摩摩電影節之《焚城（Cesium Fallout）》：北都不是王敏德

傷巷電影圈成日話無創作豉油，都唔係吖，起碼本片都幾「政治唔正確」- 如果係審查條紅線揸得緊，又點容許華 Dee 唱衰北都呢？

摩摩電影節之《旺角卡門》（As Tears Go By)》：迷因之源

 摩摩於《天若有情》留言推薦舊片《旺角卡門》（又係最佳華語片一百部之一），老實講魔術師雖然都「睇過」本片唔止一次，但都係在 CCTVB 觀賞，中間插播廣告，情節雖熟悉但又碎片化，印象模糊，故今次趁機會在 Disney+ 一氣呵成睇完，伸特意搵返張學友張 meme 圖出來添：

摩摩電影節之《天若有情（A Moment of Romance）》：港味最高境界

記得摩摩在舊 blog（？）提過「把妹」要提供「明知無風險的冒險」，咁囡囡才會在「享受」了「通度的刺激」之後好似吳倩蓮咁着住婚紗打赤腳在公路上狂奔（大意）；之前魔術師又在《我的少女時代（Our Times）》影評中提及王大陸飾演的徐太宇就係 parody 劉德華的華 Dee 造型（包括髮型和電單車），怪唔之得引死電影中的「劉德華迷」林真心；近期又有摩摩的《香港足球實力歷史軌跡》令魔術師聯想起本片插曲《灰色軌跡》...於是今次終於輪到本尊發威。看有時不太準確的維基，本片雖掛名由陳木勝導演，但寶際上由杜琪峯執導大部分場面，怪唔之得拍到咁唯英，串埋好似 MV 一樣：

摩摩電影節之《鎗火 The Mission》：掹車邊不可不看

不講不知，原來本片在「百部不可不看的香港電影」中排第 100 名，打開 Google，非常艱難先搵到條 trailer 做 lead，其他都係咩嘢「拍攝只用了19天,並且沒有劇本,卻成為留名香港影壇的神作！」之類的蝗話標題黨電影極速「高呼」頻道（是的，魔術師對於「快速睇片」類、執人口水尾的「電影懶人包」深感厭惡）

(網上截圖）

認真唔明點解杜琪峯經典無再出碟...《復仇三部曲》魔術師就只能在德發女人鋪買了《放．逐》外國版藍光影碟、《復仇》也只能在 Youtube 購買或睇 NOW TV 爆谷台：

摩摩電影節之《倚天屠龍記之魔教教主（Kung Fu Cult Master）》：金庸小說的平行時空之一

在《《倚天屠龍記之九陽神功（New Kung Fu Cult Master 1）》、《倚天屠龍記之聖火雄風 （New Kung Fu Cult Master 2）》》影評中，客席主持摩摩曾「強烈建議」魔術師睇埋本片，謂：

基於電影長度所限，故事一樣大幅精簡、人物亦cut得就cut，但主幹無新呢兩套咁多大改...改得最多是張無忌完全黑化，但當同人誌睇又恰到好處...總之次次電影台翻播我撞正得閒都會睇下的。

講到咁「吸引」，魔術師真無「唔幫襯都要睇吓」：

摩摩電影節之《破．地獄（加長版）（The Last Dance（Extended version））》：我城都有 DEI

魔術師在「迪迪尼加」平台睇完本片，覺得雖然好睇但又未至於「神級」，不明白超高票房、超長影期的因由，不得不去問AI：

（網上截圖）

原來「題材獨特」、「探討生死」、「笨土文化」、「子華加持」等就係「成功元素」？不如話「口碑加乘」（「你唔係無睇吓話？」）才是影響着「人有我有」的心態，

摩摩電影節之《八彩林亞珍（Plain Jane to theRescue）》：超前部署四十年

已經唔記得咗點解會入 list（唔通因為係吳宇森執導？）。不過，又唔好睇套片已經成40幾年前（1982年上映），竟然「超前部署」地講緊地產霸權；笑料雖然幼稚過時，但有某啲位仲係幾好笑，加上簫芳芳係老媽子偶像，點都要俾面睇吓：

摩摩電影節之《滿江紅（Full River Red）》：一半樂事一半令人流淚

本片於《影視討論雜評（2023年9月）》中提過，到依家2025年趁五一放假先嚟睇，睇完仲拎返老父留下的連環圖回味一返，實在有點遲：

想不到，魔術師都有「睇公仔書」大的場景吧！

摩摩電影節之《九龍城寨之圍城（Twilight of the Warriors: Walled In）》：逝去了的都已逝去

新鮮熱辣嘅金像獎最佳電影，好在魔術師「寫定先」啫！

金像獎2025｜《九龍城寨之圍城》奪9獎成今屆大贏家　鄭保瑞冧莊最佳導演 有線新聞 2025年04月27日

【有線新聞】第43屆香港電影金像獎，最佳電影由《九龍城寨之圍城》奪得。

《九龍城寨之圍城》成為今屆金像獎大贏家，囊括9個獎項，導演鄭保瑞憑電影連續兩年奪得最佳導演。而最佳男主角由《爸爸》劉青雲奪得，是他四度封帝，《爸爸》改編自本港倫常慘案，在戲中飾演他兒子的蘇文濤就奪得最佳新演員。而《破．地獄》衛詩雅首奪最佳女主角，電影亦獲得最佳編劇。導演徐克、製作人施南生就獲頒終身成就獎。

本片亦「揚威鄉下」，以「鄉下話」做旁白，與巷版預告比較，另有一番肉緊和熱血！

摩摩電影節之《金手指(The Goldfinger)》:雞棚之都佢都有份起

近日我城戲院結業潮持續（見伸延閱讀），應該關1間唔會開返16間，「罪魁禍首」之一應該係各大串流平台。就好似《九龍城寨之圍城》同埋本片咁，就喺戲院着輪落畫後數月內上架米老鼠＋（相信《破．地獄》加長版落畫後亦作如是觀），魔術師真係連買碟錢都慳返也（依家除非係經典電影、系列或要嘆影音效果的才買 Ultra Blu-ray）。

摩摩電影節之《熱辣滾燙（YOLO）》：要贏人先要贏自己

熱血勵志本來似是「鄉下仔」的專利，由《足球小將》到《星矢》甚至到《龍珠》，主角都係要排除萬難超越自己遇強愈強。難得本片去年國產電影票房是喜劇類的厲志片（可能太嚴肅路線如《Rocky》不易入口），查返有時不太準確的維基，本片都係改編自「熱血勵志老祖宗」的鄉下片《百元之戀》，傷巷人自然有藉口不賣賬：

（網上截圖）

不過，又睇返介紹，跟鄉下片「相似」的只是開頭的主角人設和背景，故事發展下去已是「順應中國國情」，跟鄉下片沒有關係了：

摩摩電影節之《孤注一擲（No More Bets）》：不要自作多情去做夢

魔術師發現眾串流平台中，米老鼠＋就多巷慘片，新舊都有；但 Netflix 就多國產呆產電影電視劇（當然以劇集來講，泡菜劇在兩平台上都係主導）。Netflix 最近就上咗《熱辣滾燙（YOLO）》同埋《孤注一擲（No More Bets）》。今次就先寫《孤》片，《熱》片遲啲再寫：

摩摩電影節之《周處除三害(The Pig, The Snake and The Pigeon)》：人無一物以報天

徇摩摩意見，本來唔諗住寫嘅本片，都「係咁易」寫吓，又睇吓網上妄想的捕風捉影/故弄玄虛係唔係咁有寓意？點知咁啱日前又講返黃黑文青給「被時代選中的賊王」的意義，又睇吓灣灣是如何描寫「暗黑英雄」：

摩摩電影節之《贊先生與找錢華（Warriors Two）》：詠春基本教學電影

由於魔術師本月住院，唔夠時間玩截圖式影評，咁就唯有來個「無截圖影評」- 即係在 Apple TV 購買、被加密無法加密的電影，而其中更可以搵到舊到無倫的巷慘片數碼復刻版：

摩摩電影節之《毒舌大狀（A Guilty Conscience）》：池中無魚蝦為大

本片貴為「熱辣滾燙」的最佳電影，又係咪如坊間評論真係咁「扣人心弦，劇力萬鈞，十分熱血，大快人心」呢？魔術師於是買咗碟，「後睹為快」了。

摩摩電影節之《我的少女時代（Our Times）》：劉德華為本片添色彩

呢套片摩摩5年幾前在《閃光少女》中入 list，魔術師買咗 DVD 又擺咗喺倉底未睇，直到 Disney+ 上埋架，魔術師加咗「我的片單」都有一年才有決心清到貨...初頭被片名呃咗以為係囡囡向電影，原來都係「中學生應該談戀愛」的校園片，出乎意料地唔錯；而且仲有劉華飾演自己客串幾場戲，可以即時 parody 《新聞雜評（四百三十）》中摩摩的留言：

摩摩電影節之《𡃁妹仔（Lonely Fifteen）》：沒有衰十一的世界

又係80年代初的新浪潮電影，話就話係「不良少女」的寫實電影（摩摩稱之為「第一代有青片」），但故事說來卻有點為有青開脫的老調子：

摩摩電影節之《邊緣人（Man on the Brink)》：勇武鶳 DNA

早前摩摩在《癲佬正傳（The Lunatics）》中提及，在80年代的民情來說，傷民實在比現在勇武得多：

70-80’s的港人（尤其公屋居民）比現在彪悍/魯莽得多，佢地會認爲主動去趕走一個不受歡迎人物係好自然的事...推介過的「有綫執笠後版權不明三寶」之一的《邊緣人》，結尾在屋邨一幕是那個時代貼切的反映。

查實本片應該都唔算係「版權不明」，起碼魔術師買到 DVD 先。今次摩摩推介，魔術師當然會趁吓墟，睇吓當年龍獅正苦治下的公屋居民如何勇武法：

摩摩電影節之《癲佬正傳（The Lunatics）》：老豆搵仔的故事

魔術師健忘症發作，又唔記得把《癲佬正傳（The Lunatics）》加入摩摩電影節的原委。不過點都好，睇在爾冬陞的導演處女作份上（之前有寫過《旺角黑夜（One Nite in Mongkok）》、《人民英雄（People's Hero）》、《門徒（Protégé）》等）。 

（註：魔術師是經 iTunes 購買本片的觀看，電影檔案受 encryption 保護，文中內容並無劇情截圖，敬請留意。）

摩摩電影節之《消失的她（Lost in the Stars）》：充滿 bugs 的「燒腦鬥智」片

某日，客席主持摩摩私訊魔術師叫睇《消失的她》，話睇吓有無 bug 喎。見充滿黃人軟對抗的 FB 群組又係無句好說話，魔術師當然唔會錯過本片喇！

其實，魔術師唔會好似啲妄民咁，見到係蝗片就怕怕；魔術師最怕就係𠴱啲懶係高智慧犯罪的推理懸疑片，結果所謂「局中局」都係得啖笑！