是日晚飯

連日救火，餐餐無啖好食。好在魔術師唔係住豪宅區，就算夜晚十一、二點返到屋企，樓下大把嘢食，都唔怕餓親。做到心火盛，自然想買嘢減壓，一時間血拼不來，便只好買嘢食，話知自己眼闊肚窄，一於買咗先算。

排骨蒸飯、雞翼、冬蔭功湯，承惠６２大元。更想不到的是，樓下小店的冬蔭功，用料竟然毫不含糊，還有一大隻蝦，真係估佢唔到。

真係架！諗諗下住豪宅，出入鬼迷咁遠，夜馬馬想搵餐食真係唔係咁易，少咗好多樂趣！當然，香港有某些近西九偽豪宅，附近就係大角咀舊區，到時又有CEO Living，又有街頭小吃，都唔知幾過癮。