小藍人喪跑消費劵

自從特衰正苦話要推出５,０００蚊消費劵之後，坊間最熱哄哄的討論就係找方法套現，盡顯傷民與２００萬 ＋ 1 首觸的情誼，「正苦愈唔想我做的，我就偏要做」，是為不合作運動也。

不過，魔術師就一向都認為５,０００蚊唔係多，生活使費點用都用得哂，套唔套現其係無乜意思，反而套咗現就無咗行好多商戶提供的額外優惠。所以，與其費盡心思去諗套現，不如諗吓點樣讓消費劵的「回報」最大化。而講到「回報」，考慮點當然就係額外回贈有幾多。

如果有智方便 app，登記就真係好方便，都係睇住個小藍人喪跑啫！

考慮一：機會成本

如果係可以用信用卡碌卡的消費，用咗消費劵就無咗信用卡積分回贈了。例如魔術師用開大貓 Visa Signature 信用卡加最紅自主獎賞去食嘢，回贈總共有３.６％，如果用咗消費劵就唔會有呢個優惠了，所以魔術師唔應該經信用卡用消費劵去食嘢；同樣道理，魔術師用緊尾帝 Cash Back 信用卡來做支付佬和微信囡的付款卡，回贈有１％（實際上，其他錢莊的信用卡會有更多回贈），如果用咗消費劵就無咗回贈了。故此，可以用信用卡付款的消費，都唔會用消費劵。

考慮二：最低消費

各大正苦指定消費劵登記平台與及各大小商戶均在５,０００蚊之上有額外回贈，其中支付佬同埋微信囡都的回贈都好鍾意用商戶贈劵，呢類回贈通常都係有最低消費，以「買滿＄Ｘ減＄Ｙ」的方式回贈。就以支付佬為例，除了登記後即時有３０蚊贈劵（６x＄５）之外：

網頁上亦有各商戶回贈的詳細說明，相當清楚：

（圖片來源：支付寶香港官網 > 消費劵優惠, captured on 1 Jul 2021）

以魔術師的飲食習慣來說，最有可能用到的食店都係美心、大檸樂等，ＫＦＣ、西餅、Food Republic 之類就真係要睇心情或者係咪真係咁啱經過就腳才會去消費了。魔術師都會食譚仔但三餸就太多，唔啱用了。

搭車嚟講，黨鐵易乘碼每＄２０蚊可回贈＄１０，共有兩張，魔術師由屯門過海來回都可用，算是最唔使用腦的贈劵了。

去到超市、網購例如 ＰＫ、WikiTV Mall 之類，吓吓幾百蚊起跳才有回贈，家庭主婦可能比較容易，但對魔術師來說要湊夠額就比較煩了。

微信囡的回贈同支付佬都係差唔多，又係在食方面比較容易達標（）最低消費，拎到回贈。最有趣的是 WikiTVMall，全場貨品九折即係叫那些「老實商人」把 ＰＳ５我城行貨版的炒價再提高啫：

考慮三：替代性消費

雖然正苦希望消費劵可以帶動經濟，但最理性的用法應該都係以消費劵替代經常性消費，而唔係去買埋啲無謂嘢（同時可以彰顯「正苦愈唔想我做的，我就偏要做」的抗爭意志）；而最最理性的做法就係以發達通領取消費劵再用嚟搭車，皆因公共交通費用補貼計劃實在太屈機：

（圖片來源：八達通消費劵官網 > 主頁, captured on 30 Jun 2021）

（圖片來源：八達通消費劵官網 > 消費券詳情及領取, captured on 4 Jul 2021）

以每月交通費回贈１／３（首＄２００除外，最多回贈＄５００）來說，即是說一個月交通費用到＄１,７００（(1700-200)/3=500）就已經可以賺到盡，唔使好似支付佬微信囡咁左計右計最低消費額，幾蚊幾蚊逐張 coupon 咁去做預算；即使較保守的假設，一個月的交通費為＄６００，６個多月用完第一、第二期的＄４,０００（以發達通領劵需要在７個月內用完＄４,０００，才可以領第３期的＄１,０００），都可以在首６個月獲得＄８００（= 6*(600-200)/3）回贈，根本就無需理會那些什麼用夠＄１,０００回贈＄５０的雞肋：

（圖片來源：八達通消費劵官網 > 獎賞, captured on 4 Jul 2021）

最後答案

魔術師就係選了發達通，更特意申請了一張新的手機版發達通，用來登記消費劵

順便加埋自動增值又食多＄１５０回贈，不賺白不賺：

（圖片來源：「八達通自動增值」服務推廣優惠, captured on 2 Jul 2021）

對於上班一族又或是經常需要安心出行的市民來說，最理性的就是用發達通做交通消費；如果係家庭主婦、宅男宅女、２蚊廢老等唔多使費用在交通上面的，就要看個別商號的回贈了。由於每人的消費習慣不同，究竟係幫襯開黃店定係藍色大集團如美心、太興、大檸樂，定係去不義的領展旗下商場貫餸，定係全部用嚟搭黨鐵，都會對選擇支付佬、微信囡定係發達通領劵有影響。各位消費者要自行衡量才可「賺到盡」，利益最大化了。

（註：以上討論完全無視 Tap & Go，可能有失公允。）

＊＊＊

伸延閱讀：

公共交通費用補貼計劃

消費券明起接受網上登記　最快8.1有錢「落袋」　四大電子支付工具有何分別？ 2021-07-03 19:27:02

【有線新聞】5,000元電子消費券明天起接受登記，市民揀選電子儲值支付工具時有甚麼事項需要留意呢？

要領取消費券，先要在四個電子儲值支付工具中揀選一個。選用支付寶、TAP & GO「拍住賞」及WeChat Pay可直接在應用程式領取消費券，會分兩期派發，第一期2,000元，兩個月後派第二期3,000元，兩筆錢可一併使用，五個月內要花光。

八達通會分三期發放，第一期2,000元，兩個月後派第二期的2,000元，八達通事後會區分哪一類消費能用消費券扣數，再過一個月用光4,000元的人可領取第三期的1,000元，直接存入八達通。這1,000元不會限制用途，亦不會有時限，但首兩期的消費券需七個月內用光。

市民可在便利店、超市、公共交通費用補貼站、八達通應用程式等領取消費券。消費券不可用來繳交稅項、罰款等政府收費，水電煤、非本地商戶消費亦不可以，但可用於交通。

合資格的市民星期日便可以網上登記，下月1日有錢「落袋」；如果選擇書面登記，星期一可以交表，但最快要到9月1日才收到錢。

電子消費券今起可網上申請　近155萬人完成登記　政府承認系統早上一度故障 2021-07-04 21:18:03

【有線新聞】5,000元電子消費券計劃開始接受網上登記，截至下午6時，有約155萬人登記。系統早上一度出現故障，等超過一小時才能登記，政府呼籲毋須急於這兩天登記。

我們早上登入消費券計劃網站，嘗試使用「智方便」登記，網站顯示系統運作正常，但有十多萬人在前面排隊，要等超過一小時。中午之後再試，排隊人數增加至30多萬人。羅先生：「要等待最少一、兩個小時，都沒有時間，現在要出外，回來再處理。」何小姐：「反正有多日時間登記，總之在（今個月）17日之前登記都可以在8月1日取得款項，所以無甚麼問題。」

政府承認「智方便」早上極度繁忙，一度出現故障。財政司司長陳茂波：「今天去了數區看市民登記情況，知道今早有市民用『智方便』登記出現一些阻滯。不過若你用曾經參加過現金派發計劃收一萬元來做身份辨識的話，整個程序很快，整個登記過程大概3、4分鐘便可，不用排隊很方便。」

如果不用「智方便」，可直接去到登記頁面，申請人要先填身份證資料，之後要回答保安問題，即是要輸入去年在現金發放計劃登記過的手機號碼最後四個字，及當時收錢的方法。認證身分後就可以選擇用甚麼平台領取消費券，再申報「在港居住要求」就完成登記。