12月30日，原來的行程是0600起床，0700執好行李(痴線，臨尾仲要咁早！)：
前往卡蕯布蘭卡(全日車程約6小時)
午餐於中途餐廳
卡蕯布蘭卡~加利福利購物城
晚餐於Rick's Cafe
入住酒店
卡蕯布蘭卡:13-18°C
至於靚姐姐同魔術師就留在瑪拉喀什這間「四星酒店」宿一宵，靚姐姐成晚囉囉攣疑心生暗鬼，一大早就起身執行李。魔術師就慢慢來，唔使同佢急。我們落到樓下退房，叫 reception 姐姐搵 bell boy 幫手拎行李落§嚟，但 reception 姐姐竟然叫我哋自己拎，似乎呢間嘢一星都無，認真氣壞。
魔術師打開銀包，見到乾塘，便叫靚姐姐繼續跟酒店搞定行李，魔術師就行返去前一晚的精緻餐廳，裡面有找換店，兌返啲錢打的。
|
| （靚姐姐在餐廳中其中一隻戰利品。） |
當地啲路唔難搵，都係行10分鐘左右便去到，少少哋以50元帝幣兌咗 DH，順手截埋的士，靠 iPhone 翻譯叫司機大哥先去「四星酒店」接過靚姐姐和行李，再去 Grand Plaza Hotel。
2月29日，原來的行程是0700起床，0800執好行李，0830食完早餐集合時間出發，搭3.5小時車到索維拉（氣溫10-17°C ）：
- 午餐於市內
- 市內遊
- 入住 Atlas Essaouira Hotel
- 晚餐於酒店
由於唔想行來行去，同埋想再在 Radisson Blu Hotel 享受按摩，所以靚姐姐在前一晚早就 book 定下午場，這天就繼續脫隊，同魔術師一起施施然食完早餐才 check out。至於索維拉雖然以靚姐姐最喜歡的海鮮聞名，但大隊餐單普遍唔會啱靚姐姐口味，所以 miss 咗都應該無乜所謂。
總之食完早餐 hea 到 1200 check out，行李暫時寄存於洒店，然後便出去行吓高場，起碼靚姐姐在這個區域較光鮮的店舖多啲購物欲：
|
| (就算靚姐姐膽大包天，都唔敢揸返轉。) |
12月28日，今次入住的 Radisson Blu Hotel 是行程中唯一可以住兩晚的，第二朝唔使匆匆忙忙執行李。不過由於前一日魔術師同靚姐姐都各自有不愉快「體驗」（見《爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔》），又見領隊前一晚預告今日行程，又係 0700 起床、0830 出發、只係「每次」搭二、三十分鐘車：
市區觀光遊
午餐於市內
乘馬車
下午茶
晚餐於酒店
唔使講即係鳩嗚日。靚姐姐馬上向魔術師提出不如脫隊，魔術師可以訓晏啲，當然贊成，於是前一晚一面後悔無買水晶（見《爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔》），一面已告知領隊魔術師和靚姐姐會在瑪拉喀什「自由行」。
由於唔使趕頭趕命食早餐，自有時間自行調較返杯無酒精 Bloody Mary：
12月27日，位於歐蕯蕯的酒店 3 - 13°C，0700 起床，0800 執好行李放在房門口，0830 食完早餐集合上車，第一站係亞特拉斯影城（Altas Studios），《帝國驕雄（Gladiator)》（唔係《神鬼戰士》）第一、二集、《天國驕雄（Kingdom of Heaven）》等古裝片都在這裡拍攝。導賞團導遊仲同我哋跟當地臨記拍咗一段微短片玩吓，想不到披上那些麻布「戲服」，都幾暖身的！
12月26日，晨咁早起身去帳蓬酒店門外集合，騎駱駝看日出。靚姐姐仲好貼心咁從 PDD 買入兩人份的防沙鞋套（見下圖）同埋由頭包到腳蒙住面防沙（唔使學19才子要次紙包頭，但無圖）:
|
| （網上截圖） |
去到集合地點，一眾駱駝已早早跪低「等客上馬」，又馴又乖。其實眾駱駝係一隻縛住一隻咁串連起來，由嚮導拉住，非常安全：
第四天(12月25日）0600 起床、0645 執好行李、0730 食完早餐出發，真慘情。這天是要開車到艾佛德（Erfoud），是撒哈拉沙漠「核心的外圍」，入住一晚「帳篷酒店」，然後第二天去睇日出。領隊要我們執定一個手提包內有一晚內外衣物及日常用品，其他東西放入大喼，跟旅遊車唔會再攞出嚟。
靚姐姐就醒目，一個 hand carry 小型行李箱就搞定；而魔術師就要清空背囊，着住厚重衣服，背囊上有電腦、叉電、水壺等物、手拎另一個袋內衣褲、梳洗用品等，有點狼狽。於是趁上文《爽歪歪摩洛哥（三）之 Day 2 舍夫沙萬（Chefchaouen）：一條濕滑的斜坡》曾提及魔術師孭住部無反 Nikon Z7 同 鏡頭上斜上樓級行到死死下，而且凍得濟手指唔聽話好難較光圈快門，便趁機餘下行程便放低幾 kg 嘢入大喼，淨係以 iPhone 影相輕裝上路。
這天雖是聖誕節，但摩洛哥是伊斯蘭教國家，沒有慶祝的習慣（我城習慣「大肆慶祝」一神教節日，唔通係一神地區？）
這天全日車程大約 7- 8小時，又係全日浪費在訓完醒、醒完落車去次所、上返車繼續行程的日常。不過，由平地去到山區，由「綠草如茵」的環境於幾小時內變成雪地戰，都算是一個頗新鮮的體驗：
中途經過依芙蘭（Ifrane，氣溫 0-4°C ），不過領隊卻沒有帶領我們遊覽這個有「小瑞士」之稱，位於海拔約 1,650米 高的滑雪勝地
|
| （凡事問 AI） |
第三天的景點是遊菲斯古城，朝早07:45 就要執好行李放在房間門外再去食早餐，08:30 出發，即係又係6點幾7點要醒到，凍冰冰咁早起身真係慘絕人寰。
話說在拉巴特天氣是10-16°C 有雨，已經係沾寒沾凍，第二天仲要 7:30am 起身、08:15 執好行李、09:00 食完早餐出發，真係慘過返工的日子。鑑於靚姐姐起身梳洗都要搞一排，所以魔術師都係漏夜執定最多嘅嘢先，較早少少個鬧鐘寧願早一粒鐘醒住訓,,,
第二天的景點是充滿「關色小屋」（希臘 feel？）的舍夫沙萬，不過要由拉巴特去就要搭約5小時車，真係醒完訓、訓完醒：
先簡略補充返《爽歪歪摩洛哥（一）之準備篇》其間發生的事：
魔術師在屯門市中心上了 A33X 去機場，見巴士進了屯赤隧道便因為太疲倦睡着了，一覺醒來車已停站，在不太清醒的狀態下落了車，但那個站卻是巷豬噢大橋，不是機場站...
魔術師見又有一巴士駛來落客，便揮手示意向司機查詢。誰知那司機態度頗為惡劣：「呢度只係落客，唔上客的。」
魔術師苦笑：「我落錯車...」
司機：「唔關我事！」
的確魔術師落錯車係唔關你事，但魔術師又唔係要強硬上車，只係想問吓點樣可以搭返車去機場，使唔使咁嘅態度呢？
又，就以近期火災為例，便會出現很多「唔關佢哋事」的「義工」（記得元祖版本就是來自「縮骨遮革命」）整理救災物資，相信是「發自內心的關懷」的確會令傍徨無依的人很受落（有點像一神教戰時派奶粉的場景），更與那些去到集合先行打卡的「關愛隊」造成強烈對比。「主動的幫助」與一般人冷冷地「唔關我事」的分別，日常的人情冷暖，小黃人（？）更能「收買人心」，自不待言。
總之，魔術師問過保安岡位的叔叔，知道轉車巴士站的方向，再向靚姐姐和領隊稍遲少許，才「安心上路」。
＊＊＊
去到機場集合 check in，領隊是個矮小的C9，團友有兩對退休夫婦A及夫婦B，還有闊太M。
退休夫A是開會計師樓的。闊太M 則是離婚婦，有自己收入，不用靠前夫，家住巷島海拔50米以上，仔大女大依家成日去玩去旅行、行山做運動，體能超 fit（雖無法冰證，但相信係魔術師塞內設計系列要有展示櫃 show off 旅行戰利品嗰種人）。
乘塔阿聯酋航空 (Emirates)，飛機先由我城去杜拜 DXB（約6小時），再轉機去卡隡布蘭卡 CMN（又約6小時）- 由於我城比卡隡布蘭卡快 7 小時，所以「實際飛行時間」約19小時。
本來幾個月前問過靚姐姐，佢話年尾唔得閒唔會去旅去，於是魔術師便同公司預咗年尾清假；點知上個月靚姐姐就問魔術師仲有幾多日大假，夾定年尾去旅行，睇嚟我城的經濟活動真係死水一潭，生意淡薄（其時尚未發生大火，火災之後，節日慶祝更為低調，生意更難做）。
本來靚姐姐諗住話去土耳其，同魔術師一齊報團懶得諗（魔術師有啲驚旅行社安排的酒店食宿未必啱佢口味），但去到旅行社，卻發現去摩洛哥好似更吸引（當然團費都貴一截）：
|
| （摩洛哥團費2025年12月底出發約HKD37,000） |
熱氣球節甩轆｜議員指全額退款安排合理 江玉歡：或選址失敗 促政府及早監管高危活動 有線新聞 2025年09月08日
【有線新聞】中環海濱國際熱氣球節在風雨中提早結束，主辦單位致歉，並為所有官方門票提供全額退款，有議員認為做法合理，又指政府對類似活動應及早加強監管。
香港首個國際熱氣球節，熱氣球一直不獲當局批准載客，有持票人士認為不符期望，連日來大表不滿。及至活動最後一天，熱帶風暴塔巴迫近，主辦方在社交平台公布取消，有買了早上門票市民「摸門釘」，「我周日早上九時前去到，當刻下車後走到入口，雨下得很厲害，淋到全身濕透，又甚麼也沒有，也問不到任何結果。其實他應該早些通知，不是等所有事件發生了，所有人去投訴才說『我現在退款』，安排比較差。」
主辦方最終宣布所有經官方渠道購買的門票，周二起可申請退款，有立法會議員指退款是合理且必須，又指易受天氣影響的項目不應是活動的「主菜」，當局日後應及早加強監管類似活動。選委會界別江玉歡：「第一天選址時，應該很早知道成功機率近乎零，可能真的選錯地點，繼而令活動失敗。這反映我希望日後在類似高危或特別活動，政府角色更加主動些，在開始成型階段不妨提供策略性意見，如果知道未必可行，是否可以更早與主辦方磋商，勸退他們。」
消委會及海關至今合共接到超過300宗投訴，江玉歡指市民不能主動通過《商品說明條例》追討，要視乎海關會否採取行動。
1. 主辦方最終宣布所有經官方渠道購買的門票，周二起可申請退款，有立法會議員指退款是合理且必須，又指易受天氣影響的項目不應是活動的「主菜」，當局日後應及早加強監管類似活動。選委會界別江玉歡：「第一天選址時，應該很早知道成功機率近乎零，可能真的選錯地點，繼而令活動失敗。這反映我希望日後在類似高危或特別活動，政府角色更加主動些，在開始成型階段不妨提供策略性意見，如果知道未必可行，是否可以更早與主辦方磋商，勸退他們。」
魔術師就唔係好同意鋼管歡所言。一來今次主要問題係主辦方明知未有批文就做宣傳收費，將市民、遊客當水魚，之後仲唔想退款；三來會受天氣的活動可以是活動的「主菜」，只要唔好「相金先惠」甚至「唔肯回水」（到群情洶湧之時才話會退款），就算入場者要買票，都明顯知道玩唔到會退款的話，應該唔會有意見（見魔術師和靚姐姐在越南玩唔到的經歷《爽歪歪芽莊遊（四）之貴人出門（Day 3)》，人哋名額有限，仲有專車接送呢！）；三來，魔術師就懷疑正苦官員是否有能力提供策略性意見，判斷是否可行嘞！
行程來到最後一天，上午吃過早餐就是去泳池區。這天趁靚姐姐落咗水，魔術師就在沙灘椅上 hea；卻見到有兩名花樣年華的泡菜妹結伴同行，在泳池邊影相。只見「主角」個樣真係唔太靚（唔通泡菜妹都係靠化妝？），三點式泳衣個胸有啲扁平，肚腩有贅肉而且向下墮，難得佢仲懶有自信在鏡頭前擺出各種甫士（因為「來都來了」？），直教魔術師看傻了眼，相都唔記得影。
靚姐在水中央見到魔術師掛住「𥄫囡」，連忙揮手示意。魔術師只好馬上走去餐廳，買杯西瓜汁俾靚姐姐消暑。
（靚姐姐泳衣照照例省略。）
玩完水便返房沖涼執行李 check out，然後將行李寄存，然後就去揼骨 spa：兩個人熱石按摩 90 分鐘都只係圍埋 672 我城貨幣，真係抵到爛。
去越南（除富國島外）旅遊是需要簽證的。魔術師同靚姐姐今次行程比較急，需要做快證，一個工作天申請，3小時內起貨，結果就要多200帝幣（每人）：
|
| （圖片來源：Vietnam eVisa Online, captured on 10 Jul 2025） |
於是魔術師就同靚姐姐分頭行事：靚姐姐識玩識食，當然負責 book 酒店同埋 local tour 活動；魔術師就負責 book 機票同埋兌換現金。坐兩個半小時機去越南，搭廉航就得（個 app /網站係無因航咁好用），我們選的是香港快運（HK Express）。靚姐姐仲忽然慳家，話見架機無乜人坐，唔劃位去到機場時才扭計要坐埋一齊。呢啲嘢都係女人做好啲。
兌現金魔術師一律都係 Interactive Brokers（IB） 優先，可惜 IB 無得兌越南盾，結果就要出街換。魔術師發現有間位於尖沙咀的樓上鋪個 rate 好似幾好，可惜收工去到已關門；唯有星期六（7月5日）出發前去屯門「冠軍找換店」換錢，個價都算 okay 嘅。
是咁的。靚姐姐生意難做，聽佢講真係唔覺「執1間開16間」的「盛勢」（又或者執的是靚姐姐的舊客戶但新開的卻並非她的潛在客戶群），所以忽然要離巷散吓心，否則壓力爆煲隨時「會死」（算係另類「唔去旅行會死」），於是就緊急召喚魔術師做書童男伴遊。
今次短短哋玩四日三夜（其實第一日去到已是夜晚），又係越南（見《爽歪歪富國島（二）之到埗（Day 1）》），但今次就係去芽莊。點都好，去得咁急，結果就係要魔術師緊急向公司請假。
唔好以為三號酒店「JM卡薩維拉度假村(JM CASAVILLA RETREAT PHU QUOC）」位置偏遠，成個錦綉花園咁就無乜人，原來住客都唔少，相信都係班志在搵個遠離煩囂的地方 hea 的洋腸洋妞居多，亞洲人面孔就比前兩個酒店少。
|
| （網上截圖） |
話咁快就去到二號酒店「富國島海洋灣度假村（Ocean Bay Phu Quoc Resort and Spa）」check out 的日子。食完早餐，靚姐姐情況有好轉，伯母又話想「浸吓水」，魔術師「知情識趣」，馬上便「貼心地」返房執嘢先，留返啲時間俾靚姐姐同伯母「親子時間」。
魔術師執完嘢，便出去行吓兜個圈，不用搭電動車，都幾好行，酒店範圍都幾大：
hea 一輪之後，魔術師就同靚姐姐、伯母 check out，留意到酒店係用小米（01810.HK）mon。國貨果然深受一帶一路發展中國家喜愛，唔怪之得小米去年股價表現亮麗：
酒店招呼甚為殷勤，就算我們是在 check out，冰凍飲料都不絕奉上，實在值得稱讚。
前一晚去完富國島夜市返歸，去到酒店 book 定今天揼骨按摩。作為骨精的靚姐姐拎住本 menu 揀呢揀路自製套餐俾自己同媽咪，魔術師就乖乖地跟套餐再追加「自選服務」（唔好心邪）以求時間上較到同靚姐姐一樣，然後就各自返房訓。
臨走之前，靚姐姐俾了個評語幫手 book 按摩的酒店女員工：「乜間酒店請埋啲童工嘅？」
魔術師失笑：「你咪咁喇！人地係生得細粒，同埋打扮得中性啫！」
誰知道這天跟靚姐姐母女在餐廳會合，食完嘢仲沒精打彩，本來今天無乜嘢特別行程諗住游水都無去。聽伯母講，原來靚姐姐M到，而且量頗多...魔術師心想，怪唔得昨天靚姐姐對在動物園繞圈行路唔太耐煩喇！
唔游水都可以哂太陽，而且酒店泳池對出就係沙灘，只係日光浴都夠譜：
都話咗呢間二號酒店「富國島海洋灣度假村（Ocean Bay Phu Quoc Resort and Spa）」唔係咁「長者友善」，食早餐要行一大段樓梯上二樓：
雖則酒店臨近海灘，海景實係幾無敵（竟然唔記得在餐廳影相）。
食完早餐便 call 車去富國珍珠野生動物園（Vinpearl Safari Phu Quoc），全程同司機又係用 Google Translate 溝通：
一入到園區門口便見到有大量卡通人物在 say hello：
