繼《積壓如山煲劇單（2023年10月）》之後過咗差不多 3 個月，由於工作繁忙、同埋要準備同靚姐姐去旅行，令到追劇進度嚴重落後，真係唔知「劇債幾時還」：
睇咗
1. Netflix：《冥王（Pluto）》
浦澤直樹又一力作，喜歡《魔剎（Monster）》的觀眾不容錯過。劇情改編自手塚治虫的《小飛俠》篇章《地上最強的機械人》，所以有不少手塚治虫的「童真」feel，跟浦澤直樹的暗黑風有少許錯配，而且結局解畫有啲牽強，個人覺的得稍不及《魔剎》和《二十世紀少年》。故事起源於一個似曾相識的背景：中亞國家波斯王國被某自稱世界警察的國家指控藏有大殺傷力機械人，聯合國調查團發現本無此事，但戰爭經已開打，引伸出不少愛恨復仇，人類和機械人（人工智能）的包客與矛盾的故事。
魔術師評分：85分（100分滿分）
2. Amazon Prime Video：《刺客旅館：捍衛任務世界（The Continental: From the World of John Wick）》
《殺神（John Wick）》衍生前傳劇集，講大陸飯店經理 Winston（Colin Woodell 飾）的前半生。酒店接待沙隆（Charon）讚以青年身份出現。有 John Wick 式打鬥，係幾爽幾好睇，不過第一集開始 1955 年，主角 Winston 應該只有7、8歲，跟 John Wick 時的 Winston（Ian McShane 飾，1942年生）演員真實年齡差不多，但在 John Wick 中看上去卻似是年輕了十年有多；另外，本片主要時代背景設定在 70 年代，Charon(Lance Reddick 飾，2023年歿，終年60歲) 在只是青少年，跟 John Wick 時的角色年好像搭不上，追看時有點出戲。最後值得一提的是，本片仲有 Mel Gibson 參加演出。
劇情方面，Winston 團隊大戰大陸飯店，搵班丐幫做炮火，主要隊員只有一人陣亡，其餘人物均可一個幹掉數十個殺手，似乎 happy ending 得過了份。
魔術師評分：90分（100分滿分）
3. Disney+：《美國恐怖故事集（American Horror Stories）》第三季
《美國恐怖故事（American Horror Story)》衍生的單元劇集，第三季悄沒聲的在 Disney+ 上架。只有4集，每集 40 - 60分鐘不等，相當易食。
可惜第三季4集題材略見重覆，亦不是太驚嚇，只屬可以一看。
魔術師評分：65分（100分滿分）
＊＊＊
將睇未睇
1. Disney+：《洛基（Loki)》第二季
連載完，洛基一生亦（暫時）完結。第二季 IMDB 評分8.x，不可不看：
2. Netflix：《幽遊白書（YuuYu Hakusho）》
Netflix 唔知點解咁鍾意拍動漫真人版，繼《鋼鍊》、《死亡筆記》、《海賊王》之後又有《幽遊白書》，唔知今次人物造型騎唔騎呢呢？
3. Disney+：《美國恐怖故事（American Horror Story)》第十二季 Delicate
愈拍愈頹的 AHS「無聲無息」便推出了第十二季。今次橫為短小精悍，只得 5 集，唔知又可唔可以加快劇情推進，濃縮緊湊一喲呢？
4. Netflix：《暗夜情報員（The Night Agent）》
Netflix 2023 最高收視劇集，較為正經的特務片，男主角幾靚仔。
5. Disney+：《超異能族（Moving）》
去年 Disney+ 大賣之韓劇，或者可以一看
6. Netflix：《骷髏島（Skull Island）》
怪獸宇宙動畫，屬於「補完」工作。
7. Netflix：《大怪獸卡美拉：重生（GAMERA -Rebirth-）》
怪獸宇宙動畫，屬於「補完」工作。
8. Netflix:《星期三（Wednesday）》
魔術師第一季都未入坑，卻連第二季預告都出理，但可能要 2024 才有得睇，要諗吓等唔等埋一次過睇：
9. Netflix:《Fubar》
久違了的大隻佬再現《幼稚園特警》式的動作喜劇，可以用來攝時間。
10. Netflix:《阿諾舒華辛力加：人生三部曲（Arnold）》
好多人鍾意史泰龍，貪其對 Rocky 和 Rambo 不離不棄，但魔術師就鍾意大隻佬多啲，雖然佢無乜演技但木口木面就係演技，而且無 set 死角色（Terminator 除外）戲路亦較史泰龍多變（起碼以史講嘢一舊舊咁，就好難做到喜劇效果）：
11. Netflix：《Sweet Home》第二季
第一季已經係麻麻哋，第二季上架後風評更是差劣，未定是否入坑。
12. Disney＋：《天龍八部》
CCTVB 搞咗兩對「中年好聲音」出嚟唱主題曲，又可以湊吓熱鬧睇吓完全無刪剪版係點嘅一回事。
仲有大量動畫、舊劇、紀錄片，包括 Marvel 劇（包括新出的《What if...》第二季、《Echo》等）、《陰屍路（The Walking Dead）》、《迷（Lost）》、《GANTZ 殺戮都市》、《二戰大事記彩色版（Greatest Events of WWII in Color）》 等...未能盡錄。
＊＊＊
期待中
1. Netflix：《三體（3 Body Problem）》
原著久仰大名，究竟俾老外拍成劇集又係點呢？
＊＊＊
無乜期待中
1. Netflix：《魷魚遊戲（Squid Game）》第二季
第一季已經係過譽，如果兩季完魔術師都可以俾個機會佢完埋佢好頭好尾。
2. Netflix：《殭屍校園（All of Us are Dead）》第一、二季
未入坑。如果兩季完魔術師都可以有時間就睇：
＊＊＊
最後貼上魔術師的 all time favoruites 影集/動畫/單元劇/紀錄片頭十名（僅限現時在 Netflix、Disney+、及 Amazon Prime 的非電影類片種)，排名分先後：
1. Netflix:《闇（Dark）》
三季完燒腦穿越神劇，無 bug。
魔術師評分：100分（100分滿分）
1. Netflix:《魔剎（Monster）》
漫畫改編之暗黑系動畫，分鏡出色。魔術師由錄影CCTVB直至買碟二刷，同先父一齊欣賞之動畫之二（另一套就係《銀河英雄傳說》）。
魔術師評分：100分（100分滿分）
1. Netflix:《今際之國的有栖（Alice in Borderland）》
兩季完求生劇，漫畫改編。淨係睇囡囡已能完勝。
魔術師評分：100分（100分滿分）
4. 《紙房子（Money Heist）》
知名西班牙「神劇」，五季完。雖然講到教授幾咁算無遺策，但其中靠不可預測的巧合及符碌的情況亦唔少，真係「好運好過好波」；要睇不如睇女督察（後稱里斯本(Lisbon)）的英姿、奈洛比（Nairobi）的「人事管理技巧」；及東京（Toyko）的西口西面。
魔術師評分：90分（100分滿分）
4. 《新世紀福爾摩斯（Sherlock）》
魔術師最鍾意 attention to details！
|
| （圖片來源：BBC iPlayer: Sherlock, captured on 26 Aug 2023） |
魔術師評分：90分（100分滿分）
4. Amazon Prime Video：《刺客旅館：捍衛任務世界（The Continental: From the World of John Wick）》
《殺神（John Wick）》衍生前傳劇集，講大陸飯店經理 Winston（Colin Woodell 飾）的前半生。酒店接待沙隆（Charon）讚以青年身份出現。有 John Wick 式打鬥，係幾爽幾好睇。本片仲有 Mel Gibson 參加演出。
魔術師評分：90分（100分滿分）
7. Disney+:《美國恐佈故事（American Horry Story）》第一至十二季
季度單元故事，共用相同或類似的世界觀，追看無難度。本來係幾好睇的劇集（魔術師個人喜歡 Season 2《Asylum》、Season 1《Murder House》＋Season 3《Coven》＝Season 8《Apocalypse》），但愈拍愈頹，由第10季開始覺得有啲無厘頭，故事亦開始唔吸引，無乜新意和追看性，加上元祖演員全數退場，無哂癮，追看下去也只是情意結而已。
魔術師評分：（第1至12季平均)85分（100分滿分）
7. Netflix：《冥王（Pluto）》
浦澤直樹又一力作，喜歡《魔剎（Monster）》的觀眾不容錯過。劇情改編自手塚治虫的《小飛俠》篇章《地上最強的機械人》，所以有不少手塚治虫的「童真」feel，跟浦澤直樹的暗黑風有少許錯配，而且結局解畫有啲牽強，個人覺的得稍不及《魔剎》和《二十世紀少年》。故事起源於一個似曾相識的背景：中亞國家波斯王國被某自稱世界警察的國家指控藏有大殺傷力機械人，聯合國調查團發現本無此事，但戰爭經已開打，引伸出不少愛恨復仇，人類和機械人（人工智能）的包客與矛盾的故事。
魔術師評分：85分（100分滿分）
9. Netflix: 《少年法庭（Juvenile Justice）》
呢套係少有可以叫魔術師有心機追落去的韓片，有時仲深宵播放一晚追睇兩集：是關女主角的價值觀啱哂魔術師：年輕唔係大晒，對於窮兇極惡的少年犯，一定要嚴懲，否則佢地只會嘲笑法律的無能。不過，本片結局有啲不太合理，太過正能量：以結局案件的有青之殘忍性格，無可能只在女主手臂上刺一刀，而唔係割喉棄屍；肥婆部長亦不可能在庭上為其慣性草率結案而影響的受害人公開道歉吧！
魔術師評分：80分（100分滿分）
9. Netflix: 《解碼追兇（Signal）》
金憓秀實在太迷人，估唔到當時48歲的女主在過去時間線做20歲出頭的新紮師妹毫無違和感。本劇在逆轉時間線的劇本尚算講得通，但本來應該是正義化身的「電波刑警」卻有不少徇私、鶳之舉，加上個結局為了鋪下一季（結果唔成事）而寫爛咗個尾，美中不足。
魔術師評分：80分（100分滿分）
其他：《黑鏡（Black Mirror）》：因單元故事，表現飄忽，魔術師暫不評分。
＊＊＊
伸延閱讀：
信報 2023年12月14日
Netflix首公開全球收視數據
影視串流龍頭Netflix周二首次公布全部節目的全球收視數據，今年上半年收視榜首為《暗夜情報員》（The Night Agent），觀看時數達8.121億小時。
上半年收視第二名是《母女姐妹花2》（Ginny & Georgia 2），觀看時數6.651億小時；韓劇《黑暗榮耀》（The Glory）排名第三，觀看時數6.228億小時。十大排名中，9套為Netflix原創節目。
串流業界歷來最詳盡
在荷里活工會和主要製作室連月抗爭後，Netflix公布的收視數據是串流業界歷來最詳盡。編劇和演員透過罷工，贏得串流平台更多分紅，串流平台更多地披露收視數據將關係到他們的收入。
Netflix將定期每半年公布收視數據，聯席行政總裁薩蘭多斯（Ted Sarandos）表示，過去16年人們一項持續的要求，就是更多收視數據。隨着時間推進，缺乏透明度令該公司與創作者產生不信任。
Netflix多年來拒絕公布收視數據，其他主要串流平台也跟隨這個做法。到近年Netflix開始公布更多收視數據，包括每周十大熱門電影和電視劇排行榜。周二公布的數據涵蓋了逾1.8萬部電影和電視劇，包括觀看時數僅5萬至10萬小時的冷門作品。
沒有留言:
張貼留言