1. 四面泰泰式火鍋（啟德店）
靚姐姐係7月壽星，魔術師當然要約靚女賀一賀佢。不過近期靚姐姐𢱑到生意，又忙又要應酬之下唯有在佢樓下簡單食個飯...同靚姐姐食飯通常都係打邊邊，幾乎是指定動作。
|
|
（圖片來源：Openrice > 餐廳 > 香港 > 九龍城 > 四面泰泰式火鍋, captured on 14 Aug 2026） |
儀式感總要有，魔術師簡簡單單訂咗個蛋糕仔，一於俾餐廳雪住佢：
2026年8月15日 星期六
2026年6月19日 星期五
二至N人飯局（2026年5月至6月）
1. 太二老壇子酸菜魚（啟德店）
靚姐姐上個月由九龍站豪宅搬去啟德毫宅，由大少少嘅屋搬去細啲嘅屋，住細啲但住新啲。魔術師都有去幫手嘅，於是靚姐姐就請魔術師去附近的餐廳食飯。
呢間木二好似鼎泰豐咁 show 俾客人睇廚房的備餐過程:
唔好以為門面光鮮，價錢一定貴，實際上係想像不到的親民（靚姐姐話喺呢度食，比在九龍站圓方慳返好多）：
魔術師同靚姐姐叫咗個四季豆同水煮牛肉，靚姐姐就加叫不知名特飲，魔術師就例湯加杯水算數（順便玩吓枱頭的求簽遊戲）：
埋單計數靚姐姐俾，就算有加一都係兩百幾，抵食！
2026年6月11日 星期四
一人飯局（2026年5至6月）
1. 砂鍋皇
 |
| （圖片來源：Openrice > 餐廳 > 香港 > 屯門 > 砂鍋皇, captured on 10 Jun 2026) |
上文《貓店長（十五）》捉過在呢間食店見到隻貓，於是便入去幫襯：
2026年5月17日 星期日
一人飯局（2026年5月）
魔術師最近工作比較忙，好難先約到靚姐姐撐枱腳，夜收工的話多數逼住都係要一人食完趕返屋企，活像是個工資奴。
1. 元気寿司 (屯門時代廣場北翼)
屯門時代廣場地下呢間元氣壽司係魔術師食堂之一，貪佢今時今日截單的時間可以去到晚上十時。疫情令我城無哂夜市，正苦搞極夜繽紛都搞唔起，在非旺區有食肆咁夜先截單，一定要捧場啦！
|
| （圖片來源：Openrice > 餐廳 > 香港 > 屯門 > 元気寿司 (屯門時代廣場), captured on 23 Nov 2025) |
記得曾經有網友留言讚話元氣不時有新菜單，魔術師都認同，元氣在更新菜單呢方面算做得幾好。好似去年開始就有軟雪糕做甜品，最近仲有粟米濃湯味，聽落去已很正：
辛苦工作一天，魔術師有時都會先返屯門食飯再返屋企，咁去屯市簡單食個壽司餐都好容易。食咁乜唔重要，學 DSE 題目話齋，「眼前的甜點令這頓飯別具意義」，算係一天完結的獎勵：
2026年2月15日 星期日
一、三、 N 人飯局（2025年12月至2026年2月）
1. 瓏門住家飯
是日靚姐姐伯母搞團年飯，叫埋魔術師去，席間估唔到靚姐姐大哥大嫂亦在座。好在早前魔術師幫靚姐姐同伯母買賀年榚點（每人各兩底）時，美心（唔係美誠）要買夠5張榚點劵才會送貨，所以魔術師便搭單買多一份四喜臨門年糕，刪好這天團年飯時用來送給靚姐姐大哥大嫂做禮，「禮多人不怪」呢句話真係無講錯。
餐飯都係行禮如儀，一樣咁好餸，有花膠湯，白灼蝦、蜆、髮菜蠔豉等。
2026年1月19日 星期一
爽歪歪摩洛哥（九）之 Day 8 唔去索維拉（Essaouira），留在瑪拉喀什（Marrakech）：無心睡眠腦交戰
2月29日，原來的行程是0700起床，0800執好行李，0830食完早餐集合時間出發，搭3.5小時車到索維拉（氣溫10-17°C ）：
- 午餐於市內
- 市內遊
- 入住 Atlas Essaouira Hotel
- 晚餐於酒店
由於唔想行來行去，同埋想再在 Radisson Blu Hotel 享受按摩，所以靚姐姐在前一晚早就 book 定下午場，這天就繼續脫隊，同魔術師一起施施然食完早餐才 check out。至於索維拉雖然以靚姐姐最喜歡的海鮮聞名，但大隊餐單普遍唔會啱靚姐姐口味，所以 miss 咗都應該無乜所謂。
總之食完早餐 hea 到 1200 check out，行李暫時寄存於洒店，然後便出去行吓高場，起碼靚姐姐在這個區域較光鮮的店舖多啲購物欲：
|
| (就算靚姐姐膽大包天，都唔敢揸返轉。) |
2025年12月13日 星期六
一人飯局(2025年12月）
1. 龍門居冰室
在上一次《一人飯局（2025年11月）》遇上電子落錯單事件之後，魔術師也就留意吓周圍在用電子落單的鋪頭，而呢間在龍門居新開張的鋪頭的電子落單就相當「跟得上潮流」，在枱面貼 code 不在講，線上線下俾錢都得，個餐牌仲幾 fancy 添
茶餐廳味道和賣相算係咁，食落去正常，好過大XX，唯一唔好嘅就係堂食都用上紙版即棄餐具：
魔術師餐單：全日餐（五香肉丁出前一丁，麻油另上），油醬方包，煙肉荷包蛋，熱咖啡 ＝＄50
2025年11月23日 星期日
一人飯局（2025年11月）
1. Le Cafe（屯門）
魔術師這天來到黃金海岸，想吃個下午茶，但見無乜選擇，便選了這間有個法國名的巷式茶餐廳：
|
| （圖片來源：Openrice > 餐廳 > 香港 > 屯門 > Le Cafe, capture on 23 Nov 2025) |
女侍應遞咗張 QR code 點餐紙過嚟，魔術師便點了個炸雞髀薯條下午茶餐準備放縱一下。點知過咗一陣，只聽到個女侍應哇哇叫，然後拎張單埋嚟，話魔術師點解一個人點咁多嘢食，佢已經叫廚房唔好煮...
魔術師即時第一個回應就係：「我淨係點咗最後面嗰個餐，係你個 system 落錯單。」
女侍應兀自不服氣：「呢張單係你落嘅。呢個 QR code 得你有。」
魔術師最憎就係俾人屈：「我得一個人，點有可能叫咁多嘢？你咁講法即係叫我以後唔好嚟。」
擾攘了一陣，女侍應雖然無再大大聲，但仲堅持個 QR code 得魔術師有，張單係魔術師點嘅。
魔術師就不斷重申只無點咗雞髀餐。
魔術師睇咗一陣張單，見啲食物跟餐飲都係特別點過，有熱有凍，仲有魔術師絕對唔會食的吉列魚柳同埋散叫凍檸茶，一定唔係魔術師按錯。
會唔會係女侍應 reuse 之前俾過另一枱客的 QR code，而前一枱客點了菜但無落過單就走咗？
睇嚟以後遇着 QR code 點單，要 screen capture 點咗乜。
諗得幾諗，個餐已來到。
快手食完，埋單走人，餐廳亦唔敢收魔術師200幾蚊，但即使只係 $61，食到一肚氣絕對唔值，相都唔想影。
2025年11月3日 星期一
四季茗茶精選（2025）
英記（08241.HK）一年一度的週年大減價又在10月尾開始，魔術師自然行禮如儀一次性掃返一年之內要補充的貨：
由於尾帝錢莊網購信用卡逢星期四落單有95折、而 Grandpa 錢莊網購卡就幾時落單都有5%回贈（不過回贈有上限），啲貨有得網購就自然幫襯維基 TV Mall，買夠$400（買茶葉好難唔夠）仲有得送埋貨添！
2025年10月27日 星期一
二人飯局（2025年8月至10月）
1. 半島酒店大堂茶座
靚姐姐今個月一早就 book 咗魔術師去食生日飯，問到魔術師鍾意食乜，又真係無乜 idea（其實魔術師食開飯都係簡單為主，唔夠靚姐姐咁多窿路）；於是靚姐姐便一口價話去半島食個生日餐，夠有儀式感咁話：
|
| （圖片來源：Openrice > 餐廳 > 香港 > 尖沙咀 > 半島酒店大堂茶座, captured on 20 Jun 2024) |
生日飯有生日餐牌，不過「燭光」昏暗，要睇清楚都有難度，完全唔記得「相機先食」，只係記得同靚姐一人一份麵包、餐湯、主食、甜品、茶啡、加生日餅樣樣有齊：
是日靚姐姐請客，餐單免問。
2025年10月7日 星期二
2至N人飯局（2025年8月至10月）
1. 住家飯
是日中秋。靚姐姐媽咪做節叫埋魔術師去食飯，有鮑魚、有魚蝦蟹、有帶子、仲有花膠靚湯添！
（工人姐姐的手藝真係好得。）
食完飯落到樓下，竟然見唔到月亮，美中不足。
2025年8月21日 星期四
二至N人飯局（2025年7至8月）
1. 泰金鍋
話說日前靚姐姐牛一，便跟（靚姐姐的）朋友們一起去食返餐，識飲識食嘅靚姐姐就揀咗位於海之戀商場嘅呢間泰式火鍋放題：
|
| （圖片來源：Openrice > 餐廳 > 香港 > 荃灣 > 泰金鍋, captured on 20 Aug 2025） |
唔好以為豬牛雞肉、菜、肉丸、配料、飲品都係如同一眾火鍋放題，呢間嘢最有特色的就係有游水生蝦可以任撈，用來打邊邊認真美味（好味到唔記得影相）。食完仲有雪榚做甜品：
2025年8月5日 星期二
一人飯局（2025年4月 - 6月）
好耐無寫過一人飯局。唔好以為魔術師晚晚同靚姐姐撐枱腳，其實食自已飯的時候始終較多；係唔知點解覺得值得寫嘅一人餐好似愈來愈少咁。
1. 美心MX (中華總商會大廈)
呢間美心快餐（好在唔係「美誠快餐」）位於樓上，樓下係烘焙餅店。位於中環核心位置，租金唔平，食物質素竟然有返咁上下，好過其他區份的美心MX：
|
| （圖片來源：Openrice > 餐廳 > 香港 > 中環 > 美心MX, captured on 4 Aug 2025） |
2025年6月19日 星期四
二至N人飯局（2025年5月至6月）
1. 九龍站豪宅會所
父親節靚姐姐叫埋魔術師一齊去食飯。魔術師於是剪好頭髮才出發，去到見到世伯伯母（仲有工人姐姐）一早就到。原來伯母一早就在屯門新墟買咗海鮮來貨加工，有蝦有蟹有蜆有帶子：
2025年6月3日 星期二
二人飯局（2025年4至5月）
1. 福來居(牛記)海鮮飯店
這天靚姐姐難得去旺角睇寵物街，便約魔術師收工到太子鋸扒。點知阿靚女無記性，搵嚟搵去到搵唔返個架埗，又驚9點前啲食店已開始關門（KLM，做乜連MK都變成咁？），於是便一反懶 decent 的口味，跳入呢間地痞檔食小炒：
|
| （圖片來源：Openrice > 餐廳 > 香港 > 太子 > 福來居(牛記)海鮮飯店, captured on 28 May 2025） |
一入到去老闆娘招呼殷勤，安排魔術師二人到較安靜的座位，馬上遞上茶水洗碗筷（巷人的怪習慣），又奉水例湯。魔術師當然識做，自動清洗，盛上湯水，唔使靚姐姐落手落腳：
2025年5月11日 星期日
X檔案（八）
1. 黃 V 婆仔數
話說魔術師已訂下本月影評題目，問題就在於套戲是來自魔術師的實體碟 Blu-ray 碟，而魔術師舜開的 Mac 機又出名唔識自帶支援插放 Blu-ray 功能，搞到魔術師即使有俾 Mac 用的外置 Blu-ray 光碟機，依然需要網購讀取藍光電影的軟件（又要外加幾十蚊帝幣），才可以順利在電腦二刷「心儀」電影再 cap 圖:
|
| （圖片來源： Tripad Blu-ray Player for Mac 官方網頁，captured on 10 May 2025） |
2025年5月3日 星期六
逆工管思維（二十九）之跟古天樂抬槓
這天靚姐姐 call 晚飯，魔術師放工後做到中環會合。靚姐姐話食完之後要返公司繼續工作，於是便帶魔術師去食碗快麵，話「都幾好食」。靚姐姐識飲識食魔術師一向唔懷疑，樂得由佢話事來個二人麵局：
|
| （圖片來源：Openrice > 餐廳 > 香港 > 中環 > 九頭鳥米線, captured on 2 May 2025） |
去到小店，其時已是約 8:20pm。一入門口，店家個阿姐甲就已經表示話 8:45pm 關門。
靚姐姐：「得得得，好快食完。」
於是魔術師便和靚姐姐極速點了菜，店家也極速上了菜。
2025年4月19日 星期六
一至二人飯局（2025年4月）
1. Oliver's Super Sandwiches(屯門市廣場1期)
魔術師有時放咗工會去中環，如果「足夠早」（7:50pm 前）又無約靚姐姐的話，都會搭邨巴返屯門食晚飯。最逝就發現咗新「飯堂」Super Sandwiches：
|
| （圖片來源：Openricke > 餐廳 > 香港 > 屯門 > Oliver's Super Sandwiches (屯門市廣場1期), captured on 18 Apr 2025） |
事關呢間嘢雖然開業多年，但個套餐都唔係太啱食；不過最近就發現咗個黑松露忌廉磨菇意粉套餐幾啱胃口。魔術師就鍾意餐湯雜菜湯加黑胡椒粉、意粉加幾滴辣椒仔加味：
魔術師餐單：黑松露忌廉磨菇意粉套餐（＄66）＋雜菜湯（＄9）＝＄75 - ＄5（一次性 Oliver's Sandwiches App 迎新優惠）＝＄70
2025年3月23日 星期日
一至二人飯局（2025年2月-3月）
1. 圓鐵板燒
大角咀做得魔術師一人飯局的飯堂之一，又點少得 food court 呢？唔想食頹飯，都有啲精緻啲嘅選擇：
|
| （圖片來源：Openrice > 香港 > 大角咀 > 圓鐵板燒, captured on 22 Mar 2025） |
呢間鐵板嚟論，豬牛雞魚魔術師唯獨喜歡食羊，尤其是個黑椒汁就相當惹味，加埋個蒜香扇貝，真係無得頂：
魔術師餐單：塔香羊肉配黑椒汁＋小食（扇貝）＋飲品（Coke Zero）套餐 $138＋加一小費＝$151.80
2025年2月21日 星期五
一人飯局（2025年2月）
1. 天天素食
其實呢個唔算係「飯局」，主要係因為魔術師有時唔想喺屋企食早餐（都係多士奶茶），便會搭巴士出荃灣，食個腸粉早餐再返工：
|
| （圖片來源：Openrice > 餐廳 > 香港 > 荃灣 > 天天素食, captured on 20 Feb 2025） |
想不到的是呢間素食店的腸粉相當滑口，個箱又夠熱，加甜醬、花生醬、豉油（多）、芝麻（勁多），（着住 Zegna 西裝）企喺度食埋佢，夠哂滋味一樂也。
|
| （魔術師就企呢塊廣告板前面食個腸粉餐，順便認識到 Error。） |
魔術師餐單：腸粉四條（醬汁任加）$14
訂閱：
文章 (Atom)