。
香港依個地方真係好令香港人反感。
喺香港，由你起身嗰一刻開始你就離唔開無助同壓力：一家人迫喺二三百呎嘅屋企、打開電視係無盡嘅財經新聞、出門口追車避免遲到、返到公司就做唔停手直到放工、出街發現冇咩鋪頭係為香港人而開、地產鋪寫住窮人恩物都要四百萬、然後同一眾打工仔迫巴士返屋企、再攰有關愛座都唔敢坐、最後比幾廿蚊先有個頹飯可以做晚餐。喺一個咁嘅地方你好難怪人寧願儲少啲甚至唔儲錢都要飛，因為對佢地嚟講張機票就係救贖劵，全靠得到去飛嗰日嘅動力先挨到落去，只有飛機起飛嗰一刻香港人先可以真正鬆一口氣。
點解香港人可以成日去東京大阪都唔會悶？嘢食好食當然係其一，鍾意買嘢可以係其二，但其實飛嘅係咪日本都好，香港人一樣會咁開心，只要佢地身處嘅地方唔係香港——日本只係香港人去慣咗，同埋大家點都有啲戀日嘅情意結咁解。係架，香港人出國真係好失禮，又大聲又冇禮貌成個大陸人咁，我去旅行聽到人講廣東話就會遠離佢地，廢事比當地人當同一類人。不過香港人會咁失禮，或多或少係因為佢地喺香港根本冇真正生活過，佢地未試過可以放低生活上千百種壓力，入一間自已鍾意嘅餐廳食一餐飯，或者行一條有嘢啱佢行嘅街。即係好似細路第一次入迪士尼，第一次見到米奇咁樣，興奮到忘哂形又有幾出奇？
要靠旅行先可以做返一個人，大部份嘅香港人就係咁悲哀。唔似得外國人鍾意用幾個月流浪去感受一個地方同人情，用旅行去擴闊眼界同探索人生，香港人去旅行只係想避難，想抖一抖氣，想感受返自己係一個人。不過想探索世界又點？假就得嗰幾日，可以搵到乜嘢意義？唔洗搵錢返香港生存啊？
你話，做香港人有咩好。
作者：毛言地
你有多久沒去找自己的理想？搏殺一天，回到家，倒頭就睡。 無言，只因生存太累。談理想？妄想；毛言仍言，只因理想，本就是「理應去想」
http://www.facebook.com/MaoYanDe

１. 「香港人係咪真係咁想探索其它國家呢？又唔係架喎，好多人一年幾轉都係飛日本，仲要係例牌東京大阪，仲要去親都係嗰幾個地方。唔係想睇多啲個世界，唔係想體驗當地民情，嚟嚟去去都係嗰一兩個行情」
魔：今次呢個毛言地似乎被男骨仔（見《不去旅行會死？》）老實，起碼承認傷民們咁「熱愛」旅遊，並唔係有乜深刻大道理，甚至乎唔係為了以食買玩「減壓」，而只係為咗「逃離我城」。
２. 「一家人迫喺二三百呎嘅屋企、打開電視係無盡嘅財經新聞、出門口追車避免遲到、返到公司就做唔停手直到放工、出街發現冇咩鋪頭係為香港人而開、地產鋪寫住窮人恩物都要四百萬、然後同一眾打工仔迫巴士返屋企、再攰有關愛座都唔敢坐、最後比幾廿蚊先有個頹飯可以做晚餐」
魔：咁點解班偽文青時常為被領展（00823.HK）霸權逼遷結業，但佢地自己卻好日都唔去幫襯下的小店而傷春悲秋的時候，仲要爭先恐後咁去外遊呢？乜唔係應該趁有閒去支持呢啲為數不多的小店咩？小店提供嘅，應該唔係頹飯喎！又，當貪官走資個個變哂逃犯，咪唔會搶貴哂啲樓，唔使做擠逼戶囉？經濟一潭死水，都唔使忙到日日做到無停手，財經新聞的 air time 都會大幅縮減喇！係關愛座問題先要問過啲有青想點嘅啫！毛兄是否意會到，只要《逃犯條例》通過，我城的生活壓力就會大減，再唔會有「強逼搭飛機」呢件事發生呢？
３. 「因為對佢地嚟講張機票就係救贖劵...其實飛嘅係咪日本都好，香港人一樣會咁開心，只要佢地身處嘅地方唔係香港——日本只係香港人去慣咗，同埋大家點都有啲戀日嘅情意結咁解。」
魔：傷民果然是崇優的！
４. 「我去旅行聽到人講廣東話就會遠離佢地，廢事比當地人當同一類人。」
魔：遠離班港豬係唔夠架！你仲要唔可以開聲講嘢！一旦俾當地人發覺你有口音，咁就會當埋你係大陸喱架喇！既然港豬們咁有「戀日嘅情意結」，就一定要學好皇文，考返幾個級返嚟，仲要以皇味口音講英文，實現大東亞共榮圈的理想，咁先可以 differentiate 自己 from 班蝗蟲架！

５. 「香港人會咁失禮，或多或少係因為佢地喺香港根本冇真正生活過，佢地未試過可以放低生活上千百種壓力，入一間自已鍾意嘅餐廳食一餐飯，或者行一條有嘢啱佢行嘅街。」
魔：又唔覺喎！可能魔術師唔係食家，只係覺得就算係連鎖餐廳，都會有啱自己口味嘅食物。又，只要去睇吓魔術師的「理性消費」系列，就會發覺我城都唔係無嘢買吖！
６.「要靠旅行先可以做返一個人，大部份嘅香港人就係咁悲哀。唔似得外國人鍾意用幾個月流浪去感受一個地方同人情，用旅行去擴闊眼界同探索人生，香港人去旅行只係想避難，想抖一抖氣，想感受返自己係一個人。」
魔：要靠旅行減壓，魔術師第一件想起的，就是音樂人夫婦為了減壓去旅行而令貓兒死去的故事（見舊文《偽愛貓人》）。第二件事會想起的，竟然就係即將上映第五集的 Rambo。魔術師今日趁機拎返３０幾年前的第一集來睇，仲係睇到津津有味：Rambo 戰友全滅，孤身一人，行到邊算到邊，但卻無故遭到小鎮警長的逼害...其實流浪的「生活」，都係你睇我好，我睇你好架咋！傷民咁討厭我城的「生存環境」，會因會「壓力爆煲」而去旅行，借機「逃離我城」，但作為工資奴，移唔到民，便不得不在假期後返回我城「搵食」，流浪天涯，竟然變成傷民的 fantasy。

＊＊＊
伸延閱讀：
不去旅行會死？
舊文：《偽愛貓人》