其實一個人（一家人？）要幾經常去公幹（旅行？）先可以儲到好似戶主咁多「戰利品」呢（00:00 - 08:50）？
樓盤傳真 19/11/2022 第四節 2022年11月20日
設計廊：室內設計要顧及戶主一系列的收藏品，例如佛像、古董等，配搭古典線條，再加上低調的襯托顏色，成為現代中式風格。
2022年11月29日 星期二
2022年11月27日 星期日
《諜債（The Debt）》：以謊言將自己打造成英雄
話說魔術師都己經是在去年觀賞本片，點知當想寫影評時，Netflix 竟將本片下架，結果當時同樣係講以色列情秘密報局（Mossad）跨境執法，將納粹餘黨帶返國家審判的《納粹終章（Operation Finale）》先行跑出，直至近期 Netflix 重新將本片上架，魔術師才得以「完成功課」。
2022年11月25日 星期五
A long and lasting love
魔術師多年以來都係德國隊球迷（可不是勝利球迷），可惜今屆世界盃三場分組賽其中兩場都係開 3:00am，無緣睇直播；唯一可以睇的說係尋晚日耳曼對倭寇，結果又係步 Don't Cry for me 後塵先勝後敗輸俾太空翼，嘥哂魔術師成擔心機提早收工趕返屋企睇波！睇怕德國隊今屆又係分組賽出局...
|
| （圖片來源：FIFA＋ > FIFA World Cup Qatar 2022 > Teams > Germany, captured on 24 Nov 2022) |
呢隊德國隊，花埋啲心機搞小動作支持乜Q「彩虹小眾」（LGBT 真係強勢，無人敢得罪班左膠大愛包容），波又唔見你踢得好，真係本末倒置！
【世界盃】被禁戴彩虹臂章上陣 德國隊員賽前掩口抗議國際足協 2022年11月23日 週三 下午9:47
世界盃今年在卡塔爾舉行，國際足協（FIFA）早前阻止多隊歐洲球隊戴上代表多元化及互相尊重的「One Love」彩虹臂章，更揚言若戴上彩虹臂章，會即時被罰黃牌。德國今日（23 日）晚上對戰日本，德國隊長沒有戴彩虹臂章上陣，所有德國隊員賽前合照前，全隊以手掩嘴。多間外媒指，此舉是向國際足協抗議，意指對方限制言論自由。
據《The Athletic》報道，有關舉動是德國隊一同決定。德國足總亦發聲明，指彩虹臂章可展示德國隊價值。訊息與政治無關；亦因牽涉人權而來得重要，沒有任何商量餘地。
率先作賽的英格蘭隊長哈尼簡尼在日前賽事未有戴彩虹臂章上陣。賽前英格蘭、威爾斯、比利時、丹麥、德國、荷蘭、瑞士足總發聯合聲明，確認不會讓隊長上場時戴彩虹臂章。
＊＊＊
皇國是傷民「鄉下」，撳撳吓 FB 就見到黃C獵人熱烈慶賀鄉下隊擊敗德國隊（「激動到喊出嚟」，黃人成日都咁感情豐富），跟手仲有個不知真假的讀者投稿米帝愛情故事：
移民重要? 定或一段10年感情重要？
上年和男朋友約好申請BNO visa一齊去英國生活，我地係獨立申請，好快大家都批咗，點知佢又話唔捨得份人工，想做多一年至辭職走，叫我先到英國打點好，佢跟住就嚟。
我一個人拖住兩個匧出發，嚟到無親人無朋友，又無車牌；一個人孤零零，剛嚟到天氣凍，我氣管差，試過病咗成個月，日日叫外賣食，打俾男友喊，叫佢快啲嚟，佢就話等多陣。
捱過咗冬天，男友又話不如買間屋收租，有穩定收入就大家都安心啲，我聽佢講去睇樓買屋，兩個月前收屋，諗住佢都差不多時間嚟英國陪我。
點知佢又話等多陣，我真係唔想再LD拍拖，平時靠視像whatsapp傾偈，成日只有自己一個人，我都試過識朋友，但年紀相約嘅好多都要返工，雖然佢地知道我只有一個女仔，又無車，有時都會問下我有無節目，去玩都預埋我，但始終一個人好寂寞，好想男友在身邊陪住。
上個月我忍唔住飛返香港, 算係和男友「攤牌」，問佢幾時過去英國，我終於發現，原來佢根本唔想走。本來諗住等到佢嚟到英國，我地就結婚，我地拍拖十年，佢平時對我真係好好，我留喺香港大半個月，佢放工就返屋企陪我，放假我地就去睇戲行街買嘢，好開心；我知佢想我留低，但我好想把握今次 BNO visa 移民英國，將來有本外國護照在手，到時留低又好，返香港都好，至少有選擇。
我男友話，佢覺得香港生活適合佢多啲，有得夜蒲又多嘢食， 去到英國一定唔慣！
我唔係好明，佢既然咁諗，當初做乜應承我一齊去英國？仲話去到英國就結婚。
而家佢話可以等，等我五年後入籍返嚟香港，佢有假期就飛嚟英國陪我，我又每年有180日可以飛返香港， 計起上嚟，真正分開嘅時間都唔係好多！
佢講就易，佢係香港有工返，有朋友，有屋企人；我就一個女仔係英國孤零零，真係好難捱！我唔想放棄移民機會，但唔想自己一個人留係英國，我更加唔捨得放棄呢段十年感情，佢話會等我，邊個保證到？
而家我已經飛返咗英國，早排香港人聚會識咗個男仔，佢成日約我出去食飯，又車我周圍去玩，我覺得已經係精神上出軌，但我真係唔想日頭夜晩都只有自已一個人，諗緊係咪要和男友再「攤牌」，佢再唔過嚟英國就不如分手？
2022年11月23日 星期三
新聞雜評（三百八十二）
李家超泰國返港確診 曾國衞：他無畏疫情、出外講好香港故事 2022年11月21日
【有線新聞】立法會政制事務委員會討論香港的國際輿論工作，政制及內地事務局長曾國衞形容，特首李家超泰國返港確診，反映他無畏疫情，出外講好香港故事。
曾國衞︰「行政長官剛剛在泰國為了講好香港故事、為令香港可以發展更好，大家都知道他剛剛確診了，他無畏於這樣的情況，勇於進行這方面工作，未來我們都會繼續這樣做，亦會安排很多高官外訪。除了國外、內地都會有安排，疫情容許下我們都會盡量再去，包括泛珠三角論壇。」
曾國衞說，會繼續去信西方媒體澄清不實指控，亦責成駐外辦事處以不同形式向外國政商界宣傳解說香港情況。另外，就假資訊的立法，他稱民政及青年事務局會小心評估多方面情況，希望不損害新聞自由又有適當制約，當局會在適當時候交代。
1. 大家都知道他剛剛確診了，他無畏於這樣的情況，勇於進行這方面工作，未來我們都會繼續這樣做
以國際的防疫態度來說，唔去旅行會死的傷民中招是遲早的事，更遑論是無可避免要出行公幹的工商政界高層，出心從我城出行，返到嚟就未必能夠太安心了。比卡超咁勇，成日出訪外國去講好傷巷故事，「以身試疫」中招亦只係時間的問題。不過，比卡超中招都係好事：一來可以示範俾習大大睇中招並唔係咩嘢大不了的事，毋需怕得要死，大可復常不走回頭路；二來各國正苦領導層大多中過招，比卡超又中埋一份就會變成「自己人」，大家「自己人」有共同話題，外訪講好傷巷故事傾生意都大有禆益也
2022年11月21日 星期一
無言的結局
（幕開）
（夜。）
（豪宅的睡房中佈滿紙皮箱，霸佔了睡房不少空間，令本來偌大的睡房顯得甚為逼狹。）
（睡房中的大床上有一對年過花甲的男女。）
（男子戴着眼罩、口罩，只餘下鼻孔呼吸，大字型伸開手腳，呼呼大睡。）
（女子則沒有戴口罩，輾轉反側，狀甚辛苦。）
（女子在床上翻滾一輪，索性坐起身來，點着床頭燈，從床頭櫃取來眼鏡戴上，拼地搖枕邊人。）
（男子撥開女子的手，一個轉身索性背對着女子。）
女子：（搖着男子的肩膀）老公...老公！
男子：（再撥開女子的手）...
女子：（委屈地）老公...係咪因為上次我煮的兩餸飯食到你肚痾，所以你嬲咗我，唔同我講嘢？
(男子索性轉為俯伏姿勢，避過床頭燈光。)
女子：（淚水汪汪）老公老公，對唔住囉！你睬返我喇！你同我都幾十歲人，見一日少一日，講少一句就少一句㗎喇！（唱）
「原諒話也不講半句
此刻生命在凝聚
過去你曾尋過 某段失去了的聲音
落日遠去 人期望 留住青春的一剎
風雨思念 置身夢裡總會有唏噓
如果他朝此生得可與你
那管生命是無奈
過去也曾盡訴 往日心裡愛的聲音
就像隔世人期望 重拾當天的一切
此世短暫 轉身步過進肅剎了的空間」
2022年11月19日 星期六
讀者留言開新篇之Not everyone in workplace is your friend
魔術師平日「竄訪」不同的社交平台，好些時候都見到不少啜核有趣的妄民留言，值得拎嚟笑吓討論，不過又怕妄民留言有愈來愈短的趨勢，好難寫上一篇有咁上下
substance 的 blog
文（除非又整個「妄言雜評」系列（笑））。想不到這天貓讀者留言講大罵某同事事件，咁啱就令魔術師想起以下在
LinkedIn
讀到的留言，可以另開文章討論（由《覆讀者留言》變《讀者留言開新篇》，魔術師可謂俾足面比卡超了）：
今日返工好嬲,我在上層寫字樓工作,今日告訴某同事(不在同一寫字樓)話佢地漏左野叫佢地補交,就係咁簡單,佢同我講佢地無做錯,唔會補交
於是我就問佢究竟有乜野唔明,向佢解釋返正確做法,佢都係同我講佢無錯
結果我忍唔住大鬧左佢15分鍾, 內容大約係: 而家你做左幾多年,我做左幾多年,點解人地同你講唔岩,你唔去理解下,淨係識話自己無錯呀, 而家都無人追究責任啦etc, 跟住我又講: 點解你地做錯野我上層要接受你,而我而家叫你補交你又可以唔交呀etc
我鬧到自己進入了忘我境界,忘記左老闆既存在,於是我又入左老闆房解釋,跟住老闆攪掂左,但係由於我條氣唔順,雖然件事完左,但我頭都痛埋,影響了情緒
放工渣車回家,benz佬係roundabout 響我安,我心諗有無攪錯呀,係咪你直衝就可以呀,渣車係咪唔識收油呀,跟住佢又再次響我安, 我平安回到家後靜下來覺得呢個世界不平靜
話是這麼說：「我們不應跟同事交朋友」，反過來說我們又是否應該跟同事交惡、或當成是敵人、或嫌惡的對象呢？
2022年11月17日 星期四
2022年11月15日 星期二
新聞雜評（三百八十一）
播錯國歌︱亞洲欖總致歉、指初級職員誤播網上歌曲 李家超：將調查是否違本港法律 2022年11月14日
【有線新聞】昨晚舉行的亞洲七人欖球系列賽香港對南韓的決賽，主辦機構亞洲欖球總會播錯國歌。亞洲欖總向中央、特區政府及香港欖總致歉，解釋是初級職員錯誤播放網上下載的歌曲。特首李家超說警方會調查是否涉及違反國歌法。
賽事開始前按慣例會播雙方國歌，到本應播放中國國歌的時候播了另一首歌。亞洲欖總事後將網上直播影片轉為不公開，再在社交網站上載新影片，將對的國歌剪接進影片。香港欖總及港協暨奧委會都對播錯國歌表達強烈不滿，認為錯誤是不可接受。賽事最終由香港勝出。
亞洲欖總在頒獎禮公開致歉，並播放正確的中國國歌。亞洲欖總事後再發聲明，向中央、特區政府及香港欖總道歉，解釋是當地一名初級職員錯誤播出一首在網上下載的歌曲，港隊提交的國歌錄音是正確。
行政長官李家超說，主辦機構將一首與2019年「黑暴」浪潮和「港獨」示威有密切關連的歌，當為中國國歌播放，表示抗議及強烈不滿。」政務司司長陳國基已約見南韓駐港總領事，要求徹查，警方亦會調查是否涉及串謀違反國歌法。
李家超說：「中國國歌只有一首，就是義勇軍進行曲。國歌是每個國家的象徵和標誌。在現場播放的歌曲，它是有政治目的，所以我們要展開調查，看看有沒有違反香港法律。」至於警方如何調查境外案件，會否請中央協助，李家超沒正面回答，又說已要求香港欖總調查及交報告。
香港欖球隊月底會參加亞洲七欖系列賽杜拜站，特區政府要求欖總確保不會再發生同樣情況，亦會跟港協暨奧委會等商討，萬一有類似情況即場應怎樣處理。
1. 賽事開始前按慣例會播雙方國歌，到本應播放中國國歌的時候播了另一首歌。...亞洲欖總事後再發聲明，向中央、特區政府及香港欖總道歉，解釋是當地一名初級職員錯誤播出一首在網上下載的歌曲，港隊提交的國歌錄音是正確。行政長官李家超說，主辦機構將一首與2019年「黑暴」浪潮和「港獨」示威有密切關連的歌，當為中國國歌播放，表示抗議及強烈不滿。
咁「識玩」，古有貍貓換太子，今有《榮光》換《義勇軍》，究竟件事係點發生嘅呢？「當地一名初級職員」即係泡菜有青，咁即係：
（1）. 「泡菜有青」係黃黑同黨，故意將《榮光》換《義勇軍》（民間泡菜有青係黃營粉C？）
（2）. 「泡菜有青」只係柒青一名，佢唔知點解一時搵唔到官方提供的國歌，於是上網查找，咁啱以「傷巷區歌」之類的 keyword 找到《榮光》（拉燈仔的 SEO 技功實在太勁），於是被誤導播了《榮光》（咁多巧合事情，講都唔信）
（3）. 「泡菜有青」迷上了黃囡天使，中了美人計，天使話播乜就播乜（網上情緣騙案無話唔可能，不過男女對調即係黃黑毒男迷倒泡菜囡囡換歌實在無可能）
（4）. 「泡菜有青」聽哂上司講，而上司係跟黃黑關係密切（又網上情緣？）甚至就係黃黑傷民，俾條 link 「泡菜有青」下載播放，「泡菜有青」就照做。
以無責任直觀估估吓，(2）同（4）的可能性似乎大啲。
2022年11月13日 星期日
Q版結婚禮物
記得上次前坐僱傭兵公司的短裙妹結婚，魔術師就送咗一粒貓銀幣俾佢做禮（見《競投貓銀幣》），今次就到包青天組的前同事L因為做 project 而識到公司另一個部門的盛女J仲拉埋天窗，魔術師自然「食髓知味」，今次就到一向買開實物金條、金塊的金拓公司的禮品部網站，搵咗粒銀幣做禮，大方又得體：
2022 喀麥隆共和國婚禮精鑄銀幣：
|
| （圖片來源：Kitco Gift > 2022 喀麥隆共和國婚禮精鑄銀幣, captured on 10 Nov 2022） |
魔術師選定心頭好後，便致電查詢有現貨，答曰有萬宜大廈門市部有現貨，仲要8:00pm先打烊，魔術師放咗工慢慢去揀都未遲。
2022年11月11日 星期五
2022年11月9日 星期三
魔術師資產配置（2022年11月）
10月份傷巷股市跌破97金融風暴16,820點嘅「鐵底」，而尾帝亂儲局又開始放鬆加息口風，唔用講「瘋狂加息不動搖」，意味住可以「別人恐懼我貪婪」分段掃入，由主力累積收息組合變成一半收息一半大市 ETF。
本月結算，投資組合比例，股票：商品：房託：現金加債劵比例為33.3：4.2：27.4：35.1，要維持目標比例34.0:4.0:27.7:34.3（每季檢討），亦即是話照舊沽商品加現金入貨買股票及房託，不過現金就唔好去咁盡，以強積金作部分資產調配買入大市指數基金。以每１００萬股票組合計，資金調配如下：
2022年11月7日 星期一
2022年11月5日 星期六
新聞雜評（三百八十）
核酸陽性免隔離 陳茂波強調沒特殊待遇 防護中心指康復個案非按病毒量一刀切 2022年11月03日
【有線新聞】財政司司長陳茂波外訪回港後核酸檢測陽性，被列為康復個案毋須隔離，他強調自己與其他市民一樣，沒有特殊待遇，衞生防護中心說每宗個案情況都不同，沒有說病毒量多少才算康復個案。
財政司司長陳茂波上星期四在中東外訪期間快速測試呈陽性，4日後快測轉陰性，星期二晚就回到香港，在機場做的核酸檢測結果是陽性。他之後兩日都親身出席金融峰會，上台致辭時沒有戴口罩。財政司司長陳茂波：「我一直坐在台下都一直戴口罩，是上台要發言時就短暫將口罩除下，因為發言時在台上，與台下觀眾有相當距離。這次我回港入境時就防疫檢疫得到的待遇與所有市民一樣，是一視同仁，絕對沒有任何特殊安排。」
陳茂波說當局是考慮了他的檢測結果及抵港後沒有病徵等，判定他屬於康復個案、不會傳染人。至於他的病毒量實際是多少，衞生防護中心不肯透露，確診過的人CT值多高才屬於康復個案，亦不是一刀切。
衞生防護中心總監徐樂堅：「大家很關注一個實際數字，可能有個數字大家如果認為該數字是30，即是29.9和30.1有很大分別，因為處理很不同。為何我們沒有特別劃出界線，因為每宗個案都很獨特，每宗個案的感染日子、回港日子、檢測結果，全部都要一併考慮。這宗個案到底我們認為有沒有特別風險，尤其是我們會考慮個案有沒有徵狀，不過我們所有入境人士，包括所有政府官員的入境措施和公共衛生檢測的衡量是完全一致。」他又說現時抵港人士只需要上機前快測陰性就可以，過去一個多月亦有部分個案是康復後5至6日就回港。
1. 財政司司長陳茂波上星期四在中東外訪期間快速測試呈陽性，4日後快測轉陰性，星期二晚就回到香港，在機場做的核酸檢測結果是陽性。他之後兩日都親身出席金融峰會，上台致辭時沒有戴口罩。財政司司長陳茂波：「我一直坐在台下都一直戴口罩，是上台要發言時就短暫將口罩除下，因為發言時在台上，與台下觀眾有相當距離。...」
昔日販民仲有議會時，經常都以「whiter than white」掛在嘴邊叉能廚正苦官員；依家完善了選舉制度，在愛國者治巷之下班膠官就更加無「whiter than white」的敏感度。先不論波叔入境紅碼有無特殊待遇，但起碼上台講話唔使戴口罩就係「特權」 - 如果話「發言時在台上，與台下觀眾有相當距離」就可以唔戴口罩，魔術朝師一條友在街上一樣同其他人「有相當距離」，咁點解魔術師依然要戴口罩呢？口罩令又可唔可以改到「精準」啲呢？
2022年11月3日 星期四
2022年11月1日 星期二
魔術師資產配置（2022年10月結）
本月巷股又跌10幾個巴仙，痕指收報14,687點，已經低過1997金融風暴價，但市況係咪又係咁差呢？又好似唔係。起碼周圍都話要搶人才，即係工搵人，唔係失業率高漲人浮於事的環境（除非所謂「搶人才」又係商界葉公好龍式人講佢又講的「口號」）。尾股方面就主要受加息影響，本月跌後靠穩，令以尾股為主的沉船基金本月「只」較上月大跌7.61％，每單位收報＄128.89（我城貨幣，下同）依然佔第一位。黃金、鈀金同樣靠穩，輸少當贏，商品組合每單位收報＄＄121.63，較上月跌2.29％，依然佔第二位。防守性的生活基金同樣受惠於尾股及我城公用股靠穩，每單位收報＄＄115.06，較上月跌1.02％，升一位佔第三位。
合格線現金（存款除外）及債券組合亦受惠於尾帝國債息率回軟，都算是跌後靠穩，每單位收報＄＄116.90，較上月跌1.78％，佔第四位。第五位係強積金組合，每單位價格收報＄97.72，竟然只較上月微跌0.28％，真係全靠上一份工離職後由永盲強積金整合至大貓，「幸運地」將恒指基金低價沽出更低價買入也。房託組合雖受惠於尾帝房託反彈，但我城繼續腳軟，攬炒次下每單位價格收報＄89.43，較上月大跌5.81％。
至於包尾的就是複式盈富，本月再大跌13.96％。每單位收報87.58，真係差到一個點，表現令人氣餒。
訂閱：
文章 (Atom)