行為異常

魔術師無興趣駕駛，主要係想節省無謂現金流出，而且搭公車不用費神留意路面清況，也可以將時間用來看書溫習．
但係坐公車有樣唔好，就係好多時會同陌生人坐埋隔離；如果係背心短裙靚姐姐就話姐，但係好多時都會遇著衰人：大肥肥啦，扯鼻鼾啦，大聲講啦，而魔術師最怕的，便是爛躂躂和行為異常的人，

＊＊＊
魔術師有生以來遇著的第一個衰人，是個中肥肥一族．只要魔術師隔鄰的座位有空，中肥肥便會坐過來．有時當公車上得屯門公路後，中肥肥便打起瞌睡來，還會把頭枕向魔術師的肩上．天呀！
結果，解決的方法是，魔術師用一些更怪異的行為把中肥肥嚇走．
＊＊＊
近年，如果在晚上七時多八時在荃灣巴士總站上車回家的話，很容易會遇著「睡魔中年」．
睡魔中年最愛遊車河，會睡在巴士上層最後排，橫臥著將整行座位當成床，當巴士來到總站也不下車，令人懷疑他究竟來來回回坐了多少轉，多次要勞動車長去拍他起身．
睡魔中年是爛躂躂和行為異常的典型．
＊＊＊
最近，魔術師等車上班的時段，慣常乘客中多了一名行為異常的人，魔術師心中叫他「體操怪」．
體操怪在行路往站頭排隊時是好端端的正常人一名，但當定下來排隊時，問題便來了．他會像做運動前熱身那樣，轉動肩關節，先順時針，然後逆時針，轉完左再轉右；然後是手腕，左面蘭花手，一二三四，先順後逆，然後右面．．．奇就奇在體操怪做既唔係正式既熱身，多數係集中在肩和腕，唔做頸唔做腳，上到車都會繼續做（好彩佢無搞魔術師！），直至上到屯門公路後才打瞌睡．
之但係，個熱身做黎幹麼？廿幾分數冷氣巴，乜都攤凍哂啦！
＊＊＊
今晚放工，又有爛躂躂和行為異常既衰人坐係魔術師隔離．
一見到呢位仁兄上到巴士上層，魔術師便發現佢係度微微傻笑，本來以為係諗緊ｄ開心野，點知佢一坐埋黎，成陣煙味不特止，飲完手中的汽水後跟住就從褲袋裡掏出一支眼藥水出來滴眼，然後成程一個小時既車程裡面，都未停過：主要係個頭好似唔係好受控制咁郁來郁去（唔通食左ｆｉｎｇ頭丸？）左左右右上上下下，有時就好似自言自話．到魔術師要落車時，先發覺佢著鞋都著唔切！
天呀，呢ｄ係咪精神病黎架！
＊＊＊
最離譜既，係當年魔術師仲係返中環時，在荃灣地鐵站遇到既傻佬阿伯．
當時魔術師企最前排，會在列車停定後門口靠左的位置，右面和後面都站滿人，而傻佬阿伯（約六十來歲）就在魔術師的左手面．
相信由於傻佬在不甘站在不利於霸位的位置，在列車入站時，便將魔術師向右手面推．呢個動作相當危險，因為魔術師右手面同後面都站滿人，更不能向前，於是魔術師唯有紮起馬步，寸步不讓，直至列車停定後，魔術師才大踏步進入車箱．
忽然魔術師背後劇痛，原來已給傻佬打了兩拳．
「哎唷！！」是傻佬阿伯的慘叫，咁奇？我都未叫痛佢叫．
回過頭看，傻佬阿伯原來已給一名大漢打反在地．
「我明明見到你打前面呢位先生架嘞！」又會有咁有正義感既人？
「上次我老婆都係俾你咁樣推法，你條ｘ樣．．．」
原來如此．
＊＊＊
點解香港地，會有咁多行為怪異既人？佢地呢ｄ，算唔算係精神病？
2007/10/24  23:51:04