今集嘅主題係 band sound。印象中我城好似紅完太極、Beyond、達明、Raidas、風雲、凡風、小島、浮世繪、Fundamental 等之後就無以為繼，有樂隊都好似紅唔起咁，反而男團女團形式就多，由夢劇院、草蜢、EO2、Twins、EO2 到依家班鏡仔、Error、Collar，都算歷久常新。
1. 夏韶聲
奇在奇在樂隊主題的「前輩」歌手竟是夏韶聲，都唔搵返太極出山；結果 Danny Summer 第一首《童年時》雖然有返咁上下功架，但就無乜搖滾 feel，同區瑞強的「民歌王子」無乜分別。
呢一集剪接都算獨特，成日在歌手唱唱吓就跳去幕後坐定定講感想，講完一輪又 switch 返去，令觀眾難以投入...搞到魔術師特地將以下片段的 starting point 較到「啱時間」，以便讀者「参考」。
不過，夏韶聲話《童年時》四句為一段，特別好聽，呢個 point 正正就擊中了新一代流行曲太複雜的問題。
2. 林德信
林子祥個仔孭住枝結他出嚟唱《留住我吧》，都算唔錯嘅...因為之後嗰兩個新生代 band 實在有點搞唔掂...
3. Nowhere Boys
魔術師真係唔識呢隊樂隊，但出嚟介紹就開口閉口 Beyond，講到 Beyond（家駒）好似「傷巷之子」，佢哋就係繼承人咁。
呢首《不再猶豫》唱就唔難，但卻沒有什麼「精神感染力」，無乜衝勁，個 Tone hea hea 地咁。
到自己歌《給夢想家的一封信》，歌詞睇得出係想言之有物，聽到佢唱乜，比無病呻吟，但可怕歌曲旋律未夠動聽，副歌又唔夠出，無乜共鳴感，好似魔術師呢類聽眾聽完第 次就無衝動聽第二次：
4. Zpecial
又係另一隊魔術師唔識嘅樂隊，又係 Beyond 嘅歌，今次係《早班火車》：
又係無氣無力，唔係「早班火車」，而係「未食早餐」。
唱自己歌《深夜告別練習》，魔術師就覺得唱得比前一隊差，最大問題聽唔清主音哥哥唱乜，想理解也無從理解起：
5. 夏韶聲＋Nowhere Boys＋Zpecial
最後就係夏韶聲同兩隊樂隊 jam 歌唱《交叉點》，Danny Summer 唱完一段只後就「交棒」俾班新仔，未免有少少造作...
＊＊＊
由頭到尾完整版：
＊＊＊
無比較無傷害，就算唔拎魔術師當年的大熱樂隊出嚟聽，就算係二線少少嘅，都比呢兩隊新生代好（主要都係因為歌曲結構簡單，歌詞五言七言排比，或加輕量變奏，唔會太複雜）：
＊＊＊
伸延閱讀：
//太極、Beyond、達明、Raidas、風雲、凡風、小島、浮世繪、Fundamental
回覆刪除能被長期記住只有前三者吧。Raidas第二彈已經太多不band sound的歌，小島只是bandsound潮的先驅但很快被蓋過了，浮世繪和Fundamental有閃光但不太流傳。
浮世繪兩個成員劉志遠和梁翹柏，前者被記得是Beyond短期成員多啲，後者其實在内地幕後發光發熱（長期是《歌手》系列的音樂總監）也有作品發表，但香港卻少人提及。
當然Fundamental的《流亡舞影》絕對超前時代--甚至現在。主人翁故事原型是巴里什尼科夫，但原型「潛逃往一個西方國度」後的收場和成就比主人翁好得多了... 可潤人真的都「王子公主從此快快樂樂生活在一起」，也只是切合黃人「昨日狂熱夢想」而已。其實詞風也沒什麽價值判斷，反似第三者冷眼道出主人翁的一生經歷。
刪除//Raidas第二彈
睇返曲目
https://zh.wikipedia.org/wiki/Raidas_87
一首係正苦禁毒，三首係大台處主顯曲，少咗 bandsound 元素唔出奇。
//其實詞風也沒什麽價值判斷，反似第三者冷眼道出主人翁的一生經歷。
係有一種觀罛在酒廊（？）睇人表演的感覺。
//https://zh.wikipedia.org/wiki/Raidas_87
刪除這是第三彈（也是最後作品）了。我定義第一彈是EP《吸烟的女人》，雖然只有首而其後都收錄在第二彈《傳説》内，但《傳説》另有十首新作，可看作獨立的第二彈。
我個人就覺得第二彈《傾心》非常不bandsound，反而似嗰幾年李克勤的商業歌。
//一首係正苦禁毒，三首係大台處主顯曲
《危險游戲》旋律還算有Raidas風格，係「誰若一開始難停下」就畫公仔畫出腸啲；《人海中我是誰》就平平無奇了，反而《飲馬江湖》劇集在當年算比較cult，曲風也算用Raidas風格反映劇集特色... 但第三首大台主題曲係邊隻？？
而最後兩個成員在樂壇幕前幕後發展成就也不高，陳德彰單飛就只是一個「弱版李克勤」...
//我定義第一彈是EP《吸烟的女人》
刪除話時話，當時（依家有冇？）好鍾意出隻 single 來「呃錢」，之後隻歌又原封不動擺落即將出嘅大碟，甚有呃錢之嫌。所以我就無視咗佢...
//但第三首大台主題曲係邊隻？？
明顯係前一晚訓咗無回應，星期五趕住在巴士上回覆，太趕擒錯咗之過。係兩隻大台歌 only.