城市論壇論 Lesser Evil（２０１７年２月１２日）

城市論壇：參選特首定造王，選委提名添迷惘？未有政綱先綑綁，中央意志不可擋？(What The Election Committee will Consider for Picking the City

嘉賓:
林偉強 Daniel Lam Wai-keung
選舉委員會委員(鄉議局)
Member, Election Committee (Heung Yee Kuk)
詹劍崙 Ricky Chim Kim-lun
選舉委員會委員(金融服務界)
Member, Election Committee (Financial Services)
朱凱廸Chu Hoi-dick
選舉委員會委員(立法會議員)
Member,Election Committee (Legislative Council)
方保僑 Francis Fong Po-kiu
選舉委員會委員(資訊科技界)
Member, Election Committee(Information Technology)
主持: 蘇敬恆

基本上又只得長毛粉絲・朱仔一個人講哂，其他人的存在感是零！其餘的討論，也是胡說八道居多，無乜評論價值。

１. 朱：「長毛唔係諗住贏。第一，係諗住出嚟代表民煮派的聲音，包括反對２３條立法，反對人大８３１決定；同埋要代表基層福利，一啲有共識的議題，例如標準工時，全民退保。第二，依家特首選舉，市民係無份參與，所以要把握最後機會，要以公民提名的方式...（大意）」（２：４０—３：４３）
全民退保幾時係「有共識」？
又，如果當初販民肯「袋住先」，就算根據８３１「每名候選人均須獲得提名委員會全體委員半數以上的支持」，魔術師就睇唔出依家林鄭、曾糟財、孽瘤、胡塗官等完全無機會「獲得提名委員會全體委員半數以上的支持」，尤其是販民能夠有３００幾票，「袋住先」就會有意義得多，起碼入閘之後，全傷港合資格選民就有份參與了！
２, 朱：「民煮派的選痿係有某些原則嘅。你首先要過到３萬８（公民提名人數門檻），跟住你要有啲原則去符合，咁就有得傾嘞...」主持：「咁即係如果曾糟財有３萬８千個提名你都未必會考慮？」朱：「戴當家方案同鄭乳石教授個計劃已留有空間俾選痿考慮，３萬８只係一條線。」主持：「咁會同公民提名的理念背道而馳。」朱：「我覺得係架。如果一個人唔認同呢個遊戲，但你又去支持佢，甚至俾佢有權去做決定，就有啲奇怪...」（大意）（６：２８—７：４４）
個公民提名究竟係要參選人向戴當家「報名」，再落區去拉提名票？抑或係戴當家自己 compile 一條參選人 list 出嚟，再叫選民主動獻身提名？
好，又原來公民提名的提名票數只係「門檻」，係獲得販民選痿青睞的必要條件（necessary condition）而不是充分條件（sufficient condition）；而其他的必要條件仲包括咗政治理念（例如林鄭就無乜可能獲得販民票），咁講法在政治上無可厚非，政黨當然只能支持自己的「同路人」而不是阿貓阿奇都無腦地去撐；但同時，呢種「撐自己人」的做法正正就係「篩選」 — 樁秧都係一樣啫，咪又係「撐自己人」。
３. 朱：「我係反對販民選痿投建制派嘅。但我係一把較少的聲音，依家要做嘅係要用少數的聲音創造返一啲被壓抑的民意」（大意）（１４：００—１４：２８）
唔知朱仔講乜。你反對販民投曾糟財係一回事，你又唔係販民盟主，號令天下莫敢不從，咁人地梗係唔被你「綑綁式投票」喇！你唔係武林盟主，就變咗係少數聲音，又話民意被壓抑，一話唔到事就扮可憐，嗰陣社混味果然係搣唔甩嘅。
４. 朱：「長毛去選，係講緊一個有定無的問題，係有民煮派代表，定無嘅問題；而佢亦都係到目前為止唯一肯承擔呢個擔子嘅人。我都想承擔，但我未夠４０歲。佢嘅參選，亦都唔係佢決定嘅，而係３萬８千決定嘅。民煮派嘅雞蛋唔能夠只放在一個籃裡面，而長毛就製造了另一個籃出來；雖然我地嘅蛋唔多，但啲蛋要繼續存生。」（大意）（３９：５９—４１：３５）
原...原來長毛係母雞，責任係保護啲「民煮本地蛋」？？？？
同埋，原來朱仔係未夠秤選待首！咁仲唔去司法覆核告《基本法》有年齡歧視!

基本法 第四十四條香港特別行政區行政長官由年滿四十周歲，在香港通常居住連續滿二十年並在外國無居留權的香港特別行政區永久性居民中的中國公民擔任。

＊＊＊
伸延閱讀：
全國人民代表大會常務委員會關於香港特別行政區　行政長官普選問題和 2016 年立法會產生辦法的決定
《十年（Ten Years）》之《本地蛋（Local Egg）》：脆弱蝗蛋硬撼笨土高牆