幾個星期前茶日，放工返到屋企，入屋去到書房放低包包，順手啪着部冷氣...
唔着...
再啪...
都係唔着。
魔術師睇吓個電掣，有燈着即係有電到；再去廚房望下個電兜，無跳掣。
咁即係話，除非係個電掣壞咗，無電去到部窗口式冷氣機度；否則就係部冷氣機壞咗。
冷氣機壞都唔出奇，畢竟買咗成十幾年，又少保養打理，甚至無洗過（最多只係抹吓隔塵網嗰類表面嘢）。
一來係懶，二來係唔想執清張書枱俾啲工人在上方工作搞部冷氣機，出出入入間屋...
2026年7月23日 星期四
2026年7月19日 星期日
周末早上走兩場
魔術師雖然不是工資奴，但工作五天精精還是相當繃緊的，周末最好就係可以訓晏啲，唔訓到中午唔安樂。不過今日就要早起，搞到臨訓前除了較好 iPhone 鬧鐘之外，都同自己講要知醒，較好心理鬧鐘 - 事緣是日要去屯門醫院抽血。
自從上次心臟衰竭入院兩個星期（見《又見新一袋醫護人員》），又出返院之後病情穩定，只需定時抽血覆診。親戚朋友問魔術師有無睇睇私家，反正魔術師經濟情況許可，但魔術師都答「無」，原因係病情穩定，自我感覺良好，而且如果心臟有乜事，多數都係 call 白車入公立醫院，私家醫生未必咁好手尾將私家藥份量入醫健通俾埋公家參考，咁為咗唔好急病要入院時延誤診治，都係返公家覆診，食返公家藥算，都係嗰句，病情穩定就唔怕輪公家囖。
2026年6月27日 星期六
積壓如山煲劇單（2026年6月）
本文於手機 browser 瀏覽可能出現問題，建議在PC或Mac機等傳統電腦閱讀及留言。
睇咗
1. Netflix：《鐵拳教育（Teach You A Lesson）》
左膠人權、自由發展到極致，就是給「他們只是小孩」的有青有殺人、搶劫、販毒等達法權利，輔之以怪獸嘉獎，「干涉我兒犯法就是干涉囝囝人權」。故此所有打殘有青的電影和電視節目都係魔術師至愛，而本片全球大收，看來與魔術師有同樣相法的觀眾應不在少數。
本片唯二做得「無咁好」（未至於係扣分位）係女主角任含琳（秦基周飾）唔夠靚（雖然佢表情多多相當生鬼），同埋對於風化案只係輕輕帶過（例如以「觸法少年」的故事來說，班有青無理由叫靚女同學幫手運毒而唔提供性服務），未至於去到盡也。(另見伸延閱讀）
魔術師評分：90分（100分滿分）
2026年5月31日 星期日
積壓如山煲劇單（2026年5月）
開心大發現（插播排頭位）：
1. Amazon Prime：《北斗の拳（FIST OF THE NORTH STAR)》
熟口熟面的情節、角色、配合新派 2D＋3D 畫功、完全係回憶殺。唔夠半小時一集，疑似一個星期一集，睇 MV 第一季似乎去到拳四郎三個師兄出現背影為止，等到連載完起碼第一季先至一次性煲，真係唔知等到幾時：
＊＊＊
睇完：
1. Netflix：《哈利警探（Jo Nesbø's Harry Hole）》
傷巷以前叫「警匪片」，但自從多了「黑警」這類角色之後，便跟外電叫「犯罪片」。本片為人言報推介，果然唔錯。劇情緊湊明快，但主角哈利成個不修邊幅的中佬模樣，感情失意會走去酒吧撩交打仲要俾人打鑊金，到後期變到心細如塵，下下將壞人算計，似乎唔太講得通。兩個兇手的殺人動機似乎有點夾硬來，只係查案過程緊湊，暴力畫面亦交足貨（例如將基佬切賓周），同埋結局大決戰一幕，算係上乘之作。最後結尾暗示有第二季。
魔術師評分：85分（100分滿分）
2026年5月13日 星期三
介紹返：《歲月如歌》（六）
明明第五集已經躬身謝幕，點解伸有第六集嘅？原來就係搵幾個歌手去外國（其實只係泡菜國同埋大馬）同他國歌手交流 crossover 合唱，推動一下「廣東歌」係幾咁好，再加埋一啲疑似是綵排片段的剪輯...當然，成集都唔係無亮點嘅，睇埋落去就知曉。
1. 鄭恩地 x 雲浩影
打頭陣嘅係巷妹 Cloud 雲浩影去到泡菜國跟鄭恩地 crossover (fusion?) 含唱。出乎意料地魔術師竟然聽過雲同埋鄭個名，值歌就唔識喇。完整版中，兩人例牌擦一輪我城方言歌鞋之後，便來個真含啫...但魔術師一面睇一面納悶，點解巷女同寒妹咁似樣嘅？衫、頭髮、同面形都好似差唔多咁，唔開到口講嘢真係分唔出：
2026年5月3日 星期日
X檔案（十二）（2nd edition）
1. 五步成梯
魔術師早就發覺書房愈來愈暗，早就料到天花粒逐盞燒掉，但由訴人懶關係，直至日前全部熄燈才捨得整。打開雜物櫃，見只有裝修時師傅們留下的A字木梯，魔術師實在唔敢用：
都係先去 PDD 買隻五步梯好似安全啲，所花不造70.7人仔：
花了數天，送貨到巷，開箱是這樣的：
打開結實穩固，爬上去扭開燈罩，見有三顆大螺絲頭（E27)燈泡，使廢事花時間等網購送貨，直接落街買了（算唔算留巷消貴？）。迅速換完燈膽，抹乾淨燈罩然後扭返埋，收返張梯完工：
問題係完事後，舊燈膽有專用回收箱；但張A字木梯呢？拎去屋苑樓下裝修廢物處理？如果係垃圾徵費時代，係咪貼張 label 就可以掉去垃圾站？
2026年4月27日 星期一
積壓如山煲劇單（2026年4月）
睇咗：
1. Amazon Prime:《新烏托邦（Newtopia）》
本劇定位係「喪屍喜劇」，但魔術師可能笑點太高，完全唧都唔笑。男主角李載允（朴正民飾）是廢青一名，對前途無希望，走去服兵役逃避；但又唔知點解讀書時識到校花女主角英珠（Jisoo 飾）做女友，仲唔係女追男。兩人在畢業、就業環境不明朗的情況下鬧分手，但又惹上不明所以的全球性喪屍危機。
最令魔術師嫌惡的是男主服役的軍隊單位，個個配角都是業餘軍人一樣的表現，平時就廢話一籮籮，有事就擘大個口得個窿，所謂「軍中笑料」都係以誇張表情和聲線表達，完全唔好笑，泡菜國靠呢班廢柴守護就死得。查實唔只軍隊，基本上全劇角色都低低哋，完全唔會令觀眾擔心其安危（較為討好的是堅強、比軍人還敢行出來的酒店接待員水晶小姐（洪瑞熙飾））。最後，致命傷係女主角 BLACKPIN 隊員 Jisoo 唔靚又無演技，跟同類劇《Happiness》的韓孝周相比，差得遠了。
魔術師評分：50分（100分滿分）
2026年4月25日 星期六
新聞雜評（四百九十七）
宏福苑聽證會｜同意不能稱「被動消防裝置非職權範疇」 楊恩健：消防處應最後把關 有線新聞 2026年04月24日
【有線新聞】宏福苑火災聽證會首位部門首長證人、消防處處長楊恩健同意不能稱「被動消防裝置不屬於他們職權範疇」，承認即使是徵詢其他部門，最後把關在於消防處。
楊恩健是19場聽證會證人中最高級的政府官員。談及權責問題，他說與屋宇署大部份都是硬性分工。獨立委員會首席大律師杜淦堃引述2016年牛頭角迷你倉大火後衍生的訴訟，法庭接納消防處認為消防處處長獲賦權識別火警風險和要求消除危險，不應將責任交給屋宇署，質疑早前有消防官員供稱沒有專業能力和角色決定宏福苑物料可燃性，說法不準確、狹窄。楊恩健解釋當時迷你倉是新興行業，規管法例有真空，消防處和屋宇署須思考如何互補；而今次宏福苑的情況不同，雙方在樓宇消防安全分工明確，屋宇署須顧及採光、樓宇結構等，消防處不能見到有生口就貿然要求「收起個窗」，屋宇署作業守則亦嚴格規管不可在外牆使用發泡膠板。
對於執法是否要消防處「加埋去告」，楊恩健稱「我們不介意，但要兩個部門討論好分工」。他認同不能硬性劃分被動消防裝置不屬於消防處職權範疇，他們有保護生命財產防火和滅火的責任，需與其他部門互補。
楊恩健解釋消防處未必理解窗口結構，屋宇署亦未必理解窗口規格對救火的影響。杜淦堃稱因此應該「四隻眼睇住佢，兩個部門都有責任」，楊恩健同意。杜淦堃稱其他部門未必偵測到火警風險，消防處才是專家，楊恩健重申「是兩邊都有」。杜淦堃再指即使消防處要徵詢其他部門，但最後把關在於消防處，楊恩健答「無錯」。
楊恩健稱大火後，消防處與屋宇署曾開會交換意見，包括規管開生口及使用發泡膠時，如何兼顧採光、通風以及消防安全要求。
1. 消防處處長楊恩健同意不能稱「被動消防裝置不屬於他們職權範疇」，承認即使是徵詢其他部門，最後把關在於消防處。...楊恩健稱「我們不介意，但要兩個部門討論好分工」。他認同不能硬性劃分被動消防裝置不屬於消防處職權範疇，他們有保護生命財產防火和滅火的責任，需與其他部門互補。
楊處長做得處長，語言偽術技巧果然高助理處長一皮。「不介意去做，但要討論好分工」即係邊個「啟動」個「討論」先？抑或又係擺低件事，你眼望我眼？「我唔介意去做，但要清楚 roles and responsibilites」不嬲都係職場交波技巧（咁就先討論吓點分工），因為事實上又真係無可能將所有事情都劃分得清清楚楚，毫無灰色地帶，點都需要「有心人」自動「走位包抄」去解決問題也。
2026年4月23日 星期四
介紹返：《歲月如歌》（五）
來到呢個將一晚嘅音樂會斬開幾集來播的音樂節目的尾聲，今次的主題的是 Cantonpop，先由兩條囡囡 sell 吓勁歌熱舞。
1. 莊錠欣、黃淑蔓
莊錠欣（Elkie）、黃淑蔓（Feanna）分別獨自「重新演繹」三首典Cantopop跳舞歌《隆重登場》、《Chotto等等》、及《花花宇宙》，算是咁多集咁多位囡囡之中比較好樣同「唱得好」的兩位 - 雖然歌曲長度剪短了，節拍也放慢了，「又唱又跳」的程度也只是很一般，但起碼好過之前幾集的囡囡們「郁都唔郁」。同情地理解，歌曲長度剪短了係因為節目時間關係而唔係歌手 live 唔 1 .5 首勁歌會夠氣驚甩嘴、跳舞動作唔太大係要顧住枝咪...而且打頭炮的莊錠欣要顧住把道具扇又開又合十足秋官唱《楚留香》，節拍同後面班 dancers 都夾到，後生女嚟講算係相當唔錯㗎喇！
2026年4月11日 星期六
（唔識）介紹返：《歲月如歌》（四）
呢一集嘅《歲月如歌》，剪埋都係一班「樂壇新力軍」唱自己歌的片段。重點當然就係魔術師完全唔識，如果唔係要寫本文，今集嘅歌曲旋律、歌詞、歌手表現都無法令魔術師聽第二次，跟本集副題《金曲煉成之路》「相映成趣」。
1. 岑寧兒
睇返 Youtube description，呢首《風的形狀》原來係《九龍城寨之圍城》片尾曲！死喇，真係完全無印象，只好怪魔術師睇 Disney+，無連汁都撈埋...
2026年3月31日 星期二
積壓如山煲劇單（2026年3月）
睇咗：
1. Disney+：《夜魔俠：重生（Daredevil: Born Again）》第一季
魔術師終於在 Disney+ 睇完所有 Netflix 版 Marvel「社區英雄」系列。接住落嚟就係正菜，本片明顯係迪迪尼 reboot 之作，有意無意將夜魔俠變成無咁好打的同時，又洗走舊角色，只留下終極反派金霸王（Kingpin，即 Wilson Fisk，唔係電池）變身「社區侵侵」，以宣傳戰及「雷霆手段」打壓異己，成為紐約市長，與夜魔促及裁判者（The Punisher）展開決戰，明顯故事未完，仲有第二季 born 落去。
魔術師評分：75分（100分滿分）
2026年3月25日 星期三
介紹返：《歲月如歌》（三）
今集嘅主題係 band sound。印象中我城好似紅完太極、Beyond、達明、Raidas、風雲、凡風、小島、浮世繪、Fundamental 等之後就無以為繼，有樂隊都好似紅唔起咁，反而男團女團形式就多，由夢劇院、草蜢、EO2、Twins、EO2 到依家班鏡仔、Error、Collar，都算歷久常新。
1. 夏韶聲
奇在奇在樂隊主題的「前輩」歌手竟是夏韶聲，都唔搵返太極出山；結果 Danny Summer 第一首《童年時》雖然有返咁上下功架，但就無乜搖滾 feel，同區瑞強的「民歌王子」無乜分別。
呢一集剪接都算獨特，成日在歌手唱唱吓就跳去幕後坐定定講感想，講完一輪又 switch 返去，令觀眾難以投入...搞到魔術師特地將以下片段的 starting point 較到「啱時間」，以便讀者「参考」。
不過，夏韶聲話《童年時》四句為一段，特別好聽，呢個 point 正正就擊中了新一代流行曲太複雜的問題。
2026年3月21日 星期六
2026年3月17日 星期二
介紹返：《歲月如歌》（二）
2026年3月11日 星期三
介紹返：《歲月如歌》（一）
前有線、現在的 HOY TV 最近有幾個新節目，其中一個就係賣情懷懷的《歲月如歌》，聽個名就估到係舊廣東歌新唱，不過有線唔係大台，無電視城無「一廠」，照計做唔到《流行經典50年》嘔種格式..,但睇返點解會有現場觀眾，仲有 dancers 嘅呢？原來是節目在戲曲中心上演，睇 credits 仲有正苦資助：
呢個節目有幾多集真係唔知...好似無乜宣傳，點搵咁多觀眾嚟？
2026年2月24日 星期二
積壓如山煲劇單（2026年2月）
睇咗
1. Disney+：《潔西卡瓊斯（Marvel's Jessica Jones)》第三季
睇《夜魔俠：重生》之前的最復一份功課，竟然也是三季中比較精彩緊湊的一季 - 大奸角不是什麼智慧超群、力量驚人的超級反派，反而只是比普通人強少少的「正常人」；第二條線講女主姐妹情與及阿妹的黑化，劇情處理都算合理。係三季中評分最高的一季。
魔術師評分：70分（100分滿分）
2026年2月11日 星期三
送舊迎新飲水機
年近歲晚，總係開始有啲電器會壞。早前書房就燒咗滲燈光管（魔術師當年裝修仲未有燈帶），屋企有壞咗嘅嘢（唔係壞咗嘅人）唔修理帶過年屬不吉，所以就拿拿臨走去燈飾鋪補貨，離乜譜牌 T5 兩呎光管 50 蚊兩枝 ，諗諗吓 check 吓拼多多同京東，佛山照明竟然都要廿幾人仔一枝。我城地鋪竟然平過內地網購，實屬罕見。
一不離二，魔術師用咗超過十幾年、都幾殘舊吓的 Panasonic 電熱水壺終於壞咗，又係時候換返啲新「廚房玩具」：
魔術師平時行吓電器鋪、百貨公司都見到依家時興「飲水機」，提供過濾和即熱功能，目測又係離乜譜牌佔最大市場份額。走去友和網店睇吓，果然都係離乜譜天下（點解嘅？點解會咁嘅？）：
|
| （圖片來源：友和 > 廚房電器 > 食水處理 > 飲水機, captured on 6 Feb 2026) |
雖然魔術師都離乜譜的印象一向不太好（跟泡菜國牌子例如三叔、傻笑差唔多），但似乎都走唔甩要幫襯之。在決定購買前，就去官網睇吓各型號有乜分別：
|
| （圖片來源：Philips > 飲用水解決方案 > 濾水器, captured on 6 Feb 2026) |
見只有呢個 ADD6920 提供「便攜式電熱水煲」功能，同其他只係話提供「滾燙」字眼唔同，咁就一於呢部啦！
落單呢日友和做緊特價，呢部飲水機有 65 折，只限 10 部，仲有 4 部剩。
|
| （圖片來源：友和 > 廚房電器 > 食水處理 > 飲水機 > Philips 飛利浦 > Philips 飛利浦 飲水機, captured on 6 Feb 2026) |
魔術師買多一枝濾芯，落完單仲送多個電子燉盅：
2026年2月3日 星期二
安全帶是個好東西
信報 2026年1月31日
巴士戴安全帶條文紕漏 煞停執行
陳美寶認存「技術不足」 完善後將重推
巴士乘客強制佩戴安全帶新例爭議持續，有份投票通過條例的立法會前議員江玉歡質疑，條文應只限於在1月25日或之後首次登記的巴士。運輸及物流局局長陳美寶周五（1月30日）下午見傳媒，承認條文「技術上是有不足之處」，未能夠反映立法原意，將盡快刪除有關條文，並會完善條文及徵詢立法會後再推出。陳美寶又承認，法例執行時令市民產生不同看法或不清楚，屬不理想，但她未有就事件致歉。同樣有份審議的選委界林筱魯認為，重推條例必須作公眾諮詢。
再徵詢立會 未有致歉
政府周日（1月25日）起實施要求巴士乘客佩戴安全帶的新例，又多次宣傳「巴士有安全帶就要戴」。本身是律師的江玉歡質疑，條文指明適用於今年1月25日或之後首次登記的新巴士，即乘客乘搭舊巴士時不佩戴安全帶，毋須負上刑責。她周五早上再於電台節目上強調，法律應該凌駕新聞公告，促當局清晰解說。
同日下午，陳美寶與運物局常任秘書長丘卓恒及運輸署署長李頌恩一同見傳媒。陳美寶表示，經徵詢律政司法律意見，認為有關乘客巴士上需要佩戴安全帶的法律條文，在技術上有不足之處，未能夠反映立法原意，即把佩戴安全帶的法定要求由原本的私家車、的士及公共小巴等擴展至涵蓋所有車輛的座位。
陳美寶稱，會盡快安排刪除現有條文；並在完善法律條文後，徵詢立法會並再次推出，惟她未透露時間表。被問到會否道歉，陳美寶僅說，草擬法律條文時技術上有不足，以致在執行時令市民產生不同看法或不清楚，「在這方面我承認是不理想」。至於為何當局此前未發現不足，她稱「負責任的做法」是盡快讓事情清晰化，首先要刪除條文。
陳恒鑌指一般最快下周完成
運物局晚上發新聞稿，表示會盡快以附屬法例形式刊憲刪除條文，刪除後將不會有乘客在乘坐巴士時佩戴安全帶的法定要求；條文刪除前，政府不會按該條文執法。其他車種佩戴安全帶的法定要求繼續生效。另外，運輸署有關安全帶新規定的網頁周五已刪除。
安全帶規例去年連同司機位前流動裝置限制提交立法會，相關小組委員會成員、民建聯陳恒鑌承認審議時未留意到條文的「技術性錯誤」，但強調有認真審議，只是當時焦點落於的士流動裝置數量。現為交通事務委員會主席的他預計，政府刪除條文後需要刊憲，再經立法會審覽生效，一般而言最快下周即可完成。
另一小組委員會成員林筱魯認為，重推規例必定要先做公眾諮詢，揚言若政府不做諮詢，自己會向當局提出。被問到審議時如何理解條例、政府解說說法，他指條文確實以2026年1月25日登記時間「劃線」，惟當局現認為未能反映立法原意，會尊重政府判斷。
林筱魯稱須經公眾諮詢
九巴及龍運表示，留意到政府有關安全帶法例的最新計劃和安排，會根據當局所公布的內容或指示，適時更新乘客資訊、車長和前線同事工作指引等。
翻查資料，2018年大埔車禍發生後，同年《施政報告》建議預留5億元予資助專營巴士加裝安全設備，包括為「途經快速公路並較少停站的長途巴士路線巴士」所有上層座椅加裝安全帶，涉及約3.84億元；以及加裝電子穩定控制系統和車速限制減速器。運輸署去年透露，三項裝置已於2024年如期完成安裝，而由2018年7月起，所有新購的雙層巴士已為所有座椅配備安全帶。
1. 運輸及物流局局長陳美寶周五（1月30日）下午見傳媒，承認條文「技術上是有不足之處」，未能夠反映立法原意，將盡快刪除有關條文，並會完善條文及徵詢立法會後再推出。... 政府周日（1月25日）起實施要求巴士乘客佩戴安全帶的新例，又多次宣傳「巴士有安全帶就要戴」。本身是律師的江玉歡質疑，條文指明適用於今年1月25日或之後首次登記的新巴士，即乘客乘搭舊巴士時不佩戴安全帶，毋須負上刑責。
所謂因有「技術上是有不足之處」而撒回條例，其實只係在於「巴士登記日期」。假設真係有巴士於2026年1月25日之後登記，乘客坐上呢架巴士就必須要扣安全帶，否則違法。問題是乘客如何知道乘搭的巴士是幾時登記呢？操作上不可能。
但假如無「登記日期」的問題的話，可以想像正苦依然是在硬推條例（，原因是「為市民好」、「安全最緊要」、「少少唔方便，遲吓就慣」，而懶理乘客拎住一袋二袋難以騰出手來扣安全帶、或坐短途又扣又解、或安全帶及鎖扣不潔、故障、落雨濕濕又點搞等都係「操作」層面的問題。可以話呢之「撒回」都係錯有錯着，夠哂符碌（連黃黃哋嘅薯片叔都出嚟抽水，見伸延閱讀）。
其實可以想像公眾諮詢的結果是全民反對「強制」戴安全帶，魔術師認為無諮詢但官員有全面想過各種情況下如何操作就可以。
2026年1月31日 星期六
積壓如山煲劇單（2026年1月）
睇咗
1. Disney+：《Marvel 喪屍大亂鬥（Marvel Zombies）》
一眾角色唔知點解打一輪，易來易去易出場又易死，最後結局都唔知為乜？果然無呃人，真係「大亂鬥」；難得無拖戲，但個劇情完全睇唔明。喪屍(Wanda)要搶無限額石的能量？為乜？佢自己隨時都勁過啲寶石。淨係知道 DEI 要由咖喱妹同尚氣要帶領一眾第二代復仇者打喪屍？
魔術師評分：55分（100分滿分）
訂閱：
文章 (Atom)