一至二人飯局（2025年2月-3月）

1. 圓鐵板燒

大角咀做得魔術師一人飯局的飯堂之一，又點少得 food court 呢？唔想食頹飯，都有啲精緻啲嘅選擇：

（圖片來源：Openrice > 香港 > 大角咀 > 圓鐵板燒, captured on 22 Mar 2025）

呢間鐵板嚟論，豬牛雞魚魔術師唯獨喜歡食羊，尤其是個黑椒汁就相當惹味，加埋個蒜香扇貝，真係無得頂：

魔術師餐單：塔香羊肉配黑椒汁＋小食（扇貝）＋飲品（Coke Zero）套餐 $138＋加一小費＝$151.80

2. 樂天經典 (奧海城二期)

我城經濟唔係咁好，識飲識食嘅靚姐姐都要貼地一啲，靚姐姐聽見魔術師話不時都借去大角咀食飯，就話近近哋搭車去奧運站都可以「唔食咁貴」。魔術師也就樂得奉陪，今次去嘅係呢間餐廳：

（圖片來源：Openrice > 香港 > 大角咀 > 樂天經典 (奧海城二期), captured on 22 Mar 2025）

魔術師一人飯局點會食過呢間？主要都係俾個牌吸引咗去：

坐低開定壺香片等靚姐姐，點知一等就半粒鐘（有隻雞同埋食蟹正具喺隔離，擺明係叫埋餸靚姐姐都未嚟）：

事緣係靚姐姐9點先到，點知服務員就話9點 last order，魔術師唯有快手發辦，蝦蟹雞雲耳小食一股腦兒上枱：

隻蟹真無相當啱食。靚姐姐亦唔介意整污糟水晶甲，食到「吮手指」。

呢餐靚姐姐請，唔知食咗幾多錢。

3. 綠茶 (奧海城二期)

「新派中菜」餐廳真係愈開愈多。魔術師同靚姐姐亦都幫襯過呢間在奧海城新開的餐廳。魔術師未食過呢間嘢，主要由靚姐姐發辦。

（圖片來源：Openrice > 香港 > 大角咀 > 綠茶餐廳 (奧海城二期), captured on 22 Mar 2025）

龍井烤雞，配上五香粉，原隻上然後由服務員剪開，唔怪得係招牌菜：

南乳醉鮑魚，唔似一般鮑魚的食法，超好味，食咗先影：

魔術師負責叫甜品芝麻波：

靚姐姐仲叫咗杯暴打鳳梨茶，飲完隻熊茶冰塊都未溶，最後躺平（無影相）：

靚姐姐仲叫咗壺茶，無入鏡。魔術師無留低個 breakdown，總之埋單$464，呢個二人餐唔算貴。