這個套套會發光

主持人話戶主係飛機師，好彩都只係花咗４０萬搞「輕裝修」，即使今時今日隨時要放無薪假，都可以食住穀種先（３５：４５ - ４６：３１）！

樓盤傳真 2020/06/27　2020/06/27 23:00

今年新盤票王 SEA TO SKY 開售，銷售情況理想，收票近 1.3 萬張，首輪只開售 462 伙，開售首四小時，已經賣出約 250 伙。

本案位於滿名山，６０８呎兩房，新盤單位，廚廁水喉唔使搞，慳返唔少，於是便可以用十倍價錢買精品木材造傢俬。滿名山鄰近哈囉喂國際學校，兼且屯門黃金海岸更有唔少空姐租住，飛機師戶主一人居住，無論 your place or my place 都好方便：

單位一打開大門，便直穿出露台，難以聚財（右上）。設計Ｃ因應戶主是飛機師，在鞋櫃旁造了張木長椅，以供戶主放置行李篋之用（右上）。電視櫃係木造，同魔術師一樣，用上ＫＥＦ　ＬＳ５０喇叭（左中、右中）。三座位梳化與露台訪單座位之間，有一有如 condom 的物件，記者妹唔好意思咁講，便說像是木乃伊，此時設計Ｃ就以「國產零零漆」的口吻話「呢盞其實係座地燈」（左下、右下）：

個發光套套愈睇愈似首觸雕像，夜麻麻見到都幾嚇人：

飯廳方面，兩盞吊燈尤如囡囡的胸前兩點，十分有設計感（左上）。如果唔夠凳坐，可以拉埋鞋櫃隔離張長椅過來，不過就要小心唔好刮花牆壁（右上）。如果飯檯唔夠長仲可以拉長加塊板，多幾個人食餐飯都要身水身汗搬搬抬抬，認真估佢唔到（左下、右下）：

書房就主要用實木打造（左上）。鎢絲吊燈走明線，營造輕工業風（右上）。原木電腦枱有個天然大菇窿，唔知係咪用來穿電線用（左中、右中）；背面書枱亦為原木從樹中切割出來，話要成兩萬元咁話（左下、右下）：

主人房睡床可以三邊落床（左上），床頭燈掣可以啪上啪落，俾飛機師戶主找回熟悉的感覺（右上）。衣櫃手把又係由木枝造成，比一般五金貴兩三倍（左下）。戶主是滑雪發燒友，只要打開衣櫃，從最埋邊嗰格拎走層板，便可將私淫滑雪板放進去（右下），認真溝死囡：

如果唔係有線用戶睇唔到完全版，可以睇住精華版先：

＊＊＊
伸延閱讀：