開心大發現之外賣 app 初體驗

晚市禁堂食一個月，搞到魔術師苦不堪言。事關一來外賣 app 之中唔係咁多食店啱魔術師口味，二來外賣仔多數係黃Ｃ有青，魔術師亦唔想用佢地的外送服務，所以寧願每天 work from home 收工之後出去行吓，順便外賣自取買個飯返屋企食。
這天行行吓去到置樂，諗起好耐都無食過印度咖哩，於是便行去睇下：

正價 set dinner 一人餐，如果魔術師叫個咖哩羊肉就要＄９０，有湯有飯有餸有汽水；依家因為無堂食，同樣的咖哩羊肉餐外賣特惠價就＄７０，不過就少咗個例湯：

正想落單之際，魔術師想起早前安裝了熊貓外送 app，印象中多數的食品價格比正常價都 markup 了不少，就算外賣自取打了折也較親身去落單貴，相當唔值。今次便手痕，先 check 吓熊貓 app，咖哩餐外賣自取打８折，又是否跟人肉落單有差別呢？

Click 入去選單，出乎意料之外，個 menu 是跟 set dinner 的＄８０，但竟然係打７折（即係＄５６）而唔係 banner 上的８折：

魔術師點了個咖哩羊肉餐，實在睇唔佢個 set person for 1 person = $87.7 係點嚟，但下面個 section 寫小計＄９１就尚算明解（正價＄９０，外賣加＄１），７折之後就係＄６３.７。即係話魔術師在餐廳門口用 app 落單，係平過人肉落單的，認真神奇。橫掂都係，魔術師便順便叫多個雞湯，＄２６打７折，即係＄１８.２，加埋主餐$６３.７，實俾＄８１.９：

拎返屋企打開外賣袋，賣相都相當唔錯，塊 Naan 用鍚紙包裝，仲係熱熱地；個雞湯就一個膠碗都裝唔哂，要另外用紙杯裝，非常均真：

＊＊＊
伸延閱讀：

政府指健康碼無追蹤功能　待疫情穩定會逐步落實　特首批用作評定市民進出食肆不切實際　2020/08/22 14:37

【有線新聞】政府指當本港疫情穩定會逐步落實香港健康碼，強調港康碼無任何追蹤功能。對於有政黨建議利用系統評定市民可否進出餐廳，林鄭月娥指是不切實際。
現時經由香港入境內地或澳門如果無豁免，到埗都要醫學隔離，政府指當本港疫情穩定就逐步落實健康碼，恢復內地與港人往來。政府指香港健康碼只會記載出入境所需的個人資料，包括姓名、性別、出生日期、證件號碼及聯絡電話，還有醫療機構名稱及檢測結果，強調港康碼無任何追蹤功能。
市民需要在網上預約系統，先取得入境廣東省及澳門豁免檢疫的配額，再到衞生署認可的醫療檢測機構做核酸測試，結果會上載到衞生署「香港健康碼」系統。市民取得結果後，需自行再申請入境廣東省或澳門的「粵康碼」、「澳康碼」，申請人要表明同意港康碼系統，轉交資料給廣東省及澳門當局。
創新及科技局局長薛永恒：「有關過程完全符合個人資料私隠條例，我們亦徵詢了個人資料私隠專員意見。」
對於早前有政黨提議市民可使用健康碼來進出餐廳，行政長官林鄭月娥：「這是不切實際，亦出現不公平現象，入一入政府寫字樓、餐廳就要做檢測，所以完全沒考慮過這些建議。」
政府又指未來一周會密切觀察確診個案的下降趨勢，若無出現反彈，首階段會考慮開放晚市堂食、重開戲院、美容院及部分運動場所。
疫苗方面，政府指會雙管齊下，參與全球疫苗免疫聯盟等機制，希望為兩成市民提供安全網。另外，會以協議方式向各疫苗製造商直接採購，已聯絡候選製造商索取臨床數據。政府亦已向中央提出請求，一旦內地疫苗面世，希望支援香港。