城市論壇論笨土挑販民（２０１６年６月５日）

真係一山還有一山低，今次竟然係黃台瓜大勝！

城市論壇：燭光耀維園 , 薪火盼相傳;本土批泛民 , 分歧探根源 (Boycott the June 4 Candlelight Vigil)

RTHK 香港電台
發佈日期：2016年6月5日
燭光耀維園 薪火盼相傳
本土批泛民 分歧探根源
Discussion on : Boycott the June 4 Candlelight Vigil
1. 何俊仁 Albert Ho Chun-yan 支聯會主席 Chairman, HK Alliance in Support of Patriotic Democratic Movements of China
2. 鍾樹根 Christopher Chung Shu-kun 民建聯成員 Member, DAB
3. 張家敏 Chang Ka-mun 全國政協委員 Member, National Committee of Chinese People’s Political Consultative Conference
4. 黃台仰 Ray Wong Toi-yeung 本土民主前線發言人 Convener, Hong Kong Indigenous
主　持 　： 蘇敬恆
舉行地點 ：維多利亞公園

ＡＶ仁

１. 其實ＡＶ仁無乜嘢好講，最多就只係承認咗自己係中國人（１５：４０－１６：２０），六四晚會各有各搞無問題，可以亙相尊重，但記緊要在大事大非上站穩立場之類的老生常談（３：４０－４：０５）。對於黃台瓜的攻擊，基本上係唔反擊嘅，究竟係無視定係默認就不得而知，不過站在「被攻擊者」的立場，唔出聲反駁未免太「笠燶」，輸人又輸陣，唔怪得理粉絲會離棄你。

２. ＡＶ仁的辯論能力真係衰退咗好多。例如佢在反擊將瓜敏講話並無「屠城」，竟然話「你有無聽過傷港人的口述歷史...」（８：２５－９：００），在「有片有真相」的時代，聽起來特別刺耳，呢啲差遣詞用字，真係要修飾下。

３. 另外睇到魔術師暈得一陣陣的嘅就係ＡＶ仁駁痴根時又拉埋三反五反大躍進文革來講（９：４５－１０：０５），有無得仲out啲呀?

痴根叔

４. 痴根叔走去做嘉賓又係唔知為乜，成個節目都唔知講乜。佢只係前支亂會成員，而家已經無轇無輵；佢又唔係年輕人，你估掛個「笨土」牌頭出嚟就可以埋堆喇咩？

５. 結果就淨係識得倚老賣老，俾黃台瓜串話「你又唔係販民，你又唔係年青人」時，就只會倚老賣老「我做青年人工作的時候你都未出世」，仲要俾主持人串佢態度唔好（２１：１５—２１：３５）；無端端又拉埋美帝同伊拉克嚟講（７：２０－７：３０）；想插人又插唔應，被黃台瓜質問「經濟發展是否可以以人命來換」時只能支吾以對，又拉去講「愚蛋革命」好暴力（１０：３０－１１：２０），真係不知所謂。最後就只係能夠蝦到ＡＶ仁話支亂會食老本（７：４８－８：０６），反而多次被人追住來恥笑被李美人「拋棄」之事，真係該煨。

６. 痴根叔唯一的「成果」就係闡明了自己所謂的本土主張：「本土係一樣好自然嘅嘢，就算係同一個民族，在不同的地方居住，因為當地的地理環境、土壤、生活方式，都會形成同鄰近地區有差別，這些差別形成自已一個文化一個習俗、一個本土產品、工業、經濟...」（２２：４０—２３：０５）。

將瓜敏

７. 佢嘅發言論點真係好弱，昧於形勢轉數同講嘢都慢，無端端講足全場都係離題變咗講六四真相。點知最後竟然話見到傷民搞港獨只覺無奈（１８：００－１８：１０），又話寧願黃台瓜搞六四晚會會比較持平（４０：２０—４０：５９）...佢究竟知唔知自己立場架？
８. 更奇怪的是佢又承認有死難者喎（５：２０－５：２５），支持調查但唔係有公權力的官方而係靠民間搞（１２：４０－１３：３０），言論實在毫無邏輯可言。
９. 最攞命的就係佢只係識拎幾十本書出來旁徵博引叫人睇書把Ｘ咩？最慘就係連佢自己本書都拎出嚟講（１２：００－１２：３５），依家叫你賣藥咩？
１０. 將瓜敏講得比較好的一段，就係話老趙已開始籌劃改革，但當時學生絕食，行動升級，逼到老趙去「懸崖邊」一段，可惜卻被黃台瓜一句「咁你即係話學生錯喇！」擊倒（１９：２５－２０：４０）。事關學生永遠有道德光環加持，永遠唔會錯，亦無人敢話佢地錯，出呢招係必殺一擊。
１１. 其實如果想言論有力啲，依照返個脈絡，屠城又好，無屠城都好，咪當支亂會係悼念嗰班死難者，要求建設民主中國等等，而現在笨土派就唔同意，要來挑機，咁咪可以切合返個題目囉。
１２. 呢個係論壇，要嘅係instant effect，識串人重要過會睇書。即使你係要講六四真相，就應該以「有圖有真相，有片有真相」來叉能廚返支亂會的所謂「屠城」，「坦克碌豬」的實情；仲可以持個手提projector打落去城市亂彈的backdrop度播返「吼得健大戰打柴零」，咁先叫追得上時代架馬！

黃台瓜

１３. 黃台瓜提及現在的年輕人已不認同自已係中國人的身份，唔再ｂｕｙ支亂會的現象（４：２５－５：１０），不斷追住支亂會嚟咬，立場清晰，更沒有離題。
１４. 當將瓜敏一輪嘴叫人睇多啲書「暸解真的」的時候，黃台瓜優閒地串了佢一句「你又叫人睇丁子霖（的書）」，仲做埋動作串串貢（３４：３８—３５：２５），直接將將瓜敏ＫＯ，從容不迫，盡顯氣度。

１５. 黃台瓜話：「如果北京學生的訴求反貪腐民主自由要被坦克車、解放軍鎮壓，是否代表傷港人追求民主一樣要面對坦克車、解放軍？」（１８：３０－１９：０３）。雖然呢句明顯係不適當類比，但在場無人可以駁到佢，咁又俾佢輕鬆過關取勝，你話唔係讓賽都唔得。

１６. 有現場觀眾問販民同黃台瓜有乜願景，黃台瓜馬上可以作出回應：「傷港獨立，夠唔夠？」，然後再加多句：「係年青人嘅願景」（２９：５０—３０：０５），論氣勢論信心已經可以將其餘三人壓下去。當然，仁、根、敏三人根本就不敢口出狂言話自已代表了什麼什麼人，自己根本就話唔到事，亦不能一個人便可以說了算，諸多顧忌，怕講錯說話日後會遭清算。相對黃台瓜的無畏無懼，三人先天上就處於弱勢。

１７. 又有現場觀眾指責黃台瓜在「愚蛋革命」之時叫人去做肉碎，自己就閃人，又質問佢嗰５０萬邊度，「賣偉哥又有錢洗又有女食」...（２８：００—２８：２５），黃台瓜唯一要迴避的就係呢一題嘞。

１８. 當然最爆嘅就係黃台瓜由「魚蛋革命」當晚，「黑警推跌所有嘅人，再踩多幾腳，此乃暴政」，並自稱：「我奪咗權之後...」（１４：２５－１４：５０），真係成個闖王李自成咁！
＊＊＊
伸延觀賞：