睇咗

1. Netflix：《怪奇物語（Stranger Things）》第三季

本來怪獸換另一個方式侵襲小鎖呢條橋係好嘅（有少少《小丑回魂（IT）》的味道），但講到蘇聯想打破異世界之牆失敗，轉移來尾帝小鎖買地另建基地未免太誇張。班細路太多廢話，無的放矢都唔知想點，又係有拖戲之嫌。唯一亮點竟然係 Terminator 造型的殺手，個演員安德烈·伊夫琴科（Andrey Ivchenko）竟有幾分似阿諾舒華辛力加（Arnold Schwarzenegger）年青之時！

魔術師評分：85分（第一季90分，第二季85分，100分滿分）

2. Amazon Prime：《I Know What You Did Last Summer》

也不知算不算是「經典」的斬殺電影（Slaher Film）變成八集過影集，基本套路維持數名有青在公路上墥死人卻因害怕坐牢而不報警，私下將屍體處理掉，在一年之後四散的有青再重聚，發現有殺人魔知道去年秘密，還要逐一取其性命，過程中少不了殺死不少路人甲乙丙丁。最弊就係有青男女演員唔夠靚，但就廢話一堆，描寫嘅有青人生亦相當頹廢（濫交、男男、女女、開 OnlyFans 賬戶、濫藥、做軟性毒品販子），做事不顧後果，思維前後矛盾（但竟然入到 MIT，南加大等名校），無緣無故大吵大鬧，亦搞到劇情好難跟，唔知班角色係真心定假意定係嗨咗亂9咁嚟，總之睇到尾都唔會令人擔心主角群的安危，只係希望殺人魔儘快將他們滅口大屠殺。

魔術師評分：40分（100分滿分）

3. Netflix：《紙房子：柏林（Berlin）》第二季《柏林：抱银貂的女子（Berlin and the Lady with an Ermine）》

又係《紙房子（Money Heist）》的死唔斷去衍生劇。上一季由「犯罪片」演變為精裝追女仔，但劇情尚算緊湊，有能力叫魔術師每日一集追看到尾無中途休息；但今次年輕的兩對耍花槍，老柏檔就去勾熟女（好在都算靚），柏林睇上嗰個就真係老咗啲（上一季個女主角都客串咗一陣，係靚啲後生啲嘅）。唔知柏林濫交完會唔會惹到性病呢？本劇唯一亮點就係女主角養咗隻兔仔，仲識演戲添（有個 shot 明顯係柏林故意伸隻手出嚟，俾訊號兔仔叫佢跑埋嚟）。

又，衍生劇咁拍落去，會唔會 crossover「怪獸宇宙」拍返套《東京與哥斯拉》呢？

魔術師評分：基本 70 分 + 兔仔 5分 ＝ 75 分（第一季 75 分，100分滿分）

＊＊＊

1. Apple TV+：《幸運女神（Lucky）》

有 Anya Taylor Joy，短短哋 7 集完，必睇（唔知有無第二季）。

2. Disney+：《幻視征途（Vision Quest)》

Wanda 與 Vison 的感情在《復仇者（Avengers)》系列與及《WandaVision(溫黛與幻視)》中的描寫比較細膩，但在後者劇集由 Wanda 創造出來的愛人已解體（忽然爆出來的兩兄弟，即做去到《女巫阿嘉莎（Agatha All Along）》都沒有令魔術師有情感投入（可能跟 DEI 有關））。希望復活版白幻視的故線線唔好再 DEI 或係講湊仔經，等連載完一次性睇就知分曉。

。

3. Disney+：《美國恐怖故事（American Horror Story》第十三季：13

新一季連載中，都係講返巫師故事吸引啲，最緊要係用返原有班底演員。一共13集，等出哂再一次性追看。

4. HBO Max：《紐約殺人夜（The Night Of)》

以巴人在紐約犯下謀殺案為主題的偵探劇。風評不錯。

5. HBO Max：《最後生還者（The Last of Us)》第一至二季

魔術師無打過個 game，唔知咩喇彩蛋，純粹當喪屍片睇，應該無問題掛？

6. Apple TV+：《末日地堡（Silo）》第一至三季

Apple TV 其實都有好多劇睇，本劇有 Rebecca Ferguson 助陣，共四季暫時只出了三季，唔使講入咗 list 先講。

7. Amazon Prime：《黑袍糾察隊（The Boys)》第一至二季

每季 8 集，5 季完的「反超級英雄劇」，一共40集，可以消磨幾個月了。睇完《怪奇物語（Stranger Things）》到佢。

8. Netflix：《FUBAR》第一至二季

阿諾主演嘅串流平台劇，《幼稚園特警》式的劇情竟然都可以有兩季（好在第三季被 cancel）。不過，魔術師作為阿諾影迷，睇一齣少一齣，點都會用嚟攝時間嘅。

9. Disney＋：《天龍八部》

CCTVB 搞咗兩對「中年好聲音」出嚟唱主題曲，又可以湊吓熱鬧睇吓完全無刪剪版係點嘅一回事。

其他：《黑鏡（Black Mirror）》：因單元故事，表現飄忽，魔術師暫不評分。

仲有大量動畫、舊劇、紀錄片，包括《陰屍路（The Walking Dead）》、《迷（Lost）》、《GANTZ 殺戮都市》、《二戰大事記彩色版（Greatest Events of WWII in Color）》、長篇日韓劇、哈蘭·科本（Harlan Coben）系列等...未能盡錄。

熱切期待

＊＊＊

1. Netflix：《武士生死鬥（Last Samurai Standing）》第一至二季

第一季只有六集，好快睇完就無；等到第二季就會唔記得哂啲劇情又要翻煲，不如等出哂至講。

2. Netflix：《終末的女武神（Record of Ragnarok）》第一至N季

熱血格鬥動畫，但劇情愈來愈似《足球小將》，不斷回憶不斷拖戲，究竟會唔會有大結局寶屬未知之數。

＊＊＊

無乜期待中

1. Netflix：《殭屍校園（All of Us are Dead）》第一至二季

未入坑。如果兩季完魔術師都可以有時間就睇：

＊＊＊

為免重覆，或太多片頭 load 死手機 browswer，魔術師推介請見《積壓如山煲劇單 - All time favourite》，系列自 2026年8月更新後無變化（《怪奇物語（Stranger Things）》未睇哂，暫不計分）。

＊＊＊

伸延閱讀：

積壓如山煲劇單 - All time favourite

摩摩電影節：《龍虎武師（Kung Fu Stuntmen：Never Say No)》：說好傷巷動作片故事

傷巷作為「東方荷里活」，從來不靠劇本紮實、影音特效取勝，甚至到現在，電腦特效水平都係偏低；以往支持傷巷電影業的屢創高峰的，就係一群龍虎武師（現稱「特技人」、「動作演員」）。就看看這一齣「電影」，或者應該說是紀錄片怎麼說：

跟人言報老畢抬槓 - 嘉應高昇（2nd edition）

魔術師唔睇跑馬，直到最近在電視見到呢個 AI「廣告」/「短片」，先至知道當代馬王的大名：

點解忽然會有一系列十幾集、每集一分鐘嘅 AI「廣告」/「短片」俾隻馬？原來套短片係由馬會製作（？），炒作「嘉應高昇」「代表」我城到袋鼠國出戰「珠穆朗瑪峰錦標」（諗起金輪法王） - 可惜最後只能屈居第二。

（圖片來源：香港賽馬會 >「香港有世一 嘉應高昇」, captured on 27 Oct 2026）

一至三人飯局（2026年9至10月）

1. 四季椰林海南椰子雞 (屯門市廣場2期)

早前中秋終於有機會同靚姐姐及伯母到屯門市中心呢間四季椰林海南食椰子雞煲，順使交換月餅禮物。印象中呢個位開乜死乜，租戶早已轉手多次，但這晚都算「高朋滿座」，應該可以一洗「開乜死乜」的惡名吧。

（圖片來源：Openrice > 餐廳 > 香港 > 屯門 > 四季椰林海南椰子雞 (屯門市廣場2期), captured on 25 Oct 2026）

將大小生活開支變成卡數

上文《iPhone DUO 高能智商稅》提及魔術師張大貓 EveryMile Card（截至10月份月結單）仲差 $18,610.11 才可以免年費，要在 11月之前用夠數唯有買 Apple Gift Card 解決。唔知點解邪惡 FB 好似聞到魔術師寫過乜咁，邪惡演算法就推咗小斯的「同業」里先生呢篇帖文俾魔術師：

原來用 EveryMile Card 增值 PayMe 都計消費，咁魔術師都唔使買咁多 Apple Gift Card 住

諗諗吓，信用卡（例如 EveryMile Card）可以增值 PayMe，用大貓 card 每月可增值 ＄5,000：

新聞雜評（五百一十四）

重陽｜皇崗口岸巴士站排長龍　莫女士：20分鐘一班都頗久 有線新聞 2026年10月19日

【有線新聞】重陽節長假期完結，入境處指下午至晚上皇崗口岸迎來回港高峰，處方調配人手應對，過境暢順，公共交通營辦商亦已加班疏導。

三日假期的最後一天是回港高峰，皇崗口岸迎來另一個「壓力測試」，保安局副局長卓孝業到口岸視察。入境大堂下午四時開始逐漸見到人潮，有一家大小特意提早過關。邱小姐：「打算現在應該人少些，沒有這麼多人。不是好像周日那樣，周日實在太多人了，其實很容易過關，很快。」

並非人人都順利。陳先生：「指示其實不是太清楚，我看到甚麼合作專道，甚麼特別通道，上面那些指示，我不是看得很明白。」

要使用「合作查驗」e道都要預先登記，入境處提醒合資格市民不要臨場才處理，可以節省時間，又能令人流暢通。未登記「合作查驗」要即場處理，現場只有兩個櫃位，一度出現人龍。

公共交通交匯處，巴士站擠滿旅客，大排長龍。巴士一架接一架，上落客車門同時打開上客。為應對回港人潮，運輸署已加密公共運輸服務班次，有人仍然覺得班次太疏。莫女士：「不算密，因為20分鐘一班都頗久。巴士就舒適些、闊點，又能容納到我的購物車，小巴就快的，但就很窄。」歐陽太：「巴士等候有點折磨人，因氣溫比較高，這邊的溫度比較高，所以我們猶豫要不要截的士 ，但因為第一次可能，我們還是會留下來，體驗一下由皇崗口岸到港島要多久。」

有民安隊人員在場維持秩序，市民可透過口岸通平台了解各口岸情況，再選擇合適的口岸過關。

1. 陳先生：「指示其實不是太清楚，我看到甚麼合作專道，甚麼特別通道，上面那些指示，我不是看得很明白。」要使用「合作查驗」e道都要預先登記，入境處提醒合資格市民不要臨場才處理，可以節省時間，又能令人流暢通。未登記「合作查驗」要即場處理，現場只有兩個櫃位，一度出現人龍。

阿陳先生語帶雙關，「甚麼合作專道，甚麼特別通道，上面那些指示，我不是看得很明白」的「上面那些指示」是指「樓上」呢，抑或是「內地式用語」？「合作專道」，「特別通道」又真係唔係傷民慣用話。不過「入境處提醒合資格市民不要臨場才處理」就應該無用，傷民性格都係慣咗「執生」，去到臨場先解決問題吧。

iPhone DUO 高能智商稅

話說上文《賣懶》講到魔術師「人傻兼有少少錢」，打算預訂 iPhone DUO 512GB 交「智商稅」。根據小斯，見同期用大貓 RED card 以 Apple Pay 網購碌首＄10,000 買 Gift Card 有基本 4 ％（即＄400）回贈，仲有 Apple Store 6% 回贈優惠活動，最多回 ＄350（即最盡買＄5,900）：

餘額再以 EveryMile 買 Gift Card，有 1% 回贈不特止，仲可以幫補「每年消費額」以作免年費＄2,000之用（截至2026年10月為止，魔術師張大貓 EveryMile Card 碌左 ＄61,389.89，離免年費門檻 ＄80,000 差 $18,610.11），如是者便可以慳上慳：

日行千里（2nd edition）

今年魔術師牛一碰巧是星期六，便和靚姐姐去迪迪尼行個圈兼食餐飯。邊個約邊個無所謂（所以唔會有標題黨《她約我去迪迪尼》咁肉麻），總之講開就講（話題好似係靚姐姐最鍾意睇啲童真可愛嘅電影（例如今年嘅《狸想奇兵（Hoppers)》，同魔術師最鍾意睇恐怖、驚悚片唔同），而魔術師又未去過巷版迪迪尼（男人老狗一枝公做乜會去？），於是便約去食個生日飯。

新聞雜評（五百一十三）

信報 2026年10月13日

陳帆：上司要求不合規 工程師應請辭

本港公私營工程接連發生施工及質量問題，惹社會關注。運輸及房屋局前局長、新任香港工程師學會會長陳帆表示，留意近日相關報道較多，惟香港建造水平仍屬全球頂尖、施工非常嚴謹，現階段未掌握事實全貌，不宜針對個別事件下定論或判斷，強調若有害群之馬未履行職責，學會會嚴肅跟進。他又提到，學會有五大核心價值，若工程師遇到有上司提出不合規要求，應主動請辭。

香港工程師學會昨舉行傳媒茶敍，多間傳媒關注近月爆出的工程事故，以及即將發表調查報告的大埔宏福苑大火事件。陳帆直言，作為工程專業人員，不應就不完全的理解作出批評或建議，冀先待政府調查完畢及公布實際情況後再作評論，以免出現輿論審判或對涉事者不公。

學會拒評近期施工問題

被問到政府提出要倒逼工程加快落成，加速發展，會否影響施工？陳帆回答時強調，工程師有三大底線，包括合法合規、保障公眾安全，以及確保專業守則得以堅持，「誠信係我哋（學會）五大核心價值，如果工程師違反核心價值，我哋會有行動跟進。」他強調，上述底線不可踰越，若上司提出不合規要求，應主動請辭：「對唔住啦，你應該炒咗你老細，唔好做，因為你做咗，你諗一諗大眾嘅後果係咩？如果有事故發生，你對唔對得住受影響嘅人士？」

另外，工程師學會首次制定《三年策略計劃》，分為「可持續發展」、「與時並進」及「深化互動」三大方向。陳帆解釋，學會必須有前瞻性，冀以較長期的策略規劃，推動業界專業發展，計劃首年將聚焦可持續發展。

1. （運輸及房屋局前局長、新任香港工程師學會會長陳帆）強調，若上司提出不合規要求，應主動請辭：「對唔住啦，你應該炒咗你老細，唔好做，因為你做咗，你諗一諗大眾嘅後果係咩？如果有事故發生，你對唔對得住受影響嘅人士？」

估唔到陳帆又俾黃人捉住嚟啄，仲講到「香港以前令人安心嘅地方」係「老細唔敢叫你做」（真係？），「做錯事嘅代價夠大，而舉報同執法制度又夠清楚。ICAC曾經高效，舉報資料會嚴格保密。」潛台詞即係依家 ICAC 已經被廢，執法制度唔清晰，做錯事唔做付代價，反而「靠每個打工仔自發「炒老細」去守住」「廉潔同工程安全」。

窮家有道 - 窮一生

陳帆話如果老細逼工程師踩過合法合規、公眾安全同專業操守呢三條底線，就應該「炒咗個老細」。

我其實唔覺得佢講錯。

但陳帆係咪無做官太耐，唔記得咗制度同人性嘅關係？

香港以前點解可以做到廉潔？唔係因為以前香港人受教育，道德底線高。而且做錯事嘅代價夠大，而舉報同執法制度又夠清楚。ICAC曾經高效，舉報資料會嚴格保密。

所以真正有效嘅廉潔制度，從來唔係叫每一個打工仔變烈士。

老細叫你做一件踩界嘅事，你企硬、辭職，當然好有骨氣。但現實係你有供樓、有老婆仔女、有父母要養，下個月仲要交卡數。

「炒老細」講就容易。

但如果個制度最後係要靠最底層嗰個工程師自己承擔失業風險，去維持全個行業嘅專業水平，咁其實已經代表個制度有問題。

一個健康嘅制度應該係老細唔敢叫你做，而唔係叫咗之後，希望你夠勇敢拒絕… 

香港以前令人安心嘅地方，唔係因為人人都係聖人。

係因為你知道亂嚟，好容易出事。

如果去到有一日，香港嘅廉潔同工程安全，要靠每個打工仔自發「炒老細」去守住，我只可以話：

原來制度保障退到最後，靠嘅係個人勇氣。

前途真係一片光明呀！正呀！

瞬間睇廣告 (三十二)

1. 大象銀行

齋睇個錢莊名真係好有電騙 feel，好似扮緊綽號「大笨象」嘅大貓咁，原來係以前「天星銀行」（唔係小輪）改名過來...再之前曾經改名「象象銀行」，真係講出嚟唔怕醜（「我係象象銀行的客戶經理」）：

＊＊＊