伸手黨免問

致無想：
由於近期留言比較踴躍，魔術師怕你個問題被洗走，所以特地置頂一天，免致客席主持摩摩及讀者「無責任中尉」的回應白費心機：

無想轉生2016年8月9日 上午1:30
最喜歡聽摩兄講蝗國野，知多學到好多野。有個問題想請教好耐。我有個老外朋友9月開始去深圳教書。佢就冇乜野，但佢身邊朋友都有D擔心，因為聽講深圳治安好差（上網睇唔少人都係咁講)。想問問以你所見所聞深圳治安究竟係點呢，有乜野要特別留意呢?謝謝。

回應在此：無責任中尉、摩摩。
謝謝兩位熱心回應。
（好似無想兄咁，當然唔係伸手黨，魔術師的判斷只會比選舉主任更有力。）
＊＊＊
多年前魔術師舊公司眾後生一輩的同事都有一陋習，就係每逢農曆年都會聯群結隊去「探訪」各小組隊長和部門經理，無論熟唔熟識唔識都好，都去恭喜一番，成班友走勻幾層樓，好似蝗蟲一樣洗樓，做其伸手黨逗利是。每次魔術師都唔會埋堆，廢事做到自己cheap哂。

真至後來過得幾年，眾「後生一輩的同事」都成家立室，結婚生仔，就再唔見「團拜」之事，以免大家各有「現金流入及流出」，而舊公司新請回來的「年輕新一袋」又唔興搞埋呢啲嘢，結果人人慳得就慳，「新年氣氛」頓減。
＊＊＊
近日starman談起坡妹REIT、分期付款買股票、與及低息融資，引來一陣伸手黨，大都係賣兩句口乖話「睇starman個blog已久，好有得着」，又或者好敬佩blog主年紀輕輕，眼光遠大，成就不淺等等，擦完鞋之後就話題一轉，求教起坡妹REIT名稱、可供分期付款買股的證券行名稱、私人銀行平台、與及能夠低息提供融資的證券行名稱等。老實講，人地已經將提示講到不能再白，伸手黨連Google search都懶，收完提示仲要叫人confirm自己估得啱唔啱，成班人又蠢又懶又貪又無信心，洗版洗了過百個留言，搞到好似人地欠咗佢地咁，令人側目。
魔術師係咁睇伸手黨的：佢地問你嘅問題，只係佢地漁翁撒網式的發問，a question to you is just one of the questions from them，就好似電話錄音問卷調查一樣，基本上你唔答佢，你係唔會內疚，佢亦唔會有損失；而就算你好俾心機去答咗佢，伸手黨亦不見到會「隆重其事」咁跟住去行：如果一個人真係看重呢件事的話，一定會自己去做research，唔識再問人，態度係同人地交流而唔係求其拋下一條問題，「昐答」咁就算。
重申一次，魔術師歡迎交流討論；但若要純粹伸手拋下問題就走，回唔回答魔術師就睇心情了。
＊＊＊
最近一眾網友講起嘅低息融資證券行，魔術師相信就係自己都用緊，並且經「生活基金」持有嘅Interactive Brokers（IBKR.NASDAQ）。在舊文《尋找1042-S的故事》中，早就講過開戶資訊，與及如果在我城以支票存入款項，每次的最低存款額係要ＨＫＤ８０,０００：

不過，原來以帝幣匯款到美帝ＩＢ就無呢個限制，填好呢一頁之後就會有個銀行資料同戶口號碼俾你：

ＩＢ的往來銀行是美帝銀行，魔術師在我城美帝銀行開有戶口，可以直接由魔術師個人的帝幣戶口轉去美帝ＩＢ，不過如果要在網上做外幣匯款，傷港的美帝銀行是要客戶先申請保安編碼器的：

在美帝銀行網上版setup payee，記住唔可以用只係適用於個人戶口的Global Transfer，而係要揀A different payee in another country：

將早前ＩＢ給你的資料填下來（To account, Ｕ字前的事ＩＢ在美帝境內的美帝銀行的戶口號碼，Ｕ字之後的就是你自己在ＩＢ的戶口號碼：

這天（２０１６年５月３日）魔術師小試牛刀，少少地試下存入帝幣２,０００，即日經已完成。
美帝銀行statement：

ＩＢ statement：

而提款都係由ＩＢ做起，填好自家銀行資料：

今次（２０１６年８月１日）魔術師試下提款帝幣數千存入大貓：

隔日完成，不過由於係在不同的銀行集團內匯款，被扣了１０元帝幣作手續費（Telegraphic correspondent bank fee）：

＊＊＊
伸延閱讀：
逆工管思維（十九）之 No question is silly question, but many questions are lazy questions
另類股票融資：股票按揭
http://magician__yang.mysinablog.com/index.php?op=ViewArticle&articleId=13111982