1. 《露絲小姑娘》
在《新聞雜評（五百零七）》的留言中，魔術師提及過都唔知啲傷民引入大型格鬥犬做乜，係咪學似以前啲財主佬咁拖住隻惡犬出街會型啲、威武啲？呢知念頭一起，魔術師即時就想起兒時在 CCTVB 睇過的卡通卡《露絲小姑娘》。劇情已不太記得，大概係主角露絲一家從巨嬰帝國移居到袋鼠國做開荒牛（窮途末路的殖民者？），其中有個蝦蝦霸霸的財主佬就係成日牽住隻惡犬（洛威拿？沙皮狗？）欺負主角露絲與及她養的小動物。呢套卡通片係充滿童真同溫情，係幾好睇嘅，而且仲介紹咗魔術師認識了樹熊呢種咁得意的動物，以至數十年後同靚姐姐去袋鼠國旅遊都借機攬吓（樹熊）...
靚姐姐係7月壽星，舊年魔術師送個時興的 Labubu 蛋糕（見《二至N人飯局（2025年7至8月）》），令網友印象深刻，直至今時今日都伸記得（原來樂易玲都係7月壽星，舊年有人送咗紮 Labubu 花俾佢，點知俾人偷咗，真係同人唔同命矣。見伸延閱讀 ）。今年魔術師被邪惡 FB 引誘，轉為訂購咗呢隻（自稱）「限量版」、以《愛麗絲夢遊仙境》為主題的「兔仔錶」俾靚姐姐。靚姐姐鍾意兔仔，應該無買錯嘅（隻錶用的是國產機芯，貴極有限）：
|
| （圖片來源：Loresum x Crown Hour LS06 Adventures in Wonderland Limited Edition LS06-AW-YG, captured on 22 Aug 2026） |
1. 四面泰泰式火鍋（啟德店）
靚姐姐係7月壽星，魔術師當然要約靚女賀一賀佢。不過近期靚姐姐𢱑到生意，又忙又要應酬之下唯有在佢樓下簡單食個飯...同靚姐姐食飯通常都係打邊邊，幾乎是指定動作。
|
|
（圖片來源：Openrice > 餐廳 > 香港 > 九龍城 > 四面泰泰式火鍋, captured on 14 Aug 2026） |
儀式感總要有，魔術師簡簡單單訂咗個蛋糕仔，一於俾餐廳雪住佢：
話說魔術師做咗廣大妄民（或球迷）口中的冤大頭，以最貴（二千幾蚊）價錢晨咁早訂咗拜仁對維拉 A 類波飛。波就未有得睇住（8月7日晚上8點開波），但就附送今天拜仁公閞訓練（買飛的時候無講，算是「驚喜」）。魔術師大鄉里從未玩過類似的活動，於是就向公司講了半天假去啟德體育圜「探險」...不過點都好，呢個突如其來的「見面會」，唔係追開星的魔術師就無辨法去到啦（常日辦公時間，正常工資奴都要預先謂假才去到，adi 忽然公佈真係好難跟佢玩）：
|
| （圖片來源：高柏尼率拜仁球星快閃尖沙咀 紐亞笑唔停口, 東網 2026年8月6日） |
魔術師向公司請了半天假，下午來到啟德，靚姐姐搬來不久，便一盡「地主之誼」帶魔術師去主場館，連隨飲返杯嘢。本來魔術師有約靚姐姐一齊睇波，不過佢呢排搲到生意，大把嘢要跟，靚姐姐自己都話不如慳返二千幾蚊波飛錢，買其他嘢好過 - 於是魔術師今次就單刀赴會了。
香港足球盛會｜球迷難掩興奮心情 提早到場買周邊、拍卡 帶旺商戶生意料增兩成 有線新聞 2026年08月01日
【有線新聞】香港足球盛會由曼城對國際米蘭揭開序幕，不少球迷預早到場購買周邊以及與珍貴的獎盃拍照留念，商戶預計能帶旺消費，生意額有一至兩成增幅。
晚上七時半的球賽，天未黑球迷已陸續到啟德體育園，零售館內的快閃店人龍不斷。球衣、多款限定周邊都是球迷的目標。曼城亦帶來兩座最新贏得的獎盃，吸引不少球迷前來拍照留念。
蘇州球迷楊小姐：「因為我最喜歡的球員是歷高奧拉利，他在聯賽盃決賽進了兩球，覺得特別有意義，想過來和聯賽盃獎盃合照。」球迷吳先生：「待會去排隊（跟獎盃拍照），（排隊要半小時）都會排隊，因為是球迷來的，難得曼城來香港，一定要排隊合照。」廣州球迷陳小姐：「能見到球星太興奮，雨已經擋不住我的熱情。（現在也很興奮？）很興奮，昨晚興奮一整個晚上都睡不著。」
有餐廳延長營業時間，預計整日人流帶動一至兩成生意。食肆經理Alex：「今日再多些人，有英超強隊曼城，都是很受歡迎的球隊之一。另外體藝館有演唱會，兩個活動希望吸引一定人流，刺激客數和生意額。」食肆經理周先生：「散場之後應該有一些人流，都會做多一輪，都會看情況，有需要都會自行延長營業時間。」
礙於主場館不能攜帶食物，有小食店指盛事對生意幫助不大。商戶林女士：「起碼讓顧客可以買或攜帶（食物）進場，就算不是在內進食，至少不用覺得買了不用偷偷收藏，很多顧客買了都會問可否放袋內進場。」
足球盛會亦有票尾優惠，球迷憑門票可以在比賽當日和前後三日到零售館使用。
財政司副司長黃偉綸及商務及經濟發展局局長丘應樺到場觀賞賽事，商經局在社交平台發文指趁著世界盃剛結束，足球熱潮的餘溫，多個歐洲頂級球會相繼訪港作賽上演「足球盛會」，場館附近食肆及店舖非常熱鬧，盛事活動帶來人氣及財氣，有助促進地區經濟。
1. 晚上七時半的球賽，天未黑球迷已陸續到啟德體育園，零售館內的快閃店人龍不斷。球衣、多款限定周邊都是球迷的目標。曼城亦帶來兩座最新贏得的獎盃，吸引不少球迷前來拍照留念。
話說魔術師真係未試過「現場睇波」，連去快達票自助機攞票都係第一次：
|
| （網上圖片） |
拜仁對維拉，公開練習8月6日下午5點入場，6點開始；對賽就係8月7日晚上6點入場，8點開波。咁魔術師又不是追星大媽，是否要請兩個下午假去睇波？
幾個星期前茶日，放工返到屋企，入屋去到書房放低包包，順手啪着部冷氣...
唔着...
再啪...
都係唔着。
魔術師睇吓個電掣，有燈着即係有電到；再去廚房望下個電兜，無跳掣。
咁即係話，除非係個電掣壞咗，無電去到部窗口式冷氣機度；否則就係部冷氣機壞咗。
冷氣機壞都唔出奇，畢竟買咗成十幾年，又少保養打理，甚至無洗過（最多只係抹吓隔塵網嗰類表面嘢）。
一來係懶，二來係唔想執清張書枱俾啲工人在上方工作搞部冷氣機，出出入入間屋...
1. 留低的心意
網友「介紹」嘅呢個保險廣告，原來一系列分為三份，初頭以為個仔哨老（鼎爺囝囝？），老豆怕個仔無得食使走去買人壽保險，等將來去咗留返份心意俾阿仔；但跟住嘅故寧原來係兩父子都係愛在心內口難開，仲要聽阿姑媽講，買份保險送俾阿仔，守護佢一生。
1. 太二老壇子酸菜魚（啟德店）
靚姐姐上個月由九龍站豪宅搬去啟德毫宅，由大少少嘅屋搬去細啲嘅屋，住細啲但住新啲。魔術師都有去幫手嘅，於是靚姐姐就請魔術師去附近的餐廳食飯。
呢間木二好似鼎泰豐咁 show 俾客人睇廚房的備餐過程:
唔好以為門面光鮮，價錢一定貴，實際上係想像不到的親民（靚姐姐話喺呢度食，比在九龍站圓方慳返好多）：
魔術師同靚姐姐叫咗個四季豆同水煮牛肉，靚姐姐就加叫不知名特飲，魔術師就例湯加杯水算數（順便玩吓枱頭的求簽遊戲）：
埋單計數靚姐姐俾，就算有加一都係兩百幾，抵食！
首四輪宏福苑聽證會完結 居民：政府部門千瘡百孔 對黃碧嬌等人未作證感失望
2026.05.08
首四輪宏福苑大火聽證會完結，主席陸啟康透露將於 6 月中下旬重啟聆訊，以候專家報告，另需時準備第二職權範疇、即全港大維修工程是否有圍標或不當行為的資料。（見另稿）
《法庭線》訪問數名連日旁聽的居民，他們對於沒傳召大埔區議員黃碧嬌、宏業董事侯華健等人作證均感失望。其中何小姐質疑，委員會未動用特首賦予的「備用權力」傳召證人，形同「放生」；李國鴻稱聽證會解答內心七成疑問，但顯示各部門「互相交波」。
張女士則形容，聽證會如「認知行為治療」，至少知道「我死喺咩人手上」，並指起初感覺大眾不明白居民創傷，甚至被質疑管理不善，如今還居民公道，「原來我哋社會制度千瘡百孔」。
居民李國鴻：對黃碧嬌等人未作證感失望
涉事方之一的居民李國鴻認為，各部門「互相交波、射嚟射去」，並指市建局為「最大元凶」，指局方在法團、承建商簽署大維修合約後沒再跟進。他認為，聽證會解答內心七成疑問，惟「仲有啲遺憾喺度」，希望聽證會能找出真相。
李國鴻提到，大埔區議員黃碧嬌、宏業董事侯華健、鴻毅董事黃俠然、前法團主席鄧國權角色「最關鍵」，對於他們未作證感失望。他指，大維修合約一塌糊塗、「巧合明目嚟攞錢」，惟鄧沒細閱就簽署，「要對 1,984 戶嘅宏福苑街坊負責」。就主席陸啟康指「我哋係冇咩唔敢查」，李回應「佢敢查呢，就要佢哋出嚟」。
張女士：社會制度千瘡百孔
張女士表示，初期情緒較激動和憤怒，覺得整個香港不明白居民的創傷，甚至感覺被指責，「人哋覺得係咪你哋自己問題，你自己無管理自己屋苑？你嘅私人財產，你疏於管理喎？」直至聽證會展開，公眾逐漸了解真相，她不再感到委屈，「宜家還我哋一個公道，原來我哋社會制度千瘡百孔」。
她指，經歷這數輪聽證會，心情逐漸平復，認為聽證會有助解答疑問，猶如「認知行為治療」。她解釋，居民經歷大維修，當中有很多不明白的地方，最終在大火重創，而聽證會揭發不少細節和制度問題，「起碼我知道，我嗰時係點樣死，我死喺咩人手上。當然唔係一個人，係咁多個人，咁多個部門。」
張女士舉例提到，有執法人員疏於監管承建商，「我寫張紙畀你，你就 approve（批准）」；亦有人不清楚巡查地盤機制，「執法者連自己法例都唔清楚，點執法啊？好恐怖嘅一件事喎」。她期望部門盡快改革，承擔應有責任。
至於承建商角色，她認為若查明有人受賄，應承擔刑事責任。她指，除了區議員之外，承建商一方亦無人作證，「大家心中有數，佢無法無天，犯下滔天大罪，一定唔想出（作證）⋯⋯佢真係瞓得着，我真係服咗佢咁濟。」
張女士希望，專家證人能解答火勢快速蔓延的原因，更希望有關人士承擔責任，盡快被繩之於法，「我相信好多人，唔只係我哋災民，都會對依個社會有返信心。」
羅生：政府人員按本子辦事
何小姐亦指，委員會未動用特首賦予的「備用權力」，要求傳召黃碧嬌、宏業、鴻毅等，形同「放生」、令他們繼續「橫行霸道」﹐又指作證的政府部門「個個話唔理想」，認為他們不負責任、互相卸責，「呢一刻都唔會知道真相㗎，其實有真相，佢會唔會揞住我哋，亦都唔知」。
羅先生則表示，作供的政府人員按本子辦事、奉行「少做少錯」，反映公務員文化。他說，「『上有好者，下必有甚焉』，宜家頂班友（指高官）都係咁嘅態度，下面啲人點改啫？」
就部分關鍵人物未出席聽證會作供，羅先生說除非強迫他們作供，否則機會不大，「第日有咩事嘅時候，證據嚟㗎」。被問到會否感失望，他說是宏福苑居民「唔好彩」。
1. 李國鴻提到，大埔區議員黃碧嬌、宏業董事侯華健、鴻毅董事黃俠然、前法團主席鄧國權角色「最關鍵」，對於他們未作證感失望。...就主席陸啟康指「我哋係冇咩唔敢查」，李回應「佢敢查呢，就要佢哋出嚟」。...(張女士)指，除了區議員之外，承建商一方亦無人作證，「大家心中有數，佢無法無天，犯下滔天大罪...」...何小姐亦指，委員會未動用特首賦予的「備用權力」，要求傳召黃碧嬌、宏業、鴻毅等，形同「放生」、令他們繼續「橫行霸道」...
魔術師一直都唔明白，點解呢位蛇齋黨嘅區蟻員嬌姐好似咁乞人憎咁，人人（起碼出親鏡、講嘢好多時都帶有一浸黃味嘅居民）都啄住佢。如果佢真係咁乞人憎，點解以前（未完善選舉制度前）區蟻會以最接近「公民提名、一人一票」制度之下依然可以選到蛇齋黨（唯一爆冷結果就係 2019 黃人大反攻之戰）？嬌姐只係一名小小區蟻員，勢力點會大到可以叫法官出身的獨立委員會「唔敢查」？
1. 五步成梯
魔術師早就發覺書房愈來愈暗，早就料到天花粒逐盞燒掉，但由訴人懶關係，直至日前全部熄燈才捨得整。打開雜物櫃，見只有裝修時師傅們留下的A字木梯，魔術師實在唔敢用：
都係先去 PDD 買隻五步梯好似安全啲，所花不造70.7人仔：
花了數天，送貨到巷，開箱是這樣的：
打開結實穩固，爬上去扭開燈罩，見有三顆大螺絲頭（E27)燈泡，使廢事花時間等網購送貨，直接落街買了（算唔算留巷消貴？）。迅速換完燈膽，抹乾淨燈罩然後扭返埋，收返張梯完工：
問題係完事後，舊燈膽有專用回收箱；但張A字木梯呢？拎去屋苑樓下裝修廢物處理？如果係垃圾徵費時代，係咪貼張 label 就可以掉去垃圾站？
話說魔術師在《港燦理財（十九）之北上消費有退稅》北上買眼鏡框再「享有」退稅之後，接續而來的就是搵日再次北上去羅湖口岸呢間網上/AI都有介紹的眼鏡店配鏡片：
搭電梯上去，同𨋢仲有對廢老夫婦、仲有金毛載住大耳仔耳機有青乙名，唔知算唔算係「唔記得自己是黃人」的一類人了。
上到去閒逛，因為是假日關係，都有唔少客人在試框配鏡。魔術師遊了一陣，見除了有非常廉宜的不知名眼鏡框（應該係套餐價專用），行入啲仲有「國際品牌區」，但當然就無魔術師戴開的卡地亞同 Lindberg 咁「國際」。睇咗一陣鏡框，跟住就去留意鏡片，見到枱頭竟然有本《聖經》...一神教典竟然在眼鏡店出現，實在不明所以。
說時遲 那時快，這時就有一名能操流利我城方言的中女服務員來招呼魔術師。
話說魔術師成日都睇唔順班「兩蚊人」好似放監咁成日走出街走周圍 wet，搞搞震無幫襯，生霸死霸公共或私人空間，但魔術師自己可能都臨近廢老年紀，數月前放工時在巴士上除下眼鏡打瞌睡，臨到站時才驚醒，趕住落車卻不慎把眼鏡遺漏在巴士上，搞到呢幾個月（包括同靚姐姐去旅行的日子）都要靠副後備眼鏡為生（明顯度數唔太準，欠缺散光同老花，睇唔清之下就連本 blog 的錯別宇都多咗）。捱吓捱吓嚟到三月中，又接近魔術師做年結的日子，便順便北上深圳打吓薄更新吓老父留下來間屋收了幾多租，兼撳些人仔出來螞蟻搬家拎返我城：
搞完一輪銀行嘢，諗起我城廢老喜歡北上消費，除了吃喝玩樂之外，就係睇牙同「配眼鏡」！於是魔術師便做了一陣 research，再信步去萬象城行一轉，順手買返副 Lindberg。呢啲名牌嘢，公價照計同傷巷無乜分別，但就諗住睇吓羅湖附近配鏡片係咪真係又平又爽：
年近歲晚，總係開始有啲電器會壞。早前書房就燒咗滲燈光管（魔術師當年裝修仲未有燈帶），屋企有壞咗嘅嘢（唔係壞咗嘅人）唔修理帶過年屬不吉，所以就拿拿臨走去燈飾鋪補貨，離乜譜牌 T5 兩呎光管 50 蚊兩枝 ，諗諗吓 check 吓拼多多同京東，佛山照明竟然都要廿幾人仔一枝。我城地鋪竟然平過內地網購，實屬罕見。
一不離二，魔術師用咗超過十幾年、都幾殘舊吓的 Panasonic 電熱水壺終於壞咗，又係時候換返啲新「廚房玩具」：
魔術師平時行吓電器鋪、百貨公司都見到依家時興「飲水機」，提供過濾和即熱功能，目測又係離乜譜牌佔最大市場份額。走去友和網店睇吓，果然都係離乜譜天下（點解嘅？點解會咁嘅？）：
|
| （圖片來源：友和 > 廚房電器 > 食水處理 > 飲水機, captured on 6 Feb 2026) |
雖然魔術師都離乜譜的印象一向不太好（跟泡菜國牌子例如三叔、傻笑差唔多），但似乎都走唔甩要幫襯之。在決定購買前，就去官網睇吓各型號有乜分別：
|
| （圖片來源：Philips > 飲用水解決方案 > 濾水器, captured on 6 Feb 2026) |
見只有呢個 ADD6920 提供「便攜式電熱水煲」功能，同其他只係話提供「滾燙」字眼唔同，咁就一於呢部啦！
落單呢日友和做緊特價，呢部飲水機有 65 折，只限 10 部，仲有 4 部剩。
|
| （圖片來源：友和 > 廚房電器 > 食水處理 > 飲水機 > Philips 飛利浦 > Philips 飛利浦 飲水機, captured on 6 Feb 2026) |
魔術師買多一枝濾芯，落完單仲送多個電子燉盅：
安全帶｜新例實施首日 巴士乘客呻孭背囊難扣帶 七旬婦：罰款我冇錢 有線新聞 2026年01月25日
【有線新聞】強制佩戴安全帶新法例即日起生效，巴士和商用車等座位如有安全帶，乘客必須佩戴，否則可被罰款或監禁，有人依然沒有戴。
強制佩戴安全帶規定實施首日，本台記者登上巴士觀察，下層近十名乘客只得一兩個人有戴上安全帶，其餘都沒有戴。另一輛車，攝影機拍攝之下就幾乎每人都有戴。新法例下，巴士等公共交通工具及商用車座位如果有安全帶就要佩戴，違者最高可被罰款5,000元及監禁3個月，企位不受規限。車上不時有廣播提醒新要求，如座位已設有安全帶，乘客必須佩戴。
攜帶行李的就顯得較狼狽。乘客何女士：「安全帶要拉出來不太順利，要拉數次，我已經試過數天，要拉很長才可以。因為有個背囊一坐下便要扣安全帶，忘記這樣，又要放下這樣。」
乘客梁女士：「（你沒有扣上手。）不是的，我只是伸了手出來，這樣才是合格，但我不理會了，要這樣，我又要顧及這個袋。要罰款的500元還是5,000元？婆婆我沒有錢，我70多歲。」
乘客如發現座位安全帶故障應該改坐另一座位，並通知車長，亦不能與其他人共用一條安全帶。巴士公司加強宣傳，城巴在車頭擋風玻璃及前門旁邊張貼告示，又安排職員在站頭舉牌提醒乘客佩戴安全帶，車上廣播系統亦已更新。城巴車長陳先生：「都是勸喻，要顧及開車。（開車前會否檢查安全帶？）開車前會檢查一次，中途壞便沒有辦法。開車前總站上客，通知要戴好安全帶，我這個座位沒有安全帶，不緊要，最緊要坐好、捉緊扶手。」
九巴亦安排人手上車宣傳，呼籲乘客遵守法例。
1. 乘客如發現座位安全帶故障應該改坐另一座位，並通知車長，亦不能與其他人共用一條安全帶。
坊間妄民講到有啲似當年 777 禁午市堂食，搞到班基層踎街食飯盒咁（蟻員們唔係有司機就係自己揸車，見伸延閱讀）。魔術師今日返工放工都搭巴士實測咗佩戴安全帶。其實同的士一樣，條安全帶都係「好多人用過」，是否不衛生只能算是無法避免的風險。反而在執行層面，魔術師拎住個公事包仲哥以處理到，但如果兩隻手都拎住嘢就似乎難搞啲；
二來巴士安全帶似乎較緊，真係唔容易拉出來；
三來巴士座位遠較的士、私家車窄，拉安全帶時易觸碰到其他乘客 - 好似今日坐魔術師隔離位 OL 就摸咗魔術師膊頭幾吓先拉到條安全帶...（以下純粹例子）
第四點最緊要的，就係安全帶個扣安裝在「貼牆位」，嗰啲地方最容易被無公德嘅人攝啲垃圾、紙巾等更不衛生的物事埋去，今日魔術師就再遇到了：
12月30日，原來的行程是0600起床，0700執好行李(痴線，臨尾仲要咁早！)：
前往卡蕯布蘭卡(全日車程約6小時)
午餐於中途餐廳
卡蕯布蘭卡~加利福利購物城
晚餐於Rick's Cafe
入住酒店
卡蕯布蘭卡:13-18°C
至於靚姐姐同魔術師就留在瑪拉喀什這間「四星酒店」宿一宵，靚姐姐成晚囉囉攣疑心生暗鬼，一大早就起身執行李。魔術師就慢慢來，唔使同佢急。我們落到樓下退房，叫 reception 姐姐搵 bell boy 幫手拎行李落§嚟，但 reception 姐姐竟然叫我哋自己拎，似乎呢間嘢一星都無，認真氣壞。
魔術師打開銀包，見到乾塘，便叫靚姐姐繼續跟酒店搞定行李，魔術師就行返去前一晚的精緻餐廳，裡面有找換店，兌返啲錢打的。
|
| （靚姐姐在餐廳中其中一隻戰利品。） |
當地啲路唔難搵，都係行10分鐘左右便去到，少少哋以50元帝幣兌咗 DH，順手截埋的士，靠 iPhone 翻譯叫司機大哥先去「四星酒店」接過靚姐姐和行李，再去 Grand Plaza Hotel。
2月29日，原來的行程是0700起床，0800執好行李，0830食完早餐集合時間出發，搭3.5小時車到索維拉（氣溫10-17°C ）：
- 午餐於市內
- 市內遊
- 入住 Atlas Essaouira Hotel
- 晚餐於酒店
由於唔想行來行去，同埋想再在 Radisson Blu Hotel 享受按摩，所以靚姐姐在前一晚早就 book 定下午場，這天就繼續脫隊，同魔術師一起施施然食完早餐才 check out。至於索維拉雖然以靚姐姐最喜歡的海鮮聞名，但大隊餐單普遍唔會啱靚姐姐口味，所以 miss 咗都應該無乜所謂。
總之食完早餐 hea 到 1200 check out，行李暫時寄存於洒店，然後便出去行吓高場，起碼靚姐姐在這個區域較光鮮的店舖多啲購物欲：
|
| (就算靚姐姐膽大包天，都唔敢揸返轉。) |
12月28日，今次入住的 Radisson Blu Hotel 是行程中唯一可以住兩晚的，第二朝唔使匆匆忙忙執行李。不過由於前一日魔術師同靚姐姐都各自有不愉快「體驗」（見《爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔》），又見領隊前一晚預告今日行程，又係 0700 起床、0830 出發、只係「每次」搭二、三十分鐘車：
市區觀光遊
午餐於市內
乘馬車
下午茶
晚餐於酒店
唔使講即係鳩嗚日。靚姐姐馬上向魔術師提出不如脫隊，魔術師可以訓晏啲，當然贊成，於是前一晚一面後悔無買水晶（見《爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔》），一面已告知領隊魔術師和靚姐姐會在瑪拉喀什「自由行」。
由於唔使趕頭趕命食早餐，自有時間自行調較返杯無酒精 Bloody Mary：
12月26日，晨咁早起身去帳蓬酒店門外集合，騎駱駝看日出。靚姐姐仲好貼心咁從 PDD 買入兩人份的防沙鞋套（見下圖）同埋由頭包到腳蒙住面防沙（唔使學19才子要次紙包頭，但無圖）:
|
| （網上截圖） |
去到集合地點，一眾駱駝已早早跪低「等客上馬」，又馴又乖。其實眾駱駝係一隻縛住一隻咁串連起來，由嚮導拉住，非常安全：
