月入數萬的置業夢

從討論區得知「傷港電台亨娼集」又有搞笑製作，極盡愚民反智之能事：

 

從片段可見，樓價及租金升幅超越薪金升幅已成為好些無殼蝸牛埋怨政府房屋政策之理由：

之但係，再諗深一層，就算是在跨國公司工作的魔術師，近年薪金升幅都無一兩成喎！點算？好簡單，一係搵工跳槽，有本事的自然可以搵份高人工的工作；二係本身的薪金已夠「高」，租金點升都唔怕，買樓就更加唔使驚，按揭供款額大都已在買樓時鎖定，就算加息亦有壓力測試以保護買家供款能力；三就係租係經常性開始，同薪金掛釣無可厚非，但就無理由將儲唔到買樓首期怪在「無人工加」的身上。先睇天水圍夫婦二人，佢地本來租緊樓，現在想買樓，但發現樓價非常「貴」，閒閒地都成３００萬，但事實是，樓價係由租金支持：

魔術師早就講過，所謂「辣招」，只係壓抑投資需求，除非周轉有困難，業主無話唔賣樓會死的，持貨者最多轉售為租（反正賣咗再買會受「辣招」所困）：

所以魔術師不嬲都認為有能力付首期，有穩定工作供得起樓者，不妨有錢就買來自住，起碼不用受制於人也。咁個案中夫婦二人又是供得起樓呢？原來兩夫婦月入共４８,０００，卻認為儲４０萬首期（９成按）加手續雜費是很困難的事：

魔術師抓破了頭，佢地兩夫婦加埋做了幾十年人，竟然連４０萬積蓄都無？更奇怪的是，佢地竟然話要儲３３個月，難道是由０開始？又，儲３年錢好難為佢地咩？

咁即係話，每個月只能儲４０／３３＝１.２萬，或月入的２５％。魔術師唔知佢地租金、供養父母（包免稅額）、日常生活等使費為何，不過就在佢地的預算清單中見到一項：「其他開支，eg外出」，大概一年要３萬，相信係去遊行吧？即係咁，唔去旅行會唔會死呢？又，咁樣嘅生活態度，恐怕不是現在才有的吧？去少幾次旅行，１０萬８萬咁就返來喇，點使話儲成３年呀？

 

＊＊＊

至於呢位「女青年」，魔術師都不願多談，月入萬多，又係住天水圍，寧願放棄食屋企住屋企都要搬出來，為咗慳千幾蚊交通費（同時間）而去交３、４千蚊租，魔術師就想唔通佢點解一定要租樓住（將租金變成經常性開支）嘞！魔術師居於屯門多年，住慣咗又真係唔覺個幾兩個鏗的來回車程算係乜，而且邊個話搭車就做唔到嘢，ＭＢＡ、ＣＦＡ都可以在巴士上讀回來啊！

＊＊＊

呢個個案就最神奇，又係醫生擠迫戶，連ＢＢ都要訓走廊，令魔術師不禁懷疑香港「醫生」的智慧：

究竟發生咗咩嘢事呢？

原來李醫生層樓係四年前以三百萬購入，供款佔家庭月入４成，以７成按，３０年期，３厘息（離現實甚遠）計，咁李醫生即係搵２.５萬一個月？

唔會掛？政府請醫生，入職都由５萬至９萬不等喇！

再計一次，假如李醫生層樓係以９成按（當時好似還有９５按吧？），年息４厘，供１０年（又係脫離現實，除非李醫生年紀老邁，加上美孚樓齡高，銀行唔敢按咁盡），計出來是月入６.８萬，咁就「稍為合理」，但依然難以令人信服：

退一萬步想，善意地理解，其實「醫生」唔係蠢，而只係利用傳霉扮可憐，而且可能係啲記者編導等都從未買過樓，人講佢就信囉！（嗱，魔術師唔會咁陰謀論，話「傷港電台」有意挑弄社會矛盾嘅！）

＊＊＊

伸延閱讀：

搞乜鬼辣椒雜作

月入九千的置業夢

 2012/12/2418:28:27