日前打開信箱，竟然見到尾帝來郵，內附支票乙張：
八月初就收到尾帝退回多收了的股息稅，印象中都算係早，唔通疫情過去尾帝唔使搶人才就可以回復正常速度甚至加速？
對返資料，支票上的銀碼正正就是魔術師今次申領回水的數目，亦即係話魔術師計算「屬於 ETF 派息中含有 Foreign Source Income（FSI） 及資本增值（Capital Gain）等這些 NRA 可以免繳稅的項目」的方法應該經已成熟無錯漏 - 當然亦有可能是尾帝在疫後為了加快效率，對魔術師呢種少量退稅（數百帝幣，即數千元我城貨幣，值唔值得每年行禮如儀咁去申請退稅就見人見智）的申請用上抽查甚至降低抽查比例，魔術師就成為「漏網之魚」，claim 幾多回幾多也是有可能的。
入錢方面梗係行禮如儀搵返大貓，手續費為0；櫃枱妹妹亦無問魔術師點解會「勾結外國勢力」、「收尾帝錢」呢啲 KY(Know Your Customer)問題...又，好彩魔術師唔係公墓園，否則淨係「收尾帝錢」呢句都幾大件事 XD
＊＊＊
伸延閱讀：
沒有留言:
張貼留言