話說水電貓年事已高（都有十到尾差唔多二十歲了，等於人類90歲了），隨時撒手塵寰；有時夜晚去龍門居買嘢食，見到有啲執紙皮的廢老在水電鋪前放滿紙皮箱，又怕水電貓跳了進去就此被賣豬仔...總之每次唔見佢一排都魔術師都非常擔心；今次就更加唔使講，幾個月前水電鋪已經連「鎮店之寳」的招紙都摵咗，平時水電貓夜間出入的洞口亦用雜物封住：
雖然早前有網友話貓貓仍在，但魔術師寳在信唔過呢班街坊（見伸延閱讀），而魔術師亦都唔會去問老闆水電貓的下落，廢事聽到壞消息傷心也。在此再回顧一下老朋友的英姿：
2022年8月31日 星期三
2022年8月29日 星期一
《犯罪現場（A Witness out of the Blue）》：姓古這個人的噚日戰記
《明日戰記（Warriors of Future）》掀起洗版潮，被黃人視為傷民必撐之作（見伸延閱讀）。今時今日「姓古這個男人」（見《瞬間睇廣告（八）》）大受追捧，魔術師便趁機清一清網友提供供的片單，睇吓「姓古這個男人」拍過幾多（都唔算爛的）片（究竟係邊位網友推介，因乜事推介魔術師已經唔記得咗）：
2022年8月27日 星期六
嚴選影音組合（十二）之 Playstation 5 加價前炒價入手
記得有讀者話睇魔術師買嘢（兼有時做吓 research 研究）好開心好有樂趣，魔術師都係咁話。自從 upgrade 咗部電腦之後（見《Mac 機去同質化２０２２（果機開新篇）》、《Mac 機去同質化２０２２（果芒開新篇）》）之後，變咗買放有條癮；加上最近收到退稅 - 因為2021年跟包青天上司完約之後有繼個月空窗期才找到新工作，所以2020-21年時預繳稅比實際上多，交多了的稅在今年2022年退回，魔術師使錢當然疏爽好多。條餘下的目標就是 PS5，畢竟雖然魔術師不常打機，但有部機「睇吓門口」都好，可惜要正價入貨只能等抽籤：
2022年8月25日 星期四
巷女西養屋
呢一集其實係系列之一，之後一集同一個切雞C會幫同屋屋苑同一幢樓樓上樓下操刀(00:00 - 07:30)，不過後一集無乜嘢好睇（見伸延閱讀），魔術師就只係寫第一集嘞！
設計廊：同一個開則，可以有兩款設計方向。一連兩集到麗坪路富豪·山峯，先看一個高層單位的設計，如何分別切合互助兩位小朋友的需要。
裝修解密：新一系列〈裝修解密〉帶大家深入裝修地盤，講解不同階段的進度，作為消費者應該如何判斷進度。第一個主題先留意來水喉。
2022年8月23日 星期二
竄訪
（幕開）
（偌大的辦公室中，一名髮線只有稍微後移、踏入初老階段的男子，正在全神貫注望着辦公桌上的電腦畫面。）
（辦公室的門鎖忽然猛被大力打開。）
（一名戴着黑色口罩、身穿露腰貼身黑色低胸低胸小背心和瑜珈褲的少女閃了進來。）
（少女拿着一個小紙盒，但身手依然矯捷，甫踏入辦公室，便轉過身來，用後腳將門關上，再連跑帶跳的衝向男子座位。）
（男子嚇了一跳，雙手胡亂揮舞，不小心碰倒了螢光幕，搖搖欲墜。）
（少女一個飛身，將紙盒放在辦公桌上，再順手扶住螢光幕，不讓它掉到地上。）
少女：（心心眼）爸爸，好在有我阿雪出手，否則個芒掉在地上便要碎掉了！
爸爸：（盯上阿雪兀自在晃動的兩團肉）阿...阿雪，乜...乜你唔使去參加開學禮咩？（唱）
「總要學 無論代價多重
學會的 多少幫補自信
背過書 何時被考起總有些用
至少你知道什麼不懂
大概只得戀愛是 沒標準的教科書
必須靠人不斷試 學傳情達意
二人共處 才夠真摯
同學各位 找個位 這是你的開學禮
若然你生活有時過得苦亦不作弊
荊棘裡完成學位 操守卻仍然高貴
學懂的會是你畢業時 的優勢
曆遍艱辛不作弊 受苦也練成造詣
因此說人生在世 運程難預計
但能入世 培養聰慧
同學各位 找個位 這是你的開學禮
望前看 想像戴著四方帽時多美麗
先交過難忘學費 先不會來年失禮
明天總會是個新學期 終生制」
2022年8月21日 星期日
2022年8月19日 星期五
新聞雜評（三百七十一）
哇～～～呢篇係魔術師第一篇用 MacOS + Parallels Desktop Windows 雙系統打出來嘅發文,值得俾個讚！
＊＊＊
柬埔寨詐騙｜東南亞港人疑被禁錮 當局接20求助 8人仍在緬甸 已成立小組跟進 2022年08月18日
【有線新聞】保安局指一月至今接獲20名港人家屬求助，指家人在泰國、柬埔寨等東南亞國家懷疑被禁錮從事非法工作，其中12人已經安全、另外8人仍在緬甸，已成立專案小組繼續跟進及營救。
保安局副局長卓孝業在記者會上透露，當局1月開始已經收到零星有關港人，懷疑被誘騙到東南亞國家工作而被禁錮，到6月類似的個案愈來愈多，至今累計收到至少20人求助。當中10人已經安全返港，兩人仍留在當地，但已經脫險，其餘8人人身自由仍受限制，目前只知身在緬甸，未能掌握確實地點，當局已成立專案小組跟進。
保安局副局長卓孝業：「我們會用盡一切可行的渠道去協助他們，剛才提及我們的入境處同事，會跟中國大使館，以及駐當地的事領館聯繫及尋求協助。另外，警方亦會透過國際刑警渠道，向相關的執法單位尋求合作。」
被問到求助人有沒有被勒索或是如何脫險，以及香港有沒有犯罪集團涉案，警方都指暫時不便透露太多。警務處聯絡事務科高級警司陳樂生：「相關人等在當地通常是被那邊集團操控要上網進行騙案，所以他們是有接觸自己手提電話的機會，亦都是因為這個方法跟香港的朋友或家人求助報案，至於他們正確的位置，因為牽涉行動（細節），所以不可向外透露。」
卓孝業：「現階段我們關心的是如何先令他們安全回來，回來之後再慢慢調查，有一位（求助人）因網上情緣而到海外，若是網上情緣請弄清楚，為何你的網上情人需要你去這些地方，要想清楚不會隨便去。我想在此呼籲市民千萬不要輕易相信網上招聘廣告或留言，並對聲稱能夠賺快錢，又不用學歷或工作經驗，但報酬異常優厚的職位，要提高警覺。」
卓孝業指會在機場加強宣傳，提醒去東南亞國家的人不要誤墮騙徒圈套，如無必要不要到緬甸北部及南部等地區。
1. 相關人等在當地通常是被那邊集團操控要上網進行騙案...有一位（求助人）因網上情緣而到海外
21世紀都仲有賣豬仔，真係意想不到。要知微信囡投資騙局、妄想情緣、順風收件、衛生署要捉你去糟糕灣之類的電騙局，中招者都係又貪又蠢又咸濕，但原來騙人者都係受騙被逼去騙人，仲要同聲同氣唔熟唔食（「佢都係係我同鄉喎！」），就更難想像。畢竟傷巷人成日笑「大6喱」又「窮」又無文化又讀得書少，照估唔到我城都有咁多人傑去咗東南亞「掘金」（照計識上網搵工的都唔會係盲毛），呢個就係魔術師最最最難以理解的事情。
2022年8月17日 星期三
Mac 機去同質化２０２２（果機開新篇）
魔術師依照原定計劃買入唔使太勁的 Mac Studio（見《我等到 iMac 縮小了？》）．但由於一般電商唔會有魔術師所需要的 customization，始終都要去返官網訂購，７月３０日落 order 都要等到８月１２日先收到貨，足足兩個星期：
2022年8月15日 星期一
Mac 機去同質化２０２２（果芒開新篇）
魔術師依照原定計劃（見《我等到 iMac 縮小了？》），等消費劵派完，一眾信用卡或電商優惠出哂之後，便開始課金換機，將原先機芒一體化的 iMac 分拆成主機還主機，芒還芒。首先，魔術師發現在 Apple 官網購買呢部 Studio Display (Nano-texture glass) with tilt-adjustable stand，標價為我城貨幣（下同）＄１４,４９９，仲要成兩個禮拜先有得送貨：
|
| （圖片來源：Apple.com/HK > Buy Apple Studio Display, captured on 1 Aug 2022） |
2022年8月13日 星期六
新聞雜評（三百七十）
本港人口729萬 跌1.6% 逾十萬人淨移出 學者指受國安法等影響、料情況持續 2022年08月11日
【有線新聞】本港人口繼續下跌，最新錄得729萬人，較去年同期減少1.6%；淨移出的香港居民達到11.3萬人，是近年最多。有學者指離港人數增加，受國安法實施等因素影響，預計情況會持續。
統計處最新數字顯示截至本年中，香港人口有約729萬，較去年同期約741萬，下跌1.6%，是連續第三年下跌，數字亦是2016年以來最低。撇除單程證內地來港人士，本港香港居民淨移出有超過11.3萬人。
翻查過去的數字，2019年中香港居民仍錄得淨移入，不過之後一直出現淨移出的情況，而且越來越多，最新由五位數增加至六位數。有學者指離開香港的人越來越多，政治環境是原因之一，加上多個國家放寬移民政策，預計離港情況會持續，港大社會工作及社會行政學系講座教授葉兆輝：「很多時候職業、住屋環境、甚至國安法，有時是因為未必完全理解，有很多憂慮，這個趨勢應該仍然會維持多一兩年左右。這班離開的人，我們理解的都是比較高質素的人士，因此對香港整個人口的資本，都是有負面的影響。」
政府說淨遷移的數字不是單指移民，出外工作、讀書都計算，過去十年大部分年份均錄得淨移出。疫情下各地實施嚴厲檢疫措施，令移入香港的人數繼續處於低水平，同時令離港的香港居民未能返港等，相信措施放寬後可解決問題。
１. 行政學系講座教授葉兆輝：「很多時候職業、住屋環境、甚至國安法，有時是因為未必完全理解，有很多憂慮，這個趨勢應該仍然會維持多一兩年左右。這班離開的人，我們理解的都是比較高質素的人士，因此對香港整個人口的資本，都是有負面的影響。」...政府說淨遷移的數字不是單指移民，出外工作、讀書都計算，過去十年大部分年份均錄得淨移出。疫情下各地實施嚴厲檢疫措施，令移入香港的人數繼續處於低水平，同時令離港的香港居民未能返港等，相信措施放寬後可解決問題。
我城正苦又試跌落地𢲡返渣沙，死都唔認有「移民（居）潮」，更遑論「政治唔正確」地叫班因政治環境或國安法、已完善的選舉制度、為咗買「保險」而走佬的５＋１ＢＮＯer「走咗就唔好返嚟」。
實情上，以全世界所有國家（或地區）來看，淨移入和移出會是個零和遊戲。如果其他國家（或地區）同我城一樣實施嚴厲檢疫措施，咁所有人都無意欲移走離開自己的居住地，即係話傷巷唔會出現淨移出的狀況。如果只係我城防疫政策從緊，其他國家（或地區）從寬，咁只能證明到我城一來唔吸引外人「移入」；二來回巷成本貴，意味着只係限制了要「先出後返」的傷民的出外意欲，但就限制唔到人「一去無回頭」，即是移民（或移居）他方囉。
2022年8月11日 星期四
Buy Now Pay Later 初體驗
話說多年來用來做書房 Wifi extender X 雲端備份的絕版 Apple Airport Time Capsule 月前終於打柴，由於此系列的產品 Apple 早已停產，魔術師便開始諗緊點樣整個替代方案出嚟：
|
| （網上圖片） |
諗吓諗吓，咁啱妄想痕有 sales 打嚟撩魔術師續約，又順便 sell 埋以下呢個 Wifi plan：
|
| （圖片來源：網上行 > 家居Wi-Fi服務, captured on 9 Aug 2022） |
魔術師見去電腦店買返對同型號的 Mesh Wifi 6 router 都要２,９００我城貨幣（下同），計返折扣回贈都可以抵返超過２０個月月費，反正合約到期前續約又可以換 router，當係租機或分期付款（用 Buy Now Pay Later 可能潮啲）都唔錯：
|
| （圖片來源：珍寶電腦 > 價目表 > Linksys MX4050, captured on 9 Aug 2022） |
萬事俱備，最後就要選個雲端硬碟解決方案了。
2022年8月9日 星期二
偽持續發展屋
戶主夫婦買入大西北指標屋苑，話想由二人世界到生兒育女都係度住，即係個裝修預咗用十年八年。呢啲咁嘅「無回頭客」，究竟切雞Ｃ會斬佢一頸血，定係反正無肉食，揸流灘 hea 做算呢？
設計廊：戶主夫婦想過二人世界，設計師選擇灰白色的北歐風格，舒適而著重現代感。
2022年8月7日 星期日
新聞雜評（三百六十九）
容海恩宣布與袁弓夷脫離翁媳關係 大律師指單方面聲明法律認受性低 2022年08月05日
【有線新聞】新民黨立法會議員容海恩，登報宣布與家翁袁弓夷脫離關係，她解釋袁弓夷被指涉嫌違反國安法，脫離關係是「國之大義」。有大律師說登報沒有法律效力，要向法庭申請、雙方同意。
容海恩18年與袁彌昌結婚嫁入袁家，加入建制派新民黨的容海恩，政治立場與家翁袁弓夷不同。袁弓夷上星期在加拿大宣布籌組「香港議會」，保安局指他涉嫌顛覆國家政權，呼籲市民與他們劃清界線。
容海恩即日在Facebook表態，點名指家翁袁弓夷籌組「香港議會」，全心惡意顛覆特區政府職能，說全力支持警方依法打擊違法活動以儆效尤。
事隔兩日容海恩在報章刊登聲明，宣布脫離翁媳關係，她形容自己是「流著偉大祖國之血的中國人」，在國之大義前提下，基於老爺袁弓夷被指涉嫌違反港區國安法，所以脫離翁媳關係。丈夫袁彌昌未有回應聲明。
有大律師指登報聲明只是立場表態，無法律效力。大律師陸偉雄：「要有一份法庭聲明才有約束力及權威，如果一天未有法庭聲明，私下自己個人意願沒甚麼法律效力。正式官方聲明會傳召兩方，了解意願是否雙方都想終止關係。容小姐只是單方面作聲明，現在不是雙方面情況下，法律認受性很低。」
大律師說終止關係後，雙方接觸要減到最少，即使拜年、中秋團圓都不可以，否則會被質疑聲明不真誠。
|
| （網上圖片） |
１. 大律師陸偉雄：「要有一份法庭聲明才有約束力及權威，如果一天未有法庭聲明，私下自己個人意願沒甚麼法律效力。正式官方聲明會傳召兩方，了解意願是否雙方都想終止關係。容小姐只是單方面作聲明，現在不是雙方面情況下，法律認受性很低。」
魔術師就真係睇唔明，邏輯上點可以脫離「爺媳關係」，而同老公的關係「不變形、不走樣」？要成功脫離「翁媳關係」，一係就要老公同佢老豆「脫離關係」，但以上大律師意見應該同樣適用（即要雙方同意）；否則容靚靚呢位「流著偉大祖國之血的中國人」就要同老公離婚，咁就最有效地可以同「前老爺」脫離關係。容靚靚身為「執葉大劣Ｃ」無理由唔知，咁都出嚟登報搏洗版，呢類「偉大的」忠誠<strike>廢物</strike>舞蹈員出來跳返 part 「忠未舞」，又真係在台海緊張局勢中帶來不少的笑料嘅！如果袁相公又登廣告同容靚靚脫離「夫妻關係」但又唔離婚就仲搞笑！唔怪得畸寶男女主播都陰陰嘴笑喇！
2022年8月5日 星期五
錯是永恆 與其激氣不如食餐好
真係在現公司最後倒數幾日都要俾班電車仔激一激，成日都話呢樣做唔切，嗰樣又話錯俾個客搵到好多 bugs，搞到ＰＭＯ小組投訴上去ＣＥＯ，另外某部門 Director 就話魔術師底下某小組同光頭Ｍ小組無溝通，搞到咁鬼多甩漏。
魔術師抵唔住頸用 email 話咗個小組長Ｃ一嘢，要佢整定個 list，話某些已知答案自己可以下決定的 configuration 就可以確定喇，使乜唔處理、留白搞到做錯嘢呢；點知小組長Ｃ可能見魔術師「人就走茶就涼」，竟然仲駁嘴頂返轉頭話「thank you for running the team smoothly for so long. We are working as a team to continuously improve the process. We are going to have a meeting for this purpose.」，講埋啲虛到唔虛嘅嘢來遮醜。
2022年8月3日 星期三
魔術師資產配置（２０２２年８月）
上月大事當然就係鏡仔演唱會從開騷開始已經意外頻生，最後由於沒有 attention to details 導致嚴重意外。黃 Viu 與其母公司電盈（00008.HK）瀨哂嘢，會唔會得罪粉絲實屬未知之數。畢竟就算退票，鏡粉如果以黃牛價買入，應該血本無歸（主辦方應該係以炒風營造宣傳效果，沒有１００％實名制是「非不能也，實不為也」）。至於開騷倉促，凡事 delay，甚至唔夠 budget 云云，實情上鏡仔咁多廣告為公司賺咁多錢，點會無 budget？不過如果係演唱會制作係以外判制度價低者得，咁以李氏力場傳統一定係精明眼壓到最低賺到盡，無 budget 的是製作公司而唔係８號仔也。咁啱８月份通常是８號仔公佈業績的大日子，且看鏡仔演唱會事件會否為公司帶來負面影響。魔術師作為投資者當然會睇實，再定行止。
另外，早前虛弊「收息平台」爆煲擠提事件牽連甚廣，雖然魔術師用來做「虛弊收息倉」的「平台們」並無大礎，但礙於風將「存款息率」，即係叫「理智投資者」出金走貨。魔術師作為理智投資者，當然亦跟隨「暗示」，比較過虛弊的息率溢價與虛弊本身及平台風險之後，將虛弊投資額再作減持，順便測試平台出金順暢度。
本月結算，投資組合比例，股票：商品：房託：現金加債劵比例為３４.４：３.８：２７.９：３３.８，主因都係尾帝反彈帶動股票組合上升。要維持３４：４：２８：３４的投資比重，今次就係沽股票，補返少許黃金及房託，另外買入債券ＣＥＦ來增強每月收息組合，提供加息後增加的供樓現金所需。以每１００萬股票組合計，資金調配如下：
2022年8月1日 星期一
魔術師資產配置（２０２２年７月結）
本月尾股跌完一輪之喘定，加息在預期之內，正所謂股市長過命，壞消息「盡出」，是否暫緩加息步伐、衰唔衰退都係要炒嘢㗎喇。在環球股市靠穩之下，沉船基金亦有反彈，本月每單位收報＄１５９.６２（我城貨幣，下同），較上月升３.５１％，依然佔第一位。加完息之後，無息收的黃金價格亦見反彈，商品組合每單位收報＄１３４.５３，較上月跌１.１３％，依然守住第二位。生活基金同樣趁尾股反彈收回少許失地，每單位收報＄１３０.５９，較上月升３.１６％，緊守第三位。
尾帝高息企業債在加息陰霾之下，早前跌幅頗大，又係加完息便有些反彈，疑似跌過龍；虛弊穩定弊升回１：１水平，也算是比較好的現象。合格線現金（存款除外）及債券組合升一位，佔第四位，每單位收報＄１２７.０２，較上月升２.５５％。
有人歡喜有人愁，尾帝加息，我城錢莊結餘大減，一眾燈神又吹聯匯脫勾。在我城錢莊有加Ｐ壓力之下，樓價又無運行。多重打擊之下，複式盈富又跌過四腳朝天，每單位收報＄１１７.５３，較上月大跌７.１４％，跌回第五位，瞬間打回原形。房託組合表現比較飄忽，月升月跌，巷股在「唔會在收緊社交距離措施」同埋「hea 住同外國通關」的消息下，房託組合竟可靠穩；尾帝 Mortgage REITs 在加息，少咗人轉按，但資金成本上升，照計不利股價，但實際上 Mortgage REITs 卻有不少反彈，暫時未明所以。總之，房託組合本月表現突出，每單位收報＄１１１.１９，較上月大升５.０３％，升級上第六位。強積金組合雖然有債券基金同尾帝基金對沖返我城指數，但不進則退，即使能夠持平卻依然被房託組合爬頭，本月每單位收報＄１０９.０１，較上月微跌０.１１％，跌回包尾。
訂閱：
文章 (Atom)