自願性監控

 特衰正苦「監控市民」的手段真係層出不窮，繼「安心出行」之後追蹤市民行蹤之後，又有呢個自稱是 "internet Access by Mobile in a Smart way" 的「智方便（iAM Smart）」。究竟呢個 app 又有乜功能呢？

「智方便」有分基本版與及進階版（「智方便＋」），分別只係有無數碼簽署功能：

（圖片來源：智方便官方網站, retrieved on 7 Mar 2021）

如果只係要基本版，Download app 之後在手機上登記就可以了；如果想要智方便＋便去登記站登記（見登記「智方便」地點）：

由於魔術師屬於「攻頂一族」，反正又唔使錢，這天便便跑到去屯門中央郵局去登記。屯門中央郵局用人手登記，而唔係用自助登記站。過程其實也很簡單，郵局職員遞上一部有如 Amaxon Kindle 的特製 tablet，按一下之後便出現 QR Code；魔術師再開着自己個「智方便」app scan，便可以綁定手機。然皈魔術師在「Kindle」上閱讀 terms and condition、tick、再確認（「Kindle」畫面的反光度要視乎觀看角度，魔術師就搵咗一輪先搵到個 tick box）。跟手在「Kindle」上插入智能身分證，再除口罩讓郵局職員核對，跟手魔術師就要輸入電郵以收取確認信息，確認之後便搞定。整個過程應該在１０分鐘之內可以完成，自願交出私隱受正苦監控了（誤）。

「智方便」最有用的應該就係「電子針卡」：

另外，就係可以幫你填正苦表格的「填表通」：說穿了，就係在手機上先填好個 template：

然後在網上填政府表格時，用 QR Code scan 來 scan 去來傳送資料：

手機上填表相對上方便啲：

不過魔術師係 old school 人，喜歡網頁版通常可以睇多啲資訊，手機版簡化咗總係覺得填得唔「安心」。至於邊啲正苦網上服務可以使用填表通和數碼簽署功能，可以見下表：

（圖片來源：智方便 > 網上服務 > 政府網上服務, retrieved on 7 Mar 2021）

以魔術師自己來說，「智方便＋」的數碼簽署功能只能用在報稅。最後，魔術師最關心的是，遺失手機轉換手機要點做呢？答案此中尋：

＊＊＊

伸延閱讀：

智方便官方網站