呢一集嘅《歲月如歌》，剪埋都係一班「樂壇新力軍」唱自己歌的片段。重點當然就係魔術師完全唔識，如果唔係要寫本文，今集嘅歌曲旋律、歌詞、歌手表現都無法令魔術師聽第二次，跟本集副題《金曲煉成之路》「相映成趣」。
1. 岑寧兒
睇返 Youtube description，呢首《風的形狀》原來係《九龍城寨之圍城》片尾曲！死喇，真係完全無印象，只好怪魔術師睇 Disney+，無連汁都撈埋...
2. 洪嘉豪
真係幾生修到，魔術師竟然聽高有隻歌叫《黑玻璃》，但係當然就唔會哼得出旋律同歌詞，更加唔知原唱就係呢條 MK 狀嘅柒青，唱完仲要懶有台風咁嚟個飛吻添：
3. 林奕匡
魔術師對呢首《高山低谷》係有少少印象嘅，副歌比較易記：
你快樂過生活 我拼命去生存
幾多人位於山之巔俯瞰我的疲倦
渴望被成全 努力做人誰怕氣喘
但那終點 掛在那天邊
有意境的就係六字一句的排比「你快樂過生活 我拼命去生存」；但之後又走唔出「新詩」形式過長的一句「幾多人位於山之巔俯瞰我的疲倦」，呢個就係「現代流行曲」句式太複雜的例子，破壞了前兩句的優美。只要跟盧國沾填詞《天蠶變》的經典作比較：
獨自在山坡 高處未算高
命運在冷笑 暗示前無路
浮雲遊身邊 發出警告
我高視闊步
盧 sir 只需用五字一句就有個畫面走出嚟，現在的填詞人「新詩式」十X幾個字一句抽象到無論亦難記，功力差太遠，要算係「金曲」真係比較難囉。
4. 黃妍
歌魔術師就唔識，亦唔覺得好好聽；但個妍妹個樣就幾好，亦無乜「江湖味」，文青妹咁嘅形象，雖然唔係話靚到「嘩」一聲但就以氣質取勝，魔術師都幾鍾意呢一類：
5. MC 張天賦
在咁多後生仔女中，張天賦應該係比較出名的一個，明顯首歌係旋律係好聽啲（雖然魔術師都係第一次聽），唱得都唔錯，不過依然吸引唔到魔術師主動去翻煲第二次（又係「新詩式」歌名魔術師就要扣分）。
6. 尹光
唔知點解搵佢嚟唱，不過相當比聲線太輕柔、脂粉味過重的年輕人，最夠中氣的竟然係廢老。「三個肥婆學踢波」放在現在係非常攻治唔正確（左膠腔），你話觀眾之中有肥婆會係尷尬呢！俾着依家，應該係「新詩式」歌詞「三個體重受挑戰的足球女將初心者」XD
＊＊＊
完全版如下：
＊＊＊
伸延閱讀：
摩摩電影節之《九龍城寨之圍城（Twilight of the Warriors: Walled In）》：逝去了的都已逝去
沒有留言:
張貼留言