事緣魔術師兩三個星期前已開始覺得自己有啲唔妥，最先係同同事傾電話時忽然之間無咗聲，係唔夠氣一口氣講晒全句，繼而開始氣力不繼。初頭以為為冷親傷風，睇過兩個唔同的私家醫生食傷風咳、氣管藥都無進展，後來發現自己行路氣促，唔夠氣，徵狀跟老媽子心臟衰竭相似（老媽子都捱咗廿年才去世），不能諱疾忌醫之下，馬上便去屯門醫院急症室求醫。
雖然話魔術師仲可以自行搭的士去急症室，但都無話「備受歧視」排隊輪在「白車送入來的病患」之後...實情上當時急症室唔多人，魔術師被分流為第三等級，唔使等太耐就見到醫生。
急症室醫生聽完魔術師自述病情，便先行安排魔術師照X光照肺，並要有心理準備入院。其實魔術師一早就預咗會入院，基本必需品都帶定，係重嘅嘢唔方便帶唯有事後叫舅父幫忙了。
等照X光是比較花時間，畢竟係同病房病人一條隊。魔術師換了單薄的「X光衫」之後乾等真係覺得凍，問個負責叫名的「阿姐」有無保暖衣物，「阿姐」手指指：「嗰便有被...」
魔術師放眼望去，一架「Walmart(山娒？)貨架式大車」上果然有被有毯，看來是人手不夠，叫病人自助吧。
魔術師攬住張被等咗一陣，終於都輪到去照 X 光，照完馬上換好衫，便出返去急症室等。
等了不久，果然便被叫名準備入院。
入到病房被安排訓冷巷（公立醫院係咁），但亦反證魔術師並不是太嚴重，起碼屬於可以自行落床行得走得嗰類：
1. 初頭量度血壓，去到150/100，搞到要每小時度血壓一次，而負責量血壓的都是後生仔學護 - 目測似乎有「過多」後生仔學護，只見多名有青各自推住血壓計「巡房」，有事沒事也不管病人是在吃飯或是在做甚麼都叫人量血壓之類（食緊飯量血壓準唔準㗎？）。
2.「後生仔學護」最需要改善的就是同理心，除上述話唔理你做緊乜都要你去量血壓之外，最離譜有次就是當魔術師啱啱食緊個橙時嗆了喉嚨，有青學護卻走來叫魔術師去磅重...頂，佢見唔到魔術師咳到不可開交的嗎？透順條條先去磅重都得掛？有青學護似乎只係掛住要完成自己的「功課」，而忽略了病人的需要吧。
3. 由於入院初期魔術師心跳都快，去到110幾，醫生便叫魔術師在胸口貼住啲「電極」mon 住心跳 - 而貼電極這個「低難度工作」竟然是由「醫務助理」的阿姐搞定，反而唔係由「有青學護」搞，認真奇怪。
4. 同樣地，魔術師抽了幾次血去化驗，除了由正規護士做之外，「阿姐」竟然都有份幫魔術師抽血，係「有青學護」免戰，都幾奇怪。
5. 醫管局都請咗幾多外判工幫手推病床、輪椅，而呢啲負責「醫院服務」的外判公司都請埋唔少上咗年紀嘅長者（搭$2車返工）。昨天就竟然由一名白髮婆婆負責推魔術師坐輪椅去照 X 光，搞到魔術師非常唔好意思，幾乎想自己行到去添！
最後，四位舅父舅母都有幫魔術師打點，很多謝佢哋。靚姐姐同伯母仲煲埋湯嚟飲，感激。現在血壓已回落至正常，在等安排照心臟超聲波，看情況才如何治療。
＊＊＊
伸延閱讀：
靚姐姐幫手剪埋美珍香送湯, 好細心喎.
回覆刪除亞力士
其實細心 想別人所想 才是最好的待人接物態度，無論是人際上或是工作上都係。香港社會之前都係咁（即係文青所說的「人情味」），只係唔知幾時開始呢個社會將「求其」和「粗心大意」變成 norm.
刪除／／醫生便叫魔術師在胸口貼住啲「電極」mon 住心跳 - 而貼電極這個「低難度工作」竟然是由「醫務助理」的阿姐搞定
回覆刪除如果喺心電圖黐得唔好個圖會唔靚，以前做過運動心電圖黐得唔好要做多次..
一個人，去醫院冇人幫喺一件令人頭痛嘅事，好在魔兄有親戚好朋友幫助。以前一個人在外，硬著頭皮叫老外同事陪去急診，雖然最後都喺冇睇到醫生，因為等太耐又覺得冇咩事（被人扑濕驚腦震盪...）
／／急症室醫生聽完魔術師自述病情，
大嬰：你返屋企先啦瞓多啲。全劇完。
//如果喺心電圖黐得唔好個圖會唔靚
刪除「阿姐」的手勢都 ok 的。
//去醫院冇人幫喺一件令人頭痛嘅事
我去醫院都係一個人搞定，最緊要係執好必需品。
//你返屋企先啦瞓多啲
我在醫院變了睡寶寶。
急症排到第三級應該15分鐘左右就見醫生。
回覆刪除我揸住私家診所的轉介信就直接第三級了。
醫院請了一大批人（好像叫二級服務助理），只是負責抽血。
我經歷過實習醫生幫我抽血，未經歷過護士抽血。
應該係分流站見我呼吸不暢便直接去第三級。
刪除//只是負責抽血
回覆刪除佢地真係專责抽血，反而護士係未必識抽血㗎。
護士有幫過我抽血 當時係深夜 喲助理放哂工了。
刪除祝魔兄早日康復。今次有咁細心的好友及親戚們悉心照顧,一眾網友們就放心好多了。
回覆刪除靚姐姐工作關係就細心慣；舅父佢哋就要俾清晰啲說明，畢竟佢哋年紀大。
刪除希望魔兄早日康復。x 光有結果了嗎？
回覆刪除X 光只係睇吓有肺部無水腫，無加藥減咗藥我就當無事。
刪除重點係心臟超聲波，還未輪到。
希望可盡快找出病因及早占勿藥！
回覆刪除// 「後生仔學護」最需要改善的就是同理心
好難教，要他們自己領悟。
// 魔術師抽了幾次血去化驗，除了由正規護士做之外，「阿姐」竟然都有份幫魔術師抽血，係「有青學護」免戰，都幾奇怪。
工多藝熟，如果「阿姐」抽慣血，很可能順利過醫生抽。
//希望可盡快找出病因及早占勿藥！
刪除謝祝福！
//好難教，要他們自己領悟。
無人話佢哋，好難自行領悟。
心臟衰竭如果是慢性, 通常冇得斷尾, 要長時間食藥了.
回覆刪除通常每日要食好多粒藥, 長期開支好大, 最好去政府公立醫管局專科, 定期覆診挪藥.
建議去私家體檢中心, 照心臟超聲波, 咁樣可以快啲出報告去排醫管局專科.
第一次見專科最耗時, 醫管局不同聯網, 有不同排隊時間, “專科門診新症輪候時間”, 原來“新界西聯網”排內科都快.
https://www.ha.org.hk/visitor/ha_visitor_index.asp?Content_ID=214197&Lang=CHIB5&Dimension=100&Parent_ID=10053
如果銀彈鬆動, 建議去睇下私家心臟專科, 挪多啲意見, 醫管局每人預睇5分鐘, 私家預你睇15分鐘. 推薦旺角雅蘭中心期 曾健強心臟專科醫生, 有醫德, 唔會建議做多餘檢查, 接受醫健通平台去睇醫管局的檢驗報告, 唔使再做過, 同埋佢可以開醫管局沒有的新藥. 不過如果病情穩定, 遲啲睇醫管局專科就夠, 省好多錢, 曾醫生唔介意病情穩定病人返去睇醫管局專科.
//心臟衰竭如果是慢性, 通常冇得斷尾, 要長時間食藥了.
刪除是的，先母都係咁。
//建議去私家體檢中心, 照心臟超聲波, 咁樣可以快啲出報告去排醫管局專科.
依家屯門醫院唔俾我出院，要輪候照心臟超聲波。如果今個星期都未得，我都會要求寫紙出去私家照。
//建議去睇下私家心臟專科, 挪多啲意見,
我都係咁諗。完咗屯門醫院「一條龍服務」之後就去睇私家。
//推薦旺角雅蘭中心
謝推薦！
護理系是唯一一個大學學科讀完要幫人抹屎，流失率非常高，宜家請左一大堆助理阿嬸阿叔幫手做污穢事項，減少護士流失。
回覆刪除現實是職業當然有分貴賤，香港人力減少，遲早要同外國一樣，大加藍領工資到至少白領水平。
//護理系是唯一一個大學學科讀完要幫人抹屎，流失率非常高，宜家請左一大堆助理阿嬸阿叔幫手做污穢事項，減少護士流失。
刪除啲護士小妹妹同物理治療小妹妹真係好可愛，我都想俾物理治療小妹妹拖住行。應該加人工喇！
//大加藍領工資到至少白領水平
廿蚊張又鬼殺咁嘈。我城就係俾呢班大帝玩死。
魔兄保重。過了知命之年，真的要在意身體了。
回覆刪除//如果銀彈鬆動, 建議去睇下私家心臟專科
同意，無理由排到猴年馬月輪政府街症。
另外强烈建議去做一個全身檢查，等自己對身體狀況有個認知。推薦Clinic Now Medical center迅療醫務中心，可以whatsapp 69967782問報價。
呢間勝在唔sell嘢，我去過啲勁sell嘢氹你加錢做呢樣嗰樣，加埋個無敵裝修同海景，令我覺得似去左《殺破狼2》結局嘅「内臟移植中心」...
除左基本空腹血糖血脂膽固醇（高低密度都指明要直接量度，不能間接計算）尿酸外，要加C-Peptide（涉及胰島素阻抗）、HbA1c（糖化血色素，代表過去平均三個月血糖）、C-Reactive Protein（發炎指數），同掃埋脂肪肝。
謝摩摩提點。糖尿相關指數我都定期有 check，係C-Reactive Protein（發炎指數），同掃埋脂肪肝無，下次加返。
刪除//我去過啲勁sell嘢氹你加錢做呢樣嗰樣
刪除的確有啲煩，同埋會sell啲無需要做嘅手術，下次全身檢查參考吓呢一間多謝摩兄推薦
摩摩不嬲都有好介紹。
刪除//多謝摩兄推薦
刪除//摩摩不嬲都有好介紹。
😎
呢間嘢掃脂肪肝好心機過肝夀基金，而且package topup加錢掃又平啲。
//會sell啲無需要做嘅手術
sell手術就未試過，但會sell啲無謂檢查，包括乜叉叉基因測試測最易有咩絕症...佢地最好sell係内臟超聲波，因爲對好多中年人來講都算合理，但我個人暫時覺得仲未有必要（前提是脂肪肝讀數ok）。
我城體驗最鍾意 sell 埋啲無無謂謂嘢，又係做爛咗令人反感的服務業之一。
刪除//佢地最好sell係内臟超聲波，
刪除我就喺做咗呢嗰，諗返其實都冇咩謂其他指數都正常, 淨喺照出啲泡呀石呀就叫人快快切咗去，根本就喺無謂，只要跟進就OK。我覺得值得做喺便便隱血，身邊有唔少同齡有腸嘅問題。
我城有大腸癌篩查計劃，唔知 ec 你合唔合資格，可以去暸解吓。
刪除祝提督大人可以盡快找出原因，早日康復。
回覆刪除//無人話佢哋，好難自行領悟
等佢地都食下苦果就能夠領悟
//由一名白髮婆婆負責推魔術師坐輪椅去照 X 光
//大加藍領工資到至少白領水平
//廿蚊張又鬼殺咁嘈
正虎的合約員工都係GROUP晒落招標到，由各代理公司競標，所以代理就可以吃合約員工份糧的行政費。本來正虎招標的不是最低工資，也變成了最低工資。因為係最低工資，結果就只剩下老弱傷患來應徵。所以合約員工多數都是白髮蒼蒼的。只要一日玩呢種招標程序正義，加幾多都會被20張嘅票源食晒。
//推薦旺角雅蘭中心
謝謝無名兄分享
//推薦Clinic Now Medical center迅療醫務中心
謝謝教練分享
我感恩呀，因為一次感冒，阿姐用試紙憑肉眼去判斷我疑似檢測樣品中有白血球，然後就入咗公營醫療系統的驗身行列，除了抽骨髓和磁力共震，基本上都試了一次。呢個旅程最耐就係照肝，等了2.5年時間。
WILL
//祝提督大人可以盡快找出原因，早日康復。
刪除謝謝！
//代理就可以吃合約員工份糧的行政費。本來正虎招標的不是最低工資，也變成了最低工資。因為係最低工資，結果就只剩下老弱傷患來應徵。
最低工資的玩法真係難言對錯。
//呢個旅程最耐就係照肝，等了2.5年時間。
唔想等照私家得唔得？
//唔想等照私家得唔得？
刪除應該得。不過當年我覺得係小事都係循例檢查，等得就等啦
到了今天，直頭想去馬來西亞做體檢TIM
WILL
//馬來西亞做體檢
刪除會唔會 claim 唔到保險？
//會唔會 claim 唔到保險？
刪除如果真係廣告或KOL講係我市私家醫院相同服務的1/3 價錢，無得CLAIM 都OK 呀。
WILL
//1/3 價錢
刪除咁又係。不過如果返我城醫，啲醫生接唔接受呢類報告㗎？
//啲醫生接唔接受呢類報告㗎？
刪除本地有D 私家醫院(好似荃灣港安) 已經組呢D外地驗身團，回來香港就可以有私院跟進。
WILL
//組呢D外地驗身團
刪除有啲似外地睇樓團。
通常醫管局檢查要排隊好耐，好多時，醫生會問下想唔想去私家自費檢查，醫管局可以出轉介信，有轉介信會有大概七折，因爲醫管局會補貼。
回覆刪除係，我都見到有大量體檢話有醫管局轉介信優惠，出院時我再問吓可以做啲乜。
刪除get well soon
回覆刪除貓
謝謝！
刪除魔兄保重，祝早日康復！
回覆刪除謝謝，今天已出院。日後再做檢查。
刪除