彩虹橋之屋

在寵物群組中，貓奴狗主都會話寵物離世係「去咗彩虹橋」，咁響囝囝囡囡房中整條「彩虹橋」，又係點玩法呢，就由兩位實習記者妹做 model 為大家講解喇（１１：５０ — ２３：３７）？

樓盤傳真 2020/08/08　2020/08/08 22:18

近年迷你則新盤高價開售，依然有追捧，亦因為高價買入，近日開始有損手蝕讓個案，而收租回報亦偏低約兩厘。
馬鞍山鐵路站上蓋的福安花園，三房放盤已補地價，叫價750萬元，較毗鄰私樓低四分一，又是否物有所值？
小朋友最喜愛七彩繽紛的世界，設計師打通兩兄妹的房間，變成營帳一般的多功能兒童天地。屬於成人的休閒空間，則盡用海景單位優點。

西半山高士台，９５４呎三房連工人房，又係有錢人嘅屋企，當然個 focus 就係兩隻金叵籮喇！

主持話戶主無請工人姐姐，所以第一件事就係要拆走工人房（左上、右上）；但設計Ｃ就更狼死，將所有牆拆哂，重新規劃，鑿返一筆（左中）。於是玄關開始就有巨型收納櫃，一直延伸到梳化（右中）；而入門口的走廊則由重新間隔的小朋友房偷位，造出一個儲物空間（左下、右下）：

設計Ｃ在梳化背掛上以海洋主題作主調的油畫，呼應返客廳露台的無敵海景（左上、右上）；另外梳化頂又整色整水，加幾盞鎢絲燈扮日落的金光（左中、右中、左下），夠哂意景。唔好以為設計Ｃ淨係識 sell 流於想像的畫面，原來梳化背油畫揭開是個儲物空間（右下），但其實如果放個夾萬入去就更有電影感：

飯廳那邊應該無乜景，所以長期落簾無嘢影（左上）。設計Ｃ只係在斜面設計的燈槽牆上造櫃（右上），以燈槽作拉手。照計燈槽應該係用 LED strip 光帶吧？（左下、右下）。

客房由工人房改建而成，無窗，所以冷氣在頭頂（左上、右上），更要用玻璃門引入光線，有需要時便要落簾（左中、右中），認真無嗰樣整嗰樣，無厘貴氣，難得設計Ｃ可以面不紅氣不喘咁講到個設計係幾咁好。客房可能係為老人家而設，整咗盞感應燈幫手照明（左下）。重新規劃的廚房則用雲石面鋪砌，走簡約風（右下）：

主人房有得三邊落床，其中一邊床頭櫃凌空，容易撼頭（左上）。窗台設有軟墊，可供戶主休閒睇海景（右上）。主人房當然唔少得扮哂舞台化妝間的梳妝台，順便呃多幾個燈掣位（左下）。衣櫃門用來掛電視，又唔夠貴氣了（右下）：

主人浴室趟門都係走海洋調子，前後呼應（左上）。整體走酒店式簡約設計（右上），設按摩浴缸（左下），另外洗手盤旁邊有金屬架放用過的毛巾，至於邊個負責收毛巾就不得而知（右下）：

重頭戲的金叵籮房就係以彩虹帳篷做天頂設計（左上），兩兄妹都要爬高訓上格床（右上），貫徹無厘貴氣的風格。兩間小童房打通，有特大窗台做兩座位書格一齊做功課（左中），但就可能無乜社交距離，兼且對住無敵海景易分心。阿妹床底下有小型衣帽間可以培養巷女公主病多過自理能力（右中）；而阿哥床底下同樣位置就係俾工人姐姐訓（左下、右下）！又話唔請工人嘅？仲拆埋原來個工人房添！床下底又黑又無通風，叫人點訓呢？呢啲僱主係有錢住到上半山，２００幾萬搞裝潢，但又有乜鬼用？

最後設計Ｃ將彩虹橋概念引伸至小孩房浴室，但係得一個洗臉盆會唔會又有爭執（左上、右上）？設計Ｃ仲解釋話個設計係父母想阿囝阿囡在色彩繽紛之下成長云云（左下、右下），但係魔術師一見到呢類虐待工人的設計就只覺呢類「對子女的期望」難聽過粗口，只能感到偽善和反胃。

非有線用戶可以暫時住睇精華版先：