瞬間睇廣告（九）

嚴格嚟講魔術師之所以知道呢個廣告並唔係睇返嚟，而係聽返嚟 - 魔術師每晚都慣咗聽一陣傷台嘅《肛門頂》，聽吓陶偽才子有乜19噏風發，笑吓都好。而呢幾個月來，傷台在廣告好多時都播呢隻我城回歸祖國25周年主題曲，唔知會算落去正苦發牌規定的廣告 air time，定係傷台會另外收正苦的「不義之財」就不得而知了：

香港特別行政區成立二十五周年主題曲《前》

作詞／監製   陳少琪

作曲／編曲／監唱   張家誠

主唱：譚詠麟、張學友、劉德華、鍾鎮濤、陳慧嫻、草蜢、李克勤、容祖兒、楊千嬅、雷有輝、呂方、張杰、張靚穎、伍珂玥、梁漢文、林峯、衛蘭、李幸倪、江海迦、菊梓喬、吳若希、胡鴻鈞、林曉峰、蕭凱恩、炎明熹、曾比特

歌詞：

我和你曾同無負眾望

這城市才發光到遠岸

抬頭望 勇敢擔當

記着成功需苦幹

如無互助守望

如何渡過夜寒

過雲雨常妨礙着遠望

到晴朗時同迎候陽光

無用看得到才信

明白努力後才有望

同留在海港

同聚焦於前方

在這機遇面前 希望面前

好好的鍛鍊

歲月留身邊 開展不忘信念

用我心路代言 堅毅代言

建立每一天

而夢想的回音終可聽見

既然向前期待大發現

再無理由行動待明天

前路有阻隔難免

成就要用未來答辯

回頭望起點

從未擔心雨天

在這機遇面前 希望面前

好好的鍛鍊

歲月留身邊 開展不忘信念

用我心路代言 堅毅代言

建立每一天

尋夢者的長跑盡全力領先

在這機遇面前 希望面前

好好的鍛鍊

歲月留身邊 始終不忘信念

用我心路代言  堅毅代言

建立每一天

尋夢者啟程起跑線

在這獅子山下衝線

願這香港同心一起創建

主唱嘅老中青三代歌手亦都疑似係「愛國愛巷」（CCTVB 當然有派代表），首歌旋律都算係易入腦嘅；不過啲詞就膠咗少少（「在這機遇面前 希望面前」係咪即係返北上大灣區其他城市，咁咪創建唔到我城囉？）同搞笑咗少少（魔術師將「尋夢者的長跑盡全力領先」睇成「尋夢者的長腿盡全力領先」）。搵陳少琪填詞已經算係比較靠譜，題材所限老土咗啲都無辦法，唔通搵黄人「臨直」填咩？

又，返咗祖國肥到隻豬咁嘅楊千嬅真係唔打字幕唔認得佢

都係睇返炎明熹 cute 啲：

＊＊＊

早前在畸寶見到丹爺呢個廣告，心諗乜唔通有得通關？如果唔係 sell 無接觸e-道把鬼咩？有幾多人會用到？

非觸式e-道，引領未來新一步

果然，二十大一開，習大大就一錘定音「動態清零不動搖」，完全睇唔到可以通關的未來（下一篇再講）。

＊＊＊

上個月底見到呢個廣告，真係「感動得要流淚」（黃人腔），淨係睇楊恭如同萬二蚊的「真．長腿」已經值回票價抵到爛！

本 blog 的長期讀者都應該知道，魔術師的《殭屍》金句不是「臨兵鬥者」，而係「人多，殭屍係怪物；殭屍多，人就係怪物！」