二人飯局（2025年4至5月）

 1. 福來居(牛記)海鮮飯店

這天靚姐姐難得去旺角睇寵物街，便約魔術師收工到太子鋸扒。點知阿靚女無記性，搵嚟搵去到搵唔返個架埗，又驚9點前啲食店已開始關門（KLM，做乜連MK都變成咁？），於是便一反懶 decent 的口味，跳入呢間地痞檔食小炒：

（圖片來源：Openrice > 餐廳 > 香港 > 太子 > 福來居(牛記)海鮮飯店, captured on 28 May 2025）

一入到去老闆娘招呼殷勤，安排魔術師二人到較安靜的座位，馬上遞上茶水洗碗筷（巷人的怪習慣），又奉水例湯。魔術師當然識做，自動清洗，盛上湯水，唔使靚姐姐落手落腳：

靚姐姐似乎都幫襯過，自告奮勇快快手落單：

唔使等太耐，餸菜便做好，尤其是係個蜆，真係無得頂。就算收貴啲，時間金錢都喺返度。唔明點解仲要花車錢時間北上消費？

魔術師、靚姐姐二人餐單：豉椒炒蜆、豆豉鯪魚油麥菜、滑蛋牛肉煎米粉、例湯、茶、唔知使唔使加一（支付佬付款，無單），共＄326。

＊＊＊

2. 華豐燒臘

上次同靚姐姐在中環食個快麵點知食到一肚氣（見《逆工管思維（二十九）之跟古天樂抬槓》），今天魔術師就「帶」阿靚女去另一間都算食開一人飯局的「飯堂」：

（圖片來源：Openrice > 餐廳 > 香港 > 中環 > 華豐燒臘, captured on 28 May 2025）

其實魔術師嚟開呢間嘢食飯，都唔會叫燒味，而係叫相當出色的蒸魚（仲一定要係豉汁蒸）。不過靚姐姐怕魚有骨，所以就叫咗個蒸肉餅。一人一個餐，當然有餐湯附送：

魔術師、靚姐姐二人餐單：豉汁蒸黃花＄108、馬蹄土魷蒸肉餅＄108、（轉餐）白飯＄12x2、栗米雞茸羹＄16x2、加一共＄299。只能夠係話在中環食係咁貴的了，尤其是個白飯真係好X貴，不過服務都算殷勤，環境乾淨，要直接同比價錢。就真係唔能夠同北上消費比。

＊＊＊

3. 喜記蟹將軍

以上兩間食店好似都「貴咗少少」，但食物質素唔錯，招呼也周到，唔似以下呢間，似乎浪得虛名，只係專汪做名人網紅生意。

（圖片來源：Openrice > 餐廳 > 香港 > 尖沙咀 > 喜記蟹將軍, captured on 28 May 2025）

這天魔術師和靚姐姐在尖沙咀午飯，靚姐姐提議食蟹將軍，便上去一試。點知去到安排入座，雖然時間尚早，但阿知客就安排我們坐在近門口處，人來人佳相當嘈雜，相當不理想。魔術師和靚姐姐未坐低就已經要求要換位，又唔係無位使乜坐到咁奇怪？明顯係個經理唔識做，仲差過牛記。

經理把我們座位移入內堂較安靜處，有條有青過來落單。靚姐姐都熟架埗，知道有乜好食，連環點咗兩個菜，魔術師就點咗一個菜，但有青卻有點手忙腳亂，唔係跟得切...直至個經理又走埋嚟在我們面前「動態 training」呢位小朋友。

上菜比較耐，但質素都算唔錯：

但問題係負責看守內堂的有青實在係唔醒目，魔術師多次示意其加水沖茶都無反應，唔係周圍望「扮」睇唔到就係雙目無神、眼望前面卻失去焦點，反應遲鈍唔識主動為客人服務。

魔術師、靚姐姐二人餐單：油鹽水浸蜆＄108、1蟹肉栗米羹＄68x2、豉汁帶子蒸豆腐$108、生滾蠔仔粥＄68、花生＄15、茶位$10、仲要加一，共＄501

最唔抵係呢餐，花生巧立名目，個加一真係唔值。

＊＊＊

伸延閱讀：

逆工管思維（二十九）之跟古天樂抬槓

信報 2025年5月12日

謝嫣薇 食家講場

世一美食網紅的香港清單

早前接待了倫敦來的好朋友S先生，他是世界第一美食網紅Notorious Foodie（以下簡稱NF），又稱為「美食界甲亢哥」。目前，全球有不少美食網紅，這些博主主要以Instagram為地基，各據山頭，為了粉絲量和流量各出其謀。然而真沒有任何一個美食網紅能達到NF的「業績」高度，連稍微接近的都沒有。他在Instagram有420萬追蹤者，YouTube平台是150萬，TikTok則有770萬粉絲，非常驚人。

他在香港全程都是私人行程，下榻瑰麗酒店亦是自費。基本上，像他這種頂流，不會隨意接受免費住宿或飯局邀請，以保持身價和隱私。我率先在Instagram上貼出跟他在大班樓吃飯的合照，驚動了不少香港粉絲，接到許多私訊提出安排見面的要求，當中包括著名富二代、三代、年輕企業家……可見在許多九十後、00後心目中，這種網紅才是偶像。我給S先生看那些訊息，笑着說：「你下次可以搞一個公開的粉絲見面會，我來找場地贊助。」

比兩大榜單更多粉絲

S先生對於經營美食社交平台很有自己一套，因此特別成功。他是2018年才開始經營上述幾個媒體平台，並非元老級玩家，今時今日擁有這個粉絲量絕對不可思議，因為已遠遠超越了米芝蓮及50 Best的Instagram官方賬號粉絲量。

但你看NF的發帖，僅僅是3065個。相比米芝蓮的340萬粉絲、8761個發帖，或者50 Best的170萬粉絲、7164個發帖，算是很低的數量，更何況後兩者屬國際有影響力的飲食榜單，NF是從素人開始經營社交媒體。

有一些大家熟悉的美食網紅幾乎不眠不休掛在Instagram上以維持發帖量，發了幾萬個，換來的是十多萬粉絲，可謂「帖帖皆辛苦」。

那麼，「美食界甲亢哥」在香港吃了什麼？

除了大班樓和彤福軒兩頓由我安排和作伴，其他全由他自行做功課，自行拜訪，包括澳洲牛奶公司、麥文記雲吞麵、新興食家、蟹將軍喜記、甘牌燒鵝、灣悅中菜、Yardbird等，每一個在Instagram上的發帖都有過萬個like，以及數百留言；他在長沙灣金園茶餐廳拍攝的數秒蛋撻短視頻，短短數天便達到50萬瀏覽量，反應非常好。

許多朋友都說，NF一系列的香港美食分享，對這個「國際美食之都」是最強而有力的宣傳。在當今年代，如果有關單位能找到這種頂流網紅一起合作，比起把錢花在藝人身上更擲地有聲呢！