只要是魔術師的長期讀者都應該知道，魔術師這裡絕大部分留言都係討論式留言，又或者係表達留言者自己的看法，純粹問魔術師點解咁咁咁或直接要求魔術師分享心得的問題絕少出現。通常這些發問式留言都是與投資理財有關，難道投資真係咁難，下下要問人？
查實要學投資的基本功，只消讀一遍 Chartered Financial Analyst (CFA) Level 1 便可掌握，有興趣便去考下試挑戰自己，唔考亦無所謂。
至於有讀者問魔術師為何「會買這隻股／債，不買另一隻」，這種問題很空泛很不好答。每個人都有不同的個性、知識、財務狀況、工作狀況、家庭狀況，故此每人的投資目標與及為了達成此目標的投資策略都不相同。讀者問魔術師「買XXX的動機」是甚麼，就算魔術師照直答了，也不見得可以用在讀者身上。
又有讀者見魔術師為何選取了某些股票債劵作投資，便自行分析，覺得不是自己那杯茶的同時，卻來問魔術師為何買入，有甚麼心得可以分享等。這些 on demand 的「點唱式提問」，魔術師實在無暇回應：雖然魔術師都叫做學過下皮毛級的投資分析，但企業分析卻並非魔術師所長。如果是認真的寫上一篇分析文章，分分鐘要寫幾日，魔術師還有大量其他題目如時事、消費、音樂、電影、故事創作、術數或生活分享等比較有興趣去寫呢！
更何況，發問者又不是慣常留言的讀者，是否有誠意作深入討論實在存疑。如果只係「路過的」隨意問一下，根本沒打算跟進的話，到時魔術師耗費心力回應，卻無人理會，豈不是認真便輸了？好好歹歹，大家傾多一點再提問，禮數上也會比較合適吧？
最後，讀者 Keith 在《中環價值跑老鼠》的留言實在說出了魔術師的心聲，特此貼堂致意：
上篇魔術師資產配置難得引咗好多盲毛入嚟＊＊＊
收入，資金，背景，性格，目標，風險胃納，都好影響個人投資部署㗎嘛
扮到禮貌周周咁問問問，乜都想假手於人，自己落場試下交學費都唔敢，衰咗就賴人
想財自? 呢啲正港豬唔荒會成功啦
伸延閱讀：
中環價值跑老鼠
魔術師資產配置（２０１８年７月）
仲有一種，完全唔做任何功課，「係咁意」就問下基本知識。Blogger唔係維基呀，Google下都懶。
回覆刪除我真係唔知點解傷港人會變成咁, 又貪又懶.
刪除//每個人都有不同的個性、知識、財務狀況、工作狀況、家庭狀況，故此每人的投資目標與及為了達成此目標的投資策略都不相同
回覆刪除哈哈，正如我成日係度發up風，但因為我身家應該少魔兄好多，而家急需係幫到資本增值的爆發股，所以都比較少問魔兄買乜嘢也。
//正如我成日係度發up風
刪除摩摩貴為客席主持, 貢獻良好, 點算發噏風呢?
//需係幫到資本增值的爆發股
唔知有幾多人夠膽增持QQ呢?
哈哈 魔兄開口中， 利申本人大部份持股為美股
刪除港股只留意1928同QQ，四月時買左少少，最近又SP左幾手等接貨XD
好多港豬都無國際視野（睇乜sir信箱就知），其實美帝市場好玩好多。
刪除哈哈!又諗起有篇文章話有人因為朋友一句話十年無上車。有些人求其問的目標，除了唔駛做功課免費攞答案，甚至找人附和自己，最重要仲要係衰左果時搵到個人去賴。當然並非每個提問者都是這樣的心態。但市場太多打電話問功課的需求，也衍生了財演頹問頹答這種即食式的節目。其實，就算是高手，就像魔兄所說，根本很難就一個簡單問題，提供適切的答案。因為每個人的背景不同，取向不同，好野不適合的人買了都可以訓唔著，甚至領哂野，所以絕對不可能標準答案。問人，不如自己做功課。
回覆刪除//市場太多打電話問功課的需求，也衍生了財演頹問頹答這種即食式的節目。
刪除下次等我refer呢班伸手黨去搵乜sir。我唔收回佣的。
//絕對不可能標準答案。問人，不如自己做功課。
正如文科生打正旗號話自己唔識計數, 理科生恬不知恥地話自已語文程度欠佳,其實都只係藉口吧了；同樣道理，大把又貪又懶的港豬會話自己「唔識投資」,所以要問問問；其實唔識／學唔會／唔得閒理等等，咪去買基金囉，我城亦有唔少 ETF, 進階一點的去老美, 大把ETF俾佢揀(不過又會有選擇困難症), 我真係唔知佢地有乜好問.
又, 講起「選擇困難症」, 其深層的意思就係想揀最好的, 但花款眾多不知如何選擇, 其實說到底都係「不知己,不知彼」而已.
講左點解買都無用, 正如我買NAGACORP 9.375% 2021
回覆刪除你又知道當中的政治風險有幾大?如何量度?
如果出事時又會唔會狠下心去走得切?
如果買股債, 只求BUY & HOLD 而會財自, 等於緣木求魚
//如果出事時又會唔會狠下心去走得切?
刪除明白自己很重要, 唔知自己想點, 轉而去問其他人, 真係「巫啟賢個細佬」.
一日唔落場，一日都是紙上談兵：雖然我認識和“學習”期權幾年，但都是這大半年真正落場後，才知道究竟點樣玩；賣了半條債輸了錢之後，馬上對債市vs自己風險的胃納有更深的體會；沽空了euro，又對匯市上落的新聞更加留意。不過，我要多謝各大blogger，他們的portfolio和看法給了我很多參考價值，例如，選債，不過我快提早退休，所以風險胃納，最低要BBB-以上我會留意。在此謝謝各位bloggers（我主要從風兄的連結各大blogger的地盤，所以以上幾位的我都有拜讀，謝謝）
回覆刪除//不過我快提早退休，所以風險胃納，最低要BBB-以上我會留意
刪除會不會考慮 ladder bond portfolio?
bond ladder - yes，其實各大blogger的bond selection我都有參考，但我要BBB-以上評級、年期不要太長的、回報比定期好的...其實不多，可能我在年期上要鬆手少少才可以有多少少選擇。理想的倉位大概800萬，股票、ETF和fixed income各1/3，target 5%穩陣回報，因為移民後dividend要交稅（呢方面來講，香港實在是福地），所以生活費未必真的夠。還好距離真正移民提早退休還有些日子，所以不心急建倉，但風險胃納越來越細是真的。
刪除//移民
刪除睇你移民去邊, 可能NRA 買帝股有 treaty 可以減稅呢.
//target 5%穩陣回報
5% 低風險不難做到. 正苦年金都有4% 喇(不過每人額度只得100萬就真係唔夠, 唔明點解要有呢個限制)
// 一日唔落場，一日都是紙上談兵：雖然我認識和“學習”期權幾年，但都是這大半年真正落場後，才知道究竟點樣玩；
刪除ching 好嘢. 真係唔落場, 永遠唔知咩事.
可惜港豬有上堂倚賴症，連投資都要有 motes 先安心。
刪除移民後WHT只需10%。我玩期權只是皮毛，但如果要build一個有meaningful cashflow的portfolio，我覺得option係一樣可以留意嘅嘢，so far，option未敢玩好大，贏粒糖輸間廠，好傷神，希望慢慢可以好d，不過option都係hedge為主，不會是主力。
刪除//不過option都係hedge為主，不會是主力。
刪除請勿以為 covered call 或 cash back short put 可以提供穩家現金流, 即使做到亦非常傷神, 唔值得也.
very true!! 之前怕輸就主力做covered call and short put，賺期權金。第一次唔識走被executive了short put hsbc，超重傷，位有安慰自己hsbc可以坐下的。現在除非超价外，if not，我都會選擇平倉。同意非常傷神，所以現在我要學另外一邊，就是付出權金做hedge。
刪除//付出權金做hedge
刪除問題在於拆倉. 俾你對沖成功, 可以揸住正股,再食put option，當然係好事；但如對沖不成，put option expire, 你會否沽返正股出去呢? 如否, 期權金的cash outflow就此無咗, 豈非與退休基金保持平穩的cashflow 目標相違背?
問題在於拆倉. 俾你對沖成功, 可以揸住正股,再食put option，當然係好事；但如對沖不成，put option expire, 你會否沽返正股出去呢? 如否, 期權金的cash outflow就此無咗, 豈非與退休基金保持平穩的cashflow 目標相違背? -- 所以往後的strategy，係不會接貨，情願輸少少平倉走人。
刪除暫時試過成功的方法係做把持重貨的做一半下月，另一半再下月的价外covered call，因爲持貨重，所以一直有留意其股價，基本上會知道幾時是突破，呢半年都收了差不多1皮。我估option除了hedge之外，我會用遠期covered call增加回報，好似我手上的HSBC，我做明年的价外，暫時未有耐變价内。
//似我手上的HSBC，我做明年的价外，暫時未有耐變价内。
刪除Short call 好吖，仲可以賺除息因素添！
其實每個月都有魔兄資產配置post又有年結，點解仲有人會問為何買x唔買y呢。
回覆刪除因為呢班人只係路過, 見有 post 就問, 唔會去爬舊文.
刪除其實好野係比較少人識欣賞的
刪除明明咁大個金庫放係面前都要蹺路走才是人們最常做的事喔
刪除//明明咁大個金庫放係面前
我諗起狂野時速拉住夾萬走嗰場戲：
https://youtu.be/wKRk2CxTQXM