一球嘢一家訓閣仔

呢集係聖誕特別版，成個節目掛住做全年回顧，所以切雞環節特別精簡，但就竟然十分吸睛，真係估佢唔到（３８：１０—４７：１７）：

樓盤傳真 2021/12/25 2021/12/25 22:11

2021年是充滿變化的一年，香港於世界、於國家的政治布局定位大大不同。中央加緊關注香港房屋問題，間接促使香港房策變天，地產價值、土地規劃、資助房屋的將來會如何？2021正是分水嶺。同時面對的，還有席捲全球的疫情。封關之下，單靠本地購買力撐起市場，卻能衝破疫境，樓價、地價、新盤認購數字相繼破頂。

投資世界股樓對決，香港樓價領先股市一大截。疫苗、通關消息助力沖淡疫情，二手樓價、成交額、成交量應聲衝上新高。有人移民拋售，同時有人留守接貨，細單位繼續當道，仿如本港政經從未受過打擊。面對內房危機、拆樓之亂、打針送樓等破天荒事件，依然處變不驚，有買有賣。

內地疫情影響材料物流，拖慢本港建造業進度。影響稍有緩和，卻又有限電、碳中和措施，導致樓宇建築尚未能完全擺脫去年的難題。今年全新樓盤交樓量、成績都與去年相若，沒有大突破。

跟進年末樓市，簡報新盤以至新居屋消息。〈設計廊〉參觀一個仿「閣樓」設計單位，為大人和小朋友提供各自秘密基地，三房間隔推倒重來，重新規劃尺寸和功能。

一家三口住６００幾呎，三房兩廳本來應該夠住（左上、右上），但切雞Ｃ就話房間太細要全拆推倒重來，搞搞震使咗成球嘢，利用高樓底一於全家訓閣仔，以增加儲物空間，咁識嘆究竟係乜玩法（左中、右中、左下、右下）？

切雞Ｃ利用玄關同長走廊，在門口整咗張穿鞋椅，跟住就係到頂鞋櫃同儲物櫃，然後就係個唔係好見得光，只能打開一半見到有啲漫畫書的「男戶主工作間」（左上、右上）。切雞Ｃ話電視櫃係重點，因為收納投影機、投射幕，又要整理儲物空間及收藏電線，而電視櫃又係通向客廳上閣仔的樓梯級，物料有限制，要啲技巧去整云云（左中、右中、左下、右下）：

客廳閣樓既是工人房，又是男主人的漫畫區（左上、右上，！），書架底部有轆可以推來推去，十足租書鋪咁（左下）。記者妹亦示範了工人姐姐可以露出長腿，給 kidult 男戶主枕在大腿上放空的想像圖（右下）：

切雞Ｃ整咗張中島吧枱，內附摺疊餐枱及電軌萬能蘇，如果戶主唔嫌麻煩成日要拉出拉入的話，便可以玩親子煮飯仔（左上、右上、左中），不過如果啲食物跌咗落去收藏摺疊餐枱的「收納空間」，就唔知點清潔了。吧枱有櫃桶可以收納餐具（右中）。對面牆用磁性漆油可以貼相，在無乜人 print 相的時代提供懷舊感（左下）。記者妹打開吧枱對面的暗門便無再影落去，段估應該係廚房掛（右下）？

記者妹再探另一道暗門，原來是小巷女的房間（左上）。房間書枱十分狹窄，一邊係以磁石貼做櫃門的衣櫃，另一邊又係櫃，電子琴是要拉出來的，可以話係寒酸到一個點（右上、左中）。小巷女訓衣櫃上的閣樓，樓梯有滲燈以防跌親（右中）。閣樓有小型戲棚式梳妝枱以滿足公主病，但恐怕要係小矮人才可以坐得直（左下）；而床褥就直接放在地台上，地方淺窄當然放唔落床架（右下）：

主人房由兩間睡房打通而成（左上），但實際點佈局卻無顯示；只係見到門上有儲物架，又係放滿漫畫書（右上）；另一邊係要記者妹彎腰才能進入的衣帽間，給女戶主放滿包包和衣服（左中）。女戶主又係有戲棚式梳妝枱，可以對於個海景化妝（右中）。行上幾級就係睡眠區，用地台設計，呢個閣樓似乎比較高，可以擺到不知名的家電（讀者如果知道請指教），與及吹住個頭的分體式冷氣機（左下、右下）：

＊＊＊

精華版如下：