魔術師沉船基金（２０１８年１月１２日）

是次抽希瑪眼科（03309.HK） IPO 都有諗住長揸，除了魔術師比較喜歡醫療股之外，今次咁啱墥正資產配置微調比重時「沽多一手匯豐（00005.HK）太多，沽多一手匯豐又太少」（見《魔術師資產配置（２０１８年１月）》），於是一於沽多一手大貓，又買返少少希瑪眼科來填返個差額；反正呢個係沉船基金，一於便入飛描籤，投資期可長可短，彈性比生活基金等高得多。
魔術師生為水命，水剋火，我剋者為財，眼科已經係屬火，股票編號又哂魔術師條命，抽嘅股數一於又係要同火有關，於是便少少地抽９手１８,０００股，取其九紫火之意也。

（圖片來源：港交所披露易 > 希瑪眼科：上市文件 - 黃色申請表格）

是日公佈抽籤結果，抽１８,０００股的共有１,５６８人，共有１１５人抽到１手，魔術師就係其中之一：

（圖片來源：港交所披露易 > 希瑪眼科：全球發售 - 發售價及配發結果公告 > 摘要）

果然係「我剋者為財」,７.３３％（＝１１５／１,５６８）的機會都俾魔術師中到，真係好少咁好運。本來資產配置沽多咗大貓，選擇補返啲希瑪，講緊都係一手起兩手止的小數目，一萬幾千咁。睇返一窿暗盤場收市價（下午６：３０收市），原來一手希瑪已升至升萬元一手，魔術師亦毌需補貨了：

＊＊＊
伸延閱讀：
魔術師資產配置（２０１８年１月）