魔術師資產配置（２０１７年４月結）

本月埋單計數，沉船基金繼續大幅領放，以＄１３１.９２排首位，但由於作為主要成份股的匯豐捏股（00005.HK）的動力似乎有慢下來的跡象，魔術師將會為沉船基金加入新成員。至於點加法，有跟開魔術師資產配置的網友應該早已知道答案，魔術師暫不離題，還是留返下回分解。
第二位係受惠於剛除息的複式盈富，收報＄１２２.４１;生活基金排第三，收報＄１１８.９０；而房託基金反彈勢頭也不弱，以＄１１６.７９緊隨其後排第四。
第五位是合格線的現金、債券及類債券組合，由於以收息為主的類優先股上升勢頭強勁，賺息賺價之下令到這條「合格線」竟然去到＄１１１.１２；以１３個月要有１１％回報，亦唔係咁多基金可以做得到。有點「逆周期」意味強積金組合排第六收＄１０７.６８，不過不失；商品組合一如預期包尾報＄１０２.６０，不過由於此組合只佔魔術師總流動資產的３％，就算表現落後亦無需太過介懷。

同樣，魔術師資產淨值已由２０１６年３月底的＄１０,０００升至本月底的＄１３,７９５.７４，１３個月來升幅約３８％；而流動資產亦升了２７.２４％，真係升到人都癲。
睇返幅圖，在流動資產下跌的日子，資產淨值依然可以保持平穩，明顯係因為即使股市下跌，魔術師層自住樓的估值（以大貓、小貓、及蝗銀網上估價平均計算）依然係不動如山所致。「為保」資產，乜 sir 與其港豬學員念茲在茲的「一生三宅」，做收租仔剝削他人，由後生收到老的想法其來有自；但魔術師想不通的是，既然資產是為了「產出現金流」（即係收租），咁資產的賬面值係幾多意義唔大，因為一旦賣咗就隨時「買唔返」，賣一坐食山崩臨老豈不是要執紙皮維生？

代表魔術師層樓條 bar 一個月比一個月長，真係愈睇愈心驚。當然，賬面值呢家嘢只係紀錄在案，實際作用不大，除非魔術師宣布退休賣咗層樓轉為住平啲住細啲囉。
其實，樓價升了，自己的資產負債表增大了（asset 方：property 增加；liability 方: owner’s equity 亦增加），於是偶像博客之流便會「加按套現」，其實就是 asset 方多了 cash 而 liability 方多了 debt，長命債可以長命還，但先決條件就是無論你係做收息達人定係工資奴隸定係收租仔，閣下的現金流要支持得到才成（所謂負債會被通脹貶去，前提係閣下的收入要有加無減才對），否則資金鏈一旦斷裂便大鑊了：