四季茗茶精選2026

今年要聽傷台，先驚覺英記一年一度八折大減價又嚟啦！優惠由即日起做到11月10日！

魔術師資產配置（2026年11月）

10月結算，跌市係其一，但更重要的是沈大師在街頭暈倒，咁就去咗，又再喻示錢財雖是心愛物，但也是身外之物，毋需搵命搏（見《龍虎武師》）。由此路進，份工都係身外物，唔使搵命搏，魔術師成日批評有青同事練精學懶，又好似太苛刻了。

本月結算股票：商品：房託：債券及現金投資比例為 32.9:5.1:23.5:38.6，要變成目標比例 33.6:5.2:22.4:38.8，即是沽房託，買股票、商品、有多現金剩就儲起佢：

• 股票方面：行禮如儀手動月供巷股高息 ETF、手動季供尾帝科技 ETF 及市值 ETF，再以 MPF 微調投資比重比例。
• 商品方面：買入尾帝實物黃金 ETF 及 虛弊 ETF。
• 房託方面：再研究返，原來係順豐計劃全面收購順豐房託（02191.HK），仲會派特息，而後者將會退市。由於 2191 變成「遲早係現金」的 account receivables，魔術師亦唔會為咗微調投資比例而在未到收購價之前沽走 2191。要調配現金都係沽其他股份吧。

（圖片來源：香港交易所 > 披露易 > 順豐房託 公告及通告 - 《收購守則》所指的受要約公司刊發的公告 / 《收購守則》所指的要約公司刊發的公告 / 私有化/撤銷或取消..., captured on 1 Nov 2026)

• 債劵及現金：本月有我城及尾帝債劵到期，資金回籠再投資。行禮如儀手動月供尾帝市政債券 ETF，另外月前有兩單巷苦債券到期贖回，都係時候加返啲「投資級別債劵」。

以每１００萬股票組合計，資金調配如下：

揮淚斬馬謖

宏福苑｜李家超：啟動部門首長責任制兩級調查　三個月內完成並提處分建議 有線新聞 2026年10月29日

【有線新聞】政府公布宏福苑大火獨立委員會報告，行政長官李家超率領官員鞠躬道歉，房屋局局長何永賢承擔政治責任，請辭並獲接納。政府將啟動部門首長責任制兩級調查，三個月內完成並提出處分建議。

李家超：「我作為行政長官、政府之首，深感難過，我代表特區政府，向災民和廣大市民表示道歉。」記者會開始前，行政長官李家超率領官員就宏福苑大火致歉。李家超說政治任命團隊會承擔政治責任，房屋局局長何永賢已經請辭。李家超：「考慮到大火發生在宏福苑，是房屋局轄下房屋署獨立審查組的負責管轄範圍，雖然火災不涉及房屋局局長個人犯錯，房屋局局長應承擔政治責任。」

李家超又宣布啟動部門首長責任制兩級調查，針對報告指出有缺失的四個部門，包括房屋局獨立審查組、屋宇署、消防處和勞工處，會調查部門及相關人員有否失職，目標三個月內完成調查，並建議如何處分。

被問到為何只有一名局長辭職，以及他是否也要問責，李家超多次重申已綜合多方面考慮。李家超：「我對火災發生帶來168人死亡，我是深感傷痛難過，在我的自我檢討的過程中，我考慮到政府需要推行大量改革，未來亦有大量工作要落實。作為政府第一責任人，其中一個最重要責任是要帶領政府直視問題、解決問題、落實未來的大量工作。」

1. 行政長官李家超率領官員鞠躬道歉，房屋局局長何永賢承擔政治責任，請辭並獲接納。

比卡超率領眾官員（不包括已不是官員的何永賢）鞠躬道歉，政府竟然肯承認過失（究竟係有官員失職的過失？定係「政治過失」？）實屬破更荒之舉。坊間、妄想平台自有 hater 妄民不服氣，話一年前要道的歉現在才做，又話何永賢唔係被炒而係請辭，可以保住份退休金云云。之但係，調查報告未出，又點能夠要求有需要道歉的官員「精準列席」呢？而且遲到好過無到，有道歉總好過死不認錯，haters 難服侍永遠都唔會滿足，政府睬佢已經好俾面；而何永賢是問責官員而不是公墓園，大火又不是在她做公墓園任內發生，要炒她而令到要收回她做公墓園時累積的退休金，完全沒有道理。

魔術師資產配置（2026年10月結）

傳統股災月，巷股下跌 1300 點收場，尾股債、黃金都全線下挫，隨了這個「逆市奇葩」（標題黨寫法）。

金價繼續下挫，比特弊亦無乜起色，商品組合本月收報 ＄269.30（我城貨幣，下同），較上月大跌6.94%，但仍能保持第一位。谷歌大神領跌，以尾股為主、巷股為輔的沉船基金亦較上月下跌 1.90％，每單位收報 ＄253.40，保持第二位。由巷尾高息股、公用股、及尾帝科技股組成的生活基金未能倖免之下，亦較上月下跌 1.02%，每單位收報 ＄247.01，保持第三位。

包含高中低回報（及風險）的債券、債劵 ETF/CEF 和現金組合的合格線組合則企穩，每單位收報＄160.79，較上月微跌 0.07%，保持第四位。

複式盈富組合本月每單位價格收報 ＄152.12，較上月下跌 4.12％，穩守第五位。第六位都係以環球債劵股及中巷貨弊基金為主，巷尾股票指數基金為輔的大雜燴強強積金組合，買賣交易用來對沖其他投資組合，本月尚可企穩，只較上月微跌 0.59％，每單位收報 ＄120.13。「逆市奇葩」是巷尾房託，竟能逆市較上月上升 3.43％，每單位收報 ＄112.44，令魔術師摸不着頭腦。

積壓如山煲劇單（2026年10月）

 睇咗

1. Netflix：《怪奇物語（Stranger Things）》第三季

本來怪獸換另一個方式侵襲小鎖呢條橋係好嘅（有少少《小丑回魂（IT）》的味道），但講到蘇聯想打破異世界之牆失敗，轉移來尾帝小鎖買地另建基地未免太誇張。班細路太多廢話，無的放矢都唔知想點，又係有拖戲之嫌。唯一亮點竟然係 Terminator 造型的殺手，個演員安德烈·伊夫琴科（Andrey Ivchenko）竟有幾分似阿諾舒華辛力加（Arnold Schwarzenegger）年青之時！

魔術師評分：85分（第一季90分，第二季85分，100分滿分）

2. Amazon Prime：《I Know What You Did Last Summer》

也不知算不算是「經典」的斬殺電影（Slaher Film）變成八集過影集，基本套路維持數名有青在公路上墥死人卻因害怕坐牢而不報警，私下將屍體處理掉，在一年之後四散的有青再重聚，發現有殺人魔知道去年秘密，還要逐一取其性命，過程中少不了殺死不少路人甲乙丙丁。最弊就係有青男女演員唔夠靚，但就廢話一堆，描寫嘅有青人生亦相當頹廢（濫交、男男、女女、開 OnlyFans 賬戶、濫藥、做軟性毒品販子），做事不顧後果，思維前後矛盾（但竟然入到 MIT，南加大等名校），無緣無故大吵大鬧，亦搞到劇情好難跟，唔知班角色係真心定假意定係嗨咗亂9咁嚟，總之睇到尾都唔會令人擔心主角群的安危，只係希望殺人魔儘快將他們滅口大屠殺。

魔術師評分：40分（100分滿分）

3. Netflix：《紙房子：柏林（Berlin）》第二季《柏林：抱银貂的女子（Berlin and the Lady with an Ermine）》

又係《紙房子（Money Heist）》的死唔斷去衍生劇。上一季由「犯罪片」演變為精裝追女仔，但劇情尚算緊湊，有能力叫魔術師每日一集追看到尾無中途休息；但今次年輕的兩對耍花槍，老柏檔就去勾熟女（好在都算靚），柏林睇上嗰個就真係老咗啲（上一季個女主角都客串咗一陣，係靚啲後生啲嘅）。唔知柏林濫交完會唔會惹到性病呢？本劇唯一亮點就係女主角養咗隻兔仔，仲識演戲添（有個 shot 明顯係柏林故意伸隻手出嚟，俾訊號兔仔叫佢跑埋嚟）。

又，衍生劇咁拍落去，會唔會 crossover「怪獸宇宙」拍返套《東京與哥斯拉》呢？

魔術師評分：基本 70 分 + 兔仔 5分 ＝ 75 分（第一季 75 分，100分滿分）

＊＊＊

 將睇未睇

1. Apple TV+：《幸運女神（Lucky）》

有 Anya Taylor Joy，短短哋 7 集完，必睇（唔知有無第二季）。

2. Disney+：《幻視征途（Vision Quest)》

Wanda 與 Vison 的感情在《復仇者（Avengers)》系列與及《WandaVision(溫黛與幻視)》中的描寫比較細膩，但在後者劇集由 Wanda 創造出來的愛人已解體（忽然爆出來的兩兄弟，即做去到《女巫阿嘉莎（Agatha All Along）》都沒有令魔術師有情感投入（可能跟 DEI 有關））。希望復活版白幻視的故線線唔好再 DEI 或係講湊仔經，等連載完一次性睇就知分曉。

。

3. Disney+：《美國恐怖故事（American Horror Story》第十三季：13

新一季連載中，都係講返巫師故事吸引啲，最緊要係用返原有班底演員。一共13集，等出哂再一次性追看。

4. HBO Max：《紐約殺人夜（The Night Of)》

以巴人在紐約犯下謀殺案為主題的偵探劇。風評不錯。

5. HBO Max：《最後生還者（The Last of Us)》第一至二季

魔術師無打過個 game，唔知咩喇彩蛋，純粹當喪屍片睇，應該無問題掛？

6. Apple TV+：《末日地堡（Silo）》第一至三季

Apple TV 其實都有好多劇睇，本劇有 Rebecca Ferguson 助陣，共四季暫時只出了三季，唔使講入咗 list 先講。

7. Amazon Prime：《黑袍糾察隊（The Boys)》第一至二季

每季 8 集，5 季完的「反超級英雄劇」，一共40集，可以消磨幾個月了。睇完《怪奇物語（Stranger Things）》到佢。

8. Netflix：《FUBAR》第一至二季

阿諾主演嘅串流平台劇，《幼稚園特警》式的劇情竟然都可以有兩季（好在第三季被 cancel）。不過，魔術師作為阿諾影迷，睇一齣少一齣，點都會用嚟攝時間嘅。

9. Disney＋：《天龍八部》

CCTVB 搞咗兩對「中年好聲音」出嚟唱主題曲，又可以湊吓熱鬧睇吓完全無刪剪版係點嘅一回事。

其他：《黑鏡（Black Mirror）》：因單元故事，表現飄忽，魔術師暫不評分。

仲有大量動畫、舊劇、紀錄片，包括《陰屍路（The Walking Dead）》、《迷（Lost）》、《GANTZ 殺戮都市》、《二戰大事記彩色版（Greatest Events of WWII in Color）》、長篇日韓劇、哈蘭·科本（Harlan Coben）系列等...未能盡錄。

＊＊＊

熱切期待

1. Netflix：《武士生死鬥（Last Samurai Standing）》第一至二季

第一季只有六集，好快睇完就無；等到第二季就會唔記得哂啲劇情又要翻煲，不如等出哂至講。

2. Netflix：《終末的女武神（Record of Ragnarok）》第一至N季

熱血格鬥動畫，但劇情愈來愈似《足球小將》，不斷回憶不斷拖戲，究竟會唔會有大結局寶屬未知之數。

＊＊＊

無乜期待中

1. Netflix：《殭屍校園（All of Us are Dead）》第一至二季

未入坑。如果兩季完魔術師都可以有時間就睇：

＊＊＊

為免重覆，或太多片頭 load 死手機 browswer，魔術師推介請見《積壓如山煲劇單 - All time favourite》，系列自 2026年8月更新後無變化（《怪奇物語（Stranger Things）》未睇哂，暫不計分）。

＊＊＊

伸延閱讀：

積壓如山煲劇單 - All time favourite

摩摩電影節：《龍虎武師（Kung Fu Stuntmen：Never Say No)》：說好傷巷動作片故事

傷巷作為「東方荷里活」，從來不靠劇本紮實、影音特效取勝，甚至到現在，電腦特效水平都係偏低；以往支持傷巷電影業的屢創高峰的，就係一群龍虎武師（現稱「特技人」、「動作演員」）。就看看這一齣「電影」，或者應該說是紀錄片怎麼說：

跟人言報老畢抬槓 - 嘉應高昇（2nd edition）

魔術師唔睇跑馬，直到最近在電視見到呢個 AI「廣告」/「短片」，先至知道當代馬王的大名：

點解忽然會有一系列十幾集、每集一分鐘嘅 AI「廣告」/「短片」俾隻馬？原來套短片係由馬會製作（？），炒作「嘉應高昇」「代表」我城到袋鼠國出戰「珠穆朗瑪峰錦標」（諗起金輪法王） - 可惜最後只能屈居第二。

（圖片來源：香港賽馬會 >「香港有世一 嘉應高昇」, captured on 27 Oct 2026）

一至三人飯局（2026年9至10月）

1. 四季椰林海南椰子雞 (屯門市廣場2期)

早前中秋終於有機會同靚姐姐及伯母到屯門市中心呢間四季椰林海南食椰子雞煲，順使交換月餅禮物。印象中呢個位開乜死乜，租戶早已轉手多次，但這晚都算「高朋滿座」，應該可以一洗「開乜死乜」的惡名吧。

（圖片來源：Openrice > 餐廳 > 香港 > 屯門 > 四季椰林海南椰子雞 (屯門市廣場2期), captured on 25 Oct 2026）

將大小生活開支變成卡數

上文《iPhone DUO 高能智商稅》提及魔術師張大貓 EveryMile Card（截至10月份月結單）仲差 $18,610.11 才可以免年費，要在 11月之前用夠數唯有買 Apple Gift Card 解決。唔知點解邪惡 FB 好似聞到魔術師寫過乜咁，邪惡演算法就推咗小斯的「同業」里先生呢篇帖文俾魔術師：

原來用 EveryMile Card 增值 PayMe 都計消費，咁魔術師都唔使買咁多 Apple Gift Card 住

諗諗吓，信用卡（例如 EveryMile Card）可以增值 PayMe，用大貓 card 每月可增值 ＄5,000：

新聞雜評（五百一十四）

重陽｜皇崗口岸巴士站排長龍　莫女士：20分鐘一班都頗久 有線新聞 2026年10月19日

【有線新聞】重陽節長假期完結，入境處指下午至晚上皇崗口岸迎來回港高峰，處方調配人手應對，過境暢順，公共交通營辦商亦已加班疏導。

三日假期的最後一天是回港高峰，皇崗口岸迎來另一個「壓力測試」，保安局副局長卓孝業到口岸視察。入境大堂下午四時開始逐漸見到人潮，有一家大小特意提早過關。邱小姐：「打算現在應該人少些，沒有這麼多人。不是好像周日那樣，周日實在太多人了，其實很容易過關，很快。」

並非人人都順利。陳先生：「指示其實不是太清楚，我看到甚麼合作專道，甚麼特別通道，上面那些指示，我不是看得很明白。」

要使用「合作查驗」e道都要預先登記，入境處提醒合資格市民不要臨場才處理，可以節省時間，又能令人流暢通。未登記「合作查驗」要即場處理，現場只有兩個櫃位，一度出現人龍。

公共交通交匯處，巴士站擠滿旅客，大排長龍。巴士一架接一架，上落客車門同時打開上客。為應對回港人潮，運輸署已加密公共運輸服務班次，有人仍然覺得班次太疏。莫女士：「不算密，因為20分鐘一班都頗久。巴士就舒適些、闊點，又能容納到我的購物車，小巴就快的，但就很窄。」歐陽太：「巴士等候有點折磨人，因氣溫比較高，這邊的溫度比較高，所以我們猶豫要不要截的士 ，但因為第一次可能，我們還是會留下來，體驗一下由皇崗口岸到港島要多久。」

有民安隊人員在場維持秩序，市民可透過口岸通平台了解各口岸情況，再選擇合適的口岸過關。

1. 陳先生：「指示其實不是太清楚，我看到甚麼合作專道，甚麼特別通道，上面那些指示，我不是看得很明白。」要使用「合作查驗」e道都要預先登記，入境處提醒合資格市民不要臨場才處理，可以節省時間，又能令人流暢通。未登記「合作查驗」要即場處理，現場只有兩個櫃位，一度出現人龍。

阿陳先生語帶雙關，「甚麼合作專道，甚麼特別通道，上面那些指示，我不是看得很明白」的「上面那些指示」是指「樓上」呢，抑或是「內地式用語」？「合作專道」，「特別通道」又真係唔係傷民慣用話。不過「入境處提醒合資格市民不要臨場才處理」就應該無用，傷民性格都係慣咗「執生」，去到臨場先解決問題吧。