瞬間睇廣告（四）

話咁快是日（２０２１年７月２２日）已經是大暑，農曆六月十三，離中秋兩個月竟然已經有月餅開賣了！美心月餅繼續搵歸隱多時的陳慧琳賣廣告，但就唔知點解要在中國節日唱英文廣告歌...雖然所有年紀層由巷孩到學生到有青到有中到廢老都有出現在個廣告裡面，不過中剷黃人點都只會說「美心，不了」，考慮到呢一點早啲開賣怕濟銷都係人之常情。點都好喇，個廣告最後得啲巷孩被Kelly「從娃娃抓起」（首歌都唔知唱俾邊個聽），正合美心老太婆「放棄一袋年青人」的心意。

今年魔術師買唔買美心月餅好呢？

＊＊＊

老老實實，魔術師真係不知男女主角是誰！睇最後個 shot 仲要好似人人都應該知道女主係邊個咁。魔術師連忙上 youtube看 tag，這才知道男主是 Mirror 仔（唔識佢地唔出奇）；而廣告主有賣馬拉回教產品，唔知係有意定無意就搵馬拉妹 Gin Lee（李幸倪）做女主。記起在巴士站見過吓 Gin Lee 啲ＣＤ廣告，唔怪得有啲眼熟，但無乜留意佢啲歌所以唔認得！真係唔話同時代脫節都唔得！

＊＊＊

魔術師一向對奶粉廣告無乜好感，總係覺得只有怪獸嘉獎才會 buy 那些由 ABCD、WXYZ 幾個英文字母合成的「配方」。但以呢個奶粉廣告就完全唔同，片中媽咪不停地叫「污糟、污糟、污糟呀」（要阿囝唔好碌地）、「冷親、冷親、冷親呀」（要阿囝多穿衣），然覺才 sell 呢個品牌賣點「一次成粉入罐，拒絕高溫重複處理」，對應返「重要嘅嘢要重複三次」（「污糟」、「冷親」的對白）。將「妄語（妄民語言）」放入 sell 俾怪獸嘉獎，十分之有創意同埋大膽，寫呢份稿的廣告公司真係好值得欣賞！

＊＊＊

伸延閱讀：