孤獨的推銷員

自從魔術師在一星期前不小心接聽了一通（不是證券行）來自某李加玻的僱傭兵公司的電話之後，接連幾日便收到同一間公司的電話與及電郵，全部 jobs 都係關於做金融業的 IT projects；電郵格式亦非常罐頭，基本上只要上款改個名就得，仲要離譜到例牌加句 "apologies if the position is too junior for you or not align with your current role"。既然佢地可以無情白事拎到魔術師個私人電郵及電話，又即係話佢地已經拎到了魔術師的ＣＶ（只是因為魔術師都有一段時間沒有上求職網站，份ＣＶ極有可能是 outdated）。咁既然佢地都有魔術師的資料，點解唔 share 嚟用，要逐個打嚟問，每次都要魔術師重覆介紹吓自己咁呢？唔通佢地工作真係太過悶蛋，要周圍打電話搵人同佢地解悶？而且佢地唔係應該睇過魔術師份ＣＶ先搵人嘅咩？咁樣求其白墥法，同 send spam mail 有乜分別：

可能呢班所謂 recruiters 並唔係 work as a team，而只係各自為政的 sales，有如寬頻街霸和地剷經紀一樣，根本唔理得客戶咁多：聘請他們的機構固然是客戶，求職者同樣是客戶，recruiters 只是「撮合」買賣（勞力）雙方的中介而已。
魔術師之前被分手及裸辭之時，都曾試過經 recruitment agency 搵工。很奇怪的是佢地都會當正自己係人事部，約魔術師上其辦公室「面試」（故此有曾被疑似基民「性騷擾」之事件（見《回頭草（2nd edition）》）），更甚者就係要求魔術師在電話中詳細講出自己履歷，及有甚麼 expectation 或 ambition，點解轉工，點解會有「空窗期」等等...當正魔術師係 freshgrad 或工資奴看待，實在是未見過大蛇痌尿。
因此魔術師初頭都會客客氣氣應酬下呢班 recruiters，但後來因為發覺問題過於重覆，魔術師不勝其擾，知道呢類電話都係煲無米粥多，於是就連講多句都嫌廢事，直表叫佢地 send email，魔術師有興趣便回覆，無興報便無謂俾呢班不明來歷的人呃份ＣＶ走。
又，無論是在我城抑或是在東南亞國家，recruitment 行業似乎都幾興旺，尤其是在我城，大把 recruiter 都係偽ＡＢＣ，說得一口流利英文。但魔術師卻不明白，做 recruiter 會有甚麼發展前景，或是要求甚麼專門技能，能夠令這群疑似是兩文三語都很 talk 得的年青才俊加入呢？

（做乜條女唱到走哂音都可以公開出嚟獻世，真係着 halter back 都唔掂！）
＊＊＊
伸延閱讀：
回頭草（2nd edition）