唔好理黃金、虛弊、晶片股、記憶體股最近唔係好得，魔術師個投資組合反而受惠於分散投資，唔係買一注獨赢而有所增長。上月結算，股票：商品：房託：債券及現金為 34.5:4.0:23.5:37.3，要變成目標比例 33.5:5.0:23.0:38.5，即係沽股票及房託「獲利套現」買返些少黃金及虛弊，餘下資金投入債券及現金：
股票方面：沉船基金「虛擬沽清」了舊有的高息 ETF（實質全數調往特種兵組合，不在資產配置範圍內，以備將來有任何特殊需要之用），騰出空間換馬至新高息 ETF，貪期每月派息夠爽。另外就係行禮如儀季供尾帝科技 ETF 同埋增長股（主要都係科技股）。
商品方面：有侵侵就有仗打（相信侵侵完咗個任期之後，會變成「有尾帝就有仗打」），定期趁低入返啲黃金及虛弊要抱持信念有買貴無買錯。魔術師都係傳統派一啲，黃金點都有價值過新興事物虛弊，增持比例上亦以黃金為重。實物黃金因為流動性低，資金有多啲餘裕才買入儲蓄。
房託方面：將賺息蝕價的笨土房託清零；另外升幅已大的低息尾帝科技 REIT 都稍作減持。
債券及現金方面：翻兜返尾帝地方價 ETF，
以每１００萬股票組合計，資金調配如下：
中尾韓科技股、晶片股、記憶體回調，想不到泡菜仔的賭仔比得上中國人，炒橫枰 ETF 炒得不亦樂乎，輸亦輸得轟烈。黃金、比特幣依然保持跌勢，不過勢頭已開始放緩，並有少許反彈，希望是尋底跡象。魔術師商品組合本月收報 ＄271.12（我城貨幣，下同），較上月上升1.30%，繼續保持第一位。尾帝科技股繼續有獲利盤湧現，以尾股為主、巷股為輔的沉船基金靠穩，較上月微升 0.90％，每單位收報 ＄256.39，保持第二位，開始追貼不進則退的商品基金。傷巷倆銀及公用股報升，尾帝科技分頭發展，由巷尾高息股、公用股、及尾帝科技股組成的生活基金竟然大幅向上，每單位收報 ＄247.70，較上月大升 8.35％，創新高，保持第三位。
包含高中低回報（及風險）的債券、債劵 ETF/CEF 和現金組合的合格線組合好似已消化加息可能，每單位收報＄165.58，較上月微升 0.08%，創新高，保持第四位。
巷股跌完一輪之後又收覆返失地，真係好難跟。複式盈富組合本月每單位價格收報 ＄164.51，較上月狂升 10.79％，穩守第五位，追近合格線。第六位都係以環球債劵股及中巷貨弊基金為主，巷尾股票指數基金為輔的大雜燴強強積金組合，買賣交易用來對沖其他投資組合，本月靠穩，較上月上升 1.94％，每單位收報 ＄122.80。巷尾房託同樣造好，似乎加息已變成利好消息。房託組合較上月上升 2.92％，每單位收報 ＄117.83。
巷股五窮六絕，七唔知翻唔翻到身，但魔術師一向都認同梁小鷹（仲有無人記得佢）的《投資三字經》「賺回吐，確可悲」，要買寧願買「當頭起」（曹仁超腔）。本月又到咗微調投資比例的月份：每季房託減0.6%、股票加0.1%、商品加0.2%、債券及現金都加0.3%（見《魔術師資產配置（2025年4月）》），直至2027年10月股票：商品：房託：債券及現金變成 36:6:20:40；於是本月投資比例 32.5:4.4:23.4:39.7 要變成目標比例 33.5:5.0:23.0:38.5，即係沽房託加現金，補返啲股票同商品：
以每１００萬股票組合計，資金調配如下：
五窮六絕，今年「五」不窮，但「六」卻絕。中東戰事令戰事持續，油債飆升帶來通脹繼而引致加息（但加息撳不住油價，要油價回落要撳住侵侵才對）。黃金大跌，估計係受獲利盤同埋加息預期影響，加上比特幣繼續回軟，魔術師商品組合本月收報 ＄267.65（我城貨幣，下同），較上月狂跌 13.24%，但仍繼續保持第一位。尾帝科技股亦有獲利盤湧現，抵銷部分 AI 及晶片股升勢；以尾股為主、巷股為輔的沉船基金靠穩，較上月微跌 0.96，每單位收報 ＄254.11，保持第二位，開始追貼不進則退的商品基金。由巷尾高息股、公用股、及尾帝科技股組成的生活基金，因為成份軟件股是今次跌浪被拋售對象，所以跌勢較沉船基金重，每單位收報 ＄228.61，較上月大跌 5.66％，保持第三位。
包含高中低回報（及風險）的債券、債劵 ETF/CEF 和現金組合的合格線組合不知何解，尾企業債竟然無視加息步伐，逆市上升每單位收報＄168.92，較上月上升 2.89%，保持第四位。
巷股繼續跌多升少，複式盈富組合本月每單位價格收報 ＄148.49，較上月大跌 6.83％，穩守第五位。第六位都係以環球債劵股及中巷貨弊基金為主，巷尾股票指數基金為輔的大雜燴強強積金組合，買賣交易用來對沖其他投資組合，本月同樣報跌，較上月下跌 2.19％，每單位收報 ＄120.45。巷尾房託同樣無視加息，本月企穩，房託組合較上月微跌 0.34％，每單位收報 ＄114.41。
又到咗行禮如儀問尾帝拎返繳多了的時候（其實係在每年的3月15日，Interactive Brokers (下稱 IB）提供了 Form 1042-S 使可以開開始）。墓本上每年起手式都係一樣，今年的介面跟去年亦大同小異，除了下載 IB 的 Form 1042-S 同埋 Dividend report 之外：
就係在尾帝稅局（Inland Revenue Service, IRS）下載 Form 1040-NR 及其相關附件 Schedule NEC (Form 1040-NR) 和 Schedule OI (Form 1040-NR) ：
|
| （圖片來源：IRS > Forms and Instructions > About Form 1040-NR, U.S. Nonresident Alien Income Tax Return, captured on 9 May 2026） |
花無百日紅，上月金價繼續回落而股票及房託項目彈升，埋單結算股票：商品：房託：債及現金目標比例將會由 33.6:4.5:23.6:38.2，要維持 33.4:4.8:23.6:38.2 的目標比例，就係沽股票買商品。由於房託同現金加債劵都可以唔使郁，交易唔多，呢個勞動節假期相對上可以休息下：
股票方面：除行禮如儀手動季供買入外，趁尾股開 party 沽返少少走。月尾盈富基金將會派息，又係人手以股代息時間。
商品方面：黃金及比特幣下挫後靠穩，提供分段吸納良機。
房託方面：暫時按兵不動，先作覲望。
現金及債劵方面：暫時按兵不動，先作覲望。人仔閒錢在我城無甚出路，做住定期先。
以每１００萬股票組合計，資金調配如下：
中東局勢稍緩（又試 TACO？），尾遇股市又開 party，中巷股債都有輕微反彈，但五一黃金周北水乾乾哋，啲炒友可能都唔敢持倉放假，月尾偏淡。
黃金及比特幣繼續回調，提供分段買入機會。魔術師商品組合本月收報 ＄303.41（我城貨幣，下同），較上月下跌 4.56%，但仍繼續保持第一位。尾帝科技股回調後一個月內即時收復失地有突，本月又再爆升至高位；以尾股為主、巷股為輔的沉船基金較上月大升 7.38％，每單位收報 ＄246.89，創新高，保持第二位。由巷尾高息股、公用股、及尾帝科技股組成的生活基金情況同沉船基金相似，同樣受尾帝科技股帶動，亦較上月大升 7.19％，每單位收報 ＄236.24，創新高，保持第三位。
包含高中低回報（及風險）的債券、債劵 ETF/CEF 和現金組合的合格線組合，疑似受油債、通脹升溫，尾帝唔減息影響（但又唔怕反轉頭加息？），債債造好，每單位收報 ＄164.59，較上月升 2.54%，同樣創新高，保持第四位。
本月巷股都有反彈，但月尾比較波動，氣勢不及尾帝。複式盈富組合下月派息，月尾除淨，本月每單位價格收報 ＄161.92，較上月大上升 3.25％，穩守第五位。第六位都係以環球債劵股及中巷貨弊基金為主，巷尾股票指數基金為輔的大雜燴強強積金組合，買賣交易用來對沖其他投資組合，本月同樣受惠於股債反彈，每單位收報 ＄121.80，較上月上升 2.03％。不知環球市況是否又再追求收息工具，房託組合本月大升 6.64％，每單位收報 ＄116.34，雖然仲係包尾，但過去12個月已升20.91%，僅次於生活（37.26%）、商品（31.39%）、與沉船（27.71%），比複式盈富（15.10%）為佳，表現算係唔錯。
好容易等到投資組合全線回落，仲搭正魔術師每年3月尾4年結換馬期（見《魔術師資產配置（2026年3月結）》、《魔術師資產配置暨特種兵組合年結（2025-26年）》），結算，股票：商品：房託：債及現金目標比例將會由 33.3:4.6:24.2:37.9 變成 33.4:4.8:23.6:38.2。睇返上月結算，股票：商品：房託：債及現金為 33.0:4.3:22.9:39.7，要返回目標比例，即係要用現金掃貸，買入組合各成份股：
股票方面：因 Sony 變身 Tony，魔術師唯有作出艱難決定，就係將之踢出生活基金（生活倚賴度低咗）。其餘生活基金及沉船基金成份股則接各自升跌幅按比例減持或增持。最後將火紅的「AI 晶片賣鏟人」NVIDIA（NVDA）加返少少入沉船基金，希望有心唔怕遲。最後輕微加少許東升西降半導體 ETF，以作 NVIDIA 後備。
商品方面：黃金及比特幣大幅回調，剛好遇着魔術師年結加上調較投資比重，馬上提供吸納機會，連久未發市的實物基金都要參一腳，見柏斯金塊都有一定數量，便轉買有溢價的楓葉金幣玩吓當儲備。另外黃金 ETF 有管理費更廉宜的迷你版，馬上轉倉去也。
房託方面：之前沽出的房託跌咗，又可以低撈返啲。見有中資房託參加玩學生宿舍，RSI 14 又低，不妨加返少少倉。其餘都係趁 RSI 14 弱勢酌量加倉。
現金及債劵方面：財仔債 ETF，高息 closed-end fund 都累積了一定倉位，可以變成季供。另外見螞蟻銀行的人仔一信個月定存有1.5%，便調返啲巷燦理財收返嚟的人仔過去存吓錢幫補吓。
最後，魔術師亦更新了經 IB 退回股息稅及(預期)經人手申報退稅後的個股/ETF 實際股息稅率，有興趣的網友可以自行參閱魔術師貼出來的 Excel。
以每１００萬股票組合計，資金調配如下：
侵侵繼續撩交打，中東「邪惡軸心」封鎖運油要道，一帶一路都無面俾，杜拜運輸亦受打擊，令環球金股債全線下跌，魔術師投資組合在連續多月創新高後亦告斷纜，又睇吓侵侵最後又會否 chicken out。
黃金及比特幣大幅回調，尚幸魔術師商品組合仍較年初有正回報。魔術師商品組合本月收報 ＄317.97（我城貨幣，下同），較上月狂跌 10.61%，但仍繼續保持第一位。尾帝科技股怕咁 AI 回噬；以尾股為主、巷股為輔的沉船基金較上月下跌 4.30％，每單位收報 ＄229.92，保持第二位，但已僅僅失守今年初升幅。由巷尾高息股、公用股、及尾帝科技股組成的生活基金情況同沉船基金相似，同樣受尾帝科技股拖累，不過仍能守於年初開局之上，月尾結算較上月下跌 4.11％，每單位收報 ＄220.39，保持第三位。
包含高中低回報（及風險）的債券、債劵 ETF/CEF 和現金組合的合格線組合，疑似受尾帝私募信貸風暴影響，債券偏軟，每單位收報 ＄160.47，較上月跌 1.24%，仍保持稍稍高於今年初開局之時，升一位排第四。
本月巷股走勢低沉，複式盈富組合本月每單位價格收報 ＄156.82，較上月大跌 5.54％，輸突年初開局以來升幅，跌落第五位。
第六位都係以環球債劵股及中巷貨弊基金為主，巷尾股票指數基金為輔的大雜燴強強積金組合，買賣交易用來對沖其他投資組合，本月同樣跟跌但跌幅較輕，每單位收報 ＄119.38，較上月跌 3.00％，跌突本年初以來升幅。房託組合本月大跌 7.83％，每單位收報 ＄109.03，雖然仲係包尾，但仍能保持年初以來為正回報。
樁巷尾市本月都保持牛氣，金銀貴金屬更是大癲，一騎絕塵，連車尾燈都望唔到。魔術師商品組合再創新高，本月收報 ＄332.72（我城貨幣，下同），較上月狂升 11.12%，繼續排第一位。以尾股為主、巷股為輔的沉船基金因尾帝股市趁侵侵又搞事回調，雖然都係創新高，但勢頭「暫緩」，只較上月升 2.48％，每單位收報 ＄236.61，保持第二位。由巷尾高息股、公用股、及尾帝科技股組成的生活基金則受惠於我城牛氣，月尾結算較上月升 4.79％，每單位收報 ＄226.45，保持第三位，劍新高。
本月巷股月頭及月中靠穩，月尾又開始發力，複式盈富組合本月每單位價格收報 ＄169.55，較上月大升 5.60％，保持第四位，唔聲唔聲劍新高。
包含高中低回報（及風險）的債券、債劵 ETF/CEF 和現金組合的合格線組合，因尾帝未必再減息，本月表現續俏，又係創新高，每單位收報 ＄163.53，較上月升 1.96%，繼續第五位。
第六位都係以環球債劵股及中巷貨弊基金為主，巷尾股票指數基金為輔的大雜燴強強積金組合，買賣交易用來對沖其他投資組合，本月疑似樣受侵侵指派下任亂儲局主席影響，息跌價升，每單位收報 ＄123.32，較上月升 1.97％。房託組合疑似樣受侵侵指派下任亂儲局主席影響，走勢向好，本月升 3.47％，每單位收報 ＄111.74。
1月份又係調較投資比例的時候：房託減0.6%，其中0.1%撥去股票、0.2%撥去商品、0.3%留俾現金及債券（見《魔術師資產配置（2025年4月）》）。要由本月的股票：商品：房託：債券及現金 33.0:4.5:24.8:37.7 變成目標比例 33.3:4.6:24.2:37.9：
股票方面：行禮如儀地酌量季供尾帝 ETF，餘額就依 RSI 14 買入較弱個股。
商品方面：虛弊都係未夠低，唔敢搏住，淨係買返啲黃金 ETF。
房託方面：全面沽走長期弱勢個股，餘額就依 RSI 14 減持較強個股。因為房託長期弱勢，都係分散巷尾個股增持，以免單一投資中伏。
現金及債劵方面：行禮如儀手動月供 ETF。
以每１００萬股票組合計，資金調配如下：
上月結算，股票：商品：房託：債券及現金的資產配置比例是 33.1:4.5:24.5:38.0，要返回目標比例 33.2:4.4:24.8:37.6，便要動用現金買返啲股票及房託，再酌量減持商品基金：
股票方面：除了行禮如蝕酌量季供尾帝 ETF 外，便趁畢廢老旗艦B股弱勢，分段吸納返些少。
商品方面：金價依然高企，在唔捨得沽出黃金 ETF，唯有將持倉調往特種兵組合，酌量減倉，留作儲備。
房託方面：因為房託長期弱勢，都係分散巷尾個股及 ETF 增持，以免單一投資中伏。
現金及債劵方面：除了行禮如儀手動月供 ETF 之外，由於上月老墨石油國債到期，來自信用卡現金分期的本金回籠準備找卡數，但畢錢可以還成 14 個月咁多，逐個月還未輪到的閒置資金就用來買短期尾帝國債。
以每１００萬股票組合計，資金調配如下：
本月魔術師牛一，亦是將股票：商品：房託：債券及現金的資產配置資產配置比例循序漸進調較至 34:6:20:40（即每季房託減 0.6%、股票加 0.1%、商品加 0.2%、債券及現金都加 0.3%，見《魔術師資產配置（2025年4月）》）。由於上月結算比例是 33.8:4.6:25.0:37.6，要變成本月目標比例 33.2:4.4:24.8:37.6，便要減持股票、黃金、房託，增持現金及債券：
股票方面：除行禮如蝕酌量季供尾帝 ETF 外，也就若干升幅較大的強勢主題 ETF 作出獲利減持。屬於生活基金的SONY 分拆出新股 Sony Financial Group Inc（SFGI），魔術師便將其撥往特種兵組合作後勤儲備，以免影響資產配置組合。
商品方面：黃金大升，又唔捨得沽出黃金 ETF，唯有將持倉調往特種兵組合一面留作儲備，一面「虛擬套現」。
房託方面：都係將升幅較多的強勢科技房託獲利回吐。
現金及債劵方面：除了行禮如儀手動月供 ETF 之外，都加返隻學債債劵，3年半後到期，收住 6% 息先。
以每１００萬股票組合計，資金調配如下：
本月結算，巷股繼續上算，尾股更是屢創新高，但環球經濟卻又唔係一片大好，都唔知點解個市咁開心。呢幾年戰火連連，娥妹、樁冬開始打到厭，黃金升勢放緩，但比特幣又趁住穩定幣發行商受規管而展開新一輪升勢（咁都得？又話加密貨幣去中心化，唔受監管係賣點？），魔術師商品組合本月收報 ＄225.07（我城貨幣，下同），較上月微升 0.80%，創新高，繼續排第一位。巷尾股市造好，高息股更好，以尾股為主、巷股為輔的沉船基金，故本組合較上月上升 2.76％，每單位收報 ＄218.74，創新高，保持第二位。第三位亦不變，係由呢期時興的巷尾公用股及尾帝科技股組成的生活基金較上月上升 4.28％，每單位收報 ＄200.68，創新高。
第四位是合格線、包含高中低回報（及風險）的債券、債劵 ETF/CEF 和現金組合，本月每單位收報 ＄161.51，較上月微升 0.90%，創新高。
複式盈富組合受惠於本月我城股市上升，每單位價格收報 ＄155.23，較上月升 2.39％，保持第五位。第六位依然都係用來對沖其他投資組合的大雜燴強強積金組合，可惜持用環球債劵股及中巷貨弊基金為主，巷尾股票指數基金為輔，只能較上月微升 0.43％，每單位收報 ＄117.86。房託組合保持近月升勢，本月上升 1.92％，每單位收報 ＄105.69。
侵侵 2 仔底卻走去 bluff 習大大，一味色厲內荏，仲成日思覺失調以為聽到來自 Grandpa 的電話聲，《The Art of Deal》明顯不敵《The Art of War》。巷尾股市見侵侵隨時 be water，又恢復返一點點生氣，上月尾來個反彈。股票：商品：房託：債券及現金比例為 33.3:4.2:25.5:37.0，要調較回目標比例 33:4:26:37，就又係要沽股票及商品，買返啲房託：
股票方面：沉船基金融除了行禮如儀酌量季供尾股，另外就係趁高套現 Mirror。
商品方面：比特幣今個月升得勁過黃金，輪到佢減磅。
房託方面：房託積弱已久，為防「供死會」，仲有就係7月份減磅在即（減 0.6%，見《魔術師資產配置（2025年4月）》），買入的都是相對上安全而又收息能力的巷尾房託。
債券及現金方面：行禮如儀手動月供尾帝財仔借貸 ETF，同埋將上月到期被贖回的尾帝國債留低一部分找卡數，餘額再續兩個月新尾帝國債。
以每１００萬股票組合計，資金調配如下：
侵侵咁衰霸凌我國仲屈人欺負佢，咁蠻不講理魔術師就一定要拎返交多咗俾尾帝嘅股息稅。起手式同往年一樣，一定係先從 Interactive Brokeres（下稱 IB） 下載 Form 1042-S 做起：
然後就去尾帝稅局網頁下載報稅表 Form 1040-NR 及其說明文件，作為 Nonresident Alien（NRA），大部分情況下 Form 1040-NR、Form 1040-NR (Schedule NEC)、及Form 1040-NR (Schedule OI)三份表格已經足夠。
|
| （圖片來源：IRS > Forms and Instructions > About Form 1040-NR, U.S. Nonresident Alien Income Tax Return, captured on 20 Apr 2025） |
回顧《魔術師資產配置（2023年10月）》訂下嘅「新 4 年計劃」，最終目標股票：商品：房託：債券及現金於2027年10月變成 32:4:24:40。但由於最近受馬斯克啟發，「If you're not adding things back in afterwards, then you weren't cutting hard enough to start with。」（見《傷巷有青整頓職場》），魔術師早前都覺得股票組合已經「減得好辛苦」，原來這是馬老闆減得夠的現象，依家係要加返上去；同樣「減倉減得好辛苦」得有商品基金；而表現一向唔理想，只怕要減多啲以免賺乘蝕價的就有房託；於是今次又「執整」吓2027年10月的最終目標比例，變成 34:6:20:40，即係在2.5年內，由下一季（2025年7月）開始，每季房託減0.6%、股票加0.1%、商品加0.2%、債券及現金都加0.3%，本季目標比例不變則保持 33:4:26:37。
上月因巷尾股票均有一定程度的回調，另外現金方面公司又出咗 bonus，股票：商品：房託：債券及現金比例為 32.3:4.3:25.2:38.2，與目標比例偏差較大，這也是魔術師的 accounting book 選擇在四月做年結的原因，可以配合報稅年度與及 bonus 發放也。
以每１００萬股票組合計，資金調配如下：
上月結算，股票：商品：房託：債劵及現金比例為 32.9:4.2:25.5:37.4，都係一貫房託弱過藥煲的格局。要回復目標比例 33:4:26:37，只需簡單地以沽出股票及商品，加現金買入積弱多時的房託，變相把 Interactive Brokers（IB）退回的股息稅（主要係 Return on Captial(ROC)部分)再投資：
- 股票方面：在不影響投資比例下酌酌量季供尾帝高增長 ETF 及科技股 ETF；唔夠數再以恒指 MPF 補足。
- 商品方面：酌量減持實物黃金 ETF。
- 房託方面：酌量增持我城較弱勢的房託及尾帝科技為本房託。1月尾亦係 IB 退回股息稅的高峰期，已更新退稅後 AGNC、IRM、O 實際股息率。
- 債劵及現金方面：主要就係行禮如儀地月供尾帝高息借貸 ETF，本月尾帝國債到期，回籠資金一方面安排找卡數（主力交稅用），一方面繼續 rollover。1月尾亦係 IB 退回股息稅的高峰期，已更新退稅後 GOF （暫時）實際股息率。
以每１００萬股票組合計，資金調配如下：
