奧的斯 惡的事

時為7點45分。
魔術師收工去也，於是便依照日常路線，從辦公室大樓的一樓，乘扶手電梯落一層到中庭平台。
魔術師站定，抓好扶手，眼向下望，只見有一中年微胖的男子站在樓下電梯扶手旁，也沒有特別為意。
忽然，扶手電梯剎停。
魔術師向前衝了一小步（幸好不是一大步），好在抓緊扶手，沒有摔了下去。
但也嚇到「個心離一離」。
要知上次跌傷了腿，住了兩個星期醫院，髖關節多了些金屬配件；如果今次又傷，後果可大可小。
這也是魔術師沒事不會在扶手電梯上亂跑的原因。
再放眼望去，只見樓下那男子攤一攤雙手，打手勢叫魔術師快點行落去。
魔術師落到地面，原來這男子是穿着奧的斯（OTIS）制服的技工！
「係咪你扭停個制架？」魔術師即時無明火起。
「我睇唔到你吖嘛！你又行得慢！」技工竟然連半點歉意都沒有。
魔術師心想，好在自己「行得慢」啫（其實係企停）；如果快步而下，俾佢一剎停電梯，隨時真係會碌落去。
抑或條友只係靠聽腳步聲認定有無人？
無論如何，魔術師已被「撻着」。見技工竟然就此轉身走了去，便馬上追上前，問：「你咩名呀？我依家要投訴你呀！」
雖然自己都好憎一啲無理取鬧，下下要投訴的巷豬，但今次真係好鬼危險吖嘛！
「你要投訴咪去 control room 囉！」技工有恃無恐。
「Control room？」魔術師又不是物業管理人員，實在不知道 control room 在哪裡。
「Control room 都唔知係邊呀？」技工即時恥笑魔術師。
魔術師「惱羞成怒」，便馬上向就近的食Q問明 control rool 的方向。
入到 control room，只得一名中年嬸嬸當值。
魔術師說明原委，嬸嬸叫魔術師寫低投訴事項，翌日向經理反映。
「但係我唔知佢叫乜嘢名喎！」魔術師感到有點不妥。
「我地知架喇！」嬸嬸的答覆頗為玄妙。
「吓？乜佢成日俾人投訴嘅咩！」魔術師即時「諗多咗」。
這時 control room 門打開，進來的正是那技工。
「嗱！就係佢嘞！你叫咩名呀？我要寫去你公司。」魔術師就要即場跟技工對質。
「我咩嘢名就唔會俾你喇！我係呢度駐場嘅！得我一個。你要投訴就自便。」技工又再有恃無恐。
魔術師記得有新聞報導，話電梯技工渴市，怪不得可以做錯事全無歉意，比魔術師自己更「打工皇帝」，真係覺得非常之無保障：「你即係話得你一個，唔怕人郁你喇！」
「佢嘅意思係得佢一個，你要投訴佢走唔甩啫！」嬸嬸即時打圓場。
「嗰架電梯，本來就應該係七點鐘關停架喇！」技工這時也有點不忿。也不能一言不發的，好像自己完全理虧。
但，魔術師成日都係七點之後才離開公司，好多時都見到架電梯郁緊架喎！
「你可以在樓上的入口處放好圍欄，確保無人，先至再去扭停啫！依家咁好危險架喎！」魔術師連 solution 都提供埋，技工只好離去。
魔術師也做好紀錄，向嬸嬸講明，明天再來跟進，看看是否應該有關電梯的安全守則。
吃完飯後，上巴士坐定，一於又睇吓奧的斯個網站，睇去有乜投訴渠道：

於是魔術師便致電客戶熱線，心中不抱任何期望。果然，聽電話的職員只係問明魔術師的事發時間，話會同有關同事講返，但就無再覆核魔術師的姓名和事發地點（唔通只係憑魔術師打去時介紹自己和事件發經過的電話錄音就夠），又無話會回覆魔術師，十分之 hea；真到魔術師問佢地公司有無關電梯的安全指引，會不會先在入口設好圍欄然後才關機，那接線生才話可能有職員做漏嘢云云...
唉，總之「今時今日咁嘅服務態度唔得架喇」呢句老話已經不合時宜，代之而起的是「吹咩」的「服務態度」，尤其是係對競爭對手少（如港鐵（00066.HK）、奧的斯）的行業及其員工，企業文化嗱西，員工態度惡劣已屬應有之義，作為消費者，亦無乜嘢可以做，只能引頸就戮，自求多福了！

＊＊＊
伸延資訊：