邪惡的 FB 不時傳來一些內容農場傳來的訊息，其中我城的好友日報旗下及殷實商人旗下的財經、電車、吃喝玩樂等妄霉之內容都唔少係抄妄想討論區、或外國網上消息，自家制原創資訊甚少，邪而網頁上的廣告就多過乜，魔術師自己就界定其為「半內容農場」。不過，「內容農場」都有些許「好處」，就係有時會為魔術師呢類「不太潮」的人介紹流行資訊，好似以下呢一篇講「Quiet quitting」，就令魔術師對某些有青同事的行為由百思不得其解變成茅塞頓開：
Quiet quitting席捲職場 過來人躺平無聲辭職：香港人夠膽嗎？ 經濟一週 職場熱話 Sep 15 2022
最近網上有一條熱播短片，由TikTok用戶分享了自己對「Quiet quitting」——這個新興用字的看法。他的分享除了吸引了超級300萬的播放次數，也引起了有關的討論。
「QUIET QUITTING」只做基本工作要求 TikTok用戶@zkckilin在短片中就提到，自己正在嘗試「Quiet quitting」（無聲辭職）這一個全新的工作模式。
Quiet quitting大致定義是：打工仔工作態度趨向被動，只達到最基本要求，員工不會主動、積極，只會做完份內事；同時不會承擔任何額外工作，甚至乎不會OT，更加不是向老闆提出辭職。
「You are not quitting your job, you are quitting your idea of going above and beyond」（你不是辭去你的工作，你只是不再將工作放大，大於你的生活。）打工仔要識「收工」 「Quiet quitting」對打工仔而言，其實是不只是一個工作態度，這個新用字值得深思：自己在工作上，是不是懂得放鬆？還是你只有無止境地工作，下班後仍然沒有和工作劃清界線？ 「Quiet quitting」其中最重要的是打工仔不會主動承擔工作，更專注在自己的份內工作，將會停止承擔崗位以外職責。 TikTok用戶@zkckilin亦提到一句：「你不是辭去你的工作，你只是不再將工作放大，大於你的生活。」也提醒了其實「Quiet quitting」，很需要打工仔自己去調節，明白工作只是生活的一部分。
個人價值不再反映在工時上 以香港職場文化而言，不少人視加班工作、假日工作為常態，可能是因為行業固有文化、公司固有文化、或者自己正在爭取表現，想向公司展示自己能幹的一面。 但「Quiet quitting」這個新興的職場趨勢正在國外開始流行，打工仔開始只做自己份內事，職責以外的，或是要求較高的工作都不會做，絕不會做多。可以說是不打算OT之餘，亦不打算浪費自己的時間在基本工作以外。
「QUIET QUITTING」有益身心？ TikTok用戶@zkckilin在片段中有提到，自己在嘗試「Quiet quitting」後，不再將時間放在工作。在工作時間以內，依然會完成職責。但在準時下班後，可以有時間花在自己的生活上，也體會到工作真的只是生活的一部分。 在「Quiet quitting」的生活中，其實目標十分清晰，在工時內完成了自己的份內職責，下班後就可以完全專注在生活上。 在完成工作與生活之間，似乎可以找到平衡。未知香港的打工仔，會不會在裸辭以外，嘗試一下Quiet quitting，去尋找Work life balance？
而魔術師組內的巷妹同事C就教曉了魔術師一課。
巷妹同事 C「年輕貌美」，約莫廿到尾三字頭左右，返工會化妝油指甲、短裙黑絲，完全不似一個電車妹。
巷妹同事 C 是從來都唔OT的，無論有幾多嘢做，各組員有幾忙做到頭出煙都好，巷妹同事 C 呢位「長工」都係同「僱傭兵」同事一樣，下班一齊準時走，一定唔會蝕俾公司。聽佢宣稱就係要趕村巴返天水圍屋企（咁乖？）。
究竟巷妹同事 C 係點樣「管理」佢嘅工作量，可以人人OT偏偏佢就唔使嘅？
到呢一次魔術師俾嘢佢做，就明白到佢做事的方法了。
答案就係：好似比卡超長官咁，「頁問」。
一件工作通常都會分開好多 subtasks，而巷妹同事 C 就會逐件逐件拆開咁問，呢樣係咪佢做？嗰樣又係邊個負責？
雖然定義好 roles and responsibilities 係好事，但去到太細，有時就變成無事生非。
例如要做一件事，要先問其他組的同事問攞資料，巷妹同事 C 會問「咁係咪我寫 email 問？」
而當佢睇到組內有另一位同事 M 曾經問過相同的問題，就會話：「咁即係某某去問，再 copy 返個答案俾我喇！」
魔術師呆住了。即係你要靠同事 M 問，如果同事 M 唔得閒問、忘記問、或覺得根本唔係佢嘅工作而無去問，巷妹同事 C 豈不是可以數手指等運到？
俾着魔術師，就一早捋起衫袖直接寫 email 去問，簡單直接，使花幾多時間呢？點解要靠人？
當然，魔術師主動去做事的着眼點就是要做完件事，出個 email 又唔係咩嘢大事，你做定我做根本無所謂。
而巷妹同事 C 的着眼點就係 quiet quitting 中的「只做自己份內事」，即係只要將一啲必需要做的事界定為「唔係我做，係要等某某人做」，咁即使工作在限期前未能完成，就「責任不在我方」。
「自己要做嘅事由自己來定義」，只要將每一件事都細分不同的工作，始終可以搵到「屬於」其他人做的部分。
尤其是魔術師主動慣，好少咁斤斤計較咁去分「應該」邊個邊個做，所以反而會俾個𡃁妹窒返轉頭，被佢問到口啞啞，點解唔等某某人去做，而要自己主動去做。
試得幾次都係咁樣俾巷妹同事 C 窒，結果都係廢事再搵佢，不如搵其他有啲主動性，無咁多嘢問的同事做。
於是巷妹同事 C 的工作量便變少了。
最後，巷妹同事 C 亦很善用「病假」，一年以來可以放成 12 日病假，平均一個月一日，都唔知算唔算係 M 假，認真夠哂 work life balance。
Typo in your caption and two more in the text:
回覆刪除//向巷妹同事學習 Quite quitting//
//好似以下呢一篇講「Quite quitting」//
//而巷妹同事 C 的着眼點就係 quite quitting 中的「只做自己份內事」//
Old BJ
謝通知，己改
刪除以下會有部分challenge意味，閱前請注意。
回覆刪除//「自己要做嘅事由自己來定義」
先不論小弟同不同意《經濟一週》一文所講，但文中以及網上找到“quiet quitting”一詞，並無「自己要做嘅事由自己來定義」的意味；如果老闆/上司可以由得員工/下屬這樣做，這已不是“quiet quitting”能概括，而基本是員工/下屬自己話晒事，最終，就係絕大部分打工仔夢寐以求的，「我中意做就做，唔中意做就唔做」，可以「白出糧」。這只代表老闆/上司（尤其前者）不夠强勢、俾員工/下屬得寸進尺而已。
//俾着魔術師，就一早捋起衫袖直接寫 email 去問，簡單直接，使花幾多時間呢？點解要靠人？
//尤其是魔術師主動慣
從職場和生意（尤其後者）上，這不是一個好習慣。我記得睇過李民傑/ 江健勇一系列的書，其中一本的一節（應該揾得返，因爲我有晒實體書，只是懶得揾而已）講一家公司因爲供應商未能保證準時送貨，但公司有急需，讀工管的太子爺就主動派自己公司車運送，老闆得悉後暴跳如雷，但因爲讀得書少，組織唔到理據責駡兒子，只是凴經驗知道商場上不能這樣做...云云。職場和商場不完全一樣，但個中道理我是明白的。
刻意細分當然有找碴的意味，但如果下下自己主動頂上，最終一定是「馬太效應」--別人就會將責任往自己身上推。
//最後，巷妹同事 C 亦很善用「病假」，一年以來可以放成 12 日病假，平均一個月一日
如果公司真的提供這樣福利，每月有一日免病假紙病假，咁佢都不過是儘用規矩，公司也怨不得人。
//Quiet quitting大致定義是：打工仔工作態度趨向被動，只達到最基本要求，員工不會主動、積極，只會做完份內事；同時不會承擔任何額外工作，甚至乎不會OT，更加不是向老闆提出辭職
説穿了，就是做一個「踢一踢、郁一郁」的員工；但又要反過來問：「不是向老闆提出辭職」，老闆可以炒你啊！
我相信quiet quitting這個詞最初係「在無表現又無過失地搏炒」，只是被網絡（例如呢個乜9網紅）演化成什麽“work life balance”而已。
不如又問返一句：作爲老闆（老闆是終極的投資者，上司可以也是打工仔，利益上也會同老闆有conflict），究竟想要什麽樣的員工？爲何好多公司，只要足夠大，都有這類型的員工？只是多與少的問題？
//Work is NOT your life
//或者自己正在爭取表現，想向公司展示自己能幹的一面
其實應該話：YOUR work is not your life, or you don't treat YOUR work as your life。大把人在主要收入的工作的工餘時間，絕不是躺平或吃喝玩樂，而是為有或無收入的活動拼命無限倍--因爲他們將這個活動才看成是自己的“life”，或曰，真正的“career”。
如果是爭取表現中，可以是單純搏紥加人工，那這是for money而不一定是for “work”； 甚至隨時是另有所圖，升職後做靚CV就跳槽揾份更好的--而這也可算是career，或money，但很難言為work。
有啲人返工主要做份内事，或分外事只會沾手對自己有value added的工作，但工餘進修自學同一行業的知識主動過返工多多聲，那這一定是for career not for work。
當然周圍的人也不笨，個個學馬英九咁不沾鍋dirty work都俾晒人做，人地被揾過幾次笨以後就好難俾value added嘢過你。
所以有時主動做多分外的無謂事也可能只是為自己爭取多啲credit。
//可能是因為行業固有文化、公司固有文化、
前者較難下定論，但如果純粹是後者的「公司固有文化」，就完全是無腦的行尸走肉了。
做多嘢本來就應該為能換返啲嘢返來，純粹因爲文化因循就未免太笨。
//聽佢宣稱就係要趕村巴返天水圍屋企（咁乖？）
又如上文所講，工餘時間又點知佢做乜，可能返緊私竇呢（就我自己價值觀而言，這完全無侮辱的意思）！當然不是香港條條2字頭的女都係咁，但肯定是社會上的所謂everyday crime。反正人各有志...
//「QUIET QUITTING」
因爲小弟親歷過quiet firing，所以對類似term特別敏感：
https://magicianyang.blogspot.com/2019/01/sales-technical-background-lead-sell.html
//文中以及網上找到“quiet quitting”一詞，並無「自己要做嘅事由自己來定義」的意味
刪除因為 “quiet quitting” 只做自己「份內事」，但何謂「份內事」？好些細化後的 subtasks 是有灰色地帶的。就以上文例子，問其他組收集資料本來就是就是分派給巷妹C的工作內容之一，問題係唔會講到明係「由巷妹去問」定係「由另一位曾經跟別組收集過類似資料的組仔去問」。我話自己捋起衫䄂就去做的意思就係根本唔需要推俾組仔去做（美其名話組仔做過類似嘅嘢，亦同別組同事關係好啲），而巷妹則是「定義」收集資料工作應該係「熟手組仔」去做。只要減少了「份內事」，當然就更容易實行 Quiet quitting。“quiet quitting” 的確沒有「自己要做嘅事由自己來定義」的意味；但實行起來，如果識「定義自己的工作範圍」，quiet quitting 就會容易得多。
//讀工管的太子爺就主動派自己公司車運送，老闆得悉後暴跳如雷，但因爲讀得書少，組織唔到理據責駡兒子，只是凴經驗知道商場上不能這樣做...云云
重點應該是「不能做埋 supplier 嗰份」？呢個係有道理喎。Vendor 簽咗約就要諗掂佢，唔能夠由 Principal 出 resources。我所說的「捋起衫䄂就去做」是講緊組內灰色地帶的工作，一來沒有很確定的理由係另外組員負責，二來推來推去亦沒有效率，少少嘢自己就做咗佢，好過官僚地來來往往叫人做，五分鐘的工作五天也做不完而尾。
//別人就會將責任往自己身上推。
係會有呢個問題，所以如果有確實理由係其他同事做的話，就唔會因為「急」而自己做了。
//如果公司真的提供這樣福利，每月有一日免病假紙病假，咁佢都不過是儘用規矩，公司也怨不得人。
相信組內部門內的同事都知道公司病假制度的 bug，但又睇唔到有人會濫用（之前有一電車仔K都係成日病假，但己離職），照計「病得多」都有可能「被約談」。
//爲何好多公司，只要足夠大，都有這類型的員工？只是多與少的問題？
因為要「搶人」，不是「搶人才」，只要有雙手可以幫手分擔些工作就好了，那管是不是心「人才」呢？
//所以有時主動做多分外的無謂事也可能只是為自己爭取多啲credit。
以前公司的組長妹頭都係咁，不過即使 always go for extra miles，結果都係被公司無情地分手了。
//肯定是社會上的所謂everyday crime
PTGF...
呢類工作態度好似公墓員, 搞到上司唔敢派Job. 長此落去, 能者多辛.
回覆刪除都係㗎，難得巷妹C佢年紀輕輕就學得呢一身本領。
刪除如果係男下屬, 自己唔研究，就問長問短推來推去，一早俾人D左先講啦
刪除女同事都係可以被「D」的。
刪除幾年前D新員工已經係咁樣,估唔到有個名稱
回覆刪除唔做多唔做少,返工放工,唔講野,唔問唔聽唔講
貓
新一袋有青果然特別識享受人生。
刪除