幾分鐘的約會

難得好耐冇見的大學同學放假，約魔術師星期一（11月17日）在魔術師公司附近見吓面食個頹 lunch。點知事與願違，魔術師星期五（11月14日）放工返到屋企，返到書房一開部電腦就見到唔妥：每次都會 by default 撻着的 web browser 竟然 load 唔到嘢，只係顯示 internet connection。

望吓放在電腦後面的 router，只見盞藍燈閃閃下，代表無訊號。再順藤摸瓜查找原因，原來係放在客廳，接駁光纖 modem 的 Mesh 主機燒了，無論是 LAN 線定 Wifi 都無哂，所以書房的「分機」亦唔着。

由於部 router 係向 8 號仔「妄想痕」租嘅（當年仲手痕就去試玩 Buy Now Pay Later，點知唔使幾年已經做唔住，見《Buy Now Pay Later 初體驗》），期間都仲 upgrade 過部 router 至另一型號，咁就梗係打去 8 號仔 hotline 叫佢哋嚟「換機」：

（圖片來源：Price.com > Linksys Hydra Pro Mesh WiFi 6E 路由器 [MR7500], captured on 16 Nov 2025）

打去「妄想痕」service hotline，一面輸入廣東話 > 寬頻上網服務 > 現有用戶 > 身份證號碼認證 > 登記住址樓層 > 技術問題，一面被被逼聽一大輪預錄廢話，電話另一端傳來一把電腦錄音聲：「現正為閣下進行寬頻測試」。

點知，聽完幾秒音樂之後，電話另一端的電腦錄音竟然話：「對唔住，依家系統非常繁忙，請您遲啲再打過嚟啦！拜拜！」

然後就 cut 魔術師線！

DKLM！

瞬間睇廣告（二十一）

1. 平霸返嚟喇？

估唔到2025年仲見到呢個「平霸式」洗腦廣告，不斷「牙齦溝」、「急急救」，真係極度厭煩：

仲有就係個女人，植牙要成幾萬蚊，馬上「牙痛」咁聲，成條窮撚咁：

解車公靈簽（2025乙已蛇年）

回顧去年《解車公靈簽（2024甲辰龍年）》解簽「斧斤持以入山林，未得之時那處尋；損了良材失卻力，勸君留住待春臨。」，似乎唔係淨係講搶「唔到」人才，而係包括埋「盛事經濟」，由夜繽紛到搵唔到 Tay Tay 電話再到熊貓經濟，大搞財赤預算，我城正苦開始大包圍（或稱「藥石亂投」），有得亦有失。

限於去年當時所知，魔術師之前的解畫只係聚焦在人才面而忽略了經濟面，只見樹木不見森林，但起碼比卡超炒了雙雄，都算做講中了「正視去年甩轆之處」也：

至於現屆政府有無揠苗助長，為咗交功課而推行未成熟的政策，或未經測試好的系統？由易通行到康體通到衰蟻會 hang 機到垃圾徵費，再到美C事件，可謂下下都甩碌，亦一眾膠官亦傾向去將責任歸咎於艇仔、服務供應商等中介人，而自己就好似毋需監管或參與測試等等嘅工作，正正就係孟子所言「殺人利刀也」的卸膊作風。

所以整個「斧斤以時入山林」引伸出來的故事，大概就係要比卡超正苦正視去年甩轆之處，同埋要正視移民潮人才荒的問題（咁講法唔通車公都係黃黃哋？），唔好夾硬嚟（外部勢力撩交打就係想你反駁，最怕反駁隊愈描愈黑，有理說不清），以免一來浪費正苦資源，二來良才走了便再不回來（樹木讓未成長便被砍了，那就無法挽回了）。正確做法是要等待良好時機，所以劉仔所言「不要浪費時間和資源，要用精準政策推動經濟」是對的，但就唔係等「春天會來臨」 - 時機要主動掌握，而唔係某個年月日到時到候就出現，心態大不同也。

＊＊＊

車公廟求籤｜24號中簽解曰「不可貪心」　劉業強冀政府做實事「錢搵錢」 有線新聞 2025年01月30日

【有線新聞】鄉議局按傳統在大年初二到車公廟為香港求簽，求到24號中簽。期間一度出錯，以為求得20號中簽。

鄉議局主席劉業強聯同一眾鄉紳到車公廟，他們先向車公上香，劉業強隨後為香港求簽。求得哪一支簽，他有點遲疑：「為香港求到20號中簽」，當時還讀出簽文，但見簽上的字模糊，及後劉業強更正求得應為24號中簽，「這個『 四 』字模糊，我也有問這是『 四 』或者『 靈 』，因為『 靈 』字也是方形。這下面有些少白色，他們再看就指這是24號中簽。當然剛才讀出20簽， 看起來意思都很接近。」

簽文是「生前不作虧心事，只為貪心惹是非。若得貴人相勉力，莫教枉費用心機」，解曰「不可貪心，自身平平，家宅平安，求財半遂」。劉業強解讀做事要實際，希望政府緊縮之餘要顧及市民，「今年蛇年，大家都知道蛇是敏捷、聰明，懂『執生』及多變，會適應不同環境找去路。希望財政司司長量入為出時要顧及中產和基層，不要加費加稅，很多事要考慮。投放之餘，不可以只是粉飾櫥窗，要做實際事才可以『錢搵錢』。」

解簽師傅陳天恩：「『只為貪心惹是非』，不是叫香港人不擔心，是要香港政府不要舉辦如此多不切實際的盛事。」

至於沙田求得82號下簽，簽文「心中日復自思量，時運未通怎主張。進退難為無定處，恐防患禍與災殃」，解曰「出入謹慎、凡事小心」，沙田鄉事委員會主席莫錦貴說車公指點要看清前路再行。

今年是劉業強自2018年起第八次為香港求得中簽，而沙田鄉事委員會就是繼2019年後，再為沙田求得下簽。

若生命等候

魔術師老媽子在生的時候成日話魔術師唔係好識做人，禮節性的客套話都唔多講，難開金口。不過，月前魔術師入院期間，大細舅父舅母時來探望，要老人家走來走去魔術師實在無言感激，加上細表弟覆診無發現有癌細胞，於是前幾個禮拜就約埋大細舅父兩家人食餐飯賀一賀佢，兼送上月餅劵當謝禮。過咗成廿年，魔術師都叫有些許長進吧？

席間又談到細表弟買居屋一事，早前抽安達臣居屋揀咗樓，高層290呎折實價約200萬（我城貨幣，下同）；但依家樓價食咗瀉藥，細表弟爸爸二舅父話考慮緊撻唔撻訂好，例如屯門黃金海灣‧意嵐就賣緊 200 萬都唔使。

聽罷，大舅父就問：「咁即係撻幾多訂？」

細表弟明星較大表弟肯講嘢：「都成廿萬㗎！」

大舅父即刻就玩鳩細表弟：「廿萬之馬，就豪俾佢！」

魔術師心諗，細表弟在正苦做個 ACO，廿萬（即係一成樓價）都唔係細數目，就咁因為樓價跌就撻訂想法未免有點兒戲，於是便以超然的態度搭句嘴：「如果用嚟住，都唔係一定要撻訂嘅！」

這時二舅父插口道：「個價跌咗，仲要俾幾十萬裝修，個心唔舒服㗎馬！」

魔術師早就估到二舅父的回應是「感情用事」，於是便繼續以超然的態度回應：「哦，咁係買貴咗啫！你好難話要在最低價入市嘅！」

（圖片來源：香港房屋委員會 > 出售居者有其屋計劃單位2022 > 安秀苑, captured on 18 Aug 2024）

新聞雜評（四百三十七）

網約車｜業界要求規範與的士看齊　Uber指發牌標準需合理：數量不應設限 有線新聞 2024年07月08日

【有線新聞】政府計劃發牌規管網約車平台，又指網約車需要持牌，目標明年有立法建議，的士業界則指，規管應該與的士看齊，有立法會議員就不認同。

網約車合法化進入新階段，政府向立法會提交文件，建議發牌規管網約車平台。持牌平台須確保服務車輛已領取合適牌照及購買保險、符合營運要求、定期通過安全檢查，司機則需要通過身體檢查及背景審查，平台亦要依時交帳目、營運資料或服務指標表現等。

至於有何發牌條件，會否只限制的士，或持有出租私家車牌照才可提供服務，文件沒闡述，的士業界就建議發出新牌照。汽車交通運輸業總工會副主席莊永德：「網約車必須要有商業登記，登記車主將獲發獨有網約車輛的登記牌照、即行車證，並需要貼於車頭擋風玻璃，車身要標明這車是網約車，還有車輛要安裝行車記錄儀、電子支付，我們要求規範與的士一樣。」

立法會交通事務委員會委員張欣宇：「申請牌照應該要盡量簡單，不要太多限制，這部分交由市場調節更好，因為本身彈性供應，與的士落地全職、全天候營運是兩種不同性質。網約車發牌總量不需要太多限制，反而登記方面做得更清晰，保障乘客安全，有意外更客易去追究及調查。」

政府則指未來一年會調查市場對個人化點對點交通服務的需求，再就規管平台的車輛類別及數目，以及牌照要求作出建議，期望的士及持牌合規車輛可以優勢互補；又提到深圳、新加坡、倫敦等網約車服務較成熟的地方未有限制平台數目，日本就只接受的士公司申請營運網約車。

政府同時研究修例加強打擊「白牌車」，即使未能確認司機身份，亦可以扣押車輛並暫時取消牌照，建議涉事司機須停牌至少12個月。

網約車平台Uber歡迎政府提出發牌規管，但認為發牌標準必須合理可行，強調網約車數量不應設限，否則影響上萬名司機，又指規管制度必須考慮網約車的普及和受歡迎程度。

1. 的士業界就建議發出新牌照。汽車交通運輸業總工會副主席莊永德：「網約車必須要有商業登記，登記車主將獲發獨有網約車輛的登記牌照、即行車證，並需要貼於車頭擋風玻璃，車身要標明這車是網約車，還有車輛要安裝行車記錄儀、電子支付，我們要求規範與的士一樣。」

的士業界的惡形惡相真係點都洗唔甩。睇呢位棟住個牌寫住工亂會（唔揪得手下？）的「業界代表」，對網約車（例如烏巴）的要求可謂極度無理，例如人地烏巴司機都唔算得上是「獨資經營生意」，點解要有商業登記？烏巴又唔會出外兜客，點解要在車身註明係網約車？網約車司機收錢都係經平台，點解要安裝電子支付工具？點解要搞到網約車好似一架的士咁，係咪只係想 set 高啲門檻減少競爭，而唔係改善自己面對挑戰呢？

一、二、三、四、六、N人飯局（2024年1至2月）（2nd edition)

1. 雪村

（圖片來源：Openrice > 餐廳 > 香港 > 尖沙咀 > 雪村 > 相片, captured on 14 Feb 2024）

一月份同靚姐姐撐枱腳兼慶祝澳洲遊勝利完成，便到 K11 Art Mall 這所日式餐廳去食日本嘢（唔怕幅射？）。只見一眾海鮮都真係非常新鮮，個清酒煮蜆真係連汁都飲埋。正呀！

食咗乜：唔記得，睇圖：

幾多錢：唔知，靚姐姐請客，慰勞魔術師

爽歪歪澳洲遊（2023年12月）（四）之開恩茲篇（下）

魔術師跟靚姐姐去旅行，「日夕相對」，總會傾下心事，當中自然包括愛情觀。話說靚姐姐係就係多人追，但奇人異士、心懷不軌、或者操控狂、「沙沙滾」者亦不在少數。今次去遊袋鼠國，靚姐姐亦有不少人叫佢「唔好去」...

魔術師明知故問：「點解？」

靚姐姐沒好氣：「佢哋妒忌你呀！」

好彩嗰班「狂蜂浪蝶」中應該無人識魔術師，否則就大鑊鳥！

Day 4

伴妳起錨

前一天由於原班機取消，要改道由悉尼飛墨爾本再飛開恩茲，到達時雖然已是夜晚，但吃過串燒做晚餐後，反而可以早點回酒店休息，養足精神。第二天早點起身，在酒店吃過早餐便出發去碼頭。

這天要去遊船河，加埋可能要落水，靚姐姐換上一身短打，水陸兩用緊身 bra top，仲要細半個碼，熱褲踢拖鞋，3D 身材盡顯陽光氣息，雖然出發時披了外套，依然睇到魔術師晨早就頭暈。

魔術師和靚姐姐出發去碼頭，雖說前一晚大媽司機兜過我們去過門口，畢竟夜麻麻有啲睇唔清路，都要搵咗陣問吓人才去到碼頭。行咗一輪熱焫焫，靚姐姐已經一身汗，要除衫以 bra top 示人了！

上到船之後到上層坐定，起程後不久 local tour 的工作人員就俾生死狀和健康申報表我哋填。

魔術師水性不佳，唔玩浮潛（snorkeling）了；靚姐姐雖然識游水，但都唔想潛水了，卻想玩「水底綿羊仔」：

可惜我們這個 trip 沒有「水底綿羊仔」，只有 Hemlet Diving：

於是魔術師便返回下層的 office desk 張羅，報名 hemlet diving...可惜又係額滿了！

新聞雜評（四百一十七）

信報 2023年11月3日

獨眼

DSE考生答題 陳獨秀變「秀獨陳」

考評局昨出版2023年中學文憑試DSE《試題專輯》，輯錄各科試題、評卷參考及考生表現分析，部分考生答題匪夷所思「非常有趣」，考評局建議年輕一代，尤其考生應改變現有接收資訊方式，多看完整專題報道或長篇經典小說。考評局認為考生在現今社交媒體普及下，雖足不出戶也能接觸海量資訊，惟資訊往往經篩選或濃縮刪節，當他們以為掌握社會動向，實際只是大量片段或高度概括的訊息，反映到寫作上，結果暴露考生對事物的具體刻畫或深度剖析嚴重不足。

當中在中史科出現錯誤嚴重，例如回答一條有關「五四運動」題目，有考生將試題提供的史料資料圖片由右至左顯示的《新青年》雜誌作者「陳獨秀先生主撰」，竟由左至右搬字過紙寫成「撰主生先秀獨陳」，抄也抄錯，形容是匪夷所思。

把王羲之當唐朝人

至於中國語文「寫作能力」一題論述是否同意「模仿缺乏個性」，不少考生將「模仿」理解為「學習」，亦混淆個性與成功的好處，結果答出「蘋果公司模仿微軟製作電腦」，以及「湯漢斯模仿奇洛李維斯演戲」等。

考生對史實混淆也嚴重，將新文化運動寫成是受俄國10月革命及中國共產黨成立影響而誕生；把「匈奴」誤認為「吐蕃」或「突厥」；東晉著名書法家王羲之寫成是唐朝人；辛亥革命時期的「秋瑾」及「張竹君」當成抗日人物。

通識科方面，有考生對一些詞彙理解不足，如有一題談及香港兒童飲食均衡及糧食問題時，有考生將「營養均衡」理解為進食食物的多少，「糧食安全」只理解為「食物安全」。

深圳寫成「深川」

考生答題字體潦草及錯別字亦常見，如深圳寫成「深川」，踴躍寫成「勇躍」、疆界寫成「彊界」、植樹寫成「值樹」等。

疫後首次重考的英文科口試，部分考生過分使用「I agree with you（我同意你）」，但無解釋同意之處。

1. 當中在中史科出現錯誤嚴重，例如回答一條有關「五四運動」題目，有考生將試題提供的史料資料圖片由右至左顯示的《新青年》雜誌作者「陳獨秀先生主撰」，竟由左至右搬字過紙寫成「撰主生先秀獨陳」，抄也抄錯，形容是匪夷所思。...「張竹君」當成抗日人物

將「祝君BB」當成係抗日英雄真係無乜可能（唔通有人用語音輸入法出貓？Siri將「抗日」聽錯成「抗疫」？），比將「陳獨秀」當成係「秀獨陳」更搞笑。魔術師覺得考評局會不會是太嚴肅，認真就輸了？話唔定係有啲無心向學，與分數作對的考生，故意以「搞笑幽默」的答案提弄考評局？

人才荒攻略（誤）

上年度稅收按年減5%　今年派少37萬張報稅表　稅務局：少派表未必影響稅收

【有線新聞】稅務局估算上年度總稅收約3,602億元，按年減少5%。主要是印花稅大跌三成，少收近300億元，利得稅及薪俸稅收都有增加，即日起市民會陸續收到個人報稅表。

剛結束的22/23課稅年度，稅務局估算總稅收約3,602億元，較上個年度少183億元、跌幅5%，原因是印花稅收大跌，只有近700億元、較上年度少30%，物業稅亦跌4%。稅務局局長譚大鵬：「樓市情況不太活躍，交投方面或樓價方面比之前都不太理想。股票市場如果相對上一年，並不是太蓬勃或太暢旺，所以整體印花稅收入比上一年下跌很多。」

其他稅收有增加，令總稅收跌幅收窄。利得稅、薪俸稅、個人入息課稅及博彩稅增加2%至5%，其中利得稅佔稅收一半，有約1,742億元。市民亦將陸續收到報稅表，稅務局即日起派發240萬張個人報稅表。總數過去三年呈下跌趨勢，較19/20年度的高峰少37萬張。被問到是否因為多了人移民，稅務局局長只說少派稅表未必影響稅收。譚大鵬：「報稅表出少了不一定代表稅收減少或納稅人數目減少，要交稅的人數、納稅人的人數2021至22年度有95.3萬人，較之前一年91.5萬人反而多了一些。（長遠會否擔心影響稅收？）離開香港情況似乎有所穩定，這個要看看長遠發展是如何。」

市民收到個人報稅表後，要在下月2日或之前遞交，如透過網上遞交限期是7月3日。

早前有報導話少咗人報稅，原因可以好多：可以係多咗人結婚生「小朋友」（唔係夫婦合併報稅，而係港女變身辣媽，退出職場）、多咗人辭職做 freelancer/slasher 唔報稅、甚至乎係多咗人財務自由可以劈炮唔做工資奴（笑）...當然亦有可能係移民。畢竟報稅（薪俸稅）係講緊上一個課稅年度的工作收入，有滯後性，應該有統計數據可以撒除一啲似係用嚟講笑的原因（例如結婚生仔），不過BNO5+1和機葉國的救生艇計劃都係2021年開始起錨，走咗嘅人的確就會係今年派嘅稅單（2022-23年度）消失；加上呢批只係第一批人，魔術師識得走嘅舊同事舊同學好多都係去年下半年同今年上半年走的，就好似魔術師之前提過嘅黃人舊同事S咁，今年年頭先至走得到去楓葉國，即係2023-24年度才完全「無收入」，要等到明年年中派的報稅表中才會無佢嘅份。

新聞雜評（四百零二）

康城主力牆｜屋宇署：結構沒危險　指涉事業主已主動安裝臨時支撐　要求盡快修復 2023年05月29日

【有線新聞】屋宇署證實將軍澳日出康城一個單位違規拆走部分結構牆，整體樓宇結構沒有危險，署方發出法定命令要求業主修復，會全面調查是否有人違反《建築物條例》。

這個681呎的單位位於日出康城首都，早前有網上片段介紹裝修設計，將原本三間睡房打通變成一間主人套房。根據圖則，睡房與客廳之間的懷疑主力牆中間開了一道門。

屋宇署高度關注，與單位業主、設計師及管理公司視察，發現單位拆去客廳與睡房之間一道72厘米闊、約2米高、20厘米厚的結構牆以安裝一道新門。署方視察上、下兩個單位後，認為樓宇結構沒有危險，業主亦已主動安排承建商在新門橫樑下加裝臨時支撐。

署方向業主發出法定命令，要求委任認可人士提交修繕建議書，取得署方同意後修復單位。根據《建築物條例》，涉及結構牆但未經批准的工程屬於違規，署方會全面調查是否有人違例，再按結果懲處及刑事檢控涉案人士；根據條例，進行未經批准的工程最高可判監兩年及罰款40萬元。

屋苑的管理公司港鐵回應說，沒有收到該單位申請改動結構，客務處會配合業主盡快完成修復工程。

1. 這個681呎的單位位於日出康城首都，早前有網上片段介紹裝修設計，將原本三間睡房打通變成一間主人套房。根據圖則，睡房與客廳之間的懷疑主力牆中間開了一道門。

呢位切雞C總監今次真係全傷巷人都識你，「名牌效應」宣傳用作遠勝上1000次樓盤節目。

今次咁搞法，切雞C上樓盤節目「分享」設計就更加要小心，因為真係證據確鑿。尤其是好似鎢絲 sir 嗰類上親電視都見佢係又拆牆唔係又拆牆，專門將整個單位「推倒重來」好收貴啲嘅切雞C真係震過貓王，應驗咗魔術師老媽子的口頭禪「你唔好以為自己好叻」矣！

只有騙子才是真的

魔術師發現最近呢個星期又出現返呢類薯片叔/劏房波/譚校長/...作頭像的電騙廣告，內文千篇一律，唔理你當事人係邊盒，說一定係以「串嘴」聞名於世；當事人在訪問中說漏了嘴/唔記得熄咪，爆響口某種虛弊發達秘技，主辦方（可以係正苦/電台/大貓投資座談會）撳都撳唔，以止住引誘讀者去參與某些虛弊平台。理所當然又係俾班水魚先贏幾局，引苦主不斷入金，過得一排想出金就出唔到，又話要入更多金去解凍戶口云云...

（網上圖片）

（題外話：奇就奇在呢類電騙廣告都係一時時出現，睇嚟 Google ad 是有機制控制到佢是否將呢類廣告下架；至於「傷巷國歌」的 search result 呢...）

呢類騙局都玩咗好幾年，魔術師正懷疑仲有無人信的時候，前幾個月就在屯門市廣場墥見一位以前在美顏組共事的同事，聚吓舊傾兩句，佢就話自己就你被以上 formula 騙咗一大筆錢...魔術師大吃一驚，估唔到我城中剷竟然會又貪又蠢至此。唔怪得以下班苦主，有本事被人碌走幾十萬卡數（證明該些「苦主」個底都有返咁上下）都唔知唔覺，唔係「嚴重疏忽」都好難講得過去。

市民稱信用卡遭盜用簽帳59萬　銀行指「嚴重疏忽」要求自行承擔 2023年04月10日

【有線新聞】民建聯近日接獲多名市民投訴信用卡被盜用簽帳，銀行以事主「嚴重疏忽」為由要求他們承擔全部或部分簽帳額。

張女士去年八月銀包被盜，失去身份證及三張信用卡，其中兩張卡被冒簽帳26萬及33萬元，她收到大額交易信息，已隨即取消信用卡。滙豐指她「嚴重疏忽」，要她承擔簽帳。張女士︰「這間銀行的處理手法是向我們施壓，不能安睡，每天起來上班前只會登入手機應用程式，（戶口）有沒有30多萬元卡數，每天要承受的就是這些大壓力。」

另一投訴同樣涉及滙豐，投訴人在網上被盜用信用卡資料，到第七次交易才收到銀行短訊，銀行同樣要他承擔近九萬元卡數，協助他們的議員批評銀行推卸風險，要求金管局處理。

議員助理植潔鈴︰「警方已經拘捕犯罪者，這已是最有力證據，證明這些受害人是苦主，他們是沒有授權簽帳。」

港島東（民建聯）梁熙︰「發卡銀行可無限解釋卡主『嚴重疏忽』這幾個字或這項條款，如果金管局不向銀行清晰界定甚麼是『嚴重疏忽』，只會越來越多好像現場的苦主，明明被偷信用卡去簽帳，最後要自行交卡數。」

滙豐回覆，在未有適當調查前不能評論案件、或披露客戶的機密資料，客戶如發現可疑交易，應盡快聯絡銀行或警方。

慳稅三寶之自願醫保

終於嚟到慳稅三寶最後一擊：自願醫保。魔術師一向都認為除了醫保之外，大部分的保險都係無用嘅；而魔術師 on and off 都有在《保險精算》tag 之中講話過醫保的重要性，有興趣的新知舊雨大可爬文溫故知新。而有咗扣稅優惠，就更加多咗誘因為自己及家人投保；不過，以魔術師性格，一概都不會因小失大，買醫保首要條件都係睇需要性、賠償額、償付比率（即係客戶成功 claim 到幾多，例如 claim ＄10,000 賠 $8,000 就係80%償付比率）等等，慳稅只係 bonus，否則為了慳稅需買了份 claim 唔到的醫保，只會係偷雞唔到蝕把米：

（圖片來源：自願醫保計劃 主頁 > 消費者資訊專區 > 稅務扣除, captured on 23 Mar 2023）

由於我城保險業滲透性非常之高（保險佬當然話滲透性低，好多人都買唔夠保險），君不見周末周日的兜把星都大把貌似保險佬保險妹在 sell 客，產品多樣化，坊間也有不少格價平台，魔術師在此不打算比較產品，而係講吓邊啲產品先至適合自己，先 narrow down 個 scope 再講慳稅：

慳稅三寶之可扣税強積金自願性供款

話說每次農曆新年去到大舅父家中「團拜」，二舅父例必問魔術師深圳層樓收租如何、會否重建之類之類。實情上魔術師好仔不論爺田地，層樓都係當年老父留返俾魔術師的「一番心意」（姜大衛腔），層樓值幾多，收幾多租魔術師都不為已甚，一切交由大堂家姐甲處理，魔術師只係間唔時 return home 打吓簿睇住條數（疫情關係都有幾年無返過去，遲啲都會返上去探吓堂家姐等人），所以對二舅父咁關心魔術師鄉間層樓實在不明白（可能無話題掛？）。好在最近個 focus 可以轉去基層公墓園副學士二表弟身上，話佢以一人家庭抽居屋都輪到「有利位置」（買居屋都算是務實作風，算係咁喇！），希望可以抽到（唔提唔知存不存在的CBD2概念的）啟德區云云（見伸延閱讀）。

魔術師心諗，二舅父果然係 control freak，二表弟買樓都唔可以離開老家黃埔太遠...

話題又再一轉，二舅父主動話中層公墓園博士大表弟仲未做夠年數，未攞到房屋津貼，所以未買樓，依家就以「可扣税強積金自願性供款」(TVC帳戶) 每年節省＄10,200稅款幫補吓「儲首期」，又問魔術師有無做自願供強積金，強積金又點部署法？

新聞雜評（三百九十二）

香港馬拉松｜無報名參賽人士疑闖賽道　大會稱會了解 2023年02月12日

【有線新聞】最少35名跑手不適送院，其中4人情況嚴重，大會說天氣潮濕、影響散熱。另外有懷疑沒有參賽資格的市民進入賽道，大會說會了解。

有跑手到達終點後暈倒，醫療輔助隊為他戴上氧氣罩，再用擔架床抬上救護車送院。大會說天氣潮濕、影響散熱，部分跑手體溫過高、熱衰竭和頭暈等，亦有人因為地面濕滑而扭傷。

天氣沒影響跑手的熱情，37,000個名額的出席率達九成六，是歷來最高。香港田徑總會主席關祺：「我們相信因為疫情過去，大家期待出來參加活動、比賽，希望社會盡快復常。我們向前看，希望一路復常，可以增加更多名額。」

賽事期間，有懷疑沒有參賽資格的市民進入西隧賽道與其他跑手一起跑，他沒有展示選手號碼布，沿路用手提電話直播，跑到終點後，有工作人員向他派發完成獎牌。香港田徑總會行政總監伍于豪：「當然我們絕對理解到馬拉松賽道幅員廣闊，我們會檢視有沒有這情況發生。」他重申只有持號碼布的跑手才可以進入賽道。

1. 賽事期間，有懷疑沒有參賽資格的市民進入西隧賽道與其他跑手一起跑，他沒有展示選手號碼布，沿路用手提電話直播，跑到終點後，有工作人員向他派發完成獎牌。

魔術師自己就一向對跑步與趣缺缺，最多都係在 gym 房跑吓跑步機咁，跑街就唔好預魔術師了；而且自從年前傷了腿之後都唔敢做太劇烈的運動，所以就唔能夠領略到跑步的樂趣了。但近年跑步以至跑馬拉松已成為一眾廢中的時鬈玩意。魔術師的 FB、IG、LinkedIn 就不時有呢類前中同大同MBA同、還有前同事 post 自己的跑步英姿（點解沿途會有攝影師？）及成續擺上網自 high 一番，令魔術師頓時淪為異類（魔術師都慣咗，人多殭屍係怪物，殭屍多人就係怪物）。不過由自 high 去到唔參賽只係去呃 like 呃直播，呢班網紅有青就未免太過「自肥企畫」上腦了。

（生活）文化大革命

今年農曆年假放到年初四（星期三），魔術師自己就向公騎攞多日假，初六（星期五）才上班，貪其為開工吉日吉時（初六辰時）易墥中。返一日工又放多兩日，完全就係 holiday mood，所以發文都慢慢來（灣灣式慢活？），清返啲閱讀報告的存貨都好。

＊＊＊

信報 2023年1月5日

余家強 後不變期

港語迷思

社交平台某專頁近日列舉出「非香港本土用詞」清單，呼籲大家別講別寫，包括：素質、計審、網紅、說法、抹黑、團夥、處所、打造、渣男、顏值、小三、包包、底氣、一次性、富二代、性價比、速食麵、小鮮肉、方方面面……不只此專頁，本土派都愛搞這科，旗幟鮮明。無以名之，姑且稱為想建立港語系統吧。

所謂港語，是怪胎，僅一場迷思。在聲音上，明明香港講廣東話，許多懶音青年竟反過來嘲笑正宗廣州腔老套。之前討論過，不贅。

緣木求魚

在用字上，港語等於排他性。學校作文不能夾帶英文、口語和潮文，本土派倒不避忌這些，直接說，他們避忌的是大陸，上綱上線到顏色取向，一切疑似來自大陸的用語，視如洪水猛獸，憑此區別自己人抑或新移民。

可惜，要逐一正本清源毋寧緣木求魚，常常產生誤會。例如「方方面面」，我在某報專欄偶爾寫過，讀者怪我，我答孫中山先生演講曾說「方方面面」，對方就無言了。於是我幾肯定，本土派純粹針對大陸，其餘無礙。又有讀者話：「『方方面面』咁累贅，『各方面』得啦。」朋友，文章玩味道，靈活運用，「形形色色」寫「各形色」也可以呀，味道卻不同。這亦是我寧願行文駁雜一點的原因，海納百川，有容乃大。

「第三者」文謅謅，「二奶」強調包養關係，「小三」含意較活潑，何必禁用呢？「衰佬」通常指已婚，「浪子」抬高了，「渣男」程度比「賤男」輕微，有時才貼切準確，視乎情況，適合便對號入座。不講「網紅」，唯訴諸英文KOL；不講「一次性」和「性價比」，我直頭不知怎講呀；「包包」乃台灣叫法；「抹黑」港人一直用，請勿抹黑……諸如此類，經頭腦清醒的網友們留言指出，專頁便又話修訂，畢竟左支右絀，辛苦了。

提起誤會，「派出所」大概最令人覺得大陸色彩，若告訴你，它見於日文漢字則如何？哈日者即變趨之若鶩？仇日者即變深惡痛絕？何止，邏輯、社會、經濟、哲學、歷史、物理、化學、主義、幹部……幾乎一切學科名稱乃至大量詞語，都從東瀛來，無他，傳統文言文慣用單音節詞，五四白話文運動（1919年萌芽），知識湧進，亟需新辭彙，剛巧文壇旗手如魯迅兄弟和郭沫若等皆留學日本，遂順勢移植無數彼邦雙字詞。

舉例「社會」，在古書指祭祀廟會，賦予它society現代定義的卻是日本。沒啥可恥的，語言發展便這樣，自古已然，互相衝擊影響，誰有把握自認純淨中文？內地用語傳入，撇開政治，總豐富了我們的世界。

自然淘汰

「打造」的確肉酸，什麼都打，戰鬥民族，你就少用吧。同胞喜歡縮短，「雙規」、「三觀」云云，像猜謎，你不屑用，卻要懂，否則無法溝通。畫地自限，衝不出鯉魚門。已經普遍流行的，擋都擋不住；壞東西終會自然淘汰。妄圖規定哪些屬於禁語不准使用，唯我獨尊硬割裂，豈非似上世紀文化大革命？豈非恰恰本土派所最痛恨？

年尾晚餐推介

 以往魔術師都會趁冬至公司有得早放，便可以預到時間去沙田的堂家姐處黐餐兼聚一聚，畢竟魔術師的親戚朋友本來就唔多也。之但係疫情來襲三年，大堂家姐教小學的，自然怕羊攬煲怕得要死，社交距離層層加碼再加碼，由第一波開始已經叫魔術師唔好來聚又唔好拜年，叫得幾次魔術師都無謂再問，最多都係等過年去唔去佢度坐吓。

無論點都好，晚飯始終要食，不過又做冬又聖誕又除夕，好多工資奴都趁機放假，單人搵食點都係難啲。魔術師的心得就係儘量食夜啲，能夠掌推握到時間食最後一轉就最好。更何況疫情幾年以來，好多食店都早收咗，要「食最後一轉」都唔使等太夜也。

1.旺角女人街 三一餃子

魔術師一向都有放工後去旺角行吓的習慣。上個月較早前便在女人街見到呢間餃子店，見 Openrice 話中環總店人氣甚高，魔術師好奇心起便哄埋去睇吓：

Q版結婚禮物

記得上次前坐僱傭兵公司的短裙妹結婚，魔術師就送咗一粒貓銀幣俾佢做禮（見《競投貓銀幣》），今次就到包青天組的前同事L因為做 project 而識到公司另一個部門的盛女J仲拉埋天窗，魔術師自然「食髓知味」，今次就到一向買開實物金條、金塊的金拓公司的禮品部網站，搵咗粒銀幣做禮，大方又得體：

2022 喀麥隆共和國婚禮精鑄銀幣：

（圖片來源：Kitco Gift > 2022 喀麥隆共和國婚禮精鑄銀幣, captured on 10 Nov 2022）

魔術師選定心頭好後，便致電查詢有現貨，答曰有萬宜大廈門市部有現貨，仲要8:00pm先打烊，魔術師放咗工慢慢去揀都未遲。

瞬間睇廣告（十）

1. 投委會

雖則話個廣告劈頭第一句就話「睇吓投委會網頁先」，但相信觀眾嘅焦點都會落咗係女主角個靚靚膊頭到，變咗「睇吓女主角個膊頭先」（雖則隻唔知邊個唱嘅廣告歌都幾洗腦吓）：

都唔使魔術師查找，油管已經 tag 咗呢位在廣告中帶住普羅大眾認識投資理財態度、風險、及詐騙技倆等，彷彿飾演「投委會天使」的女主角叫姜麗文（Lesley Chiang），1986年生，今年都36碎了。維基話係秦沛個女、姜大衛個姪女，原來出身演藝世家，亦係 CCTVB「小花」之一...壞消息係已嫁作人妻。

一人讀書、全家移民

如果各位讀者記得的話，魔術師的前同事兼朋友Ｓ乃是一名典型黃色巷豬：後生時疑似讀書唔成好在有父幹可供其到楓葉國留學（唔知點解無入藉）；大學畢業就回流我城去到魔術師前公司打工，一做就成二十多年；期間魔術師雖然教過佢唔少理財知識，但由於平時就Ｓ就係一頭不理世事「睡着了的巷豬」，未結婚就只係埋首工作事宜，結咗婚生咗仔就一頭栽進「小朋友的世界」，唔使旨意佢會讀書學習為自己增值，反而思想愈來愈「小朋友」（因為湊仔要將自己投入小孩子的思維）。

到得近年老共「魔爪」逼近我城，又８３１又全面管治權又國安法，加上Ｓ老婆乃黃人一名，Ｓ自己意志不堅就自然轉黃，於是開始學人「搞移民」。魔術師對詳情都不甚了了，只知Ｓ要走去考 Java programming 之類之類（結果好似肥咗佬要 retake，足證呢條友有幾「聰明」）...魔術師再上網查找一下，見到有移民顧民公司標明呢類「楓葉國救生艇移民計劃 stream A」為「丈夫持學簽讀書，妻子申請工作簽，小孩也可申請學簽」，最高齡產婦巷豬試過去到６０歲嘅廢老「中年人」（高 IQ 前焗腸腔）都得：

（圖片來源；【 香港救生艇 】港人看準 Stream A 讀書移民 的5大優勢，需求量仍居高不下！, captured on 4 Jul 2022）

新聞雜評（三百四十六）

防疫限令延兩周　特首籲過年留家避聚會　葵涌邨禁足三廈料如期解封　2022-01-27 21:25:03

【有線新聞】行政長官林鄭月娥說，本港疫情隨時幾何式爆發，多項防疫措施要再延長多兩星期，呼籲市民農曆新年期間避免聚會。

單日確診數字創新高，行政長官林鄭月娥說短期內無法放寬社交距離措施，幾乎全部措施連微調也不行。林鄭月娥：「目前新冠疫情仍然是非常嚴峻，甚至可以說大規模的社區爆發，而引致確診個案可以幾何級上升，是隨時，我再說一次，是隨時會在香港社區發生。」

原定年初四屆滿的社交距離措施包括晚市禁堂食、表列處所停業令，全部都要再延長兩周至2月17日；學校面授課在農曆新年假完結後，亦都要繼續暫停多兩周，直至2月21日；外防輸入措施都有調整，英國、美國等8個國家的客機和旅客禁止抵港的措施，會延長至2月18日。

不過因應Omicron變種病毒潛伏期短，由下星期六開始，抵港人士檢疫期會由21天縮短至14天，再加7天居家自我監察。

林鄭月娥：「幾日後就是農曆新年，我當然知道農曆新年是一個一家團聚、很喜慶、大家探訪親戚朋友的聚會，但今年因為疫情非常嚴峻，所以不得不呼籲大家盡量留在家中，減少跨家庭聚會，避免Omicron變種病毒株傳播。」

林鄭月娥又宣布，葵涌邨逸葵樓周五早上可以如期解封；至於映葵樓和夏葵樓，如果疫情沒有惡化，周六都會解除禁足令。

１. 林鄭月娥：「幾日後就是農曆新年，我當然知道農曆新年是一個一家團聚、很喜慶、大家探訪親戚朋友的聚會，但今年因為疫情非常嚴峻，所以不得不呼籲大家盡量留在家中，減少跨家庭聚會，避免Omicron變種病毒株傳播。」

Ｄ，又嚟玩啲無約束性的勸籲。７７７你真係「官到無求膽自大」、預咗續唔到約的話，大可豁出去立令「禁止傷民拜年」咪得囉？跨乜鬼家庭聚會吖！講埋呢啲語言偽術做乜呢？跨乜鬼家庭聚會吖！講埋呢啲語言偽術做乜呢？

又，魔術師住屯門，都做過檢測，係安心嘅；但依家就搞到師今年都唔知好唔好去同舅父、堂家姐等拜年（老粗老阿哥住葵涌邨，又唔知佢係咪仲糾纏緊爭產事件，都唔好搵佢了。）。如今先響應正苦呼籲，在此在網上免聚會之下跟大家拜個年，祝大家身體健康，安心出行，百毒不侵！

（（舊年都啱用）圖片來源：【Kelly online】薛永恒變身YouTuber辦年貨 推銷「安心出行」過好年，頭條日報 ２０２１—０２—０６）